Connect with us

පුවත්

ජපන් අරමුදල් වලින් ලැබුණු පොහොර කෘෂිකර්ම අමාත්‍යාංශයට භාරදෙයි

Published

on

ඉදිරි මහ කන්නයේ දී බෙදා හැරීම සඳහා එක්සත් ජාතීන්ගේ ආහාර හා කෘෂිකර්ම සංවිධානය (FAO) විසින්, ජපන් ආධාර යටතේ ලබාගත් යූරියා පොහොර මෙට්‍රික් ටොන් 8,360 ක් මේ සතියේ කෘෂිකර්ම අමාත්‍යාංශය වෙත භාර දී ඇත.

මෙම අත්‍යාවශ්‍ය පොහොර ශ්‍රී ලංකාවේ වියලි සහ අතරමැදි කලාප වල දිස්ත්‍රික්ක කිහිපයක කුඩා පරිමාණ වී ගොවීන් 228,000 කට අධික පිරිසක් වෙත බෙදාහරිනු ලබන අතර, නිෂ්පාදනය ඉහළ නැංවීම සහ දිවයිනේ කුඩා පරිමාණ වී ගොවීන්ගේ ජීවනෝපාය නංවාලීම මෙහි අරමුණය.

කුරුණෑගල, යාපනය, කිලිනොච්චිය, මුලතිව්, මන්නාරම, වවුනියාව, ත්‍රිකුණාමලය සහ මඩකලපුව යන දිස්ත්‍රික්ක වල හෙක්ටයාර් එකක් දක්වා වන කුඹුරු ඉඩම් වගාකරන වී ගොවීන් ඉලක්ක කරගෙන මෙම ආධාරය සිදු කරනු ලැබේ. 

මෙම හදිසි ආධාර වැඩසටහන යටතේ හෙක්ටයාර 0.5 දක්වා කුඹුරු ඉඩම් වගා කරන ගොවීන් සඳහා යූරියා පොහොර කිලෝ ග්‍රෑම් 25ක්ද, කුඹුරු ඉඩම් හෙක්ටයාරය දක්වා වගා කරන ගොවීන් සඳහා යූරියා පොහොර කිලෝ ග්‍රෑම් 50ක්ද බැගින් කිසිදු අය කිරීමකින් තොරව ලබා දෙනු ඇත. 

දිවයිනේ කෘෂිකාර්මික ඉලක්කයන් ඉදිරියට ගෙනයාමේ දී ලැබෙන මෙම සහයෝගයේ වැදගත්කම කෘෂිකර්ම අමාත්‍ය මහින්ද අමරවීර මහතා මෙසේ පවසා ඇත : “මෙම යූරියා පොහොර ආධාරය ශ්‍රී ලංකාවේ ආර්ථික ස්ථාවරත්වය කරායන ගමන සඳහා රුකුලක් වනු ඇත. අපගේ ගොවීන්ගේ අවශ්‍යතා සපුරාලීමෙන් අපි වඩාත් සවිමත් සහ සමෘද්ධිමත් කෘෂිකාර්මික අංශය වර්ධනය සඳහා අනුබල දෙමින්, ශ්‍රී ලංකාවේ කුඩා පරිමාණ වී ගොවීන්ට ලබාදුන් මෙම වටිනා ආධාරය වෙනුවෙන් මම ජපාන රජයට සහ ජපාන ජනතාවට ස්තූතිවන්ත වෙමි.”

මෙරට සිටින ජපාන තානාපති – මිසුකෝෂි හිඩෙකි මහතා මෙසේ පවසයි : “ශ්‍රී ලංකාවේ කෘෂිකර්ම ක්‍ෂේත්‍රය සඳහා සහාය ලබාදීමට ජපාන රජයේ කැපවීම ප්‍රකාශ කරමින්, ලෝක ආහාර හා කෘෂිකර්ම සංවිධානය සහ ශ්‍රී ලංකා රජය සමඟ මෙම සහයෝගීතා ප්‍රයත්නයේ කොටස්කරුවෙකු වීමට ලැබීම ගැන අපි සතුටු වන්නෙමු. තිරසර කටයුතු තුලින් කුඩා වී ගොවීන් සවිබල ගැන්වීමේ අපගේ ඒකාබද්ධ දැක්ම මෙම වැඩසටහන සමඟ හොඳින් ගැලපේ. ශ්‍රී ලංකාවේ ගොවි ප්‍රජාවගේ අභිවෘද්ධිය සඳහා මෙම ආධාර සැලකියයුතු දායකත්වයක් ලබාදෙනු ඇතැයි අපි විශ්වාස කරන්නෙමු.”

