පුවත්

ගතවූ මාස 08ට අලි මරණ 239ක්

Published

4 months ago

October 3, 2024

editor

පසුගිය මාස අටක කාලය ඇතුළත පමණක් ශ්‍රී ලංකාව තුළ අලි මරණ 239ක් වාර්තා වී ඇති බවට පුවතක් ‘ඩේලි මිරර්’ වාර්තා කරයි.

වන ජීවී දෙපාර්තුමේන්තු ආරංචි මාර්ගවලට අනුව, මෙම මරණවලින් 40ක් වෙඩි තැබීම්වලින්, 31 විදුලිසැර වැදීමෙන්, 28ක් ‘හක්ක පටස්’ සහ ආහාරවල සඟවා තිබූ පුපුරණ ද්‍රව්‍ය උපකරණවලින්, 04 විෂ ශරීරගත වීමෙන්, 05ක් දුම්රිය අනතුරුවලින්, 06ක් මාර්ග අනතුරුවලින්, 11ක් දියේ ගිලීමෙන් සහ 07ක් වෙනත් අනතුරුවලින් සිදුව ඇති බව සඳහන් වේ.

එමෙන්ම අනෙක් මරණ, ස්වාභාවික හේතූන් නිසා හෝ හඳුනා ගැනීමට නොහැකි වූ හේතු නිසා හට ගෙන ඇති බව තවදුරටත් වාර්තා වේ.

වන ජීවී දෙපාර්තුමේන්තු ආරංචි මාර්ගව පෙන්වා දෙන්නේ මෙම මිය ගිය අලි ඇතුන්ගෙන් බහුතරය තරුණ වයස් සීමාවල පසුවන බවය.

වනජීවී දෙපාර්තමේන්තුවේ සංඛ්‍යාලේඛනවලට අනුව, 2023 වසරේදී අලි මිනිස් ගැටුම ඇතුළු විවිධ හේතූන් මත අලි ඇතුන් 488 ක් මිය ගොස් ඇති අතර අලි -මිනිස් ගැටුම හේතුවෙන් මිනිසුන් 184 කට දිවි අහිමි වී තිබේ.

ශ්‍රී ලංකාවේ වන අලි ගහනය කොතෙක්ද යන්න අවසන් වරට සංගණනයක් සිදුකෙරුණේ 2011 වසරේදීය.

එම සංගණනයට අනුව රටේ සමස්ත වන අලි ප්‍රමාණය 5878 ක් ලෙස වාර්තා වී තිබුණි.

පුවත්

UNPය හා එකතුවීමට SJB කෘත්‍යාධිකාරියේ අනුමැතිය

Published

5 hours ago

January 16, 2025

editor

එක්සත් ජාතික පක්ෂය සමග එක්ව කටයුතු කිරීම සඳහා සාකච්ඡා කිරීමේ යෝජනාවට සමගි ජන බලවේගය කෘත්‍යාධිකාරී මණ්ඩලයේ අනුමැතිය හිමිව ඇත.

ඒ අනුව මෙම සාකච්ඡා සඳහා සමගි ජන බලවේගය මහලේකම් රංජිත් මද්දුම බණ්ඩාර මහතාගේ ප්‍රධානත්වයෙන් යුත් 5 දෙනෙකුගෙන් යුත් කමිටුවක් පත් කර තිබේ.

පුවත්

‘ලංකාවේ ස්වාධීනත්වය, භෞමික අඛණ්ඩතාව හා ස්වෛරීත්වය වෙනුවෙන් චීනය කැපවී සිටිනවා’

Published

6 hours ago

January 16, 2025

editor

ශ්‍රී ලංකාවේ ස්වාධීනත්වය, භෞමික අඛණ්ඩතාව සහ ස්වෛරීභාවය වෙනුවෙන් චීනය කැපවී සිටින බව චීන ජාතික මහජන කොංග්‍රසයේ ස්ථාවර කමිටුවේ සභාපති ජාඕ ලජී (Zhao Leji) මහතා පැවසීය.

