Connect with us

පුවත්

කොග්ගලදී බසයකට ගොඩවී කතකට වෙඩි තබයි

Published

on

අම්බලන්තොට සිට කොග්ගල්ල දෙසට ධාවනය වෙමින් තිබුණු මගී බස් රථයක් මදයමලන්ද ප්‍රදේශයේදී ඊයේ (07) සවස යතුරුපැදියකින් මඟ හරස් කර නතර කළ පුද්ගලයන් දෙදෙනකු එම බස් රථයට ගොඩවී එහි ගමන් කරමින් සිටි කාන්තාවකට වෙඩි තබා පලාගොස් ඇත. 

මේ වෙඩිතැබීම සිදුකර ඇත්තේ බස් රථයේ සිටි මගීන්ගේ කෑමොර අස්සේ අස්සේය.

අම්බලන්තොට කොග්ගල්ල, කඩවර පදිංචිකාරියක වන ලසන්තා රෝහිණී නමැති 47 හැවිරිදි කාන්තාවට මෙසේ වෙඩි තබා තිබිණි.

ගල්කටස් වර්ගයේ ගිනි අවියකින් මෙම වෙඩි තැබීම කර ඇති බවත් හිසට එල්ල කර තැබූ වෙඩිල්ල වැදී ඇත්තේ ඇගේ දකුණු උරහිසට බවත් පොලිසිය කියයි.

බැරගම ප්‍රාදේශීය රෝහලට ඇතුළත් කළ ඇය වැඩිදුර ප්‍රතිකාර සඳහා අම්බලන්තොට මහ රෝහලට ඇතුළත් කර තිබිණ.

ගව සොරකමක් සම්බන්ධයෙන් ඇතිවුණු ආරවුලක් දුරදිග ගොස් පසුගිය ජූලි 18 වැනිදා රාත්‍රී කාලයේදී කොග්ගල්ලේ පිහිටි නිවෙසකට කඩාවැදී වෙඩි තබා පුද්ගලයකු ඝාතනය කිරීමක් සම්බන්ධයෙන් රක්ෂිත බන්ධනාගාරගතව සිටින ප්‍රධාන සැකකරු වන රොෂාන් නමැත්තාගේ මවට මෙසේ වෙඩි තබා ඇති බව පොලිසිය කියයි.

මෙම වෙඩි තැබීම සිදු වන විට එම කාන්තාවගේ 17 හැවිරිදි දියණිය ද කාන්තාවගේ නැඟණිය ද බස් රථයේ සිට ඇත.

17 හැවිරිදි දියණිය උපකාරක පන්තියකින් රැගෙන එමින් සිටියදී මෙම වෙඩි ප්‍රහාරය එල්ල කර ඇති බව හම්බන්තොට හා මාතර දිසාව භාර නියෝජ්‍ය පොලිස්පති මහේෂ් සේනාරත්න මහතා කියා සිටී.

මෙම කාන්තාවගේ පුතා විසින් සිදු කළ ඝාතනය සම්බන්ධයෙන් වූ නඩුව ද ඊයේ (07) හම්බන්තොට මහේස්ත්‍රාත් අධිකරණයේදී විභාගයට ගෙන ඇති බව ද නියෝජ්‍ය පොලිස්පතිවරයා කීය.

මේව විට පොලිසිය වෙඩික්කරුවන් හඳුනාගෙන තිබේ.

ජූලි 18 වැනිදා ඝාතනය වූ පුද්ගලයාගේ බෑණා එක් සැකකරුවකු බවට හඳුනාගෙන ඇති බව ද නියෝජ්‍ය පොලිස්පති මහේෂ් සේනාරත්න මහතා පැවසීය. මාමාව ඝාතනය කිරීමට පළි ගැනීමක් ලෙස ඝාතකයාගේ මවට මෙසේ වෙඩි තබා ඇතැයි විමර්ශනවලින් පෙනී යන බව ද නියෝජ්‍ය පොලිස්පතිවරයා සඳහන් කළේය.

ජූලි 18 වැනිදා සිදු වූ ඝාතනය සම්බන්ධයෙන් පොලිසිය පැය කිහිපයක් ඇතුළත සැකකරුවන් අත්අඩංගුවට ගෙන තිබිණි. 

එහිදී ඝාතනය වූයේ අමරකෝන් කංකානම්ගේ සිරිපාල (62) නමැති දෙදරු පියෙකි. විමර්ශනයේදී හෙළිවී තිබුණේ වෙඩික්කරුවන් පැමිණියේ මෙම පුද්ගලයාව ඝාතනය කිරීමට නොව, ඔහුගේ බෑණාව ඝාතනය කිරීමට බවය.

