Connect with us

පුවත්

කෝප් – කෝපා සාමාජිකයන් නම් කරයි

Published

on

රජයේ ගිණුම් පිළිබඳ කාරක සභාවට (කෝපා) හා පොදු ව්‍යාපාර පිළිබද කාරක සභාව (කෝප්) කමිටුවට සාමාජිකයින් අද (22) පත්කෙරුණි.

ඒ අනුව, කෝපා කමිටුවට පත්වූ සාමාජිකයින් : මොහාන් ද සිල්වා, ලසන්ත අලගියවන්න, ප්‍රසන්න රණවීර, කාදර් මස්තාන්, ආචාර්ය සුරේන් රාඝවන්, ඩයනා ගමගේ, චාමර සම්පත් දසනායක, එස් බී දිසානායක, තිස්ස අත්තනායක, වජිර අබේවර්ධන, ඒ. එල්. එම්. අතාවුල්ලා, කබීර් හෂීම්, මනෝ ගනේෂන්, සරත් වීරසේකර, විමලවීර දිසානායක, නිරෝෂන් පෙරේරා, ජේ. සී. අලවතුවල, වඩිවෙල් සුරේෂ්, අශෝක් අබේසිංහ, බුද්ධික පතිරණ, ජයන්ත කැටගොඩ, හෙක්ටර් අප්පුහාමි, හේෂා විතානගේ, මේජර් ප්‍රදීප් උදුගොඩ, ඉසුරු දොඩංගොඩ, ශානක්‍යන් රාසපුත්‍රම්, සහන් ප්‍රදීප්, ඩී. වීරසිංහ හා ආචාර්ය හරිනි අමරසූරිය

මේ අතර, කෝප් කමිටුවට පත්වූ සාමාජිකයින් : ජගත් පුෂ්පකුමාර, ජානක වක්කුඹුර, ලොහාන් රත්වත්තේ , ඉන්දික අනුරුද්ධ හේරත්, ඩී. වී. චානක, ශාන්ත බණ්ඩාර, අනුර දිසානායක, නීතිඥ රවුෆ් හකීම්, නීතිඥ අනුර ප්‍රියදර්ශන යාපා මහින්දානන්ද අලුත්ගමගේ, දයාසිරි ජයසේකර, රෝහිත අබේගුණවර්ධන, ඉරාන් වික්‍රමරත්න, නිමල් ලාන්සා, ජයන්ත සමරවීර, එස්. එම්. එම්. මුෂාරෆ්, නලින් බණ්ඩාර ජයමහ, එස්. එම්. මරික්කාර්, රෝහිණි කුමාරි විජේරත්න චමින්ද වි‍ජේසිරි, සංජීව එදිරිමාන්න, ජගත් කුමාර සුමිත්‍රාආරච්චි (මේජර්) සුදර්ශන දෙනිපිටිය, නීතිඥ ප්‍රේම්නාත් සී. දොලවත්ත, උපුල් මහේන්ද්‍ර රාජපක්ෂ, එම්. රාමේෂ්වරන්, ෂානක්කියන් රාජපුත්තිරන් රාසමාණික්කම්, රාජිකා වික්‍රමසිංහ, නීතිඥ මධුර විතානගේ, මහාචාර්ය  රංජිත් බණ්ඩාර සහ මහාචාර්ය චරිත හේරත්

පුවත්

උතුරු – නැගෙනහිරට සංවර්ධනයේ ප්‍රතිලාභ දෙන බව ජනපති කියයි

Published

on

By

යුද්ධය නිසා උතුරු නැගෙනහිරට බලපෑ ප්‍රශ්න කඩිනමින් අවසන් කර එම ජනතාවට ද සංවර්ධනයේ ප්‍රතිලාභ ලබා දෙන බව ජනාධිපති රනිල් වික්‍රමසිංහ මහතා පවසයි.

උතුරු පළාත තුළ උසස් මට්ටමේ සෞඛ්‍ය සේවාවක් සහතික කිරීම වෙනුවෙන් යාපනය රෝහල නුදුරේදීම ජාතික රෝහලක් බවට පත් කිරීමට කටයුතු කරන බවත් දකුණු පළාත තුළ පැවති දීර්ඝකාලීන අවශ්‍යතාවයක් ඉටු කරමින් කරාපිටිය රෝහල ජාතික රෝහලක් බවට පත් කිරීමට අදාළ කැබිනට් අනුමැතිය හිමිවී ඇති බවද ජනාධිපතිවරයා සඳහන් කළේය.

ජනපතිවරයා යාපනය විශ්වවිද්‍යාලයේ වෛද්‍ය පීඨයේ ඉදිකළ සායනික පුහුණු සහ පර්යේෂණ අංශ ගොඩනැගිල්ල විවෘත කිරීමේ අවස්ථාවට අද (24) පෙරවරුවේ මේ බව පැවසීය.

