Connect with us

පුවත්

ජනාධිපතිගේ ධූර කාලය සම්බන්ධ පෙත්සම නිෂ්ප්‍රභ කෙරේ

Published

on

ජනාධිපතිවරයාගේ නිල කාලය සම්බන්ධයෙන් අර්ථ නිරූපණයක් ලබා දෙන තුරු ජනාධිපතිවරණය පැවැත්වීම වැළැක්වීමේ නියෝගයක් නිකුත් කරන ලෙස ඉල්ලා ගොනුකර ඇති පෙත්සම විභාගයට නොගෙන රුපියල් ලක්ෂයක නඩු ගාස්තුවට යටත්ව නිෂ්ප්‍රභ කිරීමට ශ්‍රේෂ්ඨාධිකරණය තීන්දු කර තිබේ.

එම නඩු ගාස්තුව මසක් ඇතුළත අධිකරණයේ තැන්පත් කළ යුතු බවට ද පෙත්සම්කරුට නියම කර ඇත.

අගවිනිසුරු ජයන්ත ජයසූරිය මහතා ප්‍රමුඛ පංච පුද්ගල ශ්‍රේෂ්ඨාධිකරණ විනිසුරු මඩුල්ල විසින් මෙම නියෝගය නිකුත් කරන ලදී.

වත්මන් ජනාධිපතිවරයාගේ නිල කාලය අවසන් වන දිනය සම්බන්ධයෙන් අර්ථ නිරූපණයක් ලබාදෙන තුරු දැනට සැලසුම් කෙරෙමින් පවතින පරිදි ජනාධිපතිවරණය පැවැත්වීම වැළැක්වීමේ නියෝගයක් නිකුත් කරන මෙන් ඉල්ලා මෙම මූලික අයිතිවාසිකම් පෙත්සම ගොනුකර ඇත.

ව්‍යවසායකයෙකු වන සී. ඩී. ලෙනව මහතා විසින් පෙත්සම ඉදිරිපත් කර තිබුණි.

———————–

(මුල් පුවත පෙ.ව. 11:08 , ජූලි 8 2024)

ජනපති ධුර කාලය පැහැදිලියි – නීතිපති

වත්මන් ආණ්ඩුක්‍රම ව්‍යාවස්ථානුකූලව ජනපති නිල ධුර කාලය වසර 5ක් බව පැහැදිලි බව නීතිපතිවරයා ශ්‍රේෂ්ඨාධිකරණයට දැනුම් දී තිබේ.

ඒ ජනපති ධුර කාලය සම්බන්ධයෙන් සී.ඩී. ලෙනව නම් අයෙකු ඉදිරිපත් කළ පෙත්සම අද (08) ශ්‍රේෂ්ඨාධිකරණයෙන් විභාගයට ගත් අවස්ථාවේදී යි.

නීතිපතිවරයා වෙනුවෙන් පෙනී සිටි නියෝජ්‍ය සොලිසිටර් ජනරාල් කනිෂ්කාද සිල්වා විසින් අදාළ පෙත්සම නිෂ්ප්‍රභ කරන ලෙස මූලික විරෝධතා මතුකරන ලදී.

මේ වන විට නීතිඥවරු විසින් කරුණු ඉදිරිපත් කිරීම ආරම්භ කර තිබේ.

————————–

(මුල් පුවත පෙ.ව. 7:34 , ජූලි 8 2024)

ජනාධිපතිවරණය වලක්වන පෙත්සම අද සලකා බලයි!

ජනපති ධූර කාලය අවුරුද 05 ක්ද? 06 ක්ද? යන්න විසඳන තෙක්, ජනපතිවරණය පැවැත්වීම වලක්වන්නැයි ඉල්ලා ශ්‍රේෂ්ඨාධිකරණය හමුවේ ඇති පෙත්සම අද (08) සලකා බැලීමට නියමිතය.

