Connect with us

පුවත්

ඔන්ලයින් හොරු 3ක් අල්ලයි; එම ගනුදෙනුවල හැටි CIDය කියයි

Published

on

මුහුණුපොතේ සහ වෙබ් අඩවිවල පළ කර ඇති වෙළෙඳ දැන්වීම් ඔස්සේ එම දැන්වීම් පළ කර ඇති පුද්ගලයන් රැවටීමකට ලක් කර බැංකු ගිණුම්වලින් මුදල් සොරා ගන්නා සංවිධානාත්මක ජාවාරමක් මේ වන විට ක්‍රියාත්මක වෙමින් ඇති බව අපරාධ පරීක්ෂණ දෙපාර්තමේන්තුවේ පරිගණක අපරාධ විමර්ශන කොට්ඨාසය මාධ්‍ය වෙත අනාවරණය කර තිබේ.

එසේම, එම ජාවාරමට සම්බන්ධ පුද්ගලයන් තිදෙනෙක් පරිගණක අපරාධ විමර්ශන කොට්ඨාසයේ නිලධාරීන් විසින් පෙරේදා (16) මහනුවරදී අත්අඩංගුවට ගෙන තිබේ.

ඔවුන් මහනුවර, තලාතුඔය සහ මැදවච්චියේ පදිංචිකරුවන්ය.

අපරාධ පරීක්ෂණ දෙපාර්තමේන්තුව පවසන්නේ ඔවුන් වෘත්තියෙන්ම වංචාකරුවන් බවයි.

මෙසේ අත්අඩංගුවට ගත් අය අවුරුදු 25ත් 30ත් අතර පසු වන්නන් බව ද පැවසේ.

“මේ අය කරන්නේ ෆේස් බුක්වල හරි වෙබ් අඩවිවල හරි පළ කරල තියෙන දැන්වීම් බලල ඒ දැන්වීම්වල සඳහන් දුරකතන අංකවලට ඇමතුම් දෙනවා. ඒ සඳහා භාවිත කරන්නේ එයාලගේ නමින් තියෙන සිම්පත් නෙමෙයි. වෙන අයගේ ඒවායින්. මෙයාල මුලින්ම කරන්නේ ඒ දැන්වීමේ තියෙන භාණ්ඩ වර්ගය කාටවත් විකුණන්න එපා, මම ගන්නවා කියල පිංසේණ්ඩු වෙන එකයි. සල්ලි ටිකක් මට මදි. ගනුදෙනුව ස්ථීර වෙන්න මම කීයක් හරි දාන්නම් මට සතියක් දෙන්න. යනුවෙන්ද එහිදී ඔවුන් පවසනවා. දැන්වීම්කරුට අනුකම්පාවක් ඇති වෙන විදිහටත් විශ්වාසයක් ගොඩ නැඟෙන ආකාරයටත් තමයි මේ අය කථා කරන්නේ. අන්තිමට දැන්වීම්කරු මේ අයට භාණ්ඩය අලෙවි කිරීමට කැමැත්ත පළ කළායින් පස්සේ බැංකු ගිණුම් අංකයක් ඉල්ලගෙන ඔන් ලයින් ට්‍රාන්සර් එකක් කරනවා පොඩි ගාණක්. ඒක දාල ඉවරවෙලා මේ අය නැවත දැන්වීම්කරුට කථා කරල කියනවා මම සල්ලි ටිකක් දැම්මා හම්බ වුණාද කියල බලන්න කියල. ඒකට පිළිතුරු ලැබෙන විට ඒත් එක්කම මේ අය කියනවා තරහා නැතිව පුළුවන් නම් කෝඩ් අංකයක් ඇවිල්ල ඇති ඒක පොඩ්ඩක් කියන්න කියල. මේ අංකය මොකක්ද කියල අවබෝධයක් නැති අය ඒක දෙනවා. දුන්නම වෙන්නේ මේ අය ඒ අංකය ඔස්සේ ඔවුන් මුදල් තැන්පත් කළ දැන්වීම්කරුගේ ගිණුමට අන්තර්ජාලය ඔස්සේ ඇතුළු වෙලා මුදල් වෙන බැංකු ගිණුමකට බැර කර ගන්න එකයි.“ යැයි අපරාධ පරීක්ෂණ දෙපාර්තමේන්තුවේ උසස් නිලධාරියෙක් මේ වංචාව වන ආකාරය දිනමිණ පුවත්පතට පැහැදිළිකර තිබේ.

