Connect with us

පුවත්

ගෝනකු මරා මස් කළ අයෙකුට ලක්ෂයක් දඩ

Published

on

දැඩි ලෙස ආරක්ෂිත ක්ෂිරපායි සතකු වන ගෝනකු උගුලක් භාවිතා කර මැරීම හා මස් වෙළඳාම් කිරීම ඇතුළු චෝදනා කිහිපයක් සම්බන්ධයෙන් අත්අඩංගුවට ගැණුනු පුද්ගලයෙකුට වැල්ලවාය අධිකරණය විසින් රු. 105,000 ක දඩයක් නියම කර තිබේ.

ඌව වනජීවී කලාපයට අයත් බුත්තල ඔක්කම්පිටිය පාර 1 කණුව ප්‍රදේශයේදී දැඩි ලෙස ආරක්ෂිත ක්ෂිරපායි සතකු වන ගෝනකු උගුලක් භාවිතා කර මැරීම, ගෝන මස් ළඟ තබා ගැනීම, වෙළදාම් කිරීම සදහා ප්‍රදර්ශනය කිරීම සහ වල් ඌරු මස් කි.ග්‍රැ.31 වෙළඳාම සදහා ප්‍රදර්ශනය කිරීම යන චෝදනා සැකකරුට එල්ලවී තිබුණි.

ඌරුමස් කි.ග්‍රැ.1 බැගින් වු පාර්සල් 31ක් ගෝන මස් කි.ග්‍රැ.1 බැගින් වු පාර්සල් 13ක් මස් කැපීමට භාවිතා කරන පිහියක්, පොරොවක් සහ අධිශිතකරණයක් සැකකරු සමග වනජීවී නිලධාරින්ගේ භාරයට ගෙන තිබුණි.

වන සත්ව අඩවි ආරක්ෂක – ඩබ්.එම්.ඒ.ගුණතුංග, වන සත්ව නියාමක – එස්.එච්.දුමිදු කුමාර, ක්ෂේත්‍ර සහායක වරුන් වන එල්.ඒ.ගයාන් දුෂාන්ත, කේ අජිත් සිසිර කුමාර, රියදුරු – ඩබ්.ඒ.විකුම් දනන්ජය සහ බහු කාර්ය සංවර්ධන සහායක – ආර්.කේ.අජිත් රත්නායක යන නිලධාරින් මෙම වැටලීමට සහභාගි වී තිබුණි.

පුවත්

මිලදී ගත් ඖෂධවල කැරපොත්තන් හා වීදුරු කෑලි

Published

on

By

මෑත කාලයේදී  මිලදී ගත් ඇතැම් ඖෂධවල වීදුරු කැබලි මෙන්ම මැරුණු කැරපොත්තන් ද තිබී හමුවූ බව ජාතික  විගණන කාර්යාලය නිකුත් කළ වාර්තාවක සඳහන් වේ.

දෘශ්‍ය අංශු පැවැතීම, පෙති  කැඩී යාම, වර්ණය වෙනස්වීම, නියමිත පිරිවිතරයන්ට අනුකූල නොවීම, අහිතකර ප්‍රතික්‍රියා හේතුවෙන් මරණ සිදුවීම, ක්ෂුද්‍ර ජීවී ආසාදන වැනි ලක්ෂණ සහ විවිධ ප්‍රතිපල රැසක් ද එම ඖෂධවලට අදාළව   හඳුනාගෙන තිබූ බව වාර්තාවේ දැක්වේ.

ජාතික විගණන කාර්යාලය පවසන්නේ මේ හේතුවෙන් ඖෂධ රැසක් භාවිතයෙන් ඉවත් කර තිබූ බව ය.

මෙසේ කැරපොත්තන් සහ වීදුරු කැබලි හමුවී ඇත්තේ ප්‍රතිජීවක ඖෂධ, ආසාත්මිකතා, ඇඳුම, පිළිකා, හෘද රෝග, අක්ෂි ආසාදන  හා වකුගඩු රෝග සඳහා භාවිතා කරන ඖෂධ වර්ගවලය.

රජයේ රෝහල් සඳහා පසුගිය 2022 වර්ෂයේදී නිකුත් කළ වෛද්‍ය සැපයීම්වලින් රුපියල් කෝටි 35 ක් වටිනා ඖෂධ, ශල්‍ය හා රසායනාගාර ද්‍රව්‍ය තත්වයෙන් අසමත් වීම මත භාවිතයෙන් ඉවත් කර තිබූ බවත්  තවත් රුපියල් කෝටි තුනකට වැඩි වටිනා ඖෂධ තත්වයෙන් අසමත්වීම හේතුවෙන්  භාවිතය තාවකාලිකව අත්හිටුවා තිබූ බවත් එහි සඳහන් වේ.

මෙම තත්වය ගැන  විගණන නිලධාරින්  වසර ගණනාවක් තිස්සේ අනාවරණය කළ ද අවම කර ගැනීමට කටයුතු කර නොතිබුණු බව පවසන එම වාර්තාව පසුගිය වර්ෂයේදී පමණක් රුපියල් කෝටි 24 248කට වැඩි වටිනා ඖෂධ තත්වයෙන් අසමත්වීමෙන් භාවිතය අත්හිටුවා තිබූ බව ද  සඳහන් කරයි.

