Connect with us

පුවත්

ඕමානයේදී ලංකාවේ තරුණියන් පෝලිම් කර වෙන්දේසියේ දාලා

Published

on

ඕමානයේ රැකියා ලබාදෙන බවට පොරොන්දු දී රැගෙන ගිය තරුණියන් හා කාන්තාවන් රැකියා නියෝජිතයන්ගේ කාර්යාලවලදී එරට හාම්පුතුන්ට රිසි සේ තෝරාගැනීමට පෝලිම් ගස්සවා ප්‍රදර්ශනය කර විකුණා ඇතැයි මේවන විට අනාවරණය වී තිබේ.

පෙනුම ඇති කාන්තාවන් ලිංගික වහල් සේවය සඳහා රුපියල් මිලියන වැනි මිල ගණන් වලට අලෙවි වී ඇති බව හෙළිව ඇත.

වයස හා පෙනුම අනුව මිල තීරණය වන බවද හෙළිවී ඇතැයි පැවසේ.

මෙහිදී රුපියල් මිලියනයේ වටිනාකමක් ගෙවා මිලදී ගත්තද එම කාන්තාවන්ට ඒජන්සිකරුවන් ගෙවා ඇත්තේ සොච්චමක් බවද විමර්ශන කණ්ඩායම් අනාවරණය කරගෙන ඇත. මේ බව හෙළිවී ඇත්තේ ජනපති රනිල් වික්‍රමසිංහගේ නියමයෙන් ඕමානයට යැවූ අපරාධ පරීක්ෂණ දෙපාර්තමේන්තු හා රාජ්‍ය ඔත්තු සේවාවේ නිලධාරීන් කළ විමර්ශනයකදීය.

ඩුබායි රාජ්‍යයට සංචාරකයන් මෙන් රැගෙන ගොස් අල්බුරේහි දේශසීමාව ඔස්සේ බස් මගින් ඕමානයට රැගෙන යාම එක් ජාවාරමකි. ඉන්දියාවට සංචාරක වීසා මත රැගෙන ගොස් ඕමානයට රැගෙන යාමද ජාවාරම්කරුවන්ගේ තවත් සැලැස්මකි.

ජාවාරම්කරුවන් විසින් රැකියා නියෝජිත කාර්යාලයට රැගෙන යන අතරේත් බහුතරයක් දූෂණයට ලක්වූ බවද අනාවරණය වී තිබේ.

මෙම ඒජන්තවරුන් ළඟට ගිය පසුව ගුවන් ගමන් බලපත්‍රය හා ජංගම දුරකථනය ඔවුන් භාරයට ගෙන කාන්තාවන්ගේ විස්තර සහිත වීඩියෝ පට රැගෙන හාම්පුතුන්ට යවා ඔවුන් ප්‍රදර්ශනයට ගෙන්නා ගන්නා බව හෙළිවී ඇත.

ප්‍රදර්ශනයේදී තෝරාගෙන හාම්පුතා වෙත රැගෙන යන අතරේ ටැක්සි රියැදුරන් පවා කාන්තාවන් දූෂණය කරන බවද හෙළිවී තිබේ.

හාම්පුතුන් විසින් මිලදී ගන්නා කාන්තාව තමන්ගේ වත්කමක් සේ සලකා අසීමිත වැඩ කන්දරාවක් දීමට අමතරව ඔවුන්ගේ ඥාති නිවාසවලද සේවයේ යොදවා ලිංගික අතවරයන්ටද ලක්කර ඇත.

හාම්පුතුන්ගේ අතවරයට හා හිංසනයට ලක්ව එම නිවෙස්වලින් පැන යන කාන්තාවන් විදේශ සේවා නියුක්ති කාර්යාංශයේ ගෘහ සේවය යටතේ ලියාපදිංචි නොවූවන් නිසා ඔවුන්ට එරට ශ්‍රී ලංකා තානාපති කාර්යාලයටද යෑමට නොහැකි බව හෙළිවී ඇත.

මෙම කාන්තාවන් ඕමානයේ ශ්‍රී ලංකා තානාපති කාර්යාලයට ගියද හාම්පුතුන් විසින් ඔවුන්ට මුදල් ගෙවා වසර ගණනකට මිලදී ගෙන ඇති නිසා එරට නීතිය අනුව තානාපති කාර්යාලයටද මැදිහත්වීමට නොහැකි බවද අනාවරණය වී තිබේ.

තානාපති කාර්යාලයෙන් සහනයක් ගෙන ලංකාවට පැමිණීමට නොහැකි අයව ඒජන්තවරුන් විසින් එරට ගණිනා ජාවාරමට යොදවාගෙන බංගලිදේශ ඇතුළු විදේශිකයන්ට විකුණා ලිංගික වහල් වෙළෙඳාමට යොදා ගන්නා බවද හෙළිවී ඇත.

