Connect with us

පුවත්

ජනපති, දේශබන්දුට බෑ කියලා?

Published

on

ශ්‍රී ලංකා නීතීඥ සංගමයට මතයට හිස නමමින් ජනාධිපති රනිල් වික්‍රමසිංහ මහතා, නව පොලිස්පතිවරයා ලෙස මහජන ආරක්ෂක අමාත්‍යවරයාගේ සිදුකළ නාමයෝජනාව ප්‍රතික්ෂේප කර ඇතැයි ජනාධිපතිවරයාට සමීප ආරංචි මාර්ග පවසන බව ‘ඉකොනොමි නෙක්ස්ට්’ පුවත් වෙබ් අඩවිය වාර්තා කරයි.

වත්මන් පොලිස්පති චන්දන වික්‍රමරත්න මහතා මේ සතියේදී විශ්‍රාම යාමට නියමිත අතර, නව පොලිස්පති ලෙස ජ්‍යෙෂ්ඨ නියෝජ්‍ය පොලිස්පති දේශබන්දු තෙන්නකෝන් මහතා පත්කරන මෙන් මහජන ආරක්ෂක අමාත්‍ය – ටිරාන් අලස් මහතා දැඩි ලෙස උත්සහ දරා තිබුණු බවට වාර්තා වේ.

තෙන්නකෝන් මහතාව පත්කිරීමට නොහැකි බව ජනාධිපතිවරයා පවසා ඇති අතර, බොහෝ විට වික්‍රමරත්න මහතාගේ සේවා කාලය වසරකින් දීර්ඝ කිරීමට කටයුතු කරනු ඇතැයි එම ආරංචිමාර්ග වැඩිදුරටත් පවසන බව ‘ඉකොනොමි නෙක්ස්ට්’ හි දැක්වේ.

එම වාර්තාවේ වැඩිදුරටත් දැක්වෙන්නේ තමා විසින් තෙන්නකෝන් මහතාගේ නම පසුගිය සතියේදී ව්‍යවස්ථාදායක සභාවට නම් කළ බවට පැවසෙන මාධ්‍ය වාර්තා දැකීමෙන් ජනාධිපතිවරයා කෝපයට පත් වී ඇති බවයි.

යුක්තිය පසිඳලීමට සහ නීතියේ ආධිපත්‍යය සඳහා පොලිසිය කෙරෙහි මහජන විශ්වාසය අත්‍යවශ්‍ය බව ශ්‍රී ලංකා නීතිඥ සංගමයේ (BASL) අදහසයැයි ද පුරප්පාඩු වන නව පොලිස්පති ධුරය සඳහා හොඳම පත්කිරීම කරන්නැයිද කියමින් ශ්‍රී ලංකා නීතිඥ සංගමය පසුගියදා ජනාධිපතිවරයාට ලිපියක් යොමු කර තිබුණි.

මේ අතර, වර්තමානයේ සිටින ජ්‍යෙෂ්ඨ නියෝජ්‍ය පොලිස්පතිවරුන්ගේ ජ්‍යෙෂ්ඨත්වයේ ලැයිස්තුවක් ‘ශ්‍රී ලංකා මිරර්’ වෙතට ලැබී ඇති අතර, එම ලැයිස්තුවේ ඉහළින්ම සිටින්නේ ජ්‍යෙෂ්ඨ නියෝජ්‍ය පොලිස්පති නිලන්ත ජයවර්ධන මහතාය.

පුවත්

ජාතික ජන බලවේගය ශ්‍රේෂ්ඨාධිකරණයට

Published

on

By

ඉදිරි මැතිවරණ සමයේ  ආණ්ඩු පක්ෂයේ දේශපාලන පක්ෂවලට වාසි සහගත වන ආකාරයේ ව්‍යාපෘතීන් ක්‍රියාත්මක කිරීම සඳහා අනුමැතිය නොදෙන ලෙසත් මෙම කරුණට අදාළව මැතිවරණ කොමිෂන් සභාව විසින් නිකුත් කර ඇති ලිපියට අනුකූලව කටයුතු කරන ලෙසත් ජනාධිපති ලේකම් ඇතුළු පිරිසකට නියෝග නිකුත් කරන්නැයි ඉල්ලා ශ්‍රේෂ්ඨාධිකරණය හමුවේ මූලික අයිතිවාසිකම් පෙත්සමක් ගොනුකර තිබේ.

ජාතික ජන බලවේගයේ කඩුවෙල හිටපු නාගරික මන්ත්‍රී අසිත නිරෝෂන් මහතා විසින් පෙත්සම ඉදිරිපත් කළේය.

එහි වගඋත්තරකරුවන් ලෙස නීතිපතිවරයා, අග්‍රාමාත්‍යවරයා ඇතුළු අමාත්‍ය මණ්ඩල සාමාජිකයින්, ජනාධිපති ලේකම්වරයා, මුදල් අමාත්‍යාංශයේ ලේකම්වරයා ඇතුළු පිරිසක් නම්කර තිබේ.

