Connect with us

පුවත්

කළුතර පාසල් සිසුවිය මැරුවේ සීසර් කෙනෙක්!

Published

on

කළුතර ප්‍රදේශයේ හෝටල් කාමරයකට ගොස් 16 හැවිරිදි බාල වයස්කාර පෙම්වතිය නිරුවත් කර තුන්වන මහලෙන් පහළට තල්ලු කර මරා දැමූ බව කියන 29 හැවිරිදි සැකකරු මෙම දැරිය ටික්ටෝක් මගින් දින දෙකකට පෙර හඳුනාගත් අයකු බව වාර්තා වේ.

මෙරට ප්‍රධාන පෙළේ මූල්‍ය සමාගමක ගෙවීමට අපහසු වාහන අත්පත් කරගන්නා (සීසර්) පුද්ගලයකු වන මෙම සැකකරු විවාහක පුද්ගලයකු බවත් කළුතර දකුණ පොලිසිය සඳහන් කරයි.

මෙලෙස ඝාතනයට ලක්ව ඇත්තේ කළුතර නාගොඩ රෝහල ආසන්නයේ පදිංචි කළුතර ප්‍රධාන පෙළේ බාලිකා විද්‍යාලයක 11 වැනි ශ්‍රේණියේ ඉගෙනුම ලැබූ දැරියකි.

ටික්ටොක් සමාජ මාධ්‍යට වීඩියෝ එක් කරන සිසුවිය මෙම පුද්ගලයා එම සමාජ මාධ්‍ය ඔස්සේම දින දෙකකට පෙර දැන හදුනාගෙන ඇති බවත් ඒ අනුව ඇයට හෝටලයකට යාමට එන්නැයි ඇරයුම් කර තිබෙන බවත් පොලිසිය පවසයි.

මේ අනුව මෙම දැරිය සිය පෙම්වතා සමගින් පෙරේදා (06) සවස 06 ට පමණ කළුතර ගාලු පාරේ පිහිටි හෝටලයකට පැමිණ ඇත. බාලවයස්කාරියක නිසා ඇය කළුතර නාගොඩ ප්‍රදේශයේ පදිංචි තම නිවසට යාබදව පදිංචි 20 හැවිරිදි තරුණියකගේ ජාතික හැඳුනුම්පතක් පෙන්වා හෝටලයේ තුන්වන මහලෙන් වෙන්කරගත් වායු සමීකරණය කළ කාමරයකට ගොස් තිබෙන බවත් විමර්ශන මගින් අනාවරණය වී ඇත.

මෙම යුවළ සමගින් තවත් 19 හැවිරිදි තරුණියක් 22 හැවිරිදි සිය පෙම්වතා සමගින් මෙම හෝටලයේම යාබද වායු සමීකරණ කාමරය වෙන්කරවා ගෙන ඇති බවත් මොවුන් සිවු දෙනාම එක් කාමරයක සිට ජොනිවෝකර් රෙඩ් ලේබල් වර්ගයේ විස්කි බෝතලයක්ද මෙහි සිට පානය කර ඇති බවත් හෝටල් සේවකයකු පොලිසිය හමුවේ සඳහන් කර ඇත.

මත්පැන් පානයෙන් පසු අනෙක් යුවළ යාබද කාමරයට ගොස් මඳ වේලාවක් එතුළ රැඳී සිට පිටව ගොස් ඇත. 

එසේම 16 හැවිරිදි දැරිය සමගින් සිටි පෙම්වතාද දැඩි කලබලයකින් හෝටලයේ සිට දිව යන ආකාරයද එහි සේවකයන් දැක ඇත.

දෙවන මහලේ ජනේලයකින් නිරුවත් කාන්තා මළසිරුරක් දුම්රිය මාර්ගයේ වැටී තිබෙන බවට හෝටලයට ආහාර ගැනීම සඳහා පැමිණි පුද්ගලයකු දැක ඒ බව හෝටල් කාර්ය මණ්ඩලයට පැවසීමෙන් අනතුරුව ඔවුන් 119 හදිසි ඇමතුම් අංශයට ඒ බව දැනුම් දී ඇත. 

අනතුරුව කළුතර දකුණ පොලිසියේ නිලධාරින් 1990 සුව සැරිය ගිලන් රථයක් සමග එම ස්ථානයට පැමිණ පරික්ෂා කිරීමේදී එහි වැටී සිටි දැරිය මිය ගොස් ඇති බවට නිරීක්ෂණය වී ඇත.