තිරසර කෘෂිකර්මාන්තය සඳහා තම සංවිධානයේ කැපවීම සහ ශ්‍රී ලංකාවේ ගොවි ප්‍රජාවන්ට උපකාර කිරීම සඳහා FAO සංවිධානයේ දායකත්වය අවධාරණය කරමින් එහි ශ්‍රී ලංකාව සහ මාලදිවයින සඳහා වන නියෝජිත විම්ලේන්ද්‍ර ශරන් මහතා පවසා සිටියේ FAO තිරසර කෘෂිකාර්මික කටයුතු ප්‍රවර්ධනය කිරීමේ සහ ගොවීන්ගේ ජීවනෝපාය නංවාලීමේ සිය මෙහෙවරෙහි නොසැලී කටයුතු කරන බවයි. ජපාන රජය සහ ශ්‍රී ලංකාවේ කෘෂිකර්ම අමාත්‍යාංශය අතර ඇති මෙම සහයෝගීතාවය කුඩා පරිමාණ වී ගොවීන් මුහුණ දෙන අභියෝග වලදී ජාතීන් එක්ව කටයුතු කිරීමෙන් ලබාගත හැකි සාධනීය ප්‍රතිඵල මනාව පිළිබිඹු කරන බවත්, ඔහු වැඩිදුරටත් පවසා ඇත.

පුවත්

ජාතික විගණනය බාල බෙහෙත් සිද්ධියේ වැරදිකරු පෙන්වයි

Published

on

By

ගුණාත්මකභාවය පරීක්ෂා කෙරෙන අවම ක්‍රමවේදයකින් හෝ තොරව ඖෂධ මෙරටට ගෙන්වා රෝගී ජනතාව අවදානමට ලක් ලක්කර ඇති හෙයින් ජාතික ඖෂධ නියාමන අධිකාරියේ එවකට සිටි ප්‍රධාන විධායක නිලධාරියා සහ ඒවා අනුමත කර ඇති පාලක මණ්ඩලය සම්බන්ධයෙන් විධිමත් විමර්ශනයක් පවත්වා දැඩි නීතිමය ක්‍රියාමාර්ග ගතයුතු බවට ජාතික විගණන කාර්යාලය නිර්දේශ කර ඇත.

සෞඛ්‍යයට අහිතකර ඖෂධ සැපයූ සැපයුම්කරුට විරුද්ධව නීතිය ක්‍රියාත්මක කරන ලෙසටද නිර්දේශ කර තිබේ.

තත්වයෙන් අසමත් ඖෂධ සැපයූ සමාගම් අසාදු ලේඛන ගත කිරීමටද මුදල් අමාත්‍යාංශයට නිර්දේශ කර ඇත.

පිළිගත් විධිමත් ක්‍රමවේදයන්ට පටහැනිව ලියාපදිංචියෙන් නිදහස් කිරීමේ සහතික නිකුත් කිරීමේදී ඇතිවිය හැකි අක්‍රමිකතා වැළැක්වීම සඳහා අවශ්‍ය පියවර ගැනීමටද නිර්දේශ කර ඇත. රෝගීන් සඳහා භාවිතා කරන ඖෂධ වල ගුණාත්මක තත්ත්වය තහවුරු කිරීමට ප්‍රමුඛත්වය ලබාදී කටයුතු කළ යුතු බවටද නිර්දේශ කර ඇත.

(ලංකාදීප )

Continue Reading

පුවත්

ශ්‍රි පාද වන්දනාවේ පැමිණි තරුණයන් 6 දෙනෙක් අත්අඩංගුවට

Published

on

By

ශ්‍රි පාද වන්දනාවේ පැමිණි තරුණයන් 6 දෙනෙකු  ඊයේ (17) දින පස්වරුවේ හැටන් දුම්රිය ස්ථානයේදි සැකපිට අත්අඩංගුවට ගෙන තිබේ.

කොළඹ කොටුවේ සිට බදුල්ල