Connect with us

පුවත්

ගෝඨා ඵලාගොස් ඇත්තේ සල්ලිත් දාලා නඩුවකින් හෙළිවෙයි

Published

on

ජනාධිපති මන්දිරයට කඩා වැදුණු අරගලකරුවන් සොයාගත් රුපියල් එක්කෝටි හැත්තෑඅට ලක්ෂ පනස්දහසක මුදල තමාගේ බැවින් එම මුදල ලබාදෙන්නැයි හිටපු ජනාධිපති ගෝඨාභය රාජපක්ෂ අධිකරණ‍යෙන් ඊයේ (8) වැනිදා ඉල්ලීමක් කළේය.

සිය නීතිඥ හරිගුප්ත රෝහණධීර මාර්ගයෙන් හිටපු ජනාධිපතිවරයා කොළඹ කොටුව මහෙස්ත්‍රාත් තිලිණ ගමගේ වෙත අදාළ ඉල්ලීම කළේය.

අදාළ මුදල් තොගය සම්බන්ධයෙන් නියෝගයක් කිරීමට පෙර විමසීමක් කිරීම අපරාධ නඩු විධාන සංග්‍රහය ප්‍රකාරව අධිකරණයේ වගකීම බවත්, එම මුදල් පිළිබඳව මුදල් විශුද්ධිකරණ වැළැක්වීමේ පනත මෙන්ම අල්ලස් පනත යටතේද විමර්ශනයක් කිරීමේ හැකියාවක් පවතින බව අවධාරණය කළ මහෙස්ත්‍රාත්වරයා, හිටපු ජනාධිපතිවරයා වෙනුවෙන් කරන ලද ඉල්ලීම ප්‍රතික්ෂේප කළේය.

ඉකුත් 2022 ජූලි 9 වන දින අරගලය පැවැති අවස්ථාවේදී කොටුව ජනාධිපති මන්දිරයට කඩා වැදුණු අරගලකරුවන් විසින් එම මන්දිරයේ 4 වන කාමරයේ තිබී සොයාගත් රුපියල් එක්කෝටි හැත්තෑඅට ලක්ෂ පනස් දහසක මුදල සම්බන්ධයෙන් හිටපු ජනාධිපති ගෝඨාභය රාජපක්ෂගෙන් ඉකුත් 6 වන දින ප්‍රකාශයක් සටහන් කර ගත් බව අපරාධ පරීක්ෂණ දෙපාර්තමේන්තුවේ නිලධාරීන් අධිකරණයට දන්වා සිටියේය.

හිටපු ජනාධිපතිවරයා වෙනුවෙන් පෙනී සිටි නීතිඥ හරිගුප්ත රෝහණධීර මෙසේ පැවැසීය.

‘හිටපු ජනාධිපතිවරයා ලබාදුන් ප්‍රකාශය මගින් අදාළ මුදල් ඔහුගේ බව පවසා තිබෙනවා. ඒ මුදල් සම්බන්ධයෙන් මෙතෙක් වෙනත් කිසිදු පාර්ශ්වයක් හිමිකම් පාලා නැහැ. ඒ අනුව අදාළ මුදල්වලට හිටපු ජනාධිපති ගෝඨාභය රාජපක්ෂ හිමිකම් පෑමක් කරනවා. ඔහු ලබාදී ඇති ප්‍රකාශය පිළිබඳව අධිකරණය සෑහීමකට පත්වන්නේ නම්, එම මුදල් ගෝඨාභය රාජපක්ෂ වෙත මුදාහරින ලෙස ඉල්ලා සිටිනවා.

මෙම සිද්ධිය වූ අවස්ථාවේදී ජනාධිපති මන්දිරයට විශාල පිරිසක් ආවා. අරගලකරුවන් අතර හොරුන්, දාමරිකයන් වැනි පිරිස් ද සිටියා. ජනාධිපති මන්දිරයේ ඉහළ නිලධාරීන් රැසකගේ මුදල්, ලැප්ටොප් පරිගණ ඇතුළු භාණ්ඩ රැසක් නැති වී තිබුණා.’

මහෙස්ත්‍රාත්වරයා,

මෙම මුදල් තොගය, ඉකුත් වසරේ මැයි 9 වැනිදා ඇති වූ කලහකාරී සිද්ධියේදී දේපළ හානි වූ පුද්ගලයන්ට ලබාදීම සඳහා තබාගෙන සිටින බව හිටපු ජනාධිපති ගෝඨාභය රාජපක්ෂ ප්‍රකාශ කර තිබෙනවා.

