Connect with us

පුවත්

කුඩු අංජුගේ එකවුන්ට්ස් බැලූ තරුණ යුවලක් අත්අඩංගුවට!

Published

on

ඩුබායිහි සැඟව සිටින රත්මලාන කුඩු අංජු නැමැත්තාගේ මෙරට මුදල් කටයුතු පරිපාලනය සිදුකළ අඹු සැමි යුවළක් රුපියල් ලක්ෂ 14 ක මුදල් තොගයක් සමග අතුරුගිරිය ඔරුවල සුඛෝපභෝගී දෙමහල් නිවසක දී අපරාධ පරීක්ෂණ දෙපාර්තමේන්තුවේ නීති විරෝධී වත්කම් විමර්ශන කොට්ඨාසය විසින් අත්අඩංගුවට ගෙන තිබේ.

මෙලෙස අත්අඩංගුවට පත්ව ඇත්තේ කුඩු අංජු නමැත්තාගේ ඥාති සහෝදරයකි.

සැකකාර යුවල වයස අවුරුදු 26 හා 32 අතර පසුවන බව පොලීසිය වැඩිදුරටත් පැවසයී.

සැකකරුවන් රත්මලාන හා අතුරුගිරිය මිලේනියම් සිටි නිවාස සංකීර්ණයේ පදිංචිව සිට එයින් ඉවත් වී ආරක්ෂිත ස්ථානයක් ලෙස අතුරුගිරිය ඔරුවල ෆිල් ගාඩන් හි දෙමහල් නිවසේ පදිංචිව ඇතැයි පැවසේ.

විදේශගතව සිටින අංජුගෙ මඟ පෙන්වීම අනුව ත්‍රීරෝද රථයකින් ගොස් මත්ද්‍රව්‍ය ජාවාරම්කරුවන්ගෙන් මුදල් එකතු කිරීම සිදු කර පසුව සුඛෝපභෝගී මොටර් රථයක් කුඩු අංජු ඒ සඳහා ලබාදී ඇතැයි පොලිස් විමර්ශනවලදී අනාවරණය වී ඇත.

මත්ද්‍රව්‍ය විකුණා උපයන ලද එම මුදල් ගණන් කිරීම සඳහා සැකකරුගේ බිරිඳ හවුල් වී ඇතැයි නීති විරෝධී වත්කම් විමර්ශන කොට්ඨාශය මගින් සිදු කරනු ලැබු විමර්ශනවලදි හෙළි කරගෙන ඇත.

සැකකාර අඹු සැමි යුවල අතුරුගිරිය ප්‍රදේශයේ දී 2021 වසරේ ජූනි මස තුන්වෙනි දින අයිස් මත්ද්‍රව්‍ය ග්‍රෑම් 25 ක් සමඟ අතුරුගිරිය පොලිස් අත්අඩංගුවට පත්වීම මෙන්ම, රත්මලාන ප්‍රදේශයේ වෙඩි තැබීමකට අදාළව 2020 අතරේදී ටී 56 ගිනි අවියක් සහ ජීව උණ්ඩ සමඟ සැකකරු අත්අඩංගුවට පත් වී තිබූ බව පොලිසිය පවසයි.

පුවත්

තවත් පිරිසක් සජබය සමඟ එක්වේ

Published

on

By

ශ්‍රී ලංකා නිදහස් පක්ෂයේ සහ ජනතා විමුක්ති පෙරමුණේ ප්‍රාදේශීය සංවිධායකවරුන් කිහිප දෙනෙකු විපක්ෂ නායක සජිත් ප්‍රේමදාස මහතා හමු වී සමගි ජන බලවේගය සමග එක්වී තිබේ. 

ඒ සමගි ජන බලවේගය විසින් ක්‍රියාත්මක ජන පවුර වැඩසටහනේ පොළොන්නරුව දිස්ත්‍රික් රැස්වීම පැවැති අවස්ථාවේදී ය.

හිටපු පාර්ලිමේන්තු මන්ත්‍රීවරයකු සහ හිටපු අමත්‍යවරයකු වූ නන්දසේන හේරත් මහතා විපක්ෂ නායක සජිත් ප්‍රේමදාස මහතාට සහාය පළ කිරීමේ අරමුණින් සමගි ජන බලවේගය හා එක්විය.

එමෙන්ම ශ්‍රී ලංකා නිදහස් පක්ෂයේ හිටපු පාර්ලිමේන්තු මන්ත්‍රීවරයකු මෙන් ම මහවැලි සංවර්ධන අධිකාරියේ අධ්‍යයක්ෂවරයකු ලෙස කටයුතු කළ තිලක් මහලේකම්ගේ මහතා ද සමගි ජන බලවේගය හා එක්විය.

තවද ජනතා විමුක්ති පෙරමුණේ පොළොන්නරුව නගර සභාවේ අපේක්ෂකයෙකුව සිටි එච්. සමන්ත බණ්ඩාර මහතා ද විපක්ෂ නායක සජිත් ප්‍රේමදාස මහතාට සහාය පළ කිරීමේ අරමුණින් සමගි ජන බලවේගය හා එක්විය.

Continue Reading

පුවත්

ලෝක ප්‍රසිද්ධ සුරතලා මිය යයි

Published

on

By

ක්‍රිප්ටෝ මුදල් ඒකකයක් වන ඩොජ්කොයින්හි සංකේතය වන සුනඛ මුහුණට හිමිකම් කියන කබොසු සුනඛයා මිය ගොස් තිබේ.

ෂීබා ඉනූ සුනඛ වර්ගයට අයත් කබොසු ලියුකේමියාව හේතුවෙන් මියගොස් ඇත.

එම සුරතලාගේ හිමිකරු වන්නේ ජපානයේ ගුරුවරයෙකි.

Continue Reading

පුවත්

අපිරිසිදු දන්සල් 20කට නීතිමය ක්‍රියාමාර්ග

Published

on

By

දිවයින පුරා පවත්වනු ලැබූ දන්සල් 20,000ක් පරීක්ෂාවට ලක්කළ බව ශ්‍රී ලංකා මහජන සෞඛ්‍ය පරීක්ෂකවරුන්ගේ සංගමයේ විධායක සාමාජික සඳුන් හේමන්ත රත්නායක මහතා පවසයි.

එහිදී අපිරිසිදු තත්ත්වයේ පවත්වාගෙන ගිය දන්සැල් 20කට එරෙහිව නීතිමය ක්‍රියාමාර්ග ගත් බව සඳුන් හේමන්ත රත්නායක මහතා විසින් පවසන ලදී.

කොළඹ නගර සීමාවේ දන්සැල් 4000ක් පරීක්ෂාවට ලක් කර ඇති අතර , එයිනුත් අපිරිසිදු තත්ත්වයේ තිබූ දන්සැල් 5කට එරෙහිව නීතිමය ක්‍රියාමාර්ග ගත් බවයි සඳහන් වේ.

මෙහිදී බත්, ෆ්‍රයිඩ් රයිස්, කොත්තු, සීනි සම්බල් පාන්, කඩල, මඤ්ඤොක්කා, බීම දන්සල් පරීක්ෂාවට ලක්කර ඇත.

ඒ සඳහා මහජන සෞඛ්‍ය පරීක්ෂකවරුන් 1800ත් 2000ත් අතර පිරිසක් සහභාගී වූ බව සඳහන් වේ.

දන්සැල් පරීක්ෂාව ලබන 27 වැනිදා දක්වා ක්‍රියාත්මකයි.

Continue Reading

Trending

Copyright © 2023 Sri Lanka Mirror. All Rights Reserved