මුදල් අමාත්‍යංශයේ ලේකම්වරයා විසින් 2024 අයවැය යෝජනා යනුවෙන් චක්‍රලේඛයක් නිකුත් කර ඇති අතර ඒ යටතේ ග්‍රාමීය ප්‍රදේශවල සංවර්ධන ව්‍යාපෘති ක්‍රියාත්මක කිරීමට යෝජනා කර ඇතැයි පෙන්වා දෙන පෙත්සම්කරු ඊට අමතරව “කඳුකර දශකය” නමින් තවත් චක්‍රලේඛයක් නිකුත් කරමින් ග්‍රාමීය ප්‍රදේශවල ජනතාවගේ ජීවන තත්ත්වය උසස් කිරීම සඳහා මූල්‍ය පහසුකම් ලබා දීමට යෝජනා කර ඇති බවත් සඳහන් කළේය.

මෙම ව්‍යාපෘති 2කම මෙම වසරේ ජූලි 31 වනදා වනවිට අවසන් කළ යුතු බවට ද නිවේදනය කර ඇති බවත් මෙම ව්‍යාපෘතී ඉටුකිරීම සඳහා ප්‍රජා කමිටුවලට මිලියන 10 බැගින් මුදල් වෙන්කිරීමටද තීරණය කර ඇති බවත් පෙත්සමේ සඳහන් වෙයි.

පළාත් පාලන ඡන්ද විමසීම සඳහා නාමයෝජනා බාරදුන් අපේක්ෂකයින් මෙම ප්‍රජා කමිටුවල කටයුතු කරන බවත් මෙම ව්‍යාපෘති හරහා ඔවුන්ට දේශපාලනික වශයෙන් වාසි ලබාගැනීමට අවස්ථාව ලැබෙන බවත් පෙත්සමේ පෙන්වා දී තිබේ.

එම නිසා එවැනි අපේක්ෂකයින්ට රාජ්‍ය ප්‍රතිපාදන වෙන්කිරීමට පියවර නොගන්නා ලෙස රාජ්‍ය ආයතන සහ ඒවායේ ප්‍රධානීන් දැනුවත් කරන්නැයි දන්වා මැතිවරණ කොමිසමේ සභාපතිවරයා විසින් ජනාධිපති ලේකම්වරයා වෙත ඉකුත්දා ලිපියක් යොමුකර තිබෙන බවත් පෙත්සම්කරු සඳහන් කරයි.

ඉදිරියේදී පැවැත්වීමට නියමිත ජනාධිපතිවරණයේදී හා පළාත් පාලන ඡන්ද විමසීමේදී දේශපාලන වාසියක් ලබාගැනීමේ අරමුණින් එම ව්‍යාපෘති ක්‍රියාත්මක කෙරෙන බවත් ඒ තුළින් සිය මූලික මිනිස් අයිතීන් උල්ලංඝනයවීමක් සිදුවන බවට තීන්දුවක් ලබාදෙන ලෙසත් පෙත්සම්කරු ශ්‍රේෂ්ඨාධිකරණයෙන් ඉල්ලා  සිටියි.

Continue Reading

පුවත්

අමුණුගම දිලිත්ව හැර යයි

Published

on

By

දිලිත් ජයවීර මහතාගේ මව්බිම ජනතා පක්ෂයෙන් ආචාර්ය සරත් අමුණුගම මහතා ඉල්ලා අස්වී තිබේ.

අදාළ ඉල්ලා අස්වීමේ ලිපිය ඊයේ (27) භාර දුන් බව සඳහන්ය.

ආචාර්ය සරත් අමුණුගම මහතා මව්බිම ජනතා පක්ෂයේ සභාපති ධුරය හෙබවූයේය.

‘එක්ව නංවන රටක් – සතුටු පිරුණු දැයක්’ තේමා කරගනිමින් දේශපාලන පක්ෂ කිහිපයක් සහ සිවිල් සංවිධාන කිහිපයක් එක්වී ‘සර්ව ජන බලය’ නමින් නව දේශපාලන ව්‍යාපාරයක් ඊයේ (27) පිහිටුවනු ලැබූ අතර ඒ සඳහා මව්බිම ජනතා පක්ෂය ඇතුළු පක්ෂ කිහිපයක්ම එක්විය.

සබැඳි පුවත්:

Continue Reading

පුවත්

පොසොන් උත්සවයට විශේෂ ප්‍රවාහන පහසුකම්

Published

on

By

පොසොන්  සමයේ අනුරාධපුරයට හා මිහින්තලයට පැමිණෙන සැදැහැවතුන් වෙනුවෙන් විශේෂ ලංගම බස්රථ සේවාවක් ක්‍රියාත්මක කරන බව අමාත්‍ය ආචාර්ය බන්දුල ගුණවර්ධන මහතා පවසයි.

අමාත්‍යවරයා වැඩිදුරටත් පවසා සිටියේ, උතුරු දුම්රිය මාර්ගයේ ප්‍රතිසංස්කරණ පොසොන් පොහොයට පෙර නිම කිරීමට නොහැකි බැවින් මෙම පියවර ගන්නා බවයි.

හෝමාගම,   පිටිපන පාසල් හන්දියේ සිට සිංහ අරන දක්වා මාර්ගය කාපට් අතුරා සංවර්ධනය කිරීම ආරම්භ කෙරුණේ අමාත්‍ය බන්දුල ගුණවර්ධන මහතාගේ ප්‍රධානත්වයෙනි.

මීටර් 800ක දුරක් මාර්ගය සංවර්ධනය කෙරෙන අතර ඒ සදහා වෙන් කෙරෙන මුදල රුපියල් මිලියන 13කි.

Continue Reading

Trending

Copyright © 2023 Sri Lanka Mirror. All Rights Reserved