ශ්‍රී ලංකා ගුවන් හමුදාවට අයත් බෙල් 212 වර්ගයේ හෙලිකොප්ටර් යානයක් කඩාවැටී ඇති බව වාර්තා වේ.

හිඟුරක්ගොඩ ගුවන් හමුදා කඳවුරේ පුහුණු සැසියක් අතරතුර ගුවන් ගත වූ යානයක් මෙසේ කඩා වැටී ඇත.

එම යානය මාදුරුඔය ජලාශයට කඩා වැටී ඇති බවද තවදුරටත් වාර්තා වෙයි.

වියට්නාමයේ සංචාරය නිමවා ජනාධිපති අනුර කුමාර දිසානායක පැමිණි ජෙට් යානය සම්බන්ධයෙන් ආණ්ඩුව පරස්පර විරෝධී ප්‍රකාශ කරන බව සමගි ජන බලවේගයේ කොළඹ දිස්ත්‍රික් මන්ත්‍රි හර්ෂණ රාජකරුණා පාර්ලිමේන්තුවේ දී ඊයේ ( 08 වැනිදා ) පැවසීය.

මන්ත්‍රිවරයා මේ බව සඳහන් කළේ එම ජෙට් යානය සම්බන්ධයෙන් ඇති වූ සංවාදයේ දී විදේශ ඇමැති විජිත හේරත් විසින් කරන ලද ප්‍රකාශයක් අනුව ය.

මන්ත්‍රි හර්ෂණ රාජකරුණා

වියට්නාම සංචාරය නිමවා ජනාධිපතිතුමා පැමිණියේ ජෙට් යානයකින්. ඒ සඳහා වියදම් කළේ කවුද කියලා පැහැදිලි කිරීමක් කරන්න.

විදේශ ඇමැතිවරයා

ජනාධිපතිවරයා ඒ සංචාරයට එක් වුණේ වියට්නාම ජනාධිපතිවරයාගේ නිල ආරාධනයකට හා එක්සත් ජාතීන්ගේ සංගමයේ වෙසක් උළෙලට. වෙසක් උළෙලෙන් පසුව එක්සත් ජාතීන්ගේ සංවිධානයේ බෞද්ධ සංගමය විශේෂ ගුවන් යානයක් අපට සැපයුවා. අපේ ටිකට් වියදමත් නැහැ. යාමට ගිය වියදම විතරයි ආණ්ඩුවෙන් දැරුවෙ.

මන්ත්‍රිවරයා

ඒ ජෙට් යානයට වියදම වියට්නාම රජය දැරුවා කියලා මුලින් කියලා තිබුණා. දැන් වෙන කතාවක් කියනවා. දැන් ඒ ගැනත් ගැටලුවක් මතු වෙනවා. වියට්නාම රජය නෙමෙයිනෙ වියදම දරලා තියෙන්නෙ. රජයෙන් කළ ආරාධනාවක් අනුව ගියා නම් හදිසියෙ ඡන්දෙ දාන්න එන්න අවශ්‍ය වුණා නම් රජය නෙමෙයි ද වියදම දැරිය යුතු වන්නේ.

ඇමැතිවරයා

කරුණු වරද්දගන්න එපා. උත්සව දෙකක්. ජනාධිපති නිල ආරාධනාව. අනෙක් එක එක්සත් ජාතින්ගේ වෙසක් උළෙල.වෙසක් උළෙලට වියදම් දරන්නෙ සංවිධාන කමිටුව.

මන්ත්‍රිවරයා

මම අහන්නේ ජෙට් එකට කළ වියදම ගැනයි.

ඇමැතිවරයා

රජයත් බෞද්ධ සංවිධාන කමිටුවත් ඒකාබද්ධවයි වියදම් කළේ.

මන්ත්‍රිවරයා

දැන් කියන්නෙ පරස්පර විරෝධී කතාවක්. මම අහන්නෙ පෞද්ගලික ජෙට් එකකින් ආවේ. වියදම් කළේ කවුද කියලා. බෞද්ධ සංගමය කියලා දැන් කියනවා.

ඇමැතිවරයා

මම පැහැදිලි කළා. උත්සව දෙකක්. රාජ්‍ය තාන්ත්‍රික උත්සවයට හා වෙසක් උත්සවයට රජයයි එක්සත් ජාතීන්ගේ සංවිධානයේ බෞද්ධ සංගමයයි ඒකාබද්ධවයි වියදම් දැරුවෙ.

කොළඹ දිස්ත්‍රික් මන්‍ත්‍රි සමන්මලී ගුණසිංහ (ජා ජ බ)

හිටපු ජනාධිපතිවරයා විදෙස් ගමන්වලට රුපියල් බිලියන් ගණන් වැය කරද්දි මේ අය කොහෙද හිටියෙ. 

මූලාශ්‍රය – අරුණ

” ඕගොල්ලෝ පොඩ්ඩක් ෂෝ වැඩියි, ඉක්මනට මේ වෙන්ස්කම් ටික කරන්න ඕන..” යන පණිඩුවය පලාත් පාලන මැතිවරණ ප්‍රතිඵලය හරහා ජනතාව ලබා දී ඇතැයි  අධිකරණ සහ ජාතික ඒකාබද්ධතා අමාත්‍ය නීතීඥ හර්ෂණ නානායක්කාර මහතා පවසයි.

ජනතාව ලබාදී ඇති පණිවිඩය ආණ්ඩුව වටහාගෙන ඇති බවද ඒ මහතා කියා සිටී.

මාලිමාව තරඟ කළ පලාත් පාලන ආයතන 267න් 120ක කෙළින්ම බලය පිහිටුවීමට අවස්ථාව ඇති බවත්, 32ක් සම සමවී ඇති බවත්, ඒවායේද බලය පිහිටුවීමට හැකි බව ඔහු කියා සිටියේය.

මීට පෙර පොහොට්ටු පක්ෂයට පළාත් පාලන ආයතන 126ක බලය තිබූ බවත්, 28ක බලය සමානව තිබූ බවත් පෙන්වාදෙන අමාත්‍යවරයා ඉතිහාසයේ ලොකුම ජයග්‍රහණය කළේ ජාතික ජනබලවේගය බවද කියා සිටී.