Connect with us

පුවත්

කාර්ගිල්ස් චණ්ඩි 5ක් අත්අඩංගුවට; 2ක් සොයයි; සේවකයෝ චණ්ඩිවුණේ ඇයි?

Published

on

කාර්ගිල්ස් ෆ්‍රඩ්සිටි (Cargills Foodcity) හිදී තරුණියකට වටකර අමානුෂික අයුරින් පහර දීමේ සිද්ධියක් සම්බන්ධයෙන් තරුණියන් දෙදෙනකු ඇතුළු පස් දෙනකු අත්අඩංගුවට ගත් බව බොරැල්ල පොලිසිය කියයි.

මෙලෙස පහර දී ඇත්තේ බොරැල්ල කොටා පාරේ පිහිටි කාර්ගිල්ස් සුපිරි වෙලද සලක් තුළදීය.

පහර කෑ තරුණිය ඉකුත් 18 වෙනිදා එම වෙළඳසැල තුළින් චොකලට් සොරකම් කිරීමේ සිද්ධියක් මුල් කරගෙන මෙම පහරදීම සිදුකර ඇති බව පොලීසිය සිදුකළ මූලික විමර්ශනවලදී අනාවරණය වී ඇත.

සිද්ධිය සම්බන්ධයෙන් තවත් දෙදෙනෙකු ‌පොලිසිය සොයමින් ඇතැයි ද මේ අතර වාර්තා වේ.

බොරැල්ල පොලිසියේ ස්ථානාධිපති ප්‍රධාන පොලිස් පරීක්ෂක ජනක ප්‍රියදර්ශන විතානගේ මහතාගේ උපදෙස් මත සිද්ධිය සම්බන්ධ පරීක්ෂණ පැවැත්වේ.

සේවකයෝ චණ්ඩි වුණේ ඇයි ?

මේ අතර පිරිසක් එම පහරදීම සාධාරීණීය කිරීමට ද විවිධ උත්සාහයන් දරමින් සිටින බවට සමාජ මාධ්‍ය තුළ කතා බහට ලක්ව තිබේ.

ඒ අතර මේවන විටද ලංකාවේ ඇතැම් මාධ්‍ය ආයතන අදාළ සිද්ධිය වූ ස්ථානයේ නම සඳහන් නොකොට පුවත් පල කිරීමට ද කටයුතු කරමින් සිටී.

කෙසේවුවද, සෑම සියල්ලන්ම කාර්ගිල්ස් හි සේවකයන් විසින් ීතිය අතට ගැනීම සම්බන්ධයෙන් බරපතලව විවේචනය කර ඇත.

මේ අතර, සේවකයන් මෙසේ ප්‍රඩණ්ඩවීමට කාර්ගිල්ස් ෆුඩ්සිටි (Cargills Foodcity) හි දරදඬු පාලනය හේතුවක් බව මානව හිමිකම් සංවිධාන හා පාරිභෝගික අයිතීන් සුරැකීමේ සංවිධාන පෙන්වාදී ඇත. 

කෙසේවුවද, ශ්‍රී ලංකා මිරර් අප කළ සොයා බැලීමකදී කාර්ගිල්ස් ෆුඩ්සිටි (Cargills Foodcity) හි පාලනාධිකාරිය විසින් එහි සේවකයන්ට පනවා ඇති දැඩි නීති රීති ගැන ඔවුන් පීඩනයකින් පසුවන බවත් හෙළිකර ගැනීමට හැකි විය.

පහත දැක්වෙන්නේ කාර්ගිල්ස් ෆුඩ්සිටි (Cargills Foodcity) හි සේවකයන්ව පීඩනයට පත් කරණ දැඩි නීති රීතිවලින් කොටසකි.