මූලාශ්‍රය – දිනමිණ

පුවත්

කළුතර වෙඩි තැබිමක්

Published

on

By

කළුතර, කටුකුරුන්ද ප්‍රදේශයේ ඊයේ (20) රාත්‍රීයේ සිදුවූ වෙඩිතැබීමකින් පුද්ගලයෙකු මියගොස් ඔහුගේ 08 හැවිරිදි දියණිය තුවා ලබා තිබේ.

කටුකුරුන්ද දුම්රිය පොළ පාර ප්‍රදේශයේ දී යතුරුපැදියකින් පැමිණි නාඳුනන පුද්ගලයින් දෙදෙනකු විසින් නිවසකට ඇතුළු වී එම වෙඩිතැබීම සිදුකර පළාගොස් ඇති බව පොලීසිය පවසයි.

මියගොස් ඇත්තේ 39 හැවිරිදි තස්මින් මදුවන්ත සිල්වා නමැති කටුකුරුන්ද ප්‍රදේශයේ පදිංචිව සිටි තිදරු පියෙකි.

පොලීසිය සඳහන් කලේ අදාළ පුද්ගලයා සිය නිවසේ දරු තිදෙනා සමඟ රාත්‍රි ආහාරය ලබා ගනිමින් සිටියදී යතුරුපැදියකින් පැමිණි පුද්ගලයින් දෙදෙනෙකු වෙඩිතබා පළාගොස් තිබෙන බවය.

ටී – 56 වර්ගයේ ගිනිඅවියකින් වෙඩිතැබීම සිදුකර ඇති බවට මෙතෙක් සිදුකළ මූලික පරීක්ෂණවලදී අනාවරණය වී ඇති අතර වෙඩිතැබීමට හේතුව මෙතෙක් තහවුරු වී නොමැත.

Continue Reading

පුවත්

වෙසක් සතිය ඇරැඹෙයි

Published

on

By

මෙවර වෙසක් මහෝත්සවය වෙනුවෙන් ප්‍රකාශයට පත් කර ඇති ජාතික වෙසක් සතිය අද (21) ආරම්භ වේ.

අද (21) සිට 27 වැනිදා දක්වා කාලය වෙසක් සතිය ලෙස ප්‍රකාශිත අතර මෙවර රාජ්‍ය වෙසක් උත්සවය මාතලේ ධර්මරාජ පිරිවෙන් විහාරස්ථානයේදී අති උත්කර්ෂවත් අන්දමින් පැවැත්වීමට සැලසුම් කර තිබේ.

ජාතික වෙසක් සතිය නිමිත්තෙන් සමාරම්ක උත්සවය අද (21) අගමැති දිනේෂ් ගුණවර්ධන මහතාගේ ප්‍රධානත්වයෙන් පැවැත්වීමට නියමිතය.

23 වැනි දින ජනාධිපති රනිල් වික්‍රමසිංහ මහතා ද වෙසක් සතිය නිමිත්තෙන් මාතලේ ධර්මරාජ පිරිවෙන් විහාරස්ථානයේ පැවැත්වෙන ජාතික මහෝත්සවයට එක්වීමට නියමිතය.

‘අත්තනො ව අවෙක්ඛෙය්‍ය කතානි අකතානි ච” (අනුන් කළ දේ නොව තමන් කළ දේ ගැන විමසිලිමත් වෙමු) යන තේමාවෙන් යුතුව මාතලේ දිස්ත්‍රික්කය කේන්ද්‍ර කර ගනිමින් රාජ්‍ය වෙසක් උත්සවය මෙවර පැවැත්වේ.

23 වැනි දින රාජ්‍ය උත්සවය පෙරවරු 9.30ට මාතලේ ධර්මරාජ පිරිවෙන් විහාරස්ථානයේදී ත්‍රෛනිකායික මහ නාහිමිවරුන් ප්‍රමුඛ, ජනාධිපති රනිල් වික්‍රමසිංහ මහතාගේ ප්‍රධානත්වයෙන් පැවැත්වෙන අතර මෙම වැඩසටහනේදී පූජා භූමි සන්නස් පත්‍ර ප්‍රදානය ද සිදුවේ. විදේශ දූත පිරිස් විසින් තිළිණ ප්‍රදානයක් ද මෙහිදී සිදු කෙරේ.

රාජ්‍ය වෙසක් උත්සව වැඩසටහන අද (21) පස්වරු 2.00ට ත්‍රෛනිකායික මහ නාහිමිවරුන්ගේ සහ අගමැති දිනේෂ් ගුණවර්ධන මහතාගේ ප්‍රධානත්වයෙන් පැවැත්වේ.

