පුවත්

චාමර යකඩ හොරකමට සම්බන්ධයි – සිමෙන්ති සංස්ථාවේ හිටපු සභාපති

Published

2 years ago

August 9, 2023

editor

කන්කසන්තුරේ සිමෙන්ති කර්මාන්ත ශාලාවෙන් මාස 02ක කාලයක් තුළ මිලියන 22ක යකඩ ප්‍රමාණය සොරකම් කිරීම සම්බන්ධව චාමර සම්පත් රාජ්‍ය ඇමතිවරයා වගකිවය යුතු බවටත්, ඒ සම්බන්ධව වහාම විමර්ශනයක් ආරම්භ කරන ලෙසටත් දන්වා ශ්‍රි ලංකා සිමෙන්ති සංස්ථාවේ හිටපු සභාපති නීතිඥ ගාමිණී ඒකනායක මහතා අද (09) අපරාධ පරීක්ෂණ දෙපාර්තමේන්තුවට පැමිණිල්ලක් කර තිබේ.

ඔහු පැමිණිල්ල ඉදිරිපත් කරමින් ප්‍රකාශ කර තිබුණේ සිමෙන්ති කම්හල් භූමියේ විසිරී තිබුණු රුපියල් බිලියන ගණනක යකඩ ප්‍රමාණයක් සම්බන්ධව තාක්ෂණික කමිටුවක් මගින් ඇගයීමක් කර තිබුණු බවය.

අනතුරුව යළි කර්මාන්ත ශාලාව ඉදිකිරීම සඳහා කැබිනට් තීරණය ප්‍රකාරව ටෙන්ඩර් පටිපාටියට මෙම භූමියේ ඇති අබලි යකඩ විකිණීමේ තීන්දුව ක්‍රියාත්මක කිරීමට අදාල සියලුම පියවර තමන් අරගත් බව හිටපු සභාපතිවරයා අපරාධ පරීක්ෂණ දෙපාර්තමේන්තුවට කීවේය.

එහෙත් කැබිනට් තීරණය ක්‍රියාත්මක කරනු වෙනුවට චාමර සම්පත් රාජ්‍ය ඇමතිවරයා මුලින්ම සිදුකර තිබුණේ කම්හල් භූමියේ ආරක්ෂාවට සිටි හමුදාව ඉවත් කර සීමිත සංඛ්‍යාවක් පමණක් ඉතිරි කරගෙන කම්හල් භූමිය අනාරක්ෂිත කළ බවය.

එමෙන්ම බදුල්ලෙන් ගෙන්වා ගත් පුද්ගලයින් හත් දෙනෙක් මෙම කර්මාන්ත ශාලාව වෙත බඳවාගැනීමත් හමුදාව ඉවත් කර භූමිය අනාරක්ෂිත කිරීමෙන් මාස දෙකක් තුළ මිලියන 22ක යකඩ එක්වර ඉවත් වීමත් අතර පැහැදිලි සම්බන්ධයක් ඇති බව ඔහු පෙන්වා දුන්නේය.

එබැවින් මෙම යකඩ හොරකම ගැන පූර්ණ විධිමත් පරීක්ෂණයක් පවත්වන ලෙස හිටපු සභාපතිවරයා අපරාධ පරීක්ෂණ දෙපාර්තමේන්තුවට පැමිණිල්ලක් ඉදිරිපත් කරමින් ඉල්ලා සිටියේය.

මෙම යකඩ හොරකමේ චෝදනාව සම්බන්ධව පාර්ලිමේන්තුවේ දී කළ හෙළිදරව්වකට අනුව ඉන් කිපුණු චාමර සම්පත් රාජ්‍ය ඇමතිවරයා ඊයේ එම ප්‍රශ්න කිරීම කළ මන්ත්‍රීවරයාට සහ අද අපාරාධ පරීක්ෂණ දෙපාර්තමේන්තුව වෙත ගිය කන්කසන්තුරේ සිමෙන්ති කර්මාන්ත ශාලාවේ හිටපු සභාපති නීතිඥ ගාමිණී ඒකනායකට අතිශය පහත් ආකාරයට පාර්ලිමේන්තුවේ දී බැණවැදුනේය.

එම කතා විලාශය පක්ෂ විපක්ෂ මන්ත්‍රීවරුන්ගේ දැඩි දෝෂ දර්ශනයට ලක් වූ අතර ඩලස් අලහප්පෙරුම මන්ත්‍රීවරයා ඒ අවස්ථාවේ දී විවාදය නරඹමින් සිටි පාසල් දරුවන්ගෙන් පාර්ලිමේන්තු නියෝජිතයන් වෙනුවෙන් සමාව ඉල්ලුවේය.