  • කාර්ගිල්ස් ෆුඩ්සිටි (Cargills Foodcity) තුළ අසුරා තිබෙන භාණ්ඩ එකක් හෝ අඩු වි ඇත්නම් එම වගකීම සේවකයින් විසින් දැරිය යතුවන අතර එහි වටිනාකම ඔවුන්ගේ වැටුපෙන් අඩු කරයි.
  • එමෙන්ම  කාර්ගිල්ස් ෆුඩ්සිටි මුදල් අයකැමීයන් හට උදෑසන යම් මුදලක් (1000/-) ලබාදෙන අතර වැඩ නිමාවීමත් සමඟ සිදුවූ ගනුදෙනුවල අගයත් අදාළ මුදලත් සතයක අඩුවක් නොමැතිව පියවිය යුතු අතර අඩුවක් වුවහොත් ‌මුදල් අයකැමියාගේ වැටුපෙන් හෝ  වෙනයම් අකාරයකින් අයකර ගැනීමට එම පාලනාධිකාරිය කටයුතු කරයි
  • තවද එම සේවකයන් සියළු දෙනාට හට ඔවුන් සේවය කරනු ලබන ෆුඩ්සිටි ශාඛාවේ පවතින වෙළෙඳ රාක්ක බෙදා දී ඇති අතර එම සියල්ලහෙිම වගකීම ද ඔවුන් දැරීය යුතුය.
  • සේවකයන් හට නිවාඩු ලබා දුන්නද සේවකයන්ට අවශ්‍ය දිනයේ නිවාඩු ලබා ගැනීම ඉතා අපහසු කාර්යකි.
  • කාර්ගිල්ස් හි කොටස් කර විකිණීමට තබා ඇති එළවළු කැබලි හා මස් මාළු කැබලි සකස් කළ යතුවන්නේද  සේවකයන් විසිනි. බොහෝ විට එසේ කැබලි කිරීමට ඔවුන්ට සිදුවන්නේ නරක්වීමට ආසන්න ඒවා වීම නිසා ඔවුන් අදාළ කාර්යන් සිදු කරන්නේ දැඩි අප්‍රසන්න භාවයෙන් බවද පැවසේ.
  • සේවකයන්ගේ රැකියා කාලය උදෑසන 7 සිට රාත්‍රී 9 වුවත් ඇතැම්  කාර්ගිල්ස් ෆුඩ්සිටි (Cargills Foodcity)හී සේවා වැඩ මුර අවසන් වන්නේ රාත්‍රී 11ට පමණය.

ඇතැම් සේවකයන් ‌කියා සිටින්නේ පාලනාධිකාරිය CCTV පද්ධති නිරීක්ෂණයට කිසිවකු යොදවා නොමැති නිසා එක් එක් ශාඛාවේ සේවකයන්ටම පාරිභෝගික සොරකම් ඇල්ලීමට සිදුවීම පාරිභෝගිකයන් හා සේවකයන් අතර බහින්බස්වීම් හා ගැටුම් ඇතිවීමට හේතුවන බවයි.

මේ අතර, අදාළ ආයතනය විසින් එම සිද්ධියේ සියලු වගකීම් අදාළ ශාඛාවේ සේවකයන් වෙත පවරා නිවේදනයක් නිකුත්කරමින් අතපිහදා ගැනීම සම්බන්ධයෙන් ද සමාජ මාධ්‍යයේ දැඩි ලෙස විවේචනය කර තිබේ.

සබැඳි පුවත්
පේජ්ලාගේ කාර්ගිල්ස් ගෝලයෝ පහරදී කතක් නිරුවත් කරයි (වීඩියෝ)

KFC හි කුණු වැල්ලවත්ත මුහුදු වෙරළට දාලා! (ඡායා) 

පුවත්

නව අධ්‍යාපන ප්‍රතිසංස්කරණ 2026 සිට

Published

on

By

විෂය නිර්දේශ මෙන්ම විභාග ක්‍රමය ද ඇතුළත් නව අධ්‍යාපන ප්‍රතිසංස්කරණ 2026 වසරේ සිට ක්‍රියාත්මක කරන බව අග්‍රාමාත්‍ය ආචාර්ය හරිනි අමරසූරිය අද (23) පාර්ලිමේන්තුවට දැනුම් දුන්නාය.

පසුගිය රජය විසින් ඉදිරිපත් කර තිබූ අධ්‍යාපන ප්‍රතිසංස්කරණවල යෝජනාවල සාධනීය වෙනස්කම් සිදුකර ඉදිරිපත් කිරීමට බලාපොරොත්තු වන බව අග්‍රාමාත්‍යවරිය මෙහිදී පැවසුවාය.

එතුළින් සිසුන්ට වඩාත් යෝග්‍යවන අයුරින් පවතින අධ්‍යාපන ක්‍රමය පරිවර්තනයකට ලක්කරන බව ද අග්‍රාමාත්‍යවරිය කියා සිටියාය.