මේ අතර “උරුමය ”  වැඩසටහන යටතේ යාපනය දිස්ත්‍රික්කයේ ප්‍රාදේශීය ලේකම් කාර්යාල 15ම ආවරණය වන පරිදි සින්නක්කර ඔප්පු 1,286ක් ජනාධිපති රනිල් වික්‍රමසිංහ මහතා අතින් ජනතාවට ලබාදීම අද යාපනයේදී සිදුකෙරිණි.

එමෙන්ම උතුරු පළාතට අයත් මුලතිව්, කිලිනොච්චිය, වවුනියාව හා මන්නාරම දිස්ත්‍රික්කවලට අදාළව “උරුමය” වැඩසටහන යටතේ සින්නක්කර ඔප්පු 13,858ක් ඉදිරියේදී ලබා දීමට නියමිතව තිබේ.


Continue Reading

පුවත්

පැපුවා නිව් ගිනියාවේ දරුණු  නායයාමක්

Published

on

By

පැපුවා නිව් ගිනියාවේ දුෂ්කර ගම්මාන හයකට බලපෑම් එල්ල කරමින් ඇති වූ නායයෑමෙන් ජීවිත රැසක් අහිමි වී ඇතැයි විදෙස් මාධ්‍ය වාර්තා කර තිබේ.

ඊයේ (23) සිදු වූ මෙම නායයෑමෙන් නිවාස 100කට වැඩි ගණනක් පස්වලින් සම්පූර්ණයෙන්ම යට වී ඇති බව විදෙස් වාර්තාවල දැක්වේ.

මෙහිදී සිදු වී ඇති ජීවිත හානි ගණන හෝ සුන්බුන් අතර කොපමණ පිරිසක් සිරවී ඇති ද යන්න නිශ්චිතවම තවමත් ප්‍රකාශ කළ නොහැකි බවද පැවසේ.

මෙම නායයෑම සිදු වූ  Enga නම් ප්‍රදේශයේ ආණ්ඩුකාරවරයා මාධ්‍යයට පවසා ඇත්තේ මෙය මීට පෙර සිදුනොවූ ස්වභාවික ව්‍යවසනයක් බවය.

එමෙන්ම පැපුවා නිව් ගිනියාවේ අග්‍රාමාත්‍ය James Marape පවසා ඇත්තේ, මළ සිරුරු ගොඩගැනීම සඳහා අවශ්‍ය සහන සේවා සැපයීමට සහ යටිතල පහසුකම් සඳහා අදාළ ස්ථානයට ආපදා නිලධාරීන් යොමු කර ඇති බවය.

Continue Reading

පුවත්

හලාවත ගොල්ෆ් පිටියක් හදන්න සැලසුම් කරයි

Published

on

By

හලාවත ගොල්ෆ් පිටියක් ඉදිකිරීමට සැලසුම් කරන බව කැබිනට් ප්‍රකාශක බන්දුල ගුණවර්ධන මහතා  නිවේදනය කළේය.

ඒ ඉරණවිල හා හලාවත ප්‍රදේශය සංචාරක කේන්ද්‍රස්ථානයක් ලෙස සංවර්ධනය කිරීමේ සමස්ත උපාය මාර්ගයේ කොටසක් ලෙස බවද ඔහු කීය.

මේවන විට ශ්‍රී ලංකාව තුළ දැනටමත් කොළඹ, මහනුවර සහ නුවරඑළියේ ගොල්ෆ් පිටි කිහිපයක් තිබේ.

සිදුරු 18කින් යුත් ගොල්ෆ් පිටි පහක් සහ සිදුරු 9කින් යුත් ‍ගොල්ෆ ක්‍රීඩාංගණ කිහිපයක් ද ශ්‍රී ලංකාව සතුවේ.

ගොල්ෆ් පිටියට අමතරව හලාවත සහ බිංගිරිය අතර සම්බන්ධක මාර්ගයක් ඉදිකෙරෙන අතර ඉන් අපනයන කලාපයක් පුළුල් කරන බව ද අමාත්‍ය ගුණවර්ධන මහතා පවසයි.

හලාවත – ඉරණවිල සංචාරක මධ්‍යස්ථානයේ සංවර්ධන කටයුතු බිංගිරිය ඒකාබද්ධ සංවර්ධන සැලැස්මට සම්බන්ධ කාර්ය සාධක බලකායක් මගින් අධීක්ෂණය කිරීමට නියමිත බවද පැවසේ.

Continue Reading
Advertisement

Trending

Copyright © 2023 Sri Lanka Mirror. All Rights Reserved