පුවත්
“ගෘහ පාලිකාවන්ට දෙන අනිවාර්ය පුහුණුව ජාවාරම්කාර ඒජන්සි මගහරින්න හදනවා”
ගෘහ පාලිකාවන් ලෙස විදේශ රැකියා සඳහා පිටත්ව යන ශ්රමිකයිට දින 28ක පුහුණුව අනිවාර්ය කර ඇතත් ඇතැම් ජාවාරම්කාර ඒජන්සි එම පුහුණුව මඟ හැර ශ්රමිකයන් විදෙස්ගත කිරීමට උත්සාහ කරන බව කම්කරු හා විදේශ රැකියා අමාත්ය මනුෂ නානයක්කාර මහතා පවසයි.
අමාත්යවරයා පුහුණුව හා ගෘහ පාලිකා රැකියා සඳහා වන පුහුණුව ලබාදෙන ස්ජොන්ග් වර්ල්ඩ් සමාගමේ පුහුණු මධ්යස්ථානය සහ කාර්යාලය විවෘත කිරීමේ අවස්ථාවට එක් වෙමින් මේ බව පැවසීය.
මෙසේ දින 28ක පුහුණු කාලසීමාව මඟින් ශ්රමිකයන් හට නිසි ආරක්ෂාවක් හා ඉහළ වැටුපක් ලබාදීමට හැකි වන බව ඔහු පෙන්වා දෙයි.
අමාත්යවරයා වැඩිදුරටත් මෙසේ කීය.
“කොරියාවට රැකියා සඳහා ශ්රී ලංකිකයින් යොමු කිරීමට හැකියාව තිබුනේ රාජ්ය අංශයට විතරයි. මොකද ඒ රටවල් දෙකක් අතර පැවති ගිවිසුමක් සමඟයි මේ කටයුතු සිදුවුනේ. ඒත් කොරියානු රාජ්යත් එක්ක සාකච්චා කරලා වෑද්දුම් ශිල්පීන්, පින්තාරු ශිල්පීන් සහ ග්රහින්ඩර්ස්ලා වගේ අයව නාවික කර්මාන්තය සඳහා යොමුකරන්න මම කටයුතු කළා.
දැන් කොරියානු නාවික කර්මාන්තය තුල ශ්රී ලංකික ශ්රමිකයින්ට විශාල ඉල්ලීමක් තියෙනවා. ඉදිරයේදී ඒ සඳහා තවත් විශාල වශයෙන් අවකාශය සැලසෙන බවට අපි පෙනෙන්නට තියෙනවා.“
“අනිත් ක්ෂේත්රය තමයි කොරියාවේ කෘෂි කාර්මාන්ත ක්ෂේත්රය. ඒකට ගොඩක් අය නගර සභා සම්බන්ධ කරගෙන ලියුම් අරගෙන ආවා. ඒ්ත් කිසිම කෙනෙකුට සාර්ථකව වැඩටික කරගෙන යන්න අවස්ථාව ලැබුනේ නැහැ. නමුත් අද මෙතන ඉන්න චමිලාට ඒ කටයුත්ත ඉතාම විනිවිදභාවයක් ඇතිව සිදුකරන්න හැකියාව ලැබුනා.“
“අපිට කොරියාවට විතරක් නෙමෙයි රටවල් රාශියකට අදාල පුහුණු වැඩසටහන් ආරම්භ කරන්න කටයුතු කරනවා. එහිදී ඊශ්රායලය වගේ රටවල් කෙරෙහිත් අවධානය යොමුකරනවා. එතකොට තමයි අපේ ශ්රමිකයින්ට කරදයක් නැතිව රස්සාව කරලා නැවතත් සුරක්ෂිතව මේ රටට එන්න අවස්තාව ලැබෙන්නේ. ඒ වගේම පුහුණුවක් සහිතව ගියාම අපේ ජනතාවට වැඩි පඩියක් ලබා ගන්නත් හැකියාව ලැබෙනවා.“
සලෝචන ගමගේට ඇප
ඖෂධ මිල අඩු කිරීමට නව මිල පාලන යාන්ත්රණයක්
තානාපතිවරුන්ට ඉලක්ක
-
පුවත්6 days agoරනිල්ගෙන් විකල්ප පාර්ලිමේන්තුවක්!
-
පුවත්23 hours agoශිෂ්යත්ව විභාගයේ ප්රතිඵල ගැන දැනුම්දීමක්
-
පුවත්1 week agoමත්තල ගුවන්තොට ඉන්දියානු හා රුසියානු සමාගම්වලට දුන් තීන්දුව රිවර්ස්වන ලකුණු!
-
පුවත්6 days agoඇපැල් උසාවියේ සභාපති කලින් විශ්රාම යාමට සැරසෙයි!
-
ව්යාපාර1 week agoසිමෙන්ති මිල අඩු වෙයි ද?