ඒ අනුව අධ්‍යාපනයේ ඇති තරගකාරීත්වය අවම කිරීමේ අරමුණින් 2026 සිට අධ්‍යාපන ප්‍රතිසංස්කරණ සිදුකිරීමට යෝජනා කරන අතර, විභාග ක්‍රමය හා විෂයමාලා සංශෝධනය කිරීමට ද පියවර ගෙන ඇති බව අගමැතිනිය පාර්ලිමේන්තුවට දැනුම්දුන්නේය.

“නව අධ්‍යාපන ප්‍රතිසංස්කරණ මඟින් විෂයමාලා ඇඟයීම් සහ තක්සේරු කරන ක්‍රියාවලියන් සංශෝධනය වෙනවා. ඒ අනුව වර්තමානයේ පාසල් සිසුන් ඉගෙනුම ලබන විෂයන් සංඛ්‍යාව ඇඟයීම හා තක්සේරුකරණ ක්‍රියාවලිය හරහා ඇති වෙන ශිෂ්‍ය පීඩනය අවම වෙන පරිදි අපි සංශෝධනය කරනවා. අපි අපේක්ෂා කරනවා විභාග කේන්ද්‍රීය ක්‍රමයකට වඩා ප්‍රායෝගික, ළමුන්ට බරක් නොවන අධ්‍යාපනයක් ලබාදෙන්න අපි සැලසුම් කරනවා.”

මේ අතර සෞන්දර්යය, තොරතුරු තාක්ෂණය හා ගිණුම්කරණය වැනි විෂයන්වල අන්තර්ගතයන් වඩාත් යෝග්‍ය පරිදි වෙනස් කිරීමට කටයුතු කරන බවත් එම විෂයන් කිසිවිටෙකත් ඉවත් කිරීමට බලාපොරොත්තු නොවන බවත් අග්‍රාමාත්‍යවරිය පැවසුවාය.

“අපි දකින විදියට මේ විෂයන් අධ්‍යාපනය තුළ තිබිය යුතුයි. ඒවා අන්තර්ගත විය යුතුයි විෂය මාලාවට.”

මේ අතර අධ්‍යාපන ක්‍රමය පරිවර්තනීය වෙනසක් කරා ගෙන යමින් සිටින අවස්ථාවක අංශ තුනකින් එය සිදුකිරීමට බලාපොරොත්තුවන බවද පැවසු අග්‍රාමාත්‍යවරිය, ගුරු පුහුණුව, පාසල් සංවිධානය හා යටිතල පහසුකම් වර්ධනය මෙන්ම පාසල් විෂය අන්තර්ගතය පිළිබඳ දැඩි අවධානයකින් කටයුතු කරන බව ද පැවසුවාය.

Continue Reading

කලා

‘Papon Live’ කොළඹදී පැවැත්වේ! (ඡායා)

Published

on

By

76 වන ඉන්දීය ජනරජ දිනය වෙනුවෙන් කොළඹ පිහිටි ඉන්දීය මහ කොමසාරිස් කාර්යාලය හා ස්වාමි විවේකානන්ද සංස්කෘතික මධ්‍යස්ථානය විසින් සංවිධානය කළ  ‘Papon Live’  (පැපොන් ලයිව්) ප්‍රසංගය ඊයේ (22) උත්කර්ෂවත් ලෙස කොළඹ නෙළුම් පොකුණ රඟහළේ දී පැවැත්වුණි.

මෙම අවස්ථාවට වැඩබලන ඉන්දීය මහ කොමසාරිස් – ආචාර්ය සත්‍යංජල් පාණ්ඩේ, හිටපු ජනාධිපති මෛත්‍රීපාල සිරිසේන, අමාත්‍ය වසන්ත සමරසිංහ, මහබැංකු අධිපති – ආචාර්ය නන්දලාල් වීරසිංහ මෙන්ම නියෝජ්‍ය අමාත්‍යවරුන් වන නලින් හේවගේ, හර්ෂණ සූරියප්පෙරුම, සුනිල් වටගල, මහින්ද ජයසිංහ සහ චතුරංග අබේසිංහ ඇතුළු සම්භාවනීය අමුත්තන් රැසක් එක්විය.

