පිරමීඩ ජාවාරම් පවත්වාගෙන යන බවට චෝදනා එල්ල වී ඇති ඔන්මැක්ස් ඩීටී පුද්ගලික සමාගමේ (ONMAX DT (PVT) LTD) අධ්‍යක්ෂ මණ්ඩලයේ ගිණුම්වල රුපියල් කෝටි 80කට අධික මුදලක් තිබෙන බව අපරාධ පරීක්ෂණ දෙපාර්තමේන්තුව, කොළඹ ප්‍රධාන මහෙස්ත්‍රාත් අධිකරණය වෙත ඊයේ (12) දැනුම් දී තිබේ.
ශ්‍රී ලංකා මහා බැංකුවේ මූල්‍ය බුද්ධි ඒකකයේ අධ්‍යක්ෂවරයා විසින් කරන ලද ලිඛිත පැමිණිල්ලකට අදාළව මේ පරීක්ෂණය සිදුකර ඇති අතර ඒ් අනුව එම ආයතනයේ අධ්‍යක්ෂ මණ්ඩලයේ 5 දෙනකුගේ ගිණුම්වල එලෙස මුදල් තිබෙන බව සොයාගත් බවද අපරාධ පරීක්ෂණ දෙපාර්තමේන්තුව අධිකරණයට දන්වා සිටියේය.සම්පත් සඳරුවන් කෝටි 55ක්
කහඳව ආරච්චිලාගේ අතුල ඉන්දික සම්පත් (29,567,044), සිංහල පේඩිගේ ගයාශාන් අබේරත්න (1,970,804), ලේන්දූවගේ සම්පත් සඳරුවන් (558,941,657), ගලබඩ විධාන ආරච්චිලාගේ සාරංග රන්දික ජයතිස්ස (182,563,641), මල්ලව අප්පුහාමිලාගේ ධනංජය ජයාන් (111,574,964) නමැති අයගේ ගිණුම්වල එලෙස කෝටි ගණනින් මුදල් තිබූ බවද අපරාධ පරීක්ෂණ දෙපාර්තමේන්තුව අධිකරණයට දන්වා සිටියේය.
නමුත් අදාළ ආයතනයේ ගිණුමේ සැලකිය යුතු මුදල් ශේෂයක් නොමැති බව දන්වා සිටි අපරාධ පරීක්ෂණ දෙපාර්තමේන්තුව, මේ පිළිබඳව තවදුරටත් විමර්ශන පවත්වන බවද අධිකරණයට දන්වා සිටියේය.
සබැඳ පුවත්
මහ බැංකු පිරමීඩ නීති හා සෙල්ලම්කරණ මේ අප්පුහාමිලා කවුද?
ඇමරිකානු මූල්‍ය සමාගමක ගිනුම් 8ක් තහනම් කරන්න උසාවි නියෝගයක්
මහ බැංකුවේ හිරවුණ Onmax DT සල්ලිවලටත් සොරි
Onmax DT ටීම් එක ගැන මහ බැංකුවට නැවත පැමිණිලි; ආයෝජනයත් වරදක්
Onmax DT ටීම් එක එළියේ ඉන්න ඩීල් එක; සල්ලි ජෝර්ජියාවේ ගිනුමකට මාරුකරලා
නාමල්ගේ කී Onmax DT ඇතුළු පිරමීඩ ජාවාරම් 3කට අපරාධ නඩු!
පිරමීඩ ජාවාරමකට හසුවූ ගුරුවරයෙක් සියදිවි නසාගෙන
