Connect with us

පුවත්

ජනපති මන්දිරයේ කෝටි 3ක බඩු ඉස්සුවේ පැන්න හොරුද උන්නු අයද?

Published

on

ජනාධිපති මන්දිරයේ සහ ජනාධිපති ලේකම් කාර්යාලයේ මාධ්‍ය අංශය සතුව තිබූ රුපියල් කෝටි තුනහමාරකට ආසන්න වටිනාකමකින් යුත් භාණ්ඩ රැසක් අස්ථානගතවී ඇති බව විගණකාධිපතිවරයා සිදුකළ විගණනයකින් හෙළිවී තිබේ.

අස්ථානගත වී ඇති කිසිදු භාණ්ඩයක් සම්බන්ධයෙන් විගණිත දිනය වනතෙක් කිසිදු විමර්ශනයක් සිදුකර නොතිබූ බවද වාර්තාවේ සඳහන්ය.

ජනාධිපති ජ්‍යෙෂ්ඨ සහකාර ලේකම්වරයෙකු 2019 නොවැම්බර් 18 වනදා කරන ලද දැනුම්දීමකට අනුව ජනාධිපති මන්දිරයේ ගබඩා භාරකරු කළ සොයාබැලීමකදී එහි තිබූ ඉන්වෙන්ට්‍රිගත අයිතම 35කට අයත් භාණ්ඩ 61ක් අස්ථානගතවී ඇති බව හෙළිවී ඇතත් ඒ පිළිබඳව 2022 මාර්තු මාසය දක්වා කිසිදු විමර්ශනයක් සිදුකර නොමැති බව විගණන වාර්තාවේ සඳහන්ය.

2015 වර්ෂයේ සිට 2020 ජනවාරි මාසය දක්වා ලබාදී තිබූ රුපියල් එක්කෝටි තුන්ලක්ෂ අසූදහස් විසිතුනක් වටිනා පරිගණක 52න් පරිගණක 4ක් නැවත භාරදී තිබූ අතර ඉන් පරිගණක දෙකක් නැවත භාවිතයට ගත නොහැකි තත්ත්වයේ තිබූ බව විගණන වාර්තාවේ දැක්වෙයි.

2015 සිට 2020 ජනවාරි දක්වා මාධ්‍ය අංශයට අනියුක්ත නිලධාරීන් වෙත ලබාදී තිබූ රුපියල් තිස්හතර ලක්ෂ හැත්තෑදහස් හත්සිය හතලිස් දෙකක් වටිනා ජංගම දුරකථන හා අයිපෑඩ් 45ක් අතරින් ජංගම දුරකථන 14ක් සහ අයිපෑඩ් 03ක් ආපසු කාර්යාලයට භාරදී තිබුණද ඉන් ජංගම දුරකථන 09ක් සහ අයිපෑඩ් 02ක් ක්‍රියාකාරී තත්ත්වයේ නොතිබී ඇති බවද විගණන වාර්තාව අනාවරණ කරයි.

මාධ්‍ය අංශයේ භාණ්ඩ සම්බන්ධයෙන් එහි ඉන්ජිනේරුවන් විසින් ජනාධිපති ලේකම් වෙත යොමු කරන ලද වාර්තාවකට අනුව එම ඒකකය සතුව තිබූ රුපියල් කෝටි තුනහමාරකට ආසන්න වටිනාකමකින් යුත් භාණ්ඩ රැසක් අස්ථානගතවී ඇති බවද විගණන වාර්තාවේ සඳහන්ය.

අදාළ වාර්තාවට අනුව 2015 සිට 2020 ජනවාරි දක්වා කාලය තුළ රුපියල් එක්කෝටි හැත්තෑහත් ලක්ෂ අසූහයදහස් තුන්සිය විසිපහක් වටිනා ලැප්ටොප් පරිගණක 104ක් ලබාදී තිබුණු අතර විගණිත දිනය වනවිට යළි කාර්යාලයට භාරදී ඇත්තේ ඉන් ලැප්ටොප් පරිගණක 26ක් සහ මැක් බුක් එයාර් වර්ගයේ පරිගණක දෙකක් පමණක් බව වාර්තාව පවසයි.

එහි වැඩිදුරටත් දැක්වෙන්නේ කතරගම ජනාධිපති මන්දිරයේ අයිතම 12කට අයත් භාණ්ඩද අනුරාධපුර ජනාධිපති මන්දිරයේ රූපවාහිනී යන්ත්‍ර දෙකක්ද අස්ථානගතවී ඇති බවය.

මේ කිසිදු භාණ්ඩයක් සම්බන්ධයෙන් විගණිත දිනය වනතෙක් කිසිදු විමර්ශනයක් සිදුකර නොතිබූ බවද වාර්තාවේ සඳහන්ය.

පැන්න හොරු 56ක් අල්ලලා!

මේ අතර, කොටුව ජනාධිපති මන්දිරයට ඇතුළුවීම, එහි දේපළ සොරකම් කිරීම හා අනර්ථ සිදුකිරීමට අදාළව සැකකරුවන් 56 දෙනකු අත්අඩංගුවට ගෙන ඇතැයි කොළඹ මධ්‍යම කොට්ඨාස අපරාධ විමර්ශන ඒකකය පවසයි.

