Connect with us

පුවත්

ගනේමුල්ලේ සංජීව, කැවුමා හා කන්ජිපානි ඇතුළු 16කට ඇප තිබ්බ අය අමාරුවේ

Published

on

බූස්ස අධි ආරක්ෂිත බන්ධනාගාරයේ රඳවා සිටි මහා පරිමාණ මත්ද්‍රව්‍ය ජාවාරම්වලට සම්බන්ධ පාතාල ප්‍රබලයන් අතරින් ඇප ලබා ගිය දහසය දෙනකු රටින් පැන ගොස් ඇතැයි බුද්ධි අංශ කළ දීර්ඝ විමර්ශනයකින් සොයාගෙන ඇතැයි වාර්තා වේ.

එම ආරක්ෂිත බන්ධනාගාරයේ රඳවා සිටි මත්ද්‍රව්‍ය ජාවාරම්වලට චෝදනා ලැබූ විසිපස් දෙනකු මේ වනවිට ඇප ලබා පිටතට ගොස් ඇති බවද පැවසේ.

ඉන් දහසය දෙනකු මෙසේ රටින් පලාගොස් ඇති බව හෙළිවී ඇත. 

මෙම ජාවාරමුන් අදාළ නඩු වාරවලට ඉදිරිපත් නොවීම නිසා නඩු පවත්වාගෙන යාමේ ගැටලුවක් පැන නැගී ඇති බවත් විමර්ශන නිලධාරීහු පෙන්වා දෙති. 

වසර දෙකක් වැනි කාලයක් තුළ මෙම පිරිස් ඇප ලබාගෙන ඇති අතර ඇප ලබාගත් පසුව බහුතරයක් ව්‍යාජ ගුවන් ගමන් බලපත්‍ර මගින් හා බෝට්ටු මගින් රටින් පලා ගොස් ඇතැයි හෙළිවී තිබේ.

ඇප ලබාගැනීමෙන් පසුව රටින් පලා ගිය මෙම පිරිස අතර ගනේමුල්ලේ සංජීව, කැවුමා, කන්ජිපානි ඉම්රාන්, ආමි සම්පත් වැනි ප්‍රධාන පෙළේ පිරිසක්ද සිටිති.

මෙම ඇප ලබාගත් අයගෙන් බහුතරයක් වෙනුවෙන් පෙනී සිට ඇත්තේ ජනාධිපති නීතිඥවරුන් බව විමර්ශන නිලධාරීහු පෙන්වා දෙති. 

මෙම පිරිසට ඇප ලබාදීමට ඉදිරිපත් වූ ඇපකරුවන් සොයා බලා අත්අඩංගුවට ගැනීමට පොලිසියට උපදෙස් දීමට පියවර ගන්නා බව ජ්‍යෙෂ්ඨ නිලධාරියකු සඳහන් කළේය. 

මෙම පිරිස් ඇප ලබා රටින් පැනගිය පසුව ඩුබායි ඇතුළු රටවල්වල සැඟවී මත්ද්‍රව්‍ය ජාවාරම් හා අපරාධ රැල්ල නිදහසේ කරගෙන යන බවද විමර්ශන නිලධාරීහු පවසති. 

බූස්ස අධි ආරක්ෂිත බන්ධනාගාරය ඇතුළු බන්ධනාගාරවල නීතිගරුක නිලධාරීන්ටද රටින් පැනගොස් සිටින අපරාධකරුවන්ගෙන් බලපෑම් එල්ලවී ඇතැයිද මේ අතර වාර්තා වේ.

ඇතැම් බන්ධනාගාර නිලධාරීන්ගේ නිවෙස්වලට තම ගෝල බාලයන් යවා එම පවුල්වලට තර්ජනය කරන තත්ත්වයක් පැන නැගී ඇතැයිද පැවසේ.

පුවත්

ඉරාන තානාපති කොළඹ සාප්පු සංකීර්ණයක රථගාලකදී ආරවුලක පැටලෙයි

Published

on

By

ඉරාන තානාපති ආචාර්ය  ඩෙල්ක්‍රොෂ් (A Delkhosh) මහතාට පහරදී , අනතුරකට ලක්කළ ව්‍යාපාරිකයෙකු අත්අඩංගුවට ගත් බව කොම්පඤ්ඤවීදිය පොලිසිය කියයි.

තානාපතිවරයා කොළඹ සාප්පු සංකීර්ණයක රථගාලට  රථය ඇතුල් කරන අවස්ථාවේදී තවත් මෝටර් රථයක රියදුරෙක් සමඟ ආරවුලක් හටගෙන ඇති අතර එහිදී එම පුද්ගලයා තානාපතිවරයාට පහරදී එම ස්ථානයෙන් පලා යාමට උත්සාහ දරා ඇතැයි පොලිසිය කියයි.

එහිදි තානාපතිවරයා සිය මෝටර් රථයෙන් බිමට බැස  පලායාමට උත්සාහ දරන මෝටර් රථයේ බොනොට්ටුවට අත තබාගෙන පොලිස් නිලධාරීන් පැමිණෙනතුරු සිටින ලෙස මෝටර් රථයේ රියදුරුට දැනුම් දී ඇත.

 එම අවස්ථාවේදී මෝටර් රථයේ රියදුරු විසින් මෝටර් රථය පණ ගන්වා  මීටර් 15ක්දි පමණ ඉදිරියට රිය  ධාවනය කර ඇතැයි පොලිසියේ සිදුකළ විමර්ශනවලදී අනාවරණය වී ඇත.