 පංච පුද්ගල විනිසුරු මඩුල්ලක් හමුවේ විභාග කිරීමට නියමිත මේ මූලික අයිතිවාසකම් පෙත්සම මගින් ජනාධිපතිවරයාගේ ධූර කාලය අවසන් වන දිනය පිළිබඳ ශ්‍රේෂ්ඨාධිකරණයේ අර්ථ නිරූපනයක් දෙනතුරු මැතිවරණ කොමිසමට, ජනාධිපතිවරණය පැවැත්වීම වැළැක්වීමේ අතුරු නියෝගයක් නිකුත් කරන්නැයි ඉල්ලා තිබේ.

අගවිනිසුරු ජයන්ත ජයසුරිය මහතාගේ ප්‍රධානත්වයෙන් යුත් පංච පුද්ගල විනිසුරු මඩුල්ලේ සාමාජික විනිසුරුවරුන් වශයෙන් ශ්‍රේෂ්ඨාධිකරණ විනිසුරුවරුන් වන විජිත් මලල්ගොඩ, මුර්ද්‍ර ප්‍රනාන්දු, ප්‍රීතී පද්මන් සුරසේන සහ එස්. තුරේරාජා යන අය පත් කර තිබේ..

ජනාධිපතිවරණය පැවැත්වෙන දිනය අධිකරණය විසින් අර්ථ කථනය කරන තෙක් ජනාධිපතිවරණය පැවැත්වීම වැලැක්වීමේ නියෝගයක් නිකුත් කරන ලෙස ඉල්ලා ශ්‍රේෂ්ඨාධිකරණය හමුවේ මූලික අයිතිවාසිකම් පෙත්සමක් පසුගියදා ගොනු කළේ ය.

ඒ ව්‍යාපාරික චමින්ද්‍ර දයාන් ලේනව මහතා විසින් ය.

19 වන ආණ්ඩුක්‍රම ව්‍යවස්ථා සංශෝධනයේදී ජනාධිපතිවරයාගේ ධුර කාලය දැක්වෙන 30 දෙක වගන්තිය ආණ්ඩුක්‍රම ව්‍යවස්ථාවේ 82 හය වන ව්‍යවස්ථාවට අනුව නියමිත ආකාරයට සංශෝධනයවී නොමැති බව පෙත්සමෙන් පෙන්වා දෙයි.

පෙත්සම්කරු ශ්‍රේෂ්ඨාධිකරණයෙන් ඉල්ලා සිටින්නේ මෙම පෙත්සම් විභාගය අවසන්වන තෙක් ජනාධිපතිවරණය සම්බන්ධයෙන් කිසිදු පියවරක් ගැනීමෙන් වළකින ලෙස මැතිවරණ කොමිසමේ සභාපතිවරයා, සාමාජිකයින් හා කොමසාරිස් ජෙනරාල්වරයාට නියෝග කරන ලෙසයි.

ජනාධිපතිවරයාගේ ධුර කාලය වසර 6 ක් ලෙස සලකා ඉදිරි ජනාධිපතිවරණය පවත්වන ලෙස මැතිවරණ කොමිසමට නියෝග කරන ලෙසද පෙත්සමෙන් ඉල්ලා තිබේ.

පුවත්

බැසිල්ගේ හොඳම ගෝලයා ජනපති අපේක්ෂකත්වයා ලෙස රනිල්ව යෝජනා කරයි!

Published

on

By

ඉදිරි ජනාධිපතිවරණයට ජනාධිපති රනිල් වික්‍රමසිංහ මහතා ඉදිරිපත් විය යුතු බවට වන යෝජනාව අද (21) පස්වරුවේ පැවති  “එක්ව ජය ගමු – අපි ගම්පහ” ජන හමුවේ දී ඉදිරිපත්කර තිබුණි.

ජනාධිපති මාධ්‍ය අංශය පැවසුවේ ගම්පහ දිස්ත්‍රික් ජනතාව වෙනුවෙන් අමාත්‍ය ප්‍රසන්න රණතුංග මහතා විසින් එම යෝජනාව ඉදිරිපත් කළ බවයි.