වෙසක් සමරු මුද්දරයක් නිකුත් කිරීම, විහාරස්ථාන සංවර්ධන ආධාර ප්‍රදානය, බුද්ධශාසන අරමුදලේ ආධාර ප්‍රදානය, දහම් පාසල් ප්‍රතිපාදන ලිපි ප්‍රදානය, සාමණේර ස්වාමීන් වහන්සේලා සඳහා සංකේතාත්මක පොත් කට්ටල ප්‍රදානය, බුදුපුත් මාපිය උපහාර චෙක්පත් ප්‍රදානය මෙහිදී සිදු කෙරේ.

මෙම අවස්ථාවන් සඳහා බුද්ධ ශාසන ආගමික හා සංස්කෘතික කටයුතු ඇමැති විදුර වික්‍රමනායක මහතා, මධ්‍යම පළාත් ආණ්ඩුකාරවරයා සහ මැති ඇමැතිවරු සහභාගි වෙති.

රාජ්‍ය වෙසක් උත්සවයට සමගාමීව මාතලේ දිස්ත්‍රික්කයේ ග්‍රාමීය බෞද්ධ විහාර 22ක් සංවර්ධනය සඳහා රුපියල් මිලියන 22ක් ද රාජ්‍ය වෙසක් උත්සවයට සමගාමීව වැඩසටහන් පැවැත්වෙන විහාරස්ථාන 05ක් සංවර්ධනය සඳහා රුපියල් මිලියන 2.6ක් ද ආපදාවට ලක්වූ විහාරස්ථාන 03ක් ප්‍රතිසංස්කරණය සඳහා රුපියල් මිලියන 0.4ක් ද දහම් පාසල් 12ක් සංවර්ධනය සඳහා රුපියල් මිලියන 5ක් ද බුද්ධශාසන අරමුදල යටතේ දුෂ්කර විහාරස්ථාන 32ක් සඳහා සනීපාරක්ෂක පහසුකම් සැපයීම සඳහා රුපියල් මිලියන 32ක් ද වෙන් කර තිබේ. මෙම සම්පූර්ණ ප්‍රතිපාදන ප්‍රමාණය රුපියල් මිලියන 26.6කි. මීට සමගාමීව දිස්ත්‍රික්කයේ විහාරස්ථාන 25කට වැඩි ප්‍රමාණයක සංවර්ධන කටයුතු ත්‍රිවිධ හමුදාවේ සහ සිවිල් ආරක්ෂක බළකායේ ශ්‍රම දායකත්වයෙන් ආරම්භ කර තිබේ. වෙසක් සතිය නිමිත්තෙන් දිවයින පුරා භක්ති ගීත වැඩසටහන්, වෙසක් කලාප, මත්ද්‍රව්‍ය නිවාරණ වැඩසටහන් ආදී විවිධ වැඩසටහන් ක්‍රියාත්මක වේ.

සමස්ත ලංකා ශාසනාරක්ෂක මණ්ඩලය, බුද්ධශාසන, ආගමික හා සංස්කෘතික කටයුතු අමාත්‍යාංශය, බෞද්ධ කටයුතු දෙපාර්තමේන්තුව, මාතලේ දිස්ත්‍රික් ලේකම් කාර්යාලය මඟින් රාජ්‍ය වෙසක් උත්සව වැඩසටහන සංවිධානය කර තිබේ.

Continue Reading

පුවත්

තීරණාත්මක පනත් කෙටුම්පත් දෙකක් හෙට පාර්ලිමේන්තුවට

Published

on

By

මෙරට ආර්ථිකයට අතිශය තීරණාත්මක පනත් කෙටුම්පත් දෙකක්  හෙට (22) පාර්ලිමේන්තුවට ඉදිරිපත් කිරීමට රජය සැළසුම් කර තිබෙන බව වැඩ බලන මුදල් අමාත්‍ය ශෙහාන් සේමසිංහ මහතා සඳහන් කළේය.

ඒ අනුව යළි ආර්ථික බිඳවැටීමක් සිදු නොවීමට අදාළව “ආර්ථික පරිවර්තනය පිළිබඳ පනත් කෙටුම්පත” සහ රටේ රාජ්‍ය මූල්‍ය කළමනාකරණය ප්‍රශස්ත මට්ටමක පවත්වාගෙන යාම වෙනුවෙන් “රාජ්‍ය මූල්‍ය කළමනාකරණ පනත් කෙටුම්පත” ඉදිරිපත් කරන බව ඒ මහතා පෙන්වා දුන්නේය.

වැඩ බලන මුදල් අමාත්‍ය ශෙහාන් සේමසිංහ මහතා මේ බව සඳහන් කර සිටියේ ‘ස්ථාවර රටකට සැවොම එක මඟකට’ මැයෙන් ඊයේ (20) ජනාධිපති මාධ්‍ය කේන්ද්‍රයේ පැවති ප්‍රවෘත්ති සාකච්ඡාවට එක් වෙමිනි.

Continue Reading
Advertisement

Trending

Copyright © 2023 Sri Lanka Mirror. All Rights Reserved