පැපොන්ගේ ආත්මීය තනු වලට අමතරව, ආචාර්ය රවිබන්දු විද්‍යාපති ප්‍රමුඛ සංගීත හා ගායන කණ්ඩායමයක දක්ෂතා වලින්ද මෙම උත්සවය වඩාත් වර්ණවත් විය. 

අසාම් ප්‍රාන්තයෙන් බිහිවූ ‘අංගරාග් මහන්තා’ ශෛලයන් ගණනාවක ගී ගයන අතිදක්ෂ ඉන්දීය ගායකයෙකු මෙන්ම සංගීතඥයෙකි.  

Moh Moh Ke Dhaage (Dum Laga Ke Haisha), Kyon (Barfi!) Jiyein Kyun (Dum Maaro Dum), Humnava (Hamari Adhuri Kahani), හා Labon Ka Karobar (Befikre) වැනි චිත්‍රපට ගීත රැසක් ගායනා කර ඇති ඔහු, කෝක් ස්ටූඩියෝ, MTV අන්ප්ලග්ඩ් වැනි අතිජනප්‍රිය සංගීත වැඩසටහන් වලටද දායකත්වය ලබාදෙමින් සම්මාන රැසකට හිමිකම් කියයි.

(ඡායා : ශානිකා ජයසේකර ‍| අතිරේක ඡායා : ඉන්දීය මහ කොමසාරිස් කාර්යාලය)


Continue Reading

පුවත්

අනුර යාපාට ඇප

Published

on

By

අපරාධ පරීක්ෂණ දෙපාර්තමේන්තුව විසින් අත් අඩංගුවට ගත් හිටපු අමාත්‍ය අනුර ප්‍රියදර්ශන යාපා මහතා ඇතුළු සැකකරුවන් සිව්දෙනා ඇපමත මුදා හැරීමට කොළඹ මහෙස්ත්‍රාත් අධිකරණය නියම කළේය.

දීර්ඝ කරුණු සලකා බැලීමකින් අනතුරුව කොළඹ අතිරේක මෙහෙස්ත්‍රාත් හර්ෂණ කැකුණවල මහතා මෙම නියෝගය නිකුත් කර තිබේ.


(පෙර පුවත: 2025 ජනවාරි 23, ප.ව.02:01)

අනුර ප්‍රියදර්ශන යාපා සහ බිරිඳ අධිකරණයට

අත්අඩංගුවට පත් හිටපු අමාත්‍යවරයෙකු වන අනුර ප්‍රියදර්ශන යාපා මහතා සහ ඔහුගේ බිරිඳ අද (23) කොළඹ මහෙස්ත්‍රාත් අධිකරණය වෙත ඉදිරිපත් කර තිබේ.

පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී බුද්ධික මනතුංග මහතා පැවසුවේ, අපරාධ පරීක්ෂණ දෙපාර්තමේන්තුව විසින් ඊයේ (22) පස්වරුවේ මෙම සැකකරුවන් දෙදෙනා අත්අඩංගුවට ගත් බවය.

2014 වසරේ දී බිංගිරිය, නාරම්මල ප්‍රදේශවල ගංවතුරින් අවතැන් වූ පුද්ගලයන්ට සහන සැලසීමේ මුවාවෙන් ඛනිජ තෙල් නීතිගත සංස්ථාව මගින් රුපියල් හැටඑක් ලක්ෂ 46,110ක මුදලක් ලබාගෙන, එම කටයුත්ත සඳහා භාවිතා නොකර එම මුදලින් 2015 වසරේ ජනාධිපතිවරණයේ ප්‍රචාරක කටයුතු සිදුකිරීම ඔහුට එරෙහිව ඇති චෝදනාව වේ.

ඒ අනුව එම මුදල් සාපරාධී පරිහරණයක් මෙන්ම පොදු දේපොළ යටතට ගැනෙන වරදක් බැවින් නීතිපතිවරයාගේ උපදෙල් අනුව මෙම අත්අඩංගුවට ගැනීම සිදුකළ බව පොලිස් මාධ්‍ය ප්‍රකාශකවරයා පැවසීය.

අපරාධ පරීක්ෂණ දෙපාර්තමේන්තුව විසින් මේ සම්බන්ධයෙන් ඉදිරි විමර්ශන ක්‍රියාත්මක කරනු ලබයි.

Continue Reading

Trending

Copyright © 2023 Sri Lanka Mirror. All Rights Reserved