චීනයේ සිව් දින රාජ්‍ය සංචාරයක නිරත ජනාධිපති අනුර කුමාර දිසානායක මහතා සහ චීන ජාතික මහජන කොංග්‍රසයේ ස්ථාවර කමිටුවේ සභාපති ජාඕ ලජී මහතා අතර හමුව අද (16) පෙරවරුවේ සිදු කෙරුණු අතර එහිදී ඔහු මේ බව ප්‍රකාශ කළේය.

මෙහිදී සභාපතිවරයා විසින් ජනාධිපති අනුර කුමාර දිසානායක මහතාව ඉතා මිත්‍රශීලිව පිළිගනු ලැබීය.

වැඩිදුරටත් අදහස් දැක්වූ ජාඕ ලජී මහතා සඳහන් කළේ ශ්‍රී ලංකාව සමඟ අඛණ්ඩ සහයෝගයෙන් කටයුතු කිරීම චීන ජාතික කොංග්‍රසයේ අපේක්ෂාව බවයි.

විදේශ කටයුතු, විදේශ රැකියා සහ සංචාරක අමාත්‍ය විජිත හේරත්, ප්‍රවාහන, මහා මාර්ග, වරාය හා සිවිල් ගුවන් සේවා අමාත්‍ය බිමල් රත්නායක, ශ්‍රී ලංකාවේ චීන තානාපති චී ජන්හොං, චීනයේ ශ්‍රී ලංකා තානාපති මජින්ත ජයසිංහ යන මහත්වරුද මෙම අවස්ථාවට සහභාගි වූහ.

(ජනාධිපති මාධ්‍ය අංශය)

පුවත්

ජනපති සුප්‍රකට චීන සමාගම් සමඟ විශේෂ සාකච්ඡා (ඡායා)

Published

6 hours ago

January 16, 2025

editor

චීනයේ සිව් දින රාජ්‍ය සංචාරයක නිරත ජනාධිපති අනුර කුමාර දිසානායක මහතා රාජ්‍ය හා පෞද්ගලික සමාගම් එක්ව සංවිධානය කර තිබූ ආයෝජන සැසියට එක්වීමෙන් අනතුරුව චීනයේ ප්‍රමුඛ පෙළේ ආයෝජන සමාගම් කිහිපයක් සමඟ විශේෂ සාකච්ඡා වාර කිහිපයක් ද පැවැත්විය.

ඒ අනුව, චයිනා සන්නිවේදන ඉදිකිරීම් සමාගම සීමාසහිත (China Communications Construction Company Ltd), චයිනා පෙට්රොකෙමිකල් සංස්ථාව (China Petrochemical Corporation -SINOPEC Group), සීමාසහිත මෙටලර්ජිකල් කෝපරේෂන් ඔෆ් චයිනා සමාගම (Metallurgical Corporation of China Ltd), හුවාවි (Huawei), බී.වයි.ඩී (BYD Auto) යන චීනයේ ප්‍රමුඛ සමාගම් සමඟ විශේෂ සාකච්ඡා සිදු කරන ලදී.

ශ්‍රී ලංකාවේ පවතින ආයෝජන අවස්ථා පිළිබඳ චීන ප්‍රමුඛ පෙළේ ආයෝජන සමාගම් දැනුම්වත් කළ ජනාධිපතිවරයා රජයක් ලෙස ආයෝජකයින්ට සියලු පහසුකම් ලබා දීමට කටයුතු කරන බවද සඳහන් කළේය.

විදේශ කටයුතු, විදේශ රැකියා සහ සංචාරක අමාත්‍ය විජිත හේරත්, ප්‍රවාහනය , මහා මාර්ග, වරාය සහ සිවිල් ගුවන් සේවා අමාත්‍ය බිමල් රත්නායක යන මහත්වරු ද මෙම අවස්ථාවට එක්ව සිටියහ.

(ජනාධිපති මාධ්‍ය අංශය)