එම රැලියේ සිටි සියලුදෙනා දෑත්  ඔසවා එම යෝජනාව ඒකමතිකව සම්මත කර ගනු ලැබූ බව ජනාධිපති මාධ්‍ය අංශය පැවසීය.

එහිදී අදහස් දක්වමින් අමාත්‍ය ප්‍රසන්න රණතුංග මහතා සඳහන් කළේ ජනාධිපති අපේක්ෂකත්වයෙන් දැන් රනිල් වික්‍රමසිංහ මහතාට පැන යාමට නොහැකි වනු ඇති බවයි.
කෙසේවුවද, 

 ජනාධිපති රනිල් වික්‍රමසිංහ මහතා එහිදී කියා සි‍ටියේ ජනාධිපතිවරණයට ඉදිරිපත් වන ලෙසට තමන්ට කළ ආරාධනයට සුදුසු වේලාවේදී පිලිතුරු ලබා දෙන බවයි.

කළකට පෙර ප්‍රසන්න රණතුංග මහතා හිටපු මුදල් අමාත්‍ය බැසිල් රාජපක්ෂ මහතාගේ ඉතා කිට්ටුම සගයෙකු ලෙසයි කටයුතු කරනු ලැබුවේ.

Continue Reading

ක්‍රීඩා

ආසියානු හා ආබාධිත ආසියානු තරගාවලිවල පදක්කම් ලාභීන්ට මුදල් තෑගි පිරිනමයි

Published

on

By

ආසියානු තරගාවලියේ හා ආබාධිත ආසියානු තරගාවලියේ පදක්කම් ලාභීන්ට ක්‍රීඩා අමාත්‍යාංශය මගින් පොරොන්දු ප්‍රකාරව මුදල් පිරිනැමීම පසුගියදා ක්‍රීඩා අමාත්‍යාංශයේ ඩන්කන් වයිට් ශ්‍රවණාගාරයේදී පැවැත්විණ.

මෙහිදී රුපියල් කෝටි 12 කට අධික මුදලක් එම පදක්කම් ලාභීන් හා ඔවුන්ගේ පුහුණුකරුවන් අතර බෙදා දෙන ලදී. 

මෙම ප්‍රදානයන් ක්‍රීඩා, ඉඩම් හා සංචාරක අමාත්‍ය හරීන් ප්‍රනාන්දු මහතාගේ අතින් සිදු කෙරිණ. 

පැරිස් ඔලිම්පික් යන ක්‍රීඩක ක්‍රීඩිකාවන් හය දෙනාටද රුපියල් දස ලක්ෂය බැගින් මෙහිදී පිරිනැමිණ.

මෙම අවස්ථාවට ඔලිම්පික් කමිටු ලේකම් මැක්ස්වෙල් ද සිල්වා මහතාද සහභාගි විය.

ලබන ලද ජයග්‍රහණ අනුව වැඩිම මුදලක් ලැබුණු ක්‍රීඩිකාව වූයේ තරුෂි කරුණාරත්නයි.

Continue Reading

පුවත්

පෞද්ගලික වාහන ආනයනය ලබන වසර තෙක් කල්දාලා!

Published

on

By

පුද්ගලික වාහන ආනයනය කිරීම සඳහා පනවා ඇති තහනම ඉවත් කිරීම ලබන වසර මුල දක්වා ප්‍රමාද කිරීමට රජය තීරණය කර ඇතැයි වාර්තා වේ.

මෙරට ආර්ථිකය තවමත් ස්ථාවර නොවීම සහ ඒ සඳහා පහසුකම් සැලැසීමට ප්‍රමාණවත් විදෙස් සංචිත ප්‍රමාණයක් මහ බැංකුව සතුව නොමැතිවීම යන කරුණු මත පදනම්ව එලෙස තහනම ඉවත් කිරීම ලබන වසර මුල දක්වා ප්‍රමාද කිරීමට රජය තීරණය කර ඇති බව පැවසේ.

