Connect with us

පුවත්

ගුවන් ගමන් ප්‍රමාදයට නියමු සංසදය උත්තර දෙයි

Published

on

පසුගිය කාලයේ ගුවන් ගමන් ප්‍රමාද වීම සම්බන්ධයෙන් එල්ල වූ චෝදනා පිළිබඳව කරුණු පැහැදිලි කරමින් ශ්‍රීලංකන් ගුවන් සමාගමේ ගුවන් නියමු සංසදය, නිවේදනයක් නිකුත් කර තිබේ.

ඇති වූ බරපතළ ගැටලු, ගුවන් සමාගමේ කළමනාකාරිත්වය විසින් විසඳා නොගැනීම, මේ තත්ත්වයට හේතුව බව එහි සඳහන් ය.

ශ්‍රීලංකන් ගුවන් සේවයේ රාජකාරියේ යෙදී සිටි නිලධාරියෙකු රෝගාතුර වීමත් සමග ගුවන් යානයක් ක්‍රියාත්මක කිරීම ප්‍රතික්ෂේප කළ බවට වරාය, නාවික හා ගුවන් සේවා අමාත්‍ය නිමල් සිරිපාල ද සිල්වා මහතා පසුගියදා චෝදනා කළේ ය.

එම චෝදනාවලට ප්‍රතිචාර දක්වමින් ගුවන් නියමු සංසදය, මෙම නිවේදනය නිකුත් කර තිබේ.

ශ්‍රීලංකන් ගුවන් සේවයට නම් කරන ලද ගුවන් ගමන් සඳහා සම්පූර්ණ ධාරිතාවෙන් ක්‍රියා කිරීමට නම් අවම වශයෙන් නියමුවන් 330ක් අවශ්‍ය බව එහි සඳහන් ය.

එහෙත්, 2022 වසරේ සිට ගුවන් නියමුවන් 70කට අධික සංඛ්‍යාවක් සේවයෙන් ඉල්ලා අස්වී ඇති බවත්, තවත් අය ඉල්ලා අස්වීම් අපේක්ෂාවෙන් සිටින බවත් එම නිවේදනයේ දැක්වෙයි.  

නියමිත වේලාවට වඩා පැය 12කට පසුව පිටත් වූ ගුවන් යානයකට අනුයුක්ත කිරීමට සූදානම්ව සිටි ගුවන් නියමුවෙකු නොමැති වීම නිසා, මෙම ගැටලුවේ බරපතලකම පසුගියදා දැකගත හැකි වූ බවද සංසදය මේ නිවේදනයේ සඳහන් කර තිබේ.

කළමනාකාරීත්වයේ අත්තනෝමතික සහ නොසැලකිලිමත් තීරණ හේතුවෙන්,  ගුවන් නියමුවන්, 330ක් සිටිය යුතු තැන  දැනට සිටින්නේ 250ක් පමණක් බවද මෙහි සඳහන් ය.  

නිවේදනයේ වැඩිදුරටත් දැක්වෙන්නේ, ශ්‍රී ලංකන් ගුවන් සමාගම විසින් ගුවන් නියමුවන්ට, ශ්‍රී ලංකා මහ බැංකුවේ අමෙරිකානු ඩොලර් හුවමාරු අගයට වඩා 40%කින් අඩු අගයකට සමාන වැටුපක් ගෙවන බවයි.

ගුවන් ගමන් සම්බන්ධයෙන් මෑත කාලීනව ගැටලු පැන නැගෙන්නේ ගුවන් නියමුවත් සම්බන්ධ ගැටළුවලට කළමනාකාරිත්වය නිසි අවදානයක් යොමු නොකිරීම නිසා බව නිවේදනයේ දැක්වෙයි.

නියමුවන් ඉල්ලා සිටියේ මෙම කරුණු පිළිබඳව ගුවන් සමාගමේ සියලුම පාර්ශ්වකරුවන් අවධානය යොමු කළ යුතු අතර, ඉදිරිපත් කර ඇති ගැටලු විසඳීමට පියවර ගත යුතු බවයි.

පුවත්

කතට අතවර කළ සැරයන්ගේ වැඩ තහනම්

Published

on

By

බිංගිරිය පොලිස් ස්ථානයේ ආපනශාලාවක් තුළදී එහි ආපනශාලාවේ සේවය කළ කාන්තාවකට ලිංගික අතවර කළ බව කියන සැරයන්වරයාගේ වැඩ තහනම් කළ බව කුලියාපිටිය ජ්‍යෙෂ්ඨ පොලිස් අධිකාරී කාර්යාලය පවසයි.

මෙසේ වැඩ තහනමට ලක්කර ඇත්තේ, බිංගිරිය පොලිසියේ සේවයේ කළ පොලිස් සැරයන්වරයෙකි.

බිංගිරිය පොලිස් ස්ථානයේ ආපනශාලාව පවත්වාගෙන ගිය වීරපොකුණ ප්‍රදේශයේ කාන්තාවකට ලිංගික අතරවර කළ බවට පොලිස්පතිවරයාට යොමු කළ පෙත්සමකට අනුව එහි විමර්ශන කටයුතු සිදුකරන ලෙස කුලියාපිටිය ජ්‍යෙෂ්ඨ පොලිස් අධිකාරිවරයාට පොලිස්පති විසින් නියෝග කරන ලදී.