ඕමාන් ශ්‍රී ලංකා තානාපති කාර්යාලය ආසන්නයේ පවත්වාගෙන යන සුරක්ෂා ආරක්ෂක නිවස්නයේ සිටින කාන්තාවන් 45 දෙනා අතර මෙවැනි ජාවාරම්වලට කොටුවූ කාන්තාවක්ද සිටින බව හෙළිදී තිබේ.

පුවත්

තාඹුගලට ඇප

Published

on

By

රක්ෂිත බන්ධනාගාරගතව සිටි අවුරා ලංකා සමාගමේ සභාපති විරංජිත් තාබුගල ඇප මත මුදාහැර තිබේ.

හෙලිකොප්ටරයක් ලබා ගැනීම සඳහා මුදල් ලබාගෙන රුපියල් මිලියන 70 වංචා කළේය යන්න මත ඔහුව රක්ෂිත බන්ධනාගාරගත කර තිබුණි.

කොළඹ අතිරේක මහේස්ත්‍රාත් පවිත්‍රා සංජීවනි පතිරාජ මහත්මිය අද(27) නියෝග කර ඇත්තේ සැකකරු ඇප මත මුදාහරින ලෙසයි.

සබැඳි පුවත්:

https://sinhala.srilankamirror.com/news/%E0%B6%85%E0%B7%80%E0%B7%94%E0%B6%BB%E0%B7%8F-%E0%B6%BD%E0%B6%82%E0%B6%9A%E0%B7%8F-%E0%B7%83%E0%B6%B7%E0%B7%8F%E0%B6%B4%E0%B6%AD%E0%B7%92-%E0%B6%BB%E0%B7%92%E0%B6%B8%E0%B7%8F%E0%B6%B1%E0%B7%8A/

Continue Reading

පුවත්

රටින් පලා යාමට තැත්කල ජාතික ඔලිම්පික් කමිටු නිලධාරියා අත්අඩංගුවට

Published

on

By

ජාතික ඔලිම්පික් කමිටු නිලධාරියෙකු රටින් පලා යාමට උත්සාහ කිරීමේදී ගුවන් තොටුපලේදී අත්අඩංගුවට ගෙන තිබේ.

ශ්‍රී ලංකා ජාතික ඔලිම්පික් කමිටුවේ මාධ්‍ය කළමණාකාර ගෝබිනාත් සිවරාජා නම් අයෙකි.

ඔහුට පවතින විදෙස් ගමන් තහනම නොතකා රටින් පලා යාමට උත්සාහ කරමින් සිටියදී අද (27) අලුයම ගුවන් තොටුපළ ආගමන හා විගමන නිලධාරීන් විසින් අත්අඩංගුවට ගෙන රඳවා තබා ගෙන තිබේ.

අත්අඩංගුවට ගත් පුද්ගලයා අද (27) මහේස්ත්‍රාත්වරයා හමුවට ඉදිරිපත් කිරීමට නියමිතය.

දැනට විමර්ශනය කරමින් පවතින වංචා නඩුවක ප්‍රධාන සැකකරු වන ගෝබිනාත් සිවරාජාට විදෙස් ගමන් තහනමක් පනවා තිබුණි.

වංචා සහ දූෂණ සම්බන්ධ නඩු සම්බන්ධයෙන් අදාළ නඩු විභාගය සිදුවෙමින් පවතින අතරතුර පනවා තිබූ විදෙස් ගමන් තහනම නොතකා තම සගයෙක් සමග යුරෝපයට යෑමට උත්සාහ කල අවස්ථාවේ ගුවන්තොටුපලේදී ඔහුව අත් අඩංගුවට පත්ව ඇත.

Continue Reading

පුවත්

දින 06 ඇතුළත විදුලිය බිඳවැටීම් ගැන මණ්ඩලය කියයි

Published

on

By

අයහපත් කාලගුණ තත්ත්වය හේතුවෙන් ඉකුත් දින 06 ඇතුළත විදුලිය බිඳවැටීමේ සිද්ධීන් 61,000ක් වාර්තා වූ බව ලංකා විදුලිබල මණ්ඩලය පවසයි.

එමෙන්ම පාරිභෝගිකයින් හාරලක්ෂ 67,500කට අධික පිරිසකට ඉකුත් දින 06 තුළ විදුලිය විසන්ධි වීමේ සිද්ධීන් වාර්තා වී ඇත.

ලංකා විදුලිබල මණ්ඩලය නිකුත් කළ නිවේනදයේ වැඩිදුරටත් දැක්වෙන්නේ විදුලිය බිඳවැටීම් 61,000 අතරින් 26,700ක් මේ වන විට යථා තත්ත්වයට පත් කර ඇති බවත් විදුලිය විසන්ධි වුණ පිරිස අතරින් හාරලක්ෂ 25,500කට පමණ නැවත විදුලි සබඳතා ලබා දී ඇති බවය.

Continue Reading
Advertisement

Trending

Copyright © 2023 Sri Lanka Mirror. All Rights Reserved