පුද්ගලික වාහන ආනයනය කිරීම ආරම්භ කිරීමත් සමඟ ඇමෙරිකානු ඩොලර් බිලියන 1 ක මුදල් ප්‍රමාණයක් සෑම වසරකම මෙරටින් පිටතට ගලා සිදුවන බව වාර්තා වේ.

කෙසේ නමුත් ලොරි, බස් සහ ට්‍රක් රථ මෙන්ම සංචාරය ක්ෂේත්‍රය සඳහා යොදා ගන්නා වෑන් රථ වැනි වාණිජ පදනමකින් යුත් වාහන ආනයනය කිරීම සඳහා පනවා ඇති තහනම ලබන මස සිට ඉවත්වනු ඇති බවද පැවසේ.

එනමුත් රාජ්‍ය අමාත්‍යාංශ සහ අනෙකුත් ආයතන සඳහා අවශ්‍ය වාහන ආනයනය කිරීම ආරම්භ වන්නේ ලබන වසරේ පුද්ගලික වාහන ආනයනය කිරීම සඳහා පනවා ඇති තහනම ඉවත් කිරීමෙන් පසුව බවද වාර්තා වේ.

මීට පෙර විද්‍යුත් වාහන සහ පුද්ගලික මෝටර් රථ ආනයනය කිරීම සඳහා මෙම වසර අවසානයේ සිට අවසර ලබා දීමට රජය සැලැසුම් කර තිබිණි. 

කෙසේවුවද, එයද ලබන වසර දක්වා ප්‍රමාද කිරීමට රජය තීරණය කර ඇති බව පැවසේ.

ආනයනය කරනු ලබන පුද්ගලික වාහන වලින් වැඩිම ප්‍රමාණය ත්‍රී රෝද රථ සහ යතුරු පැදි වේ. 

ඒ හේතුවෙන් පුද්ගලික වාහන ආනයනය ඉවත් කිරීම ලබන වසරේ මැයි හෝ ජූනි දක්වා ප්‍රමාද වනු ඇතැයි ද මාධ්‍ය වාර්තා කර තිබේ.

600 සීසී සිට 800 සීසී දක්වා කාණ්ඩයට අයත් මෝටර් රථ පාලනයක් සහිතව ආනයනය කිරීමට රජය අවසර ලබා දෙනු ඇති බවත් මුල් අදියරේදී බලයලත් නියෝජිතයන්ට සහ මව් සමාගම්වලට ඒ සඳහා අවසර ලැබෙනු ඇති බවත් මේ අතර වාර්තා වේ.

 වාහන ආනයනය ලබන වසරේ ආරම්භ වූ පසු වාහන අමතර කොටස් ආනයනය කර මෙරටදී වාහන එකලස් කරන සමාගම් සඳහා රජය ප්‍රමුඛතාව ලබාදීමේ සැලැසුමක්ද ක්‍රියාත්මක බව වාර්තා වේ.

වාහන ආනයනය කිරීම සඳහා අවසර ලැබී නැති වෛද්‍යවරුන්ගේ සහ රජයේ ඉහළ නිලධාරීන්ගේ වාහන බලපත්‍ර සඳහා අවසර ලබාදීම තීරණය කරනු ලබන්නේද ලබන වසරේදී බව පැවසේ. 

අවසරය ලබා ගැනීම සඳහා පෝලිමේ තිබෙන ආනයන බලපත්‍ර 10,000 සඳහා එකවර අවසර නොලැබෙනු ඇති බවද වාර්තා වන අතර, එසේම අනෙකුත් වාහනද පාලනයක් සහිතව ආනයනය කිරීමට ද අපේෂිතය.

Continue Reading
Advertisement

Trending

Copyright © 2023 Sri Lanka Mirror. All Rights Reserved