Connect with us

පුවත්

කොඩි වැලේ ඉඳන් වල වෙනකම් වැට්වලින් නිදහස්

Published

on

මුදල් අමාත්‍යාංශය විසින් කරන ලද සංශෝධන අනුව භූමදානය සහ ආදාහනයට සම්බන්ධ සේවා වැට් බද්දෙන් නිදහස් කර ඇතැයි ජනාධිපති ලේකම් කාර්යාලයේ රාජ්‍ය ආදායම් ඒකකයේ අධ්‍යක්ෂ කේ.කේ.අයි. එරන්ද මහතා කියයි.

ඒ මහතා මේ බව කියා සිටියේ ජනාධිපති කාර්යාලයේ වෘත්තිය සමිති සබඳතා අංශය මගින් සංවිධාන කරන 2024 අයවැය පිළිබඳ දැනුවත් කිරීමේ සම්මන්ත්‍රණ මාලාවේ 06 වන සම්මන්ත්‍රණය කොළඹ අරලියගහ මන්දිරයේදී ඊයේ (21) පැවැති අවස්ථාවේදීය.

ඊට අමතරව තවත භාණ්ඩ අයිතම 66 ක් වැට් බද්දෙන් නිදහස් කර ඇතැයි ද ඔහු පෙන්වා දුන්නේය.

ඒ අනුව, තිරිඟු, තිරිඟු පිටි, ළදරු කිරි පිටි, ඖෂධ නිෂ්පාදන, ඖෂධ වර්ග (සුවඳ විලවුන් හැර), පිරිපහදු නොකරන ලද ඛනිජ තෙල්, ගුවන් යානා ඉන්ධන, නැව් සඳහා භාවිත කරන තෙල්, කෘත්‍රිම අත්පා, කිහිලිකරු, රෝදපුටු ආදියද වැට් බද්දෙන් නිදහස්ය.

එමෙන්ම, ජෛව පොහොර, කෘෂිකාර්මික බීජ, ඉස්සන් සඳහා සහ කූනිස්සන් සඳහා යොදන ආහාර, රෙදි පිළි කර්මාන්තයට භාවිත කරන නූල් ආදියද වැට් බද්දෙන් නිදහස් කර තිබේ.

අධ්‍යාපන සේවා, පොදු මගී ප්‍රවාහන සේවා, විදුලි බලය, භූමදානය සහ ආදාහනයට සම්බන්ධ සේවා, ව්‍යහාර මුදල් හුවමාරුව, කල් බදු පහසුකම්, දේශීය වශයෙන් නිෂ්පාදිත සහල්, සහල් පිටි සහ පාන් ආදියද වැට් බද්දෙන් නිදහස් කර ඇත.

මීට පෙරදී වැට් බද්දෙන් නිදහස් කරන ලද භාණ්ඩ අයිතම 100 කට ආසන්න ප්‍රමාණයකට ලබන වසරේ (2024) ජනවාරි මස පළමුවැනිදා සිට වැට් බදු අය කෙරේ.

ඒ අනුව, ලොරි, ට්‍රක්, බස් රථ ඇතුළු සියලු වාහන, සූර්ය කෝෂ, විදුලි උපකරණ, පෙට්‍රල්, ඩීසල්, ගෑස්, රසායනික පොහොර, පොල් තෙල්, පොල් කිරි, ෆාම් ඔයිල්, ජංගම දුරකථන, ටයි පටි සහ බෝ, කුකුළු මස්, දියර කිරි, කිරි නිෂ්පාදන, බිත්තර, පෝෂ වර්ග , ඉස්සන්, පරිගණක සහ උපාංග, පොත්, සඟරා සහ ක්‍රීඩා උපකරණ යනාදියට පැවැති බදු සහනය ඉවත් කර ඇත.

එමෙන්ම, විශේෂ වෙළෙද භාණ්ඩ අයත්වන අර්තාපල්, රට ලූනු, රතු ලූනු, සුදු ලූනු, සහල්, සීනි, මිරිස්, හාල් මැස්සන්, උම්බලකඩ, කරවල, කුරක්කන්, උළුහාල්, උඳු, පරිප්පු, කව්පි, මෙනේරි, කොත්තමල්ලි, රට ඉඳි, මෑකරල්, මුං ඇට, බඩ ඉරිඟු, ඉදල් ඉරිඟු, ඇපල්, දොඩම් මිදි ඇතුළු පලතුරු, පොල් තෙල්, ෆාම් ඔයිල්, බටර් සහ යෝගට් ආනයනයේදී වැට් බදු අය නොකෙරේ.

පුවත්

විදුලිය බිඳ වැටීම් ගැන දැනුම්දෙන්න

Published

on

By

අයහපත් කාලගුණයත් සමඟ දිවයින පුරා සිදුව ඇති විදුලිය බිඳවැටීම් ඉතා ඉක්මනින් දැනුම්දිය හැකි නව ක්‍රමවේදයක් ලංකා විදුලිබල මණ්ඩලය විසින් හඳුන්වා දී තිබේ.

ඒ, මීට පෙර විදුලිය බිඳ වැටීම් සම්බන්ධයෙන් දැනුම්දීමට තිබූ 1987 ක්ෂණික දුරකථන අංකයේ ඇතිව තිබෙන කාර්ය බහුලත්වය හේතුවෙන්.