ඒ අනුව, බිංගිරිය පොලිසියේ ස්ථානාධිපතිවරයාගේ ප්‍රධානත්වයෙන් ඒ පිළිබඳ විමර්ශනයක් සිදුකර සැකකාර සැරයන්වරයා අත්අඩංගුවට ගෙන හෙට්ටිපොළ මහේස්ත්‍රාත් අධිකරණයට ඉදිරිපත් කිරීම සිදුවිය.

කෙසේ වෙතත්, එම සැරයන්වරයා විසින් සිදුකරන ලද විෂමාචාර ක්‍රියාව හේතුවෙන් ඔහුගේ වැඩතහනම් කරන ලෙස ජ්‍යෙෂ්ඨ පොලිස් අධිකාරීවරයා විසින් දැනුම් දී ඇත.

Continue Reading

පුවත්

මේ සතියේ කැබිනට් තීරණ මෙන්න

Published

on

By

ඊයේ (2024-05-22) දින පැවැත්වූ අමාත්‍ය මණ්ඩල රැස්වීමේදී තීරණ රැසකට එළැඹ ඇත.

එම තීරණ මෙසේය.

Continue Reading

පුවත්

අරගලයේ නඩු භාණ්ඩ වෙන්දේසියට අවසර

Published

on

By

ගාලුමුවදොර අරගල භූමියේ දී 2022 වසරේ මැයි 09 වැනිදා සිදුවූ ගැටුම්කාරී තත්ත්වයෙන් පසු පොලිස් භාරයට ගෙන අධිකරණයට ඉදිරිපත් කළ නඩු භාණ්ඩ මාස දෙකක් ඇතුළත වෙන්දේසි කරන ලෙස කොටුව මහේස්ත්‍රාත් අධිකරණය නියෝග කර තිබේ.

ඒ අදාළ නඩු භාණ්ඩ සම්බන්ධයෙන් වූ නඩුව ඊයේ (22) කැඳවූ අවස්ථාවේදීය.

2022 වසරේ අප්‍රේල් 09 වැනිදා ගාලු මුවදොරදී ඇරඹි අරගලයෙන් මාසයකට පසු එනම් එම වසරේ මැයි 09 වැනිදා එවකට අග්‍රාමාත්‍ය මහින්ද රාජපක්ෂට සහාය පළ කළ පිරිසක් හා ගාලුමුවදොර අරගලකරුවන් අතර ගැටුම්කාරී තත්ත්වයක් ඇතිවිය.

වාහන ගිනි තැබීම්, දේපළ හානි මෙන්ම දේශපාලනඥයින්ගේ නිවාස ගිනි තැබීම ඇතුළු ආන්දෝලනාත්මක සිදුවීම් රැසක් ඉන් පසුව සිදුවූ අතර එම කාලසීමාවේදී පොලිස් භාරයට ගත් නඩු භාණ්ඩ රැසක් අධිකරණයේ තැන්පත් කර තිබුණි.

එම නඩු භාණ්ඩවලට අදාළ නඩුව ඊයේ (22 ) කොටුව මහේස්ත්‍රාත් කෝසල සේනාධීර මහතා ඉදිරියේ කැඳවනු ලැබුණි.

එහිදී මහේස්ත්‍රාත්වරයා නියෝග කළේ එලෙස අධිකරණයේ පවතින අරගල භූමියේ තිබූ දේපළ මාස දෙකක් තුළ වෙන්දේසි කර එහි මුදල් අධිකරණයේ තැන්පත් කරන ලෙසයි.

විනිසුරුවරයා මෙම තීන්දුව ලබාදුන්නේ පැදුරු, කොට්ට, ජෙනරේටර් ඇතුළු එම භාණ්ඩවලට අයිතිවාසිකම් කීමට කිසිවෙකුත් ඉදිරිපත් නොවීම හේතුවෙනි.

අපරාධ පරීක්ෂණ දෙපාර්තමේන්තුව අධිකරණයට දන්වා සිටියේ නඩුවේ විමර්ශන අවසන් කර නීතිපති උපදෙස් සඳහා එම ගොනුව යොමු කර ඇති බවය.

මෙම සිද්ධියේදී සැකකරුවෙකු ලෙස නම් කර සිටි හිටපු පාර්ලිමේන්තු මන්ත්‍රී සනත් නිශාන්ත මේ වන විට අභාවප්‍රාප්ත වී ඇති බව එහිදී පොලිසිය අධිකරනය හමුවේ කියා සිටියේය.

අරගලකරුවන්ට පහර දීමේ සිද්ධිය සම්බන්ධයෙන් පාර්ලිමේන්තු මන්ත්‍රීවරුන් වන මිලාන් ජයතිලක. ජොන්ස්ටන් ප්‍රනාන්දු ඇතුළු අනෙක් සැකකරුවන් 36 දෙනාගෙන් 30 දෙනෙකු ඊයේ විවෘත අධිකරණයේ පෙනී සිටියහ.

මෙම සිද්ධියට අදාළ නඩුව නැවත නොවැම්බර් මස 6 වෙනිදා කැඳවීමට නියමිතයි.

Continue Reading

Trending

Copyright © 2023 Sri Lanka Mirror. All Rights Reserved