Connect with us

පුවත්

චීනයේ සිචුවාන් පළාත හා ලංකාව අතර සබඳතා නව තලයකට (ඡායා)

Published

on

චීනයේ සිව් දින රාජ්‍ය සංචාරයක නිරත ජනාධිපති අනුර කුමාර දිසානායක මහතා සහ චීන කොමියුනිස්ට් පක්ෂයේ සිචුවාන් පළාතේ ලේකම් වං ෂියාඕහ්වෙයි (Wang Xiaohui) මහතා අතර හමුව අද (17) පෙරවරුවේ සිදු විය.

සිය ඓතිහාසික සංස්කෘතික උරුමය රැකගනිමින් සංවර්ධනයෙහි අරුණැල්ලෙන් පිබිදෙන සිචුවාන් පළාතේ චන්දු නගරය චීනයේ සතුටින්ම සිටින ජනතාව ජීවත්වන නගරයක් ලෙස ප්‍රමුඛස්ථානයක් ගෙන තිබේ.

ආර්ථික සංවර්ධනය අතින් ද සෑමවිටම පෙරමුණේ සිටින සිචුවාන් පළාත සහ ශ්‍රී ලංකාව අතර ආර්ථික, වෙළෙඳ, සංස්කෘතික සහ සංචාරක මෙන්ම අන්තර් රාජ්‍ය සබඳතා ශක්තිමත් කර ගනිමින් නව තලයකට ඔසවා තැබීම පිළිබඳ මෙම හමුවේ දී දීර්ඝ ලෙස සාකච්ඡා කෙරිණි.

බලශක්ති ඇතුළු ක්ෂේත්‍ර රැසක් ඔස්සේ සිචුවාන් පළාත ලබා ඇති ජයග්‍රහණය ශ්‍රී ලංකාව සමඟ බෙදා හදා ගන්නා ලෙස මෙහිදී පළාත් ලේකම්වරයා වෙත ආරාධනා කළ ජනාධිපතිවරයා මේ වන විට ශ්‍රී ලංකාව ආර්ථික වශයෙන් ස්ථාවර වෙමින් පවතින බවත්, විනිවිදභාවයෙන් යුත් පාලනය තුළ  රට තුළ ආයෝජන සඳහා ඉතා හිතකර පරිසරයක් නිර්මාණය වී තිබෙන බවත් පැවසීය.

මේ වන විට ශ්‍රී ලංකාව පසුවන්නේ දේශපාලනයේ හැරවුම් ස්ථානයක බව පෙන්වා දුන් ජනාධිපති අනුර කුමාර දිසානායක මහතා උතුර, නැගෙනහිර, බටහිර, දකුණ සියලු ජනතාව එක්ව තුනෙන් දෙකක බලයක් ලබා දෙමින් වත්මන් රජය බලයට පත් කර ගත් බවත්, එම ජන වරම තුළ ජනතාව තැබු අපේක්ෂා උපරිමයෙන් ඉටු කිරීමට රජය කැපවී සිටින බවත් සඳහන් කළේය.

චීන සංචාරකයන් සඳහා ශ්‍රී ලංකාව හොඳ ගමනාන්තයක් බව පැවසූ ජනාධිපති අනුර කුමාර දිසානායක මහතා විශිෂ්ට ආගන්තුක සත්කාර සහිත ශ්‍රී ලංකාවේ සංචාරය කිරීමට සිචුවාන් ජනතාවට ආරාධනා කරන බවද පැවසීය.

විදේශ කටයුතු, විදේශ රැකියා සහ සංචාරක අමාත්‍ය විජිත හේරත්, ප්‍රවාහන , මහා මාර්ග, වරාය සහ සිවිල් ගුවන් සේවා අමාත්‍ය බිමල් රත්නායක යන මහත්වරු ද මෙම අවස්ථාවට එක්ව සිටියහ.

(ජනාධිපති මාධ්‍ය අංශය)

පුවත්

යුද හමුදා සාමාජිකයන්ට පාස්පෝර්ට් රෙජිමේන්තුවලට බාරදෙන්න කියයි

Published

on

By

මේජර් තනතුරින් පහළ සියලු යුද්ධ හමුදා සෙබළුන්ගේ විදෙස් ගමන් බලපත්‍ර අදාළ රෙජිමේන්තු වෙත භාරදීමට පියවර ගන්නා ලෙස යුද හමුදා මූලස්ථානය මගින් දැනුම් දීමක් සිදුකර තිබේ.

යුද්ධ හමුදා මාධ්‍ය ප්‍රකාශක බ්‍රිගේඩියර් වරුණ ගමගේ මහතා පැවසුවේ පරිපාලන කටයුත්තකට අදාළව මෙම පියවර ගෙන ඇති බවය.

කෙසේවෙතත් පෞද්ගලික අවශ්‍යතා සඳහා අදාළ අංශ දැනුවත් කර විදෙස් ගමන් බලපත්‍රය නැවත ලබාගැනීමේ හැකියාව පවතින බව ද මාධ්‍ය ප්‍රකාශකවරයා පැවසීය.

