Connect with us

පුවත්

ගිය අවුරුද්දේ ඇක්සිඩන්ට් වලින් මළ අය අතරින් 411ක් සිසුන්

Published

on

ඉකුත් වසරේදී (2022) මරණයට පත් වූ 2515 දෙනාගෙන් 411 දෙනකු පාසල් සිසුන් බව අනාවරණය වී තිබේ. 

ඒ අනුව පාසල් සිසුන් රිය අනතුරුවලට ලක්වීම වළක්වා ගැනීම සඳහා සෑම පාසලකම මාර්ග ආරක්ෂක කමිටු පිහිටුවන ලෙස ශ්‍රී ලංකා වෛද්‍ය සංගමයේ මාර්ග ආරක්ෂාව පිළිබඳ විද්වත් කමිටුව අධ්‍යාපන අමාත්‍යාංශයෙන් ඉල්ලීමක් කර තිබේ.

‘‘ඉකුත් 2022 වසරේ දී මාරක රිය අනතුරු 2395ක් සිදු වී තිබෙන බවට පොලිස් වාර්තා අනුව පෙනී යනවා. එම අනතුරුවලින් 6231 දෙනකු බරපතළ තුවාල ලබා තිබෙන අතර, තවත් 2515ක් මරණයට පත් වී තිබෙනවා.’’ යැයි මාර්ග ආරක්ෂාව පිළිබඳ විද්වත් කමිටුවේ සභාපති මහාචාර්ය සමන් ධර්මරත්න මහතා සඳහනක් කළේය. 

“රජය සෞඛ්‍යයට වෙන් කර තිබෙන මුදලින් රුපියල් බිලියන 200ක් පමණ මෙම අනතුරු සඳහා ප්‍රතිකාර කිරීමට වැයවෙන අතර එය මෙරට දළ දේශීය නිෂ්පාදිතයෙන් 3%ක් පමණ වෙනවා. එම නිසා රටේ ශීඝ්‍ර ලෙස වර්ධනය වෙමින් පවතින මාර්ග අනතුරු වළක්වා ගැනීමට ජනාධිපති කාර්ය සාධක බලකායක් ස්ථාපිත කරන ලෙස රජයෙන් ඉල්ලා සිටිනවා.’’ යැයි මාර්ග ආරක්ෂාව පිළිබඳ විද්වත් කමිටුවේ ලේකම් වෛද්‍ය රුවන් තුෂාර මැටිවලගේ මහතා පැවැසීය.

‘‘රියැදුරන්ට නිසි පුහුණුවක් නොමැතිවීම රිය අනතුරු බහුල වීමට හේතුවක් වී තිබෙනවා. ලංකාවේ නරකම පාරවල් තිබෙන්නේ කොළඹ නගරයේයි. කිසිදු ප්‍රමිතියකට අනුව පාරවල් නඩත්තු කරන්නේ නැහැ. මෙරට සිදුවන රිය අනතුරු අවම කර ගැනීමට නම් එම අනතුරු සිදු කරන රියැදුරන්ට එරෙහිව පනවා තිබෙන නීති තවදුරටත් දැඩි කළ යුතුයි.’’ යනුවෙන් ලෝක මෝටර් රථ ධාවන ශූර ඩිලන්ත මාලගමුව මහතා පැවැසීය.

(අරුණ)

පුවත්

ජනාධිපතිවරණය සහ මහ මැතිවරණය කල් දැමීමේ සූදානමක්?

Published

on

By

ඉදිරියේදී පැවැත්වීමට නියමිත ජනාධිපතිවරණය සහ මහ මැතිවරණය වසර දෙකකින් කල්දැමීමට කටයුතු කළ යුතු බව එක්සත් ජාතික පක්ෂය පවසයි.

අද පැවති ප්‍රවෘත්ති සාකච්ඡාවකට එක්වෙමින් එක්සත් ජාතික පක්ෂ මහලේකම් පාලිත රංගේ බණ්ඩාර මහතා මේ බව පැවසීය.