පුවත්

සෑම පාසල් සිසුවෙකුටම දත්ත ගොනුවක්

Published

15 minutes ago

June 4, 2025

editor

පාසල් පද්ධතියට ඇතුළත් වන සෑම සිසුවෙකු සඳහා ම අනන්‍ය වූ දත්ත ගොනුවක් සකස් කිරීම සහ අද්විතීය හැඳුනුම්පතක් (Unique Identity Card) මෙමගින් හඳුන්වාදීමට නියමිත බව උසස් අධ්‍යාපන හා වෘත්තීය අධ්‍යාපන අමාත්‍යංශය පවසයි.

2026 වසරේ ක්‍රියාත්මක කිරීමට නියමිත අධ්‍යාපන පරිවර්තය යටතේ අධ්‍යාපන ක්ෂේත්‍රයේ අධ්‍යයන, අනධ්‍යන සේවකයින්, දරුවන් සහ පාසල් ඇතුළු සමස්ත තොරතුරු ඇතුළත් ජාතික අධ්‍යාපන දත්ත කළමනාකරණ පද්ධතියක් නිර්මාණය කිරීම සම්බන්ධයෙන් උසස් අධ්‍යාපන හා වෘත්තීය අධ්‍යාපන අමාත්‍ය, අග්‍රාමාත්‍ය ආචාර්ය හරිනි අමරසූරියගේ ප්‍රධානත්වයෙන් පෙරේදා (02) අමාත්‍යාංශයේ දී පැවති සාකච්ඡාවකදී මේ බව තීරණය කර තිබේ.

ජාතික උප්පැන්න සහතිකය, විභාග ප්‍රතිඵල, කුසලතා, නිපුණතා ඇතුළු දරුවන්ගේ සියලු දත්ත මෙම පද්ධතියට ඇතුළත් කිරීමට මෙහි දී යෝජනා කළ බව පැවසේ.

2026 වර්ෂයේ දී සිදුකරන අධ්‍යාපන පරිවර්තයට සමගාමීව දරුවන් පාසලට ඇතුළත් කර ගැනීමේ කටයුතු පහසු කර ගැනීම, ගුරු සහ විදුහල්පති පුරප්පාඩු හදුනාගැනීම, පත්වීම් ලබාදීම, උසස් කිරීම, ස්ථානමාරු සිදු කිරීම, අඛණ්ඩ ඇගයීම් ක්‍රමවේදය ක්‍රියාත්මක කිරීම, පාසල්වල භෞතික සම්පත් සංවර්ධනය ඇතුළු පාසල් පද්ධතියේ සියලු කාර්යයන් කාර්යක්ෂමව සහ ඵලදායීව ක්‍රියාත්මක කිරීම සඳහා මෙම දත්ත පද්ධතිය මගින් හැකි වන බව අග්‍රාමාත්‍යවරිය මෙහිදී පවසා තිබේ.

ලබන වසරේ සිට පළමු වසරට සහ හයවන වසරට ඇතුළත්වන දරුවන් මූලික කර ගනිමින් මෙම දත්ත පද්ධතිය ආරම්භ කිරීමටද මෙහි දී සාකච්ඡා කර ඇත.

ජාතික අධ්‍යාපන දත්ත කළමනාකරණ පද්ධතිය සැකසීම සඳහා අවශ්‍ය සහාය ශ්‍රී ලංකා ගුවන් හමුදාවේ තොරතුරු තාක්ෂණ අංශය මගින් ලබා දෙනු ඇත.

පුවත්

හිටපු ඇමති ඩලස්ගේ WhatsApp හැක් වේ

Published

1 hour ago

June 4, 2025

editor

හිටපු අමාත්‍ය ඩලස් අලහප්පෙරුම මහතාගේ වට්ස්ඇප් ගිණුම අනවසර පුද්ගලයින් විසින් හැක් කර ගෙන ඇති බව වාර්තා වේ.

හිටපු අමාත්‍යවරයා ද සිය ෆේස්බුක් සමාජ මාධ්‍ය ඔස්සේ සටහනක් තබමින් සිය වට්ස් ඇප් අංකයෙන් ලැබෙන පණිවුඩ සඳහා ප්‍රතිචාර නොදක්වන ලෙස ඉල්ලීමක් සිදුකර තිබේ.

මෙම ගිණුම භාවිතා කරමින් වංචනික පණිවිඩ හරහා මුදල් ඉල්ලීම් සිදුවෙමින් පවතී. පැතිරෙන පණිවිඩයේ අන්තර්ගතය මෙසේය:

“මම මිතුරෙකුට මුදල් යැවීමට උත්සාහ කළනවා, නමුත් එය යැවිය නොහැකියි. මගේ විස්තරවල ගැටලුවක් ඇති බව පෙනෙනවා. ඔබට හැකි නම්, එම පුද්ගලයාගේ විස්තරවලට රු.100,000ක් යැවීමට උපකාර කරන්න. මම හෙට උදේම එම මුදල ආපසු ගෙවනවා.”