අගතියට පත් පාර්ශ්වය වෙනුවෙන් පෙනී සිටි ජනාධිපති නීතිඥ රියෙන්සි අර්ස කුලරත්න මෙසේ පැවැසීය.

‘මෙම මුදල් ඉල්ලන තැනැත්තා කොතරම් අධිකරණය හෑල්ලුවකට ලක්කර තිබෙනවාද? ඔහු අධිකරණයට පැමිණෙන්නේ නැතිව මුදල් ඉල්ලනවා. ඔහු අධිකරණයට පැමිණිය යුතුයි හිටපු ජනාධිපති ගෝඨාභය රාජපක්ෂ මේ මුදල් ලබාගැනීමට වක්‍ර ක්‍රමවලින් උත්සාහ කළා. මහජන ආරක්ෂක ඇමැති ටිරාන් අලස්, බස්නාහිර පළාත භාර ජ්‍යෙෂ්ඨ නියෝජ්‍ය පොලිස්පති දේශබන්දු තෙන්නකෝන් පාවිච්චි කරලා මේ මුදල් ගන්න බැලුවා. මේ මුදල් තමාගේ නම් ගෝඨාභය රාජපක්ෂ අධිකරණයට පැමිණ එම ඉල්ලීම කළ යුතුයි. මෙම මුදල් සම්බන්ධයෙන් වත්කම් විමර්ශනයක් අල්ලස් කොමිසම මගින් කළ යුතුයි. කාගේවත් හොර සල්ලි ඉල්ලන්න අපි ආවේ නැහැ.’

මෙම මුදල් සම්බන්ධයෙන් වන විමර්ශන මෙතෙක් අවසන් නොමැති බව සඳහන් කළ මහෙස්ත්‍රාත්වරයා අදාළ මුදල පිළිබඳව වෙනත් අයකු හිමිකමක් නොකීවද එය මුදාහැරීමේ හැකියාවක් නොමැති බව අවධාරණය කළේය.

මූලාශ්‍රය – අරුණ

පුවත්

ඉදිරි මාස දෙකේ සුනඛ සංගණනයක්

Published

on

By

ඉදිරි මාස දෙක තුළ මෙරට සිටිනා සුනඛයන් සංගණනය කිරීමක් සිදු කරන බව සෞඛ්‍ය අමාත්‍යංශයේ ජලභීතිකා මර්දන ඒකකය පවසයි. ලෝක සෞඛ්‍ය සංවිධානයේ අනුග්‍රහය මත මෙම සංගණනය සිදුකරන බවත් ඊට අදාළ මූලික ව්‍යාපෘති යෝජනාව සකසා අවසන් කර තිබේ.මෙරට සිටින්නෙ ලක්ෂ තිහක පමණ සුනඛ ගහණයක් බවත් ඉන් වැඩි සුනඛයන් සංඛ්‍යාවක් සිටින්නෙ නිවෙස් තුළ ඇතිකරන සුනඛයන් ලෙස බව ජලභීතිකා මර්දන ඒකකය පවසයි.

මේ වනවිට මෙරට සිටින සුනඛයන් එන්නත්කරණය සහ වන්ද්‍යාකරනය අඛණ්ඩව සිදුකරනු ලබයි.

මෙරට නීතියට අනුව සුනඛයන් මරණයට පත් කිරීම තහනම් වන අතර සුනඛයන් එන්නත් කිරීමෙන් සහ වන්ද්‍යකරණය කිරීමෙන් සුනඛ ගහනය පාලනය කළ නොහැකි බව ජලභීතිකා මර්දන ඒකකයේ විශේෂඥ වෛද්‍යවරයා පෙන්වා දුන්නේය.

දඩාවතේ යන සුනඛයින්ට මහාමාර්ගවල කෑම බීම දීම අඩු කිරීමෙන් යම් තරමක පාලනයක් සිදු කළ හැකි බවද ඔහු වැඩිදුරටත් ප්‍රකාශ කළේය.