කළුතර දකුණ පොලිස් ස්ථානාධිපති ප්‍රධාන පොලිස් පරීක්ෂක රුවන් විජේසිංහ ගේ මෙහෙයවීම මත සිදුකළ විමර්ශනවලට අනුව මෙම හෝටලයට මොවුන් හා පැමිණි 19 හැවිරිදි තරුණිය සහ ඇයගේ 22 හැවිරිදි පෙම්වතාත්, ඝාතනයට ලක්වූ දැරිය හා සම්බන්ධයක් පවත්වාගෙන ගිය 29 හැවිරිදි පුද්ගලයාගේ බිරිඳත් පොලිසිය භාරයට ගෙන තිබිණි.

තමන් එම කාමරයේ මත්පැන් පානය කර වෙන්කරගත් කාමරයට ගිය බවත් එහි වේලාවක් රැඳී සිට හෝටලයෙන් පිටව ගිය බවත් එහිදී සැකකාර යුවළ පවසා ඇත. 

එසේම ඝාතනයේ ප්‍රධාන සැකකරු වන 29 හැවිරිදි පෙම්වතාගේ විවාහක බිරිඳ ද පවසා ඇත්තේ තම සැමියා මෙවන් සම්බන්ධයක් පවත්වාගෙන ගිය බව නොදන්නා බවය. 

ඔහු පෙරේදා දහවල් නිවසට පැමිණ රුපියල් දෙදහසක මුදලක්ද ඉල්ලාගෙන තමන්ට පරිස්සමෙන් ඉන්න යැයි කියමින් පිටව ගිය බවද ඇය පොලිසිය හමුවේ පාපොච්ඡාරණය කර ඇත.

කෙසේ වෙතත් සිසුවිය හා හෝටලයට ආ මිතුරු යුවළ සිසුවිය වැටී සිටි දුම්රිය පාර අසලට පැමිණ ඇයගේ මළ සිරුර දුම්රිය පාරෙන් මඳක් ඉවත්කර පිටවී ගොස් පැයකට පමණ පසු පොලිසියට පැමිණ භාරවී ඇතැයි උසස් පොලිස් නිලධාරියෙක් පැවැසීය.

ඝාතනය සිදුකළැයි කියන සැකකරු සුදු පාටට හුරු මෝටර් රථයකින් පලාගිය බවට තොරතුරු ලැබී ඇති අතර ඔහු අත්අඩංගුවට ගැනීම සඳහා පරීක්ෂණ පවත්වන බව පොලිසිය කියයි.

මියගිය තරුණිය කළුතර ප්‍රාදේශීය දේශපාලනඥයකුගේ සහෝදරියකගේ දියණියක බවද පොලිස් පරීක්ෂණවලදී අනාවරණය වී ඇත.

මූලාශ්‍රය – අරුණ

පුවත්

ජනාධිපතිවරණය සහ මහ මැතිවරණය කල් දැමීමේ සූදානමක්?

Published

on

By

ඉදිරියේදී පැවැත්වීමට නියමිත ජනාධිපතිවරණය සහ මහ මැතිවරණය වසර දෙකකින් කල්දැමීමට කටයුතු කළ යුතු බව එක්සත් ජාතික පක්ෂය පවසයි.

අද පැවති ප්‍රවෘත්ති සාකච්ඡාවකට එක්වෙමින් එක්සත් ජාතික පක්ෂ මහලේකම් පාලිත රංගේ බණ්ඩාර මහතා මේ බව පැවසීය.

එහිදී වැඩිදුරටත් අදහස් දැක්වූ පාලිත රංගේ බණ්ඩාර මහතා,

“දැන් මේ බංකොලොත් භාවයෙන් මුදාගන්න තියෙනවා, රටේ ආර්ථිකය හදන්න තියෙනවා, IMF සහ ජාත්‍යන්තර සංවිධාන සමග අපේ එකඟතාවයන් තියෙනවා. මේ එකඟතාවයන් අපි කඩකරගත්තොත් නැවතත් අපි යන්නේ අර 2022 තිබුණ තැනට. ඉතින් අපි දැන දැන එතැනට ගිහිල්ලා විනාශ වෙනවා ද ? එහෙම නැත්නම් පොදු එකඟතාවයකට ඇවිල්ලා අවුරුදු දෙකකට මේ දෙකම දික් කරනවා ද ? ජනාධිපතිතුමාට ඉන්න පෙරේතකමට නෙමෙයි. අපියි මේ කියන්නේ . පාර්ලිමේන්තු ඡන්දයකට ගිහිල්ලා ආපහු නාස්ති කරන්න එපා. දෙකම අවුරුදු දෙකකට කල් දාන්න, ඒ අවුරුදු දෙක ඇතුළත මේ ප්‍රශ්න ටික නිරවුල් කරගෙන මැතිවරණයට යන්න පුළුවන්.”

