Connect with us

පුවත්

චීනය ණය ප්‍රතිව්‍යූහගතකරණයට විරුද්ධ නැහැ – ජනපති

Published

on

ශ්‍රී ලංකාවේ ණය ප්‍රතිව්‍යුහගතකරණය සම්බන්ධයෙන් චීනයේ එක්සීම් බැංකුව සමඟ ශ්‍රී ලංකාව සාකච්ඡා අරඹනු ඇතැයි චීන රජය අපෙක්ෂා කරන බව ජනාධිපති රනිල් වික්‍රමසිංහ මහතා කියයි.

ජනාධිපතිවරයා මේ බව කියා සිටියේ ලංකා වාණිජ මණ්ඩලය විසින් කොළඹ ෂැන්ග්‍රිලා හෝටලයේදී ඊයේ (05) පවත්වන ලද 2022 ආර්ථික සමුළුව අමතමිනි.

චීනය සමඟ පැවැති සාකච්ඡා ප්‍රමාද වුයේ චීන කොමියුනිස්ට් පක්ෂයේ සමුළුව පැවැති නිසා බව කී ජනාධිපතිවරයා, මේ වන විට ඒ සමුළුව අවසන් ව ඇති බැවින් මේ සාකච්ඡා කඩිනම් වනු ඇති බවත් කීවේය.

චීනය ශ්‍රි ලංකාවේ ණය ප්‍රතිව්‍යූහගතකරණය සම්බන්ධයෙන් විරුද්ධ වි නැතැයි ද හෙතෙම කීවේය.

අනාගතය සඳහා හරිත හයිඩ්‍රජන් අංශය කෙරෙහි ශ්‍රී ලංකාව වැඩි අවධානයක් යොමු කළ යුතු බව ජනාධිපතිවරයා පැවසීය.

සූර්ය බලශක්ති කර්මාන්තයට වඩා විශාල විභවයක් ඇති මෙම අංශය කෙරෙහි පෞද්ගලික අංශය අවධානය යොමු කළ යුතු බව ඔහු පැවසීය.

ඉඩම් නීති ද නැවත සලකා බලා ආයෝජකයන්ට වඩාත් ප්‍රවේශ විය හැකි පරිදි වෙනස්කම් සිදු කළ යුතු බව පෙන්වා දුන් ජනාධිපතිවරයා, ශ්‍රී ලංකාවට කඩිනමින් අවශ්‍ය වන්නේ නව ආර්ථිකයක් මිස ප්‍රතිසංස්කරණ නොවන බව වැඩිදුරටත් පැවසීය.

ශ්‍රී ලංකාව ප්‍රධාන සැපයුම් මධ්‍යස්ථානයක් බවට පහසුවෙන් පරිවර්තනය කළ හැකි බවත් ඒ සඳහා දූරදර්ශී පියවර ගනිමින් සිටින බවත් ජනාධිපතිවරයා ප්‍රකාශ කළේය.

පළමුව කොළඹ වරාය ජාඇළ දක්වා දීර්ඝ කිරීමට සැලසුම් කරන බවත් දෙවනුව කොළඹ නගරයේ අක්කර 30 කට වැඩි ප්‍රමාණයක් වරාය සංවර්ධනය සඳහා වෙන් කර තිබෙන බවත් ජනාධිපති වික්‍රමසිංහ මහතා කීය.

නැගෙනහිර කන්ටේනර් පර්යන්තය සංවර්ධනය සඳහා ලබාදිය යුතු බවත්, මේ සඳහා ජපානය මුලින්ම සම්බන්ධ වුණු බවත් කී ජනාධිපතිවරයා, දැනට සිදු කරන ආකාරයට කුඩා වරායක් පවත්වාගෙන යාමෙන් ආර්ථිකයට විශාල සේවයක් සිදු නොවන බවත්, ආක්‍රමණශීලී ලෙස වරාය ප්‍රවර්ධනය කර ශ්‍රී ලංකාව ප්‍රධාන සැපයුම් මධ්‍යස්ථානයක් බවට පත් කළ යුතු බවත් අවධාරණය කළේය.

ත්‍රිකුණාමලය වරාය සංවර්ධනය වෙමින් පවතින බවත් හම්බන්තොට වරාය දේශීය සමුද්‍රීය ක්ෂේත්‍රයට විශාල ධනාත්මක බලපෑමක් ඇති කර ඇති බවත් ජනාධිපතිවරයා සඳහන් කළේය.

අධිතාක්ෂණ පද්ධති සමඟ කෘෂි ක්ෂේත්‍රය ද දියුණු කළ යුතු බව ද ජනාධිපතිවරයා ප්‍රකාශ කළේය.

මීට අමතරව අධ්‍යාපනයෙන්ද ශ්‍රී ලංකාවේ ආර්ථිකයට විශාල දායකත්වයක් ලබා දිය හැකි බව ද පැවසීය.

බලශක්ති ක්ෂේත්‍රය, ටෙලිකොම්, සූර්ය බලශක්තිය සහ සුළං බලය සහ වරාය ක්ෂේත්‍රවල ඉන්දියාව ශ්‍රි ලංකාවේ ආයෝජන සිදු කර ශ්‍රී ලංකාවට සහාය දෙන බව ආර්ථික සමුළුවේ ප්‍රධාන දේශනය කළ NITI Aayog (ඉන්දියා පරිවර්තනය සඳහා වූ ජාතික ආයතනය) ප්‍රධාන විධායක නිලධාරි පරමේෂ්වරන් අයියර් මහතා මෙහිදී පැවසීය.

ඉන්දියාවේ අදානි සමාගම ඇමෙරිකානු ඩොලර් මිලියන 650කට අධික ආයෝජනයක් වරාය ක්ෂේත්‍රයේ ද ප්‍රධාන වශයෙන් ආයෝජනය කරන බවත් ඔහු පැවසීය.