Continue Reading

පුවත්

පොදු සමා කාලයේදී නාවිකයින් 1289 ක් බාර වෙයි

Published

on

By

2024 අප්‍රේල් මස 20 වන දින සිට 2024 මැයි මස 20 වන දින දක්වා ප්‍රකාශයට පත් කරන ලද පොදු සමා කාලය තුළ නිවාඩු නොමැතිව සේවයට වාර්තා නොකර සිටි නාවිකයින් එක්දහස් දෙසිය පනස් හතර දෙනෙකු (1254) නාවික හමුදා කඳවුරු වෙතත්, විදේශ ගත නාවිකයින් තිස්පස් දෙනෙකු (35) මාර්ගගත ක්‍රමය ඔස්සේත් වශයෙන් නාවිකයින් 1,289ක් බාර වී ඇත.

පොදු සමා කාලසීමාව තුළදී නිවාඩු නොමැතිව සේවයට වාර්තා නොකර සිටි සහ දැනට විදේශගතව සිටින නාවිකයින් හට [සියළුම ශිල්පීය අංශ වලට අයත් නාවිකයින් (Artificers) සහ වෘත්තිමය වෛද්‍ය/ වෘත්තිමය දන්ත (Professional Medical/ Professional Dental) අංශයේ නාවිකයින් හැර] නැවත රපෝර්තු කිරීමකින් තොරව නීත්‍යානූකූලව සේවයෙන් ඉවත්වීම සඳහා අවස්ථාව හිමි විය.

ඒ අනුව, 2024 අප්‍රේල් මස 20 වන දින සිට 2024 මැයි මස 20 වන දින දක්වා කාලසීමාව තුළ නිවාඩු නොමැතිව සේවයට වාර්තා නොකර සිටි නාවිකයින් එක්දහස් දෙසිය පනස් හතර දෙනෙකු (1254) නාවික හමුදා කඳවුරු වෙතත් විදේශ ගත නාවිකයින් තිස්පස් දෙනෙකු (35) මාර්ගගත ක්‍රමය ඔස්සේත් වශයෙන් නාවිකයින් එක්දහස් දෙසිය අසූ නව දෙනෙකු (1289) බාර වී ඇති අතර, ඔවුන් නීත්‍යානුකූලව ඉවත් කිරීම සඳහා කටයුතු සිදු කෙරෙමින් පවති.

Continue Reading

පුවත්

කළුතර බෝධිය වඳින්න ආ තරුණියක් අතුරුදහන්

Published

on

By

ඥාතීන් පිරිසක් සමග ඉකුත් 22 වැනිදා උදෑසන කළුතර බෝධිය වැඳ පුදා ගැනීමට පැමිණි 25 හැවිරිදි කාන්තාවක් අතුරුදහන් වීමේ සිද්ධියක් පිළිබඳව දකුණු කළුතර පොලිසිය පරීක්ෂණ පවත්වයි.

තම බිරිඳ වන කාරියවසම් පොලතන්ත්‍රිලාගේ තරංගි නිලූෂිකා ද සිල්වා මෙසේ අතුරුදහන්ව ඇති බව කළුතර බොලොස්සගම ,බෝසෙවනගම පදිංචි මැදගම ලියනගේ දොන් ප්‍රභාත් කෝලිත යන අය පොලිසියට පැමිණිලි කොට තිබේ.

ඉකුත් 22 වැනිදා උදේ තම පියාත් ඥාතීන් කීප දෙනෙකුත් සමග බිරිඳ කළුතර බෝධිය වැඳ පුදා ගැනීමට ගිය බවත් ,එහිදී ඇය අවුරුදු 02 ක් වයසැති දියණිය ඥාති පිරිමි ළමයෙකු අතටදී වැසිකිළියට යන බව පවසා ගොස් ඇති බවත්, සෑහෙන කාලයක් ගතවීත් ඇය නොපැමිණි නිසා පිරිස ඇයව සොයා බැලුවත් ඇය බෝධි පරිශ්‍රයේ නොසිටි බව කියමින් පියා තමාට දුරකථන ඇමතුමක් ලබා දුන් බවත් ඔහු පොලිසියට කර තිබූ පැමිණිල්ලේ සඳහන් වේ.

වයස අවුරුදු 25 ක් වන ඇය උස අඩි 05 අඟවා 04 ක් වන තළෙළු අයෙකු බවත් අවසන් වරට හැඳ සිටියේ නිල් පැහැති ඩෙනිම් දිග කලිසමක් හා සුදු බ්ලව්සයක් බවත් ඔහු තම පැමිණිල්ලේ වැඩිදුරටත් සඳහන් කර ඇත.

Continue Reading
Advertisement

Trending

Copyright © 2023 Sri Lanka Mirror. All Rights Reserved