Continue Reading

පුවත්

“එක මන්ත්‍රීවරයෙක් පාර්ලිමේන්තුවට එන්නේ ගිලන් රථයක එල්ලිලා”

Published

on

By

වාහන නොමැතිකම හේතුවෙන් මතුවී ඇති ගැටලු සම්බන්ධයෙන් මන්ත්‍රීවරුන් රැසක් තමාට පැමිණිලි කර ඇති බව කතානායක මහින්ද යාපා අබේවර්ධන මහතා පවසයි.

ඔහු පවසන්නේ, වාහනයක් නොමැති නැගෙනහිර පළාතේ මන්ත්‍රීවරයකු බොහෝ අවස්ථාවල කොළඹට පැමිණෙන්නේ ගිලන් රථයක නැගී බවය.

මන්ත්‍රීවරයා රෝහල් බලධාරීන්ට අමතා කොළඹට එන ගිලන් රථයක නැගී පැමිණෙන බවත්, තවත් මන්ත්‍රීවරුන් පොදු ප්‍රවාහන සේවයෙන් කොළඹට පැමිණෙන බවත් කතානායකවරයා විසින් සඳහන් කරන ලදී..

මේ අතර තීරු බදු රහිත වාහන බලපත්‍රයක් ලබාදෙන ලෙසට මන්ත්‍රීවරුන් කළ ඉල්ලීම ජනාධිපතිවරයාට මේ සතියේ භාර දෙන බවද ඔහු පැවසීය.

තමන්ට තීරු බදු රහිත වාහන බලපත්‍රයක් ලබාදෙන ලෙසට ආණ්ඩු පක්ෂයේ සහ විපක්ෂයේ මන්ත්‍රීවරු 116 දෙනෙක් සංදේශයක් භාරදෙමින් කතානායකවරයාගෙන් පසුගියදා ඉල්ලීමක් කර තිබුණි..

එම ඉල්ලීමට පාර්ලිමේන්තු ගෘහ කාරක සභාවේ අනුමැතිය දැනටමත් පළවී තිබේ.

Continue Reading

පුවත්

අහුංගල්ල පුද්ගල ඝාතනයට සම්බන්ධ සැකකරුවෙකු වැලිඔයේදී අත්අඩංගුවට

Published

on

By

අහුංගල්ල, ලෝකන්වත්ත ප්‍රදේශයේදී පසුගිය 08 වනදා පුද්ගලයෙකු වෙඩි තබා ඝාතනය කිරීමට සම්බන්ධ සැකකරුවෙකු පොලිස් විශේෂ කාර්ය බලකාය මගින් අත්අඩංගුවට ගෙන තිබේ.

ඒ, වැලිඔය වෙහෙරතැන්න, බෝගස්වැව ප්‍රදේශයේදීයි.

පොලිස් මාධ්‍ය ප්‍රකාශක කාර්යාලය ප්‍රකාශ කරන්නේ, පොලිස් විශේෂ කාර්ය බලකායේ වව්නියාව කඳවුරේ නිලධාරීන් කණ්ඩායමක් විසින් සැකකරු අත්අඩංගුවට ගත් බවයි.

අත්අඩංගුවට ගත් සැකකරු 23 හැවිරිදි වෙහෙරතැන්න බෝගස්වැව ප්‍රදේශයේ පදිංචිකරුවෙකි.

සැකකරු අදාළ වෙඩි තැබීමේ සිද්ධියේ යතුරුපැදියේ පැදිකරු ලෙස කටයුතු කර ඇති බව විමර්ශනවලදී අනාවරණ වී ඇත.   

සබැඳි පුවත්

Continue Reading
Advertisement

Trending

Copyright © 2023 Sri Lanka Mirror. All Rights Reserved