Connect with us

පුවත්

ජනපතිගේ රැස්වීම මහින්ද, නාමල්, ජොන්ස්ටන් ඇතුළු පිරිසක් මගහරියි

Published

on

ඊයේ (12) සවස 5.30ට ජනාධිපතිවරයාගේ ප්‍රධානත්වයෙන් සංවිධානය කර තිබූ ශ්‍රී ලංකා පොදු ජන පෙරමුණේ මන්ත්‍රීවරු ඇමතිවරු, දිස්ත්‍රික් නායකයින්  සහ ජනාධිපතිවරයා අතර සාකච්ඡාවට පොදු ජන පෙරමුණේ දිස්ත්‍රික් නායකයින් සහභාගී නොකිරීමට එම පෙරමුණ තීරණය කිරීම නිසා බරපතල  දේශපාලන අර්බුදයක් ප්‍රකාශ වී ඇතැයි දේශපාලන ආරංචි මාර්ග වලින් වාර්තා වේ.

ජනාධිපතිවරයා විසින් මෙම රැස්වීම සඳහා පාර්ලිමේන්තු මන්ත්‍රීවරුන්, කැබිනට් ඇමතිවරුන්, රාජ්‍ය ඇමතිවරුන්, නියෝජ්‍ය ඇමතිවරුන් සහ පොදු ජන පෙරමුණේ දිස්ත්‍රික් ප්‍රධානීන් කැඳවා තිබිණි.

ජනාධිපති ලේකම් කාර්යාලයේ ආරංචි මාර්ග හෙළි කරන්නේ මෙම සාකච්ඡාව කැඳවා තිබුණේ රජයේ  ඉදිරි වැඩපිළිවෙළ පිළිබඳව දීර්ඝ වශයෙන් සාකච්ඡා කිරීම අරමුණු කරගෙන බවය.

ජාත්‍යාන්තර මූල්‍ය අරමුදලේ ප්‍රතිලාභ ජනතාව අතරට ගෙනියන්නේ කෙසේ ද, දැනට ටෙලිකොම් වැනි ආයතන පුද්ගලිකකරණයට එරෙහිව නැගෙන විරෝධයට ගත යුතු පියවර කුමක් ද?, වර්ථමානයේ රට තුළ නිර්මාණය වෙමින් පවතින ගැටලුවලට පිළිතුරු සොයන්නේ කෙසේද යන්න දීර්ඝ ලෙස සංවාදයට ලක්  කිරීම මෙම සාකච්ඡාව කැඳවිමේ පරමාර්ථ වූ බව ජනාධිපති කාර්යාලයේ ආරංචි මාර්ග කීවේය.

එහෙත් මෙම අවස්ථාවට හිටපු ජනාධිපති මහින්ද රාජපක්ෂ, පොදු ජන පෙරමුණේ මහ ලේකම් සාගර කාරියවසම්, නාමල් රාජපක්ෂ, ජොන්සටන් ප්‍රනාන්දු, රෝහිත අබේගුණවර්ධන, සනත් නිශාන්ත, එස්.එම් චන්ද්‍රසේන ඇතුළු පොදුජන පෙරමුණේ ප්‍රධානීන් ඇතුළු කිසිම දිස්ත්‍රික් නායකයෙක් සම්බන්ධ වී සිටියේ නැත.

මෙම රැස්වීම වර්ජනය කිරීමේ  ප්‍රධානම හේතුව මිට කලින් අවස්ථා හතරකදි හිටපු ජනාධිපති මහින්ද රාජපක්ෂ සහ පොදු ජන පෙරමුණේ ජාතික සංවිධායක  බැසිල් රාජපක්ෂ විසින් පොදු ජන පෙරමුණේ  දිස්ත්‍රික් නායකයින්ට ඇමති තනතුරු ලබා දෙන ලෙස කළ ඉල්ලීම නොසලකා හැරීම බව එක් පාර්ශවයකින් ප්‍රකාශ වුනේය.

ජනාධිපතිවරයා විසින් කැඳවූ මෙම රැස්වීම සම්බන්ධව පොදුජන පෙරමුණ මින් පෙර ප්‍රකාශ කර තිබුණේ ජනාධිපතිවරයාට අවශ්‍ය නම් කැබිනට් ඇමතිවරු, රාජ්‍ය ඇමතිවරු ඇතුළු ඇමති මණ්ඩලය කැඳවිය හැකි නමුත් පොදු ජන පෙරමුණට දැනුම් දී නියමිත ක්‍රියා පටිපාටියකින් තොරව පොදු ජන පෙරමුණේ දිස්ත්‍රික් නායකයින් කැඳවිය නොහැකි බවය.

