Connect with us

පුවත්

කොළඹින් බදුලු යනවට වඩා ලංකාවෙන් ඉන්දියාවට යාම පහසු වෙයි

Published

on

දකුණු ඉන්දියාව සහ කන්කසන්තුරය, ත්‍රිකුණාමලය සහ කොලඹ වරායන් අතර මගී යාත්‍රා සේවාවක් ආරම්භ කිරීමට පියවර ගෙන ඇති බව වරාය නාවික හා ගුවන් සේවා අමාත්‍යංශය කියයි.

වරාය නාවික හා ගුවන්සේවා අමාත්‍ය නිමල් සිරිපාල ද සිල්වා මහතාගේ ප්‍රධානත්වයෙන් එම අමාත්‍යංශ ශ්‍රවනාගාරයේදී ඊයේ (13) මේ සම්බන්ධව විශේෂ සාකච්ඡාවක් පවත්වා තිබේ.

මෙම වැඩපිලිවෙලේ ප්‍රථම පියවර ලෙස කන්කසන්තුරේ සහ පාන්ඩිචෙරි අතර මගී යාත්‍රා (ෆෙරි) සේවාවන් ලබන ජනවාරි මස මැද ආරම්භ කිරීමට සැලසුම් ඇති කර ඇති බවත් ඒ සඳහා ඉන්දියානු රජයේ අනුමැතිය ලබා දී ඇති බවත් අමාත්‍ය නිමල් සිරිපාල ද සිල්වා මහතා කියා සිටියි.

ඉන්දියානු ජාතිකයින් විශාල වශයෙන් යාපනය අර්ධදීපයේ ව්‍යාපාර කටයුතු වල නියැලෙන බැවින් මෙවැනි මගී යාත්‍රා සේවාවන් ආරම්භ කිරීම තුලින් මෙරටට විශාල විදේශ විනිමයක් උපයා ගැනීමට හැකිවන බවත්, එමෙන්ම දඹදිව වන්දනාවේ යන ශ්‍රී ලාංකික බැතිමතුන්ටද මෙම මගී යාත්‍රා සේවාව විශාල සහනයක් වන බවත් අමාත්‍යවරයා මෙහිදී අවධාරණය කර තිබේ.

මගී යාත්‍රා සේවාවන් ආරම්භ කිරීමට ප්‍රථම වරායන් තුල දැනට තිබෙන යටිතල පහසුකම් වැඩිදියුණු කල යුතු බව යාත්‍රා හිමියන් මෙහිදී පෙන්වා දී ඇත.

ඒ අනුව මෙම මගී යාත්‍රා සේවාවන් ආරම්භ කිරීමට අවශ්‍ය රේගු, ආගමන විගමන කටයුතු සඳහා වරායන්හි යටිතල පහසුකම් වැඩි කිරීමට අවශ්‍ය පියවර ගන්නා ලෙසත් ඒ සඳහා රජයේ අනුමත ප්‍රසම්පාදන ක්‍රියාවලියට අනුව කටයුතු කරන ලෙසත් අමාත්‍ය නිමල් සිරිපාල ද සිල්වා මහතා අමාත්‍යංශ ලේකම්වරයාට උපදෙස් ලබා දී ඇත.

වරකට මගීන් 300 ක් හෝ 400 ක් පමණ රැගෙන යා හැකි මෙම යාත්‍රාවකට එක් ගමනාන්තයක් සඳහා පැය 3 ½ ක පමණ කාලයක් ගතවන බව මෙම සාකච්ඡාවට සහභාගී වූ යාත්‍රා හිමියන් පවසා තිබේ.

එක් ගමන්වාරයක් සඳහා ගාස්තු ලෙස ඇමරිකානු ඩොලර් 60 ක් පමණ එක් මගියකුගෙන් අයකිරීමට නියමිත බවත් කිලෝ ග්‍රෑම් 100 ක බරකින් යුතු භාණ්ඩ රැගෙන යා හැකි බවත් යාත්‍රා හිමියන් අවධාරණය කර ඇත.

කෙසේවුවද, එහිදී පැමිණ සිටි අය විශයභාර අමාත්‍යවරයා නියෝජය කරනු ලබන බදුල්ල දිස්ත්‍රික්කයට කොළඹ සිටි යාමට ගතවන කාලයටත් වඩා ඉක්මනින් ලංකාවේ සිට ඉන්දියාවට යාමට මේ බෝට්ටු සේවයෙන් අවස්ථාව ලැබෙන බව කතා බහට ලක්කර තිබේ.