එහිදී වැඩිදුරටත් අදහස් දැක්වූ පාලිත රංගේ බණ්ඩාර මහතා,

“දැන් මේ බංකොලොත් භාවයෙන් මුදාගන්න තියෙනවා, රටේ ආර්ථිකය හදන්න තියෙනවා, IMF සහ ජාත්‍යන්තර සංවිධාන සමග අපේ එකඟතාවයන් තියෙනවා. මේ එකඟතාවයන් අපි කඩකරගත්තොත් නැවතත් අපි යන්නේ අර 2022 තිබුණ තැනට. ඉතින් අපි දැන දැන එතැනට ගිහිල්ලා විනාශ වෙනවා ද ? එහෙම නැත්නම් පොදු එකඟතාවයකට ඇවිල්ලා අවුරුදු දෙකකට මේ දෙකම දික් කරනවා ද ? ජනාධිපතිතුමාට ඉන්න පෙරේතකමට නෙමෙයි. අපියි මේ කියන්නේ . පාර්ලිමේන්තු ඡන්දයකට ගිහිල්ලා ආපහු නාස්ති කරන්න එපා. දෙකම අවුරුදු දෙකකට කල් දාන්න, ඒ අවුරුදු දෙක ඇතුළත මේ ප්‍රශ්න ටික නිරවුල් කරගෙන මැතිවරණයට යන්න පුළුවන්.”

Continue Reading

පුවත්

“එක මන්ත්‍රීවරයෙක් පාර්ලිමේන්තුවට එන්නේ ගිලන් රථයක එල්ලිලා”

Published

on

By

වාහන නොමැතිකම හේතුවෙන් මතුවී ඇති ගැටලු සම්බන්ධයෙන් මන්ත්‍රීවරුන් රැසක් තමාට පැමිණිලි කර ඇති බව කතානායක මහින්ද යාපා අබේවර්ධන මහතා පවසයි.

ඔහු පවසන්නේ, වාහනයක් නොමැති නැගෙනහිර පළාතේ මන්ත්‍රීවරයකු බොහෝ අවස්ථාවල කොළඹට පැමිණෙන්නේ ගිලන් රථයක නැගී බවය.

මන්ත්‍රීවරයා රෝහල් බලධාරීන්ට අමතා කොළඹට එන ගිලන් රථයක නැගී පැමිණෙන බවත්, තවත් මන්ත්‍රීවරුන් පොදු ප්‍රවාහන සේවයෙන් කොළඹට පැමිණෙන බවත් කතානායකවරයා විසින් සඳහන් කරන ලදී..

මේ අතර තීරු බදු රහිත වාහන බලපත්‍රයක් ලබාදෙන ලෙසට මන්ත්‍රීවරුන් කළ ඉල්ලීම ජනාධිපතිවරයාට මේ සතියේ භාර දෙන බවද ඔහු පැවසීය.

තමන්ට තීරු බදු රහිත වාහන බලපත්‍රයක් ලබාදෙන ලෙසට ආණ්ඩු පක්ෂයේ සහ විපක්ෂයේ මන්ත්‍රීවරු 116 දෙනෙක් සංදේශයක් භාරදෙමින් කතානායකවරයාගෙන් පසුගියදා ඉල්ලීමක් කර තිබුණි..

එම ඉල්ලීමට පාර්ලිමේන්තු ගෘහ කාරක සභාවේ අනුමැතිය දැනටමත් පළවී තිබේ.

Continue Reading

පුවත්

අහුංගල්ල පුද්ගල ඝාතනයට සම්බන්ධ සැකකරුවෙකු වැලිඔයේදී අත්අඩංගුවට

Published

on

By

අහුංගල්ල, ලෝකන්වත්ත ප්‍රදේශයේදී පසුගිය 08 වනදා පුද්ගලයෙකු වෙඩි තබා ඝාතනය කිරීමට සම්බන්ධ සැකකරුවෙකු පොලිස් විශේෂ කාර්ය බලකාය මගින් අත්අඩංගුවට ගෙන තිබේ.

ඒ, වැලිඔය වෙහෙරතැන්න, බෝගස්වැව ප්‍රදේශයේදීයි.

පොලිස් මාධ්‍ය ප්‍රකාශක කාර්යාලය ප්‍රකාශ කරන්නේ, පොලිස් විශේෂ කාර්ය බලකායේ වව්නියාව කඳවුරේ නිලධාරීන් කණ්ඩායමක් විසින් සැකකරු අත්අඩංගුවට ගත් බවයි.

අත්අඩංගුවට ගත් සැකකරු 23 හැවිරිදි වෙහෙරතැන්න බෝගස්වැව ප්‍රදේශයේ පදිංචිකරුවෙකි.

සැකකරු අදාළ වෙඩි තැබීමේ සිද්ධියේ යතුරුපැදියේ පැදිකරු ලෙස කටයුතු කර ඇති බව විමර්ශනවලදී අනාවරණ වී ඇත.   

සබැඳි පුවත්

Continue Reading
Advertisement

Trending

Copyright © 2023 Sri Lanka Mirror. All Rights Reserved