Continue Reading

පුවත්

කිළිනොච්චි රෝහල් එක්ස් කිරණ කාමරේ ගිනිගනියි, ගිනිනිවන බඩු කල් පැනලා ගින්න නිවන්න කල් යයි!

Published

on

By

කිළිනොච්චිය රෝහලේ එක්ස් කිරණ කාමරය තුළ ඊයේ (15) හදිසියේම ගිනි ගැනීම නිසා එහි තිබූ උපකරණ රැසක් ගින්නට හසු වී විනාශ වී ගොස් තිබේ.

මේ අවස්ථාවේදී රෝහලේ සවිකොට තිබූ ගිනි නිවන උපකරණ සියල්ලම භාවිත කිරීමට රෝහල් සේවකයින් පියවර ගෙන ඇති නමුත් ඒවා යල්පැන ගිය ගිනි නිවන උපකරණ නිසා ඒවා නිසි ලෙස ක්‍රියාත්මක වී නොමැති බව පැවසේ.

කිළිනොච්චිය රෝහල තුළම වෙනත් ව්‍යාපෘතියක් යටතේ ඉදි කොට තිබූ ගොඩනැගිල්ලක සවි කොට තිබූ ගිනි නිවන උපකරණ කීපයක් ගලවා ගෙන පැමිණි සේවකයින් විසින් දැඩි වෙහෙසක් දරා ගින්න පාලනය කර ගැනීම නිසා ඉතා වටිනා භාණ්ඩ හා උපකරණ අසුරා තිබූ එක්ස්‍ කිරණ කාමරයට ගින්න පැතිර යාම වළක්වා ගැනීමට හැකි වී තිබේ.

කෙසේවෙතත් මෙම ගින්න හේතුවෙන් විනාශ වී ගිය බොහෝ උපකරණ යළි භාවිතයට ගැනීමට නොහැකි වීම නිසා රුපියල් ලක්ෂ 25 ක පමණ අලාභයක් කිළිනොච්චිය රෝහලට සිදුව ඇත.

මෙම ගින්න හට ගැනීමට හේතුව මෙතෙක් අනාවරණය වී නොමැත.

කිළිනොච්චිය පොලීසිය මේ සම්බන්ධයෙන් පරීක්ෂණ පවත්වා ගෙන යන අතරතුර කිළිනොච්චිය රෝහල මගින්ද මෙම ගින්න සම්බන්ධයෙන් අභ්‍යන්තර මට්ටමේ පරීක්ෂණයක් ආරම්භ කොට තිබේ.

කෙසේවෙතත් කිළිනොච්චිය රෝහලේ සවිකොට ඇති සියලුම ගිනි නිවන උපකරණ කල් ඉකුත් වී වසර කීපයක්ම ගත වී ඇති බව රෝහල කළ පරීක්ෂණ වලින් දැනට හෙළි වී තිබේ.

Continue Reading

පුවත්

ගොවීන්ගෙන් ආණ්ඩුවට වී කිලෝ 700යි 

Published

on

By

වී අලෙවි මණ්ඩලයේ ගබඩාවලට ඉකුත් සතියේ දී ගොවීන් අලෙවි කර ඇත්තේ කිලොග්‍රෑම් 700 ක වී තොගයක් පමණක් බව වාර්තා වේ. 

අම්පාර දිස්ත්‍රික්කයේ වී ගබඩාවකට මෙම වී තොගය ලැබී තිබේ.

රජය වී මිලදී ගැනීමේ වැඩපිළිවෙළ ආරම්භ කරනු ලැබුවේ ඉකුත් 06 වැනිදා සිටය. 

කෙසේවුවද, පෞද්ගලික අංශය වේලන ලද නාඩු, සම්බා වී කිලෝවක් රුපියල් 120 ත් 130 ත් අතර මිලකට මිලදී ගන්නා බව ගොවීන් කියා සිටිති. 

වී තොග රැස්කරන්නන් රැසක් කුඹුරටම ගොස් වී මිලදී ගෙන මහා පරිමාණ සහල් ව්‍යාපාරිකයන්ට අලෙවි කරන බවද පැවසේ.

මේ අතර, ශ්‍රී ලංකා මහ බැංකුව සහ හෙක්ටර් කොබ්බෑකඩුව ගොවි කටයුතු පර්‌යේෂණ ආයතනයේ වාර්තාවලට අනුව තවමත් වෙළෙඳ පොළේ සහල් අලෙවි කෙරෙන්නේ රජයේ පාලන මිල ඉක්මවා බවද පැවසේ. 

ඇතැම් ගොවීන් වී තොග අලෙවි නොකර, වී මිල තවත් වැඩිවනතුරු සිය නිවෙස්වල ගබඩා කරගෙන සිටින බව ද වාර්තා වේ.

මූලාශ්‍රය – අරුණ

Continue Reading
Advertisement

Trending

Copyright © 2023 Sri Lanka Mirror. All Rights Reserved