එම නිලධාරියා පවසන්නේ කිසිවිටකත් තමාට බැංකුවෙන් ලැබෙන එම මුරපද අංකය හෙවත් OTP අංකය පිටස්තර කිසිවකුත් අතට පත් නොකරන ලෙසය.

මෙවැනි වංචාවලින් සිය ගාණක් රැවටී ඇති බවත් ඇතැම් පිරිස් මේ නිසා අසරණ වී ඇති බවත් එම නිලධාරියා කීය.

මහනුවරින් අත්අඩංගුවට ගත් සැකකරුවන් තිදෙනාම මත්කුඩු භාවිතයට තදින්ම ඇබ්බැහි වී සිටින්නන් බව විමර්ශනවලින් පෙනී ගොස් ඇත.

මේ එක් පුද්ගලයෙක් කරනුයේ සමාජ මාධ්‍ය සහ වෙබ් අඩවිවල ඇති දැන්වීම් පරීක්ෂා කර බලමින් දැන්වීම්කරුවන්ට ඇමතුම් දීමය.

අනිත් පුද්ගලයා කරනුයේ දැන්වීම්කරුගේ ගිණුම්වලට OTP අංකය ඔස්සේ රිංගා මුදල් සොරාගෙන වෙනත් ගිණුමකට මාරු කිරීමය.

තුන්වැන්නා කර ඇත්තේ වෙනත් ගිණුමකට බැර කරන මුදල් එම ගිණුමෙන් ඒ.ටී.එම්. කාඩ්පතක් මඟින් ගැනීම බව අපරාධ පරීක්ෂණ දෙපාර්තමේන්තුව සඳහන් කරයි.

මැදවච්චියේ පුද්ගලයා මැදව්චියේ බැංකුවලින් පවා ඒ.ටී.එම්. යන්ත්‍රවලින් මුදල් ලබා ගැනීම් කර ඇති බව විමර්ශනවලින් අනාවරණය වී තිබේ.

මේ තිදෙනා විසින් මෙසේ බැංකු ගිණුම් 80ක පමණ මුදල් සොරාගෙන ඇති බව විමර්ශනවලින් පෙනී ගොස් ඇතැයිද අපරාධ පරිකෂණ දෙපාර්තමේන්තුව සඳහන් කරයි.

මෙසේ ඔවුන් ගිණුම් 80කට රිංගා රුපියල් ලක්ෂ 60කට අධික මුදලක් සොරාගෙන ඇති බව අනාවරණය වී තිබේ.

අපරාධ පරීක්ෂණ දෙපාර්තමේන්තුවේ පරිගණක අපරාධ විමර්ශන කොට්ඨාසයට මෙවැනි වංචා සම්බන්ධයෙන් පැමිණිලි 20ක් ලැබී තිබෙන බව ද පැවසේ.

මේ සැකකරුවන් තිදෙනා අත්අඩංගුවට ගනිමින් මේ වංචාව ගැන තොරතුරු හෙළිවී ඇත්තේ මාරවිල පදිංචි පුද්ගලයෙක් විසින් දැන්වීම් පළ කරන වෙබ් අඩවියක් ඔස්සේ ඔහුට අයත් ජෙනරේටරයක් අලෙවි කිරීමට පළ කළ දැන්වීමකින් මේ වංචාවට හසුවීමක් ගැන කළ පැමිණිල්ලකට අනුවය.

එම ජෙනරේටර් දැන්වීම පළ කළ පුද්ගලයාගේ බැංකු ගිණුමෙන් ඔවුන් ලබාගෙන ඇති මුදල ලක්ෂ 18කි.

පුවත්

තවත් පිරිසක් සජබය සමඟ එක්වේ

Published

on

By

ශ්‍රී ලංකා නිදහස් පක්ෂයේ සහ ජනතා විමුක්ති පෙරමුණේ ප්‍රාදේශීය සංවිධායකවරුන් කිහිප දෙනෙකු විපක්ෂ නායක සජිත් ප්‍රේමදාස මහතා හමු වී සමගි ජන බලවේගය සමග එක්වී තිබේ. 