එසේ කැඳවීමට කටයුතු කිරීම ගැන පක්ෂය සිය කණගාටුව ද පල කර තිබිණි.  
ශ්‍රී ලංකා පොදුජන පෙරමුණේ දිස්ත්‍රික් නායකයින් ජනාධිපති කාර්යාලය හරහා රැස්වීමකට කැඳවීම අනුමත කළ නොහැකි බවත් එය ශ්‍රී ලංකා පොදුජන පෙරමුණේ ස්ථාවරය බවත් පක්ෂ ආරංචි මාර්ග කීවේය.

ඒ අනුව පක්ෂයේ දිස්ත්‍රික් නායකයින් මෙම අවස්ථාවට සම්බන්ධ නොකිරීමට පක්ෂය තීරණය කළ බව ද එම පක්ෂයේ අභ්‍යන්තර ආරංචි හෙළි කළේය.

මූලාශ්‍රය – ද ලීඩර්

පුවත්

වෙසක් වෙනුවෙන් බඩු මිල පහලට

Published

on

By

එළඹෙන වෙසක් උත්සවය අරමුණු කරගනිමින් ලංකා සතොස ආයතනය භාණ්ඩ කිහිපයක මිල අඩු කර තිබේ.

Continue Reading

පුවත්

“ග්‍රාම නිලධාරීන්ගේ ප්‍රශ්නය ගැන බලන්න”

Published

on

By

ග්‍රාම නිලධාරීන්ගේ ප්‍රශ්න විසඳුවේ නැතොත් ඔවුන්ගේ වෘත්තිය ක්‍රියාමාර්ග දැඩි කරන බව පවසා ඇතැයි ජාතික ජන බලවේගයේ මන්ත්‍රී අනුර දිසානායක මහතා පාර්ලිමේන්තුවේ දී පැවසීය.

ග්‍රාම නිලධාරී සේවය ස්ථාපිත නොවීම, අනන්‍ය වැටුප් නොලැබීම මෙන්ම රාජකාරී සදහා අයුතු බලපෑම් එල්ලවීම ආදී ගැටලු ග්‍රාම නිලධාරීන්ට මතුව තිබෙන්නේ යැයිද පසුගිය දිනවල ඔවුන් රාජකාරී නිවාඩු සහ අකුරට වැඩ කිරීමේ ක්‍රියාමාර්ග ගෙන තිබෙන්නේ යැයිද දිසානායක මහතා කීය.

ග්‍රාමීය මට්ටමේ රාජ්‍ය පරිපාලන නියෝජිතයා වන ග්‍රාම නිලධාරී සේවය පැය අටකට සීමා වන්නේ නැතැයි ද ඔවුන්ගේ වෘත්තීය ගැටලු දිගු කාලයක් තිස්සේ විසඳී නැතැයි ද දිසානායක මහතා පැවසීය.

Continue Reading

පුවත්

ධීවරයින්ට හදිසි දැනුම්දීමක්

Published

on

By

අද (22)  දින සිට ක්‍රියාත්මක වන පරිදි නැවත දැනුම්දෙනතුරු බහුදින ධීවර යාත්‍රා ඇතුළුව සියලුම ධීවර යාත්‍රා සඳහා රැකියාවට පිටත්වීම සඳහා අවසර ලබා නොදෙන බව ධීවර හා ජලජ සම්පත් දෙපාර්තමේන්තුව පවසයි.

අද මාධ්‍ය වෙත අදහස් දක්වමින් එම දෙපාර්තමේන්තුවේ අධ්‍යක්ෂ ජනරාල් සුසන්ත කහවත්ත මහතා මේ බව පැවසීය.

දිවයින වටා මුහුදු ප්‍රදේශවල ඉදිරි දින කිහිපයේදී දැඩි වර්ශාපතනයත් දැඩි සුළං තත්ත්වයක් ඇතිවිය හැකි බවට වාර්තාවීමත් සමග එම දෙපාර්තමේන්තුව මෙම තීරණය ගෙන ඇත.

එසේම මේ වනවිට රැකියාවේ නිරතව සිටින බහුදින ධීවර යාත්‍රා වෙත ද ආරක්‍ෂිත ප්‍රදේශ හරහා ගමන්කරන ලෙසට දැනුම්දී ඇති බව එහි අධ්‍යක්ෂවරයා වැඩිදුරටත් සඳහන් කළේය.

Continue Reading
Advertisement

Trending

Copyright © 2023 Sri Lanka Mirror. All Rights Reserved