ඒ අනුව, පහත ක්‍රමවේදයන් අනුගමනය ලෙස ලංකා විදුලිබල මණ්ඩලය පාරිභෝගිකයින්ගෙන් ඉල්ලා සිටී.

සබැඳි පුවත්:

දවස් 03ට ලක්ෂ 03කට කරන්ට් එක ගිහින්

Continue Reading

පුවත්

ගාල්ලට ජාතික රෝහලක්

Published

on

By

ගාල්ල ජාතික රෝහල ස්ථාපිත කිරීම සඳහා කැබිනට් අනුමැතිය ලැබී තිබේ.

ඒ අනුව කරාපිටිය ශික්ෂණ රෝහල මෙරට තෙවැනි ජාතික රෝහල බවට පත්කිරීමට අනුමැතිය ලැබී ඇත.

කරාපිටිය ශික්ෂණ රෝහල දකුණු පළාතෙහි සහ යාබද පළාත්වල රෝගීන් හට මාතෘ සත්කාර සේවා හැර තෘතීයක සේවා සපයන ප්‍රධානතම සෞඛ්‍ය මධ්‍යස්ථානයක් ලෙස ක්‍රියාත්මක වන අතර එකී පළාත්වල ප්‍රාථමික හා ද්විතීයක සෞඛ්‍ය සත්කාරක සේවා ආයතන මගින් විශේෂඥ සේවාවන් සඳහා මෙම රෝහල වෙත රෝගීන් යොමු කරනු ලබයි.

රුහුණු විශ්ව විද්‍යාලයේ වෛද්‍ය පීඨයේ සහ සම සෞඛ්‍ය විද්‍යා පීඨයේ ඉගැන්වීම් කටයුතු සඳහා කරාපිටිය ශික්ෂණ රෝහලේ මහාචාර්ය ඒකකය ස්ථාපිත කර ඇත.

මෙම වසර අවසන් වන විට රෝහලෙහි ඇඳන් ධාරිතාවය 2858ක් දක්වා වැඩි කිරීම මත එය කොළඹ ශ්‍රී ලංකා ජාතික රෝහලට පමණක් දෙවැනි වන තෘතීයක සේවා සෞඛ්‍ය මධ්‍යස්ථානයක් බවට පත්වනු ඇතැයි රජය කියයි.

ඒ අනුව කොළඹ ජාතික රෝහලට සහ මහනුවර ජාතික රෝහලට අමතරව කරාපිටිය ශික්ෂණ රෝහල ජාතික රෝහලක් ලෙස කාණ්ඩ ගත කරමින් ගාල්ල ජාතික රෝහල ලෙස නම් කිරීම පිණිස සෞඛ්‍ය අමාත්‍යවරයා ඉදිරිපත් කළ යෝජනාව අමාත්‍ය මණ්ඩලය විසින් අනුමත කර ඇත.

Continue Reading

පුවත්

කතට අතවර කළ සැරයන්ගේ වැඩ තහනම්

Published

on

By

බිංගිරිය පොලිස් ස්ථානයේ ආපනශාලාවක් තුළදී එහි ආපනශාලාවේ සේවය කළ කාන්තාවකට ලිංගික අතවර කළ බව කියන සැරයන්වරයාගේ වැඩ තහනම් කළ බව කුලියාපිටිය ජ්‍යෙෂ්ඨ පොලිස් අධිකාරී කාර්යාලය පවසයි.

මෙසේ වැඩ තහනමට ලක්කර ඇත්තේ, බිංගිරිය පොලිසියේ සේවයේ කළ පොලිස් සැරයන්වරයෙකි.

බිංගිරිය පොලිස් ස්ථානයේ ආපනශාලාව පවත්වාගෙන ගිය වීරපොකුණ ප්‍රදේශයේ කාන්තාවකට ලිංගික අතරවර කළ බවට පොලිස්පතිවරයාට යොමු කළ පෙත්සමකට අනුව එහි විමර්ශන කටයුතු සිදුකරන ලෙස කුලියාපිටිය ජ්‍යෙෂ්ඨ පොලිස් අධිකාරිවරයාට පොලිස්පති විසින් නියෝග කරන ලදී.

ඒ අනුව, බිංගිරිය පොලිසියේ ස්ථානාධිපතිවරයාගේ ප්‍රධානත්වයෙන් ඒ පිළිබඳ විමර්ශනයක් සිදුකර සැකකාර සැරයන්වරයා අත්අඩංගුවට ගෙන හෙට්ටිපොළ මහේස්ත්‍රාත් අධිකරණයට ඉදිරිපත් කිරීම සිදුවිය.

කෙසේ වෙතත්, එම සැරයන්වරයා විසින් සිදුකරන ලද විෂමාචාර ක්‍රියාව හේතුවෙන් ඔහුගේ වැඩතහනම් කරන ලෙස ජ්‍යෙෂ්ඨ පොලිස් අධිකාරීවරයා විසින් දැනුම් දී ඇත.

Continue Reading
Advertisement

Trending

Copyright © 2023 Sri Lanka Mirror. All Rights Reserved