ඒ සමගි ජන බලවේගය විසින් ක්‍රියාත්මක ජන පවුර වැඩසටහනේ පොළොන්නරුව දිස්ත්‍රික් රැස්වීම පැවැති අවස්ථාවේදී ය.

හිටපු පාර්ලිමේන්තු මන්ත්‍රීවරයකු සහ හිටපු අමත්‍යවරයකු වූ නන්දසේන හේරත් මහතා විපක්ෂ නායක සජිත් ප්‍රේමදාස මහතාට සහාය පළ කිරීමේ අරමුණින් සමගි ජන බලවේගය හා එක්විය.

එමෙන්ම ශ්‍රී ලංකා නිදහස් පක්ෂයේ හිටපු පාර්ලිමේන්තු මන්ත්‍රීවරයකු මෙන් ම මහවැලි සංවර්ධන අධිකාරියේ අධ්‍යයක්ෂවරයකු ලෙස කටයුතු කළ තිලක් මහලේකම්ගේ මහතා ද සමගි ජන බලවේගය හා එක්විය.

තවද ජනතා විමුක්ති පෙරමුණේ පොළොන්නරුව නගර සභාවේ අපේක්ෂකයෙකුව සිටි එච්. සමන්ත බණ්ඩාර මහතා ද විපක්ෂ නායක සජිත් ප්‍රේමදාස මහතාට සහාය පළ කිරීමේ අරමුණින් සමගි ජන බලවේගය හා එක්විය.

Continue Reading

පුවත්

ලෝක ප්‍රසිද්ධ සුරතලා මිය යයි

Published

on

By

ක්‍රිප්ටෝ මුදල් ඒකකයක් වන ඩොජ්කොයින්හි සංකේතය වන සුනඛ මුහුණට හිමිකම් කියන කබොසු සුනඛයා මිය ගොස් තිබේ.

ෂීබා ඉනූ සුනඛ වර්ගයට අයත් කබොසු ලියුකේමියාව හේතුවෙන් මියගොස් ඇත.

එම සුරතලාගේ හිමිකරු වන්නේ ජපානයේ ගුරුවරයෙකි.

Continue Reading

පුවත්

අපිරිසිදු දන්සල් 20කට නීතිමය ක්‍රියාමාර්ග

Published

on

By

දිවයින පුරා පවත්වනු ලැබූ දන්සල් 20,000ක් පරීක්ෂාවට ලක්කළ බව ශ්‍රී ලංකා මහජන සෞඛ්‍ය පරීක්ෂකවරුන්ගේ සංගමයේ විධායක සාමාජික සඳුන් හේමන්ත රත්නායක මහතා පවසයි.

එහිදී අපිරිසිදු තත්ත්වයේ පවත්වාගෙන ගිය දන්සැල් 20කට එරෙහිව නීතිමය ක්‍රියාමාර්ග ගත් බව සඳුන් හේමන්ත රත්නායක මහතා විසින් පවසන ලදී.

කොළඹ නගර සීමාවේ දන්සැල් 4000ක් පරීක්ෂාවට ලක් කර ඇති අතර , එයිනුත් අපිරිසිදු තත්ත්වයේ තිබූ දන්සැල් 5කට එරෙහිව නීතිමය ක්‍රියාමාර්ග ගත් බවයි සඳහන් වේ.

මෙහිදී බත්, ෆ්‍රයිඩ් රයිස්, කොත්තු, සීනි සම්බල් පාන්, කඩල, මඤ්ඤොක්කා, බීම දන්සල් පරීක්ෂාවට ලක්කර ඇත.

ඒ සඳහා මහජන සෞඛ්‍ය පරීක්ෂකවරුන් 1800ත් 2000ත් අතර පිරිසක් සහභාගී වූ බව සඳහන් වේ.

දන්සැල් පරීක්ෂාව ලබන 27 වැනිදා දක්වා ක්‍රියාත්මකයි.

Continue Reading

Trending

Copyright © 2023 Sri Lanka Mirror. All Rights Reserved