අත්අඩංගුවට ගත් සැකකරු කොළඹ හත වෝඩ් පෙදෙසේ පදිංචි. වයස අවුරුදු තිස්තුනක පුද්ගලයෙකි.

Continue Reading

පුවත්

මුදල් හා රන්බඩු කොල්ල කන්න පවුලක්ම මරලා!

Published

on

By

බාප්පා,පුංචි සහ සහෝදරයා මරා මුදල් හා රන් භාණ්ඩ සොරාගත් පුද්ගලයකු අත්අඩංගුවට ගත් බව නාල්ල පොලිසිය කියයි.

අද අලුයම හතරට පමණ මාලදෙනිය ප්‍රදේශයේ නිවසකදී මෙම අමානුෂික ඝාතනය සිදුව ඇතැයි ද පොලිසිය සඳහන් කරයි.

පාපැදියකින් ගමන් ගත් පුද්ගලයකු පරීක්ෂා කළ පොලිසිය ඔහු සතුව රුපියල් ලක්ෂ 3කට ආසන්න මුදලක් සහ රන් භාණ්ඩ තිබී හමුවී ඇත.

ඒ සම්බන්දයෙන් සැකකරු අත්අඩංගුවට ගෙන පොලිසියට රැගෙන ගොස් පරීක්ෂා කිරීමේදී ඔහු සතුව තිබූ ලිපියන් සම්බන්දයෙන් පරීක්ෂා කිරීමේදී මෙම ඝාතනයේ තොරතුරු අනාවරණය වූ බව පොලිසිය සඳහන් කරයි.

මෙසේ ඝාතනය කර ඇත්තේ තම බිරියගේ බාප්පා,පුංචි සහ ඔවුන්ගේ දරුවා බව මෙතෙක් සිදු කල පරීක්ෂණවලින් අනාවරණය වන බව ද පොලිසිය සඳහන් කරයි.

(ලංකාදීප)

Continue Reading

පුවත්

රුසියානු තානාපති කාර්යාලයේ වැඩ බැලීමට විදේශ සේවයේ විශ්‍රාමිකයකු යවයි

Published

on

By

රුසියාවේ ශ්‍රී ලංකා තානාපති ධූරය තවමත් හිස්ව පැවතීම නිසා නව තානාපතිවරයකු පත් කරන තුරු විදේශ සේවයේ ජ්‍යෙෂ්ඨ නිලධාරියෙකු එම තානාපති කාර්යාලයේ වැඩ බැලීමට යැවීමට රජය සැලසුම් කර ඇතැයි වාර්තා වේ.

මේ අතර විදේශ කටයුතු රාජ්‍ය අමාත්‍ය තාරක බාලසූරිය මහතා මාධ්‍යට පවසා ඇත්තේ, තානාපතිවරයෙකු නොමැති වීම හුදෙක් කාර්ය පටිපාටියේ පරතරයක් පමණක් බවත්, රුසියාවේ පවතින විශේෂ තත්ත්වය මත විදේශ කටයුතු අමාත්‍යාංශයේ ජ්‍යෙෂ්ඨ නිලධාරියෙකු එහි කටයුතු අධීක්‍ෂණය කිරීමට යොමු කරන බවයි.

මෙසේ යවන්නේ විශ්‍රාමික විදේශ සේවයේ ජ්‍යෙෂ්ඨයකු බවත්, දැනට තානාපතිවරයකු නොමැති වීම ප්‍රධාන ප්‍රශ්නයක් නොවන බවද ඔහු අවධාරණය කර තිබේ.

අමාත්‍යවරයා වැඩිදුරටත් පවසා ඇත්තේ එහි දැනටමත් විදේශ සේවයේ ජ්‍යෙෂ්ඨ නිලධාරියෙකු සිටින බවත්, සිදුවෙමින් පවතින හදිසි අවශ්‍යතාවය සැලකිල්ලට ගෙන, ඉතා ජ්‍යෙෂ්ඨ විදේශ සේවා නිලධාරියෙකු යවන්නේ දැනට රුසියාවේ සිටින නිලධාරියා ප්‍රමාණවත් නොවන නිසා නොවන බවද ඔහු කියා සිටී.

මෙහෙයුම ශක්තිමත් කිරීම සඳහා මෙය සිදු කරන බවත්, සාමාන්‍ය ප්‍රොටෝකෝලය අනුව කටයුතු සිදුවන බවද බාලසූරිය මහතා අවධාරණය කර ඇත.

කෙසේවුවද, රුසියාවට තානාපතිවරයකු පත් කර ඇතත් ඔහු කවුරුන්ද යන්න මාධ්‍යට හෙළි නොකිරීමට ද බාලසූරිය මහතා කටයුතු කර තිබේ.

රුසියානු සමූහ ආණ්ඩුවේ හිටපු ශ්‍රී ලංකා තානාපතිනිය වන මහාචාර්ය ජනිතා ඒ ලියනගේ මහත්මියට සේවා දිග තුනක් ලබාදී තිබුණු අතර, ඇය පසුගිය අප්‍රේල් 29 වැනිදා මොස්කව්හි ශ්‍රී ලංකා තානාපති කාර්යාලයේ සිය සේවය අවසන් කර ඇත.

වර්තමානයේ, රුවිනි කේ. මුනිදාස මහත්මිය තානාපති කාර්යාලයේ භාර නිලධාරිනිය ලෙස කටයුතු කරනු ලබයි.

Continue Reading
Advertisement

Trending

Copyright © 2023 Sri Lanka Mirror. All Rights Reserved