පුවත්
ගංජා රට යැවීමෙන් දැවැන්ත ආර්ථික වාසියක් නෑ – ADIC
ගංජා අපනයනය කර දැවැන්ත ආර්ථික වාසියක් ලබාගැනීමට හැකි බවට සිදුකරන ප්‍රකාශවල කිසිදු සත්‍යතාවක් නොමැති බව මද්‍යසාර හා මත්ද්‍රව්‍ය තොරතුරු මධ්‍යස්ථානය පවසයි.
මෙරට තුළ ගංජා භාවිතය නීතිගත කිරීම සඳහා මේ වන විට විවිධ උත්සාහයන් ක්‍රියාත්මක වෙමින් පවතින අතර ගංජා අපනයනය සඳහා ශක්‍යතාවක් පවතින්නේ ද යන්න සම්බන්ධයෙන් සොයා බැලීම සඳහා කමිටුවක් ද පත් කර ඇති බව එම මධ්‍යස්ථානය සඳහන් කළේය.
කෙසේවෙතත් ආයෝජන මණ්ඩලයේ ව්‍යාපෘතියක් ලෙස එයට අවසර ලබාදෙන බව විෂය භාර අමාත්‍යවරයා පසුගියදා ප්‍රකාශ කළ බව ද ඔවුන් පැවසීය.
එහෙත් ගංජා අපනයන කිරීම තුළින් ආර්ථික වාසී පවතින බවට සිදුකරන ප්‍රකාශවල කිසිදු සත්‍යතාවක් නොමැති බව ගංජා සමාගම්වල ගිණුම් වාර්තා සොයා බැලීමේ දී අනාවරණය වන බව ද මද්‍යසාර හා මත්ද්‍රව්‍ය තොරතුරු මධ්‍යස්ථානය සඳහන් කළේය.
අදට යෙදෙන ලෝක මත්ද්‍රව්‍ය විරෝධී දිනය වෙනුවෙන් නිවේදනයක් නිකුත් කරමින් එම ආයතනය මෙම අදහස් පළ කර තිබේ.
ගංජා ප්‍රවර්ධනය බලාපොරොත්තු වන පාර්ශව විසින් මෙරට ජනතාව දැනට මුහුණදෙමින් සිටින බලවත් ආර්ථික අර්බුදය සිය වාසියට හරවා ගනිමින් ඒ හරහා තම අරමුණු මුදුන්පත් කරගැනීමේ වෑයමක නිරත වෙමින් සිටින බව ද ඔවුන් පෙන්වා දෙයි.
දැනට පවතින ගංජා පිළිබඳ ධනාත්මක මතවාද හේතුවෙන් එය තවදුරටත් ප්‍රචලිත වන බව එම මධ්‍යස්ථානය සඳහන් කළේය.
මෙවන් වාතාවරණයක් තුළ ගංජා වැනි හානිකර මත්ද්‍රව්‍යයන් ප්‍රචලිත කරන විට වෙනත් මත්ද්‍රව්‍ය භාවිතය ද ඉහළ යාම සාමාන්‍ය තත්ත්වයක් බව ද මධ්‍යසාර හා මත්ද්‍රව්‍ය තොරතුරු මධ්‍යස්ථානය වැඩිදුරටත් සඳහන් කළේය.
දුම්වැටි සහ මද්‍යසාර භාවිතය හේතුවෙන් දිනකට පුද්ගලයින් 100ක් පමණ මිය යන අතර දුම්කොළ සහ මධ්‍යසාර සමාගම් රුපියල් කෝටි 100ක පමණ මුදලක් ශ්‍රී ලාංකිකයින්ගෙන් උපයා ගන්නා බව ද ඔවුන් පැවසීය.
මද්‍යසාර හා මත්ද්‍රව්‍ය තොරතුරු මධ්‍යස්ථානය නිකුත් කළ සම්පූර්ණ නිවේදනය පහතින් දැක්වේ.
මින්නේරිය හැඩකල “යුනිකෝන්” සමුගනී
ප්‍රසන්න රණවීරට විදෙස් ගමන් තහනම්
මර්වින් සිල්වා නැවතත් රිමාන්ඩ්
-
පුවත්1 week agoකල්මුණේ අලුත් අන්තවාදී කල්ලියේ නායකයා ඩොක්ටර් රයිස්
-
පුවත්1 week agoදෙදාහේ බෙහෙත හැත්තපන්දාහට විකුණූ සන්ෂයින්ලා තාමත් සෞඛ්ය අමාත්යංශයේ වැඩ
-
පුවත්1 week agoරේන්ජ් රෝවර් 150කට ඇණවුම්
-
පුවත්3 days agoFitsAir ගුවන් යානයක් ඇතුලේදී මගීන්ගේ ලක්ෂ 50ක් උස්සලා, ගුවන් සමාඟම මාධ්යත් මඟහරියි
-
පුවත්1 week agoඅක්කර 5ට අඩු පොල්වතු හිමියන්ට පොහොර සහනාධාරයක්