පුවත්

බොරු මැණික් විකිණීමට ගිය 6ක්  අත්අඩංගුවට

Published

on

By

නිධානයකින් ලබාගත් ලද බවට පවසමින් ව්‍යාජ මැණික්ගල් පෙන්වා මුදල් වංචා කිරීමට තැත්කළ කාන්තාවක් ඇතුළු සැකකරුවන් 06 දෙනෙකු අත්අඩංගුවට ගෙන තිබේ.

ඊයේ (25) දහවල් කාලයේදී කටුගස්තොට පොලීසියට ලද තොරතුරක් මත කටුගස්තොට නගරයේදී එම සැකකරුවන් අත්අඩංගුවට ගෙන ඇත.

අත්අඩංගුවට ගත් සැකකරුවන් අවුරුදු 35 හා 51 අතර වයස්වල පසුවන හෙයියන්තුඩුව, ගාල්ල, හිනිදුම සහ ඇතුල්කෝට්ටේ ප්‍රදේශවල පදිංචිකරුවන් වන අතර සැකකාරිය හබරකඩ ප්‍රදේශයේ පදිංචි 35 හැවිරිදි කාන්තාවකි.

මෙම සැකකරුවන් ව්‍යාජ මැණික්ගල් තැරැවුකරුවන් මාර්ගයෙන් ගැණුම්කරුවෙකු සම්බන්ධකර විකිණීම සඳහා ගාල්ල, නෙළුව ප්‍රදේශයේ සිට කටුගස්තොට ප්‍රදේශයට පැමිණ ඇත.

තරැවුකරුවන් විසින් මෙම මැණික්ගල් ව්‍යාජ මැණික්ගල් බවට අනාවරණය කරගෙන ඒ සම්බන්ධයෙන් කටුගස්තොට පොලීසිය දැනුම්වත් කිරීමෙන් පසු සැකකරුවන් අත්අඩංගුවට ගෙන තිබේ.

සැකකරුවන් හා සැකකාරිය ඊයේ (25) මහනුවර මහෙස්ත්‍රාත් අධිකරණය වෙත ඉදිරිපත් කිරීමෙන් පසු හෙට (27) දක්වා රක්ෂිත බන්ධනාගාර ගත කර ඇති අතර කටුගස්තොට පොලීසිය වැඩිදුර විමර්ශන සිදුකරයි.

Continue Reading

පුවත්

තද සුළං ගැන අනතුරු ඇඟවීමක්

Published

on

By

කාලගුණවිද්‍යා දෙපාර්තමේන්තුව විසින් තද සුළං පිළිබඳ අවවාදාත්මක නිවේදනයක් නිකුත් කර තිබේ.

අද (26) පෙ.ව 10.30ට නිකුත් කරන ලද එම නිවේදනය හෙට (27) පෙ.ව 10.30 තෙක් වලංගුවන බව කාලගුණ විද්‍යා දෙපාර්තමේන්තුව සඳහන් කරයි.

මධ්‍යම කඳුකරයේ බටහිර බෑවුම් ප්‍රදේශවල සහ උතුරු මැද, දකුණු, වයඹ පළාත් සහ ත්‍රිකුණාමලය දිස්ත්‍රික්කය සඳහා මෙම නිවේදනය වලංගුවන බව කාලගුණවිද්‍යා දෙපාර්තමේන්තුව පවසයි.

දිවයින හරහා නිරිතදිග මෝසම් සුළං ප්‍රවාහයේ වැඩිවීම හේතුවෙන්, මධ්‍යම කඳුකරයේ බටහිර බෑවුම් ප්‍රදේශවල සහ උතුරු, උතුරු මැද, බස්නාහිර, දකුණු සහ වයඹ පළාත්වලත් ත්‍රිකුණාමලය දිස්ත්‍රික්කයේත් විටින් විට හමන පැ.කි.මී. 50-60ක පමණ තද සුළං ඇතිවිය හැකිය.

දිවයිනේ සෙසු ප්‍රදේශවල විටින් විට හමන පැ.කි.මී 30-40 පමණ තරමක තද සුළං ඇතිවිය හැකි බව කාලගුණ විද්‍යා දෙපාර්මේන්තුව වැඩිදුරටත් නිවේදනය කරයි.

Continue Reading

පුවත්

“ලංකාවේ ලොකුම සන්ධානය අපි හදනවා”

Published

on

By

ඉදිරි මැතිවරණ ඉලක්ක කරමින් ශ්‍රී ලංකාවේ ලොකුම හා ශක්තිමත්ම සන්ධානය ශ්‍රී ලංකා නිදහස් පක්ෂය ප්‍රමුඛ කරගනිමින් ආරම්භ කරන බව කෘෂිකර්ම හා වැවිලි කර්මාන්ත අමාත්‍ය මහින්ද අමරවීර මහතා පවසයි.

පාර්ලිමේන්තුව නියෝජනය කරන පක්ෂ ගණනාවක් මෙන්ම පාර්ලිමේන්තුව නියෝජනය නොකරන පක්ෂ ගණනාවක් දැනටමත් තම සන්ධානයට සහයෝගය පළ කර ඇති බව අමාත්‍යවරයා සඳහන් කරන්නේය.

එමෙන්ම විවිධ පක්ෂ නියෝජනය කරන පාර්ලිමේන්තු මන්ත්‍රීවරු රැසක් අම්බලන්තොට රැලියට ජුනි 8 වැනිදා සහභාගී වීමට නියමිතව ඇතැයි අමාත්‍ය මහින්ද අමරවීර මහතා පැවසීය.

Continue Reading
Advertisement

Trending

Copyright © 2023 Sri Lanka Mirror. All Rights Reserved