එම පිරිස අතර කලාකරුවන්, වෘත්තිය සමිති ක්‍රියාකාරීන් සහ දේශපාලන ක්‍රියාකාරීන්ද සිටින බව එම ඒකකය සඳහන් කළේය.

මේ සම්බන්ධයෙන් සිදුකළ විමර්ශනවලට අදාළව තවත් පුද්ගලයන් 58 දෙනකු අත්අඩංගුවට ගැනීම සඳහා පරීක්ෂණ සිදුවන බව එම ඒකකයේ උසස් නිලධාරියෙක් මාධ්‍යට හෙළිකර තිබේ.

පුවත්

වෙසක් නිමිත්තෙන් රැඳවියන් 278 කට සමාව

Published

on

By

වෙසක් උත්සවය නිමිත්තෙන් විශේෂ රාජ්‍ය සමාව යටතේ බන්ධනාගාරගත රැඳවියන් 278 කට සමාව පිරිනමන බව බන්ධනාගාර මාධ්‍ය ප්‍රකාශක, බන්ධනාගාර කොමසාරිස් ගාමිණි බී. දිසානායක මහතා පැවසීය.

රාජ්‍ය සමාව ලබන සිරකරුවන් අතර වැලිකඩ බන්ධනාගාරයෙන් සිරකරුවන් 15 ක් සහ මහර බන්ධනාගාරයෙන් 37 ක් සමඟ සියළුම බන්ධනාගාර ආයතනවලින් සිරකරුවන් 278 ක් සිටින බවත් ඒ අතර කාන්තා රැදවියන් 10 ක් ඇතුළත් බවත් දිසානායක මහතා කීය.

Continue Reading

පුවත්

‘සමස්ත සිංහල අය වෙනුවෙන් මගෙන් සමාව ඉල්ලපු කිහිපදෙනෙක් ඉන්නවා’ (වීඩියෝ)

Published

on

By

කුරුණෑගල අවට ජනතාව අදටත් සිසේරියන් සැත්කම් සිදු කර ගැනීමට තමන් ළඟට පැමිණෙන බවත් වඳ සැත්කම් කළ බවට නැගු චෝදනාවන්ට සමාව ඉල්ලා සිටින බවත් කුරුණෑගල ශික්ෂණ රෝහලේ වෛද්‍ය ෂිහාබ්දීන් මොහොමඩ් ෂාෆි පවසයි.

ශ්‍රී ලංකාව තුළ අනාගත පරපුරට සතුටින් ජීවත් වීමට අවස්ථාව සැලසිය යුතු බවට විශ්වාස කරන තමන් රට හැර යෑමේ සුදානමක් නොමැති බවත් කවදා හෝ මේ බෞද්ධ රට වෙනත් රටවලට ආදර්ශයක් වෙන රටක් බවට පත කළ යුතු බවත් ඔහු පෙන්වා දෙයි.

‘අවස්ථාවාදී අරමුණු උදෙසා නීතිය, විද්‍යාව සහ ජනමධ්‍ය අවභාවිත කිරීම’ යන තේමාව යටතේ මැයි 21වෙනිදා කොළඹ දී ‘අයිතිය උදෙසා මාධ්‍යවේදීන්’ විසින් සංවිධානය කළ සංවාදයකට එක්වෙමින් වෛද්‍ය ෂාෆි මේ අදහස් පළ කළේය.

කුරුණෑගල ශික්ෂණ රෝහලේ දී සිංහල මව්වරුන්ට වඳ සැත්කම් කළ බවට චෝදනා ලබා, අනිවාර්ය නිවාඩු ගන්වා අත්අඩංගුවේ සිටි වෛද්‍ය ෂාෆි පසුව එම චෝදනාවලින් නිදහස් වී නැවත කුරුණෑගල රෝහලේම සේවය කරයි.

(බීබීසී සිංහල)

Continue Reading

පුවත්

දළදා මාලිගාවේ බැතිමතුන් වෙනුවෙන් දන්සැල් කලාපයක්

Published

on

By

වෙසක් පුර පසළොස්වක පොහොය යෙදී ඇති හෙට (23) සහ අනිද්දා (24) යන දෙදින මහනුවර ශ්‍රී දළදා මාලිගාවට පැමිණෙන දෙස් විදෙස් බැතිමතුන් වෙනුවෙන් විශේෂ දන්සැල් කලාපයක් ක්‍රියාත්මක කිරීමට කටයුතු කර තිබේ.

දියවඩන නිලමේ ප්‍රදීප් නිලංග දෑල මහතාගේ උපදෙස් අනුව ශ්‍රී දළදා මාලිගාවේ කාර්ය මණ්ඩලය විසින් මෙම දන්සැල් කලාපය ක්‍රියාත්මක කරනු ඇත.

එහිදී ප්‍රණීත හා සෞඛ්‍ය‍ාරක්ෂිතව පිලියෙල කළ ආහාර පාන දින දෙකක් පුරාවට පැමිණෙන බැතිමතුන් වෙත ලබා දෙන බව ශ්‍රී දළදා මාලිගාව වැඩිදුරටත් සඳහන් කළේය. 

Continue Reading
Advertisement

Trending

Copyright © 2023 Sri Lanka Mirror. All Rights Reserved