සාමාන්‍යයෙන් කොළඹ සිට බදුල්ලට බස් රථයකින් යාම සඳහා පැය 8කට ආසන්න කාලයක් ගතවේ.

මෙම අවස්ථාවට අමාත්‍යංශයේ ලේකම් කේ.ඩී.එස් රුවන්චන්ද්‍ර, ආගමන විගමන දෙපාර්තමේන්තුවේ පාලක ජනරාල් අයි.එස්.එච්.ජේ. ඉලුක්පිටිය, නාවික හමුදාව නියෝජනය කරමින් කමාන්ඩර් සේනක වාහල යන මහත්වරුන් ඇතුළු නිලධාරීන් ද මගී යාත්‍රා හිමියන් පිරිසක් ද සහභාගි වූහ.

පුවත්

පොහොට්ටු කාර්යාලය ඉදිරිපිට උණුසුම් තත්ත්වයක්

Published

on

By

පාර්ලිමේන්තු මාර්ගයේ සිට ගමනකින් පැමිණි පිරිසක් නෙළුම් මාවතට ඇතුළු වීමට උත්සාහ දැරීමත් සමගයි මෙම  උණුසුම් තත්ත්වය ඇතිව තිබේ.

“රට වනසන පනත් පරාජය කරමු” මැයෙන් සංවිධාන කිහිපයක් එක්ව පාර්ලිමේන්තුව අසළ සිට ශ්‍රී ලංකා පොදුජන පෙරමුණේ නෙළුම්මාවත පරිශ්‍රය දක්වා විරෝධතා පාගමනක් පැවැත්විණි.

නෙළුම්මාවතට ඇතුළුවන මාර්ගය අසළදී පොලිසිය ඔවුන්ට බාධා කිරීමත් සමග උණුසුම්කාරී තත්ත්වයක් හටගැනීම සිදුවිය.

පොදුජන පෙරමුණු කාර්යාලයේ කිහිප දෙනෙකු සහ ඩෑන් ප්‍රියසාද් ද එම ස්ථානයට පැමිණීමත් සමග විරෝධතාකරුවන් ඔවුන්ට ද විරෝධය පළකර තිබේ.

Continue Reading

පුවත්

මේ සතියේ කැබිනට් තීරණ මෙන්න

Published

on

By

ඊයේ (2024-05-27) දින පැවැත්වූ අමාත්‍ය මණ්ඩල රැස්වීමේදී තීරණ රැසකට එළැඹ ඇත.

එම තීරණ මෙසේය.

Continue Reading

පුවත්

ආර්ථික පරිවර්තන පනතේ සහයට තවත් පනත් දෙකක්

Published

on

By

2018 අංක 2 දරණ ප්‍රපාතන විරෝධී සහ ප්‍රතිතෝලන බදු පනත සහ  2018 අංක 3 දරණ ආරක්ෂණ පියවර පනත සංශෝධනය කිරීම සඳහා කැබිනට් අනුමැතිය ලැබී ඇත.

ආර්ථික පරිවර්තන පනත් කෙටුම්පත සකස් කිරීමේදී අදාල පනත් දෙක සඳහා අනුෂාංගික සංශෝධන හඳුන්වාදීමේ අවශ්‍යතාවය හඳුනාගනු ලැබ ඇතැයි රජය කියයි.

ඒ සඳහා වන පනත් කෙටුම්පත් නීති කෙටුම්පත් සම්පාදක විසින් සකස් කරනු ලැබ ඇති අතර එකී පනත් කෙටුම්පත් සඳහා නීතිපති අවසරය ලබාදී තිබේ.

ඒ අනුව අදාල සංශෝධිත පනත් කෙටුම්පත් දෙක රජයේ ගැසට් පත්‍රයේ පළ කිරීමටත් අනතුරු අනුමැතිය සඳහා පාර්ලිමේන්තුවට ඉදිරිපත් කිරීමටත් ජනාධිපතිවරයා ඉදිරිපත් කළ යෝජනාව අමාත්‍ය මණ්ඩලය විසින් අනුමත කර ඇත.

සබැඳි පුවත් :

Continue Reading
Advertisement

Trending

Copyright © 2023 Sri Lanka Mirror. All Rights Reserved