ඉදිරි ජනාධිපතිවරණයේදී සහාය දක්වන අපේක්ෂකයා කවුරුන්ද යන්න පිළිබදව දෙමළ ප්රගතිශීලි සංධානය සහ පාර්ලිමේන්තු මන්ත්රි රිෂාඩ් බදුර්දීන් නායකත්වය දරණ සමස්ත ලංකා මහජන කොංග්රසය අද (06) ප්රකාශයට පත් කිරීමට නියමිතය.
ඒ අනුව, දෙමළ ප්රගතිශීලි සන්ධානය දහවල් කොළඹදී ප්රවෘත්ති සාකච්ඡාවක් කැදවා තිබේ.
මෙම ප්රවෘත්ති සාකච්ඡාවට එම සංධානයේ නායක මනෝ ගනේෂන් මෙන්ම නියෝජ්ය නායකවරුන්වන පාර්ලිමේන්තු මන්ත්රි පී දිගම්බරන් සහ වී.රාධක්රිෂ්ණන් එක් වීමට නියමිතය.
මේ අතර, සමස්ත ලංකා මහජන කොංග්රසයේ උත්තරීත්තර මණ්ඩලය වැල්ලවත්තේ පිහිටි එම පක්ෂ කාර්යාලයේදී රැස් වීමට නියමිතව ඇත.
ඉන් අනතුරුව ජනාධිපතිවරණයේදී සහාය දෙන අපේක්ෂකයා ප්රකාශයට පත් කරන බව එම පක්ෂයේ නායක පාර්ලිමේන්තු මන්ත්රි රිෂාඩ් බදුර්දීන් මහතා පවසා තිබුණි.
ඉදිරි ජනධිපතිවරණයේදී විපක්ෂ නායක සජිත් ප්රේමදාස මහතාට සහාය දැක්වීමට ශ්රි ලංකා මුස්ලිම් කොංග්රසය තීරණය කළ අතර එම පක්ෂය මෙම තීරණය ගනු ලැබුවේ පසුගියදා පැවති එම පක්ෂයේ උත්තරීත්තර මණ්ඩල රැස්වීමේදීයි.
මේ අතර, ශ්රී ලංකා පොදුජන පෙරමුණේ ජනපති අපේක්ෂකයා හෙට ප්රකාශයට පත් කිරීමට නියමිතව තිබේ.
බත්තරමුල්ල, නෙලුම් මාවත පක්ෂ මූලස්ථානයේදී හිටපු ජනාධිපති මහින්ද රාජපක්ෂ මහතාගේ ප්රධානත්වයෙන් පැවැත්වෙන උත්සවයකදී අපේක්ෂකයා කවුරුන්ද යන්න ප්රකාශයට පත් කරන බව එම පක්ෂයේ උසස් නිළධාරියෙකු සදහන් කලේය.
