ජනාධිපති රනිල් වික්‍රමසිංහ මහතාගේ මංගල ජන රැළිය අද අනුරාධපුර මහජන ක්‍රීඩාංගනයේදී පැවැත්වීමට නියමිතය.

2024 ජනාධිපතිවරණය සඳහා පොදු අපේක්ෂකයකු ලෙස ඉදිරිපත් වන ජනාධිපතිවරයාගේ ජනරැළිය පැවැත්වෙන මහජන ක්‍රීඩාංගනය සූදානම් කිරීම පිළිබඳව මුදල් රාජ්‍යය අමාත්‍යය ශෙහාන් සේමසිංහ , පාර්ලිමේන්තු මන්ත්‍රීවරුන් වන දුමින්ද දිසානායක , එස්.එම් චන්ද්‍රසේන යන මහත්වරුන් ඊයේ රාත්‍රියේ නිරීක්ෂණය කර තිබේ.

එතෙක් මෙතෙක් ඉතිහාසයේ අනුරාධපුරයේ පැවැත්වෙන විශාලම ජන රැළිය මෙය වන්නේ පක්ෂ රැසක් එක්ව මෙම ජනරැළිය සංවිධානය කරන බැවිනි.

මේ නිසාම අනුරාධපුර මහජන ක්‍රීඩාංගනය අතුරු සිදුරු නැතිව පිරී යනු ඇති බවත්,අති විශාල ජනතාවක් ජනපති රනිල් වික්‍රමසිංහ මහතාගේ මංගල ජන රැළියට සහභාගී වීමට නියමිත බවත් සංවිධායකයින් පවසයි.

මෙම රැළියට සහභාගීවන ජනතාවගේ ආරක්ෂාව හා ඔවුන්ට අවශ්‍යය පහසුකම් සැපයීම පිළිබඳවද කටයුතු යොදා ඇති බව වාර්තා වේ.

මේ අතර රට ආර්ථික ආගාධයකින් ගොඩ ගෙන නිවැරදි මාර්ගයේ ගෙනයන ජනපතිට කෘතගුණ දක්වන පළමු අවස්ථාව මෙය වන බවත්, ඒ මේ ආකාරයේ රැළි 100 ක් රට පුරා ඉදිරියේදී සංවිධාන වන බවත් ශෙහාන් සේමසිංග අමාත්‍යවරයා මාධ‍‍යය අමතමින් සඳහන් කලේය.