මේ අතර සැපයුම්කරුගේ සුදුසුකම් හා ඖෂධයේ තත්වය පිළිබඳව පරීක්ෂා කිරීමෙන් තොරව ඖෂධ සැපයීමට පහසුකම්  දීමෙන් ඖෂධ සම්බන්ධයෙන් අවදානමක් මතුවන බව විගණන නිලධාරීන් නිරීක්ෂණය කර ඇත.

මේ අතර ඖෂධ නීතිගත සංස්ථාව සැපයුම්කරුවන්ගෙන් අය කර ගත යුතුව ඇති රුපියල් කෝටි එකසිය හතළිහකට වැඩි මුදලක් මෙතෙක් අය කරගෙන නොතිබූ බව ද  විගණන  වාර්තාවේ දැක්වේ.

Continue Reading

පුවත්

ශිෂ්‍යත්ව විභාගයට අයැදුම්පත් කැඳවීම අද සිට

Published

on

By

2024 වසරේ 5 ශ්‍රේණිය ශිෂ්‍යත්ව විභාගය සඳහා අයැදුම්පත් කැඳවීම අද (27) සිට ආරම්භ වන බව විභාග දෙපාර්තමේන්තුව පවසයි.

විභාග කොමසාරිස් ජනරාල් අමිත් ජයසුන්දර මහතා පැවසුවේ, ලබන මස 14 වැනිදා දක්වා මාර්ගගතව අයැදුම්පත් කැඳවන බවය.

ජුනි 14 වැනිදා මධ්‍යම රාත්‍රි 12 ට මාර්ගගත ප්‍රවේශය වසා තබන බවත් , කිසිදු හේතුවක් මත අයැදුම්පත් භාරගැනීමේ අවසන් දිනය දීර්ඝ නොකරන බවත් විභාග කොමසාරිස් ජනරාල්වරයා සඳහන් කළේ ය.

ඔහු පැවසුවේ රජයේ පාසලක හෝ රජය විසින් අනුමත කරනු ලැබු පාසලක 5 ශ්‍රේණියේ ඉගැනුම ලබන සිසුන්ට පමණක් 5 ශ්‍රේණිය ශිෂ්‍යත්ව විභාගයට ඉදිරිපත්විය හැකි බවයි.

මේ අතර, 2025 ජනවාරි 31 වැනි දිනට වයස අවුරුදු 11ට අඩු, අඩු ආදායම් සහිත සිසුන් ශිෂ්‍යාධාර ලැබීමට සුදුසුකම් ලබන බවද ඔහු සඳහන් කළේ ය.

විභාග කොමසාරිස් ජනරාල්වරයා පැවසුවේ, අයැදුම් කිරීමට අදාළ උපදෙස් www.onlineexams.gov.lk යන වෙබ් අඩවියට පිවිසීමෙන් ලබාගත හැකි බවයි.

විශේෂ අවශ්‍යතා සහිත සිසුන්, ඉල්ලුම් කළ යුතු ආකාරය පිළිබඳ උපදෙස් විස්තරාත්මකව උපදෙස් පත්‍රිකාවේ සඳහන් කර ඇතැයිද විභාග කොමසාරිස් ජනරාල් අමිත් ජයසුන්දර මහතා සඳහන් කළේ ය.

2024, 5 ශ්‍රේණිය ශිෂ්‍යත්ව විභාගය ලබන සැප්තැම්බර් 15 වැනි ඉරුදින පැවැත්වීමට නියමිතයි. 

Continue Reading

පුවත්

වැසි හා සුළං තත්ත්වය තවදුරටත්

Published

on

By

නිරිත දිග මෝසම් තත්ත්වය හේතුවෙන් පවතින සුළං තත්ත්වය තවදුරටත් බලාපොරොත්තු විය හැකි බව කාලගුණවිද්‍යා දෙපාර්තමේන්තුව නිවේදනය කරයි.

බස්නාහිර, සබරගමුව, මධ්‍යම, වයඹසහ දකුණු පළාත්වල විටින් විට වැසි හෝ ගිගුරුම් සහිත වැසි ඇතිවේ.

බස්නාහිර සහ සබරගමුව පළාත්වලත් නුවරඑළිය දිස්ත්‍රික්කයේත් ඇතැම් ස්ථානවල මි.මී. 75 ක පමණ තරමක තද වැසි ඇතිවිය හැක.

ඌව සහ නැගෙනහිර පළාත්වල සවස් කාලයේ හෝ රාත්‍රී කාලයේ තැනින් තැන වැසි හෝ ගිගුරුම් සහිත වැසි ඇතිවේ.

මධ්‍යම කඳුකරයේ බටහිර බැවුම් ප්‍රදේශවල සහ උතුරු, උතුරු මැද, බස්නාහිර, දකුණු සහ වයඹ පළාත්වලත් ත්‍රීකුණාමලය දිස්ත්‍රික්කයේත් විටින් විට හමන පැ.කි.මී. (50-60) ක පමණ තද සුළං ඇතිවිය හැක. දිවයිනේ සෙසු ප්‍රදේශවල විටින් විට හමන පැ.කි.මී. (30-40) ක පමණ තරමක තද සුළං ඇතිවිය හැක

Continue Reading
Advertisement

Trending

Copyright © 2023 Sri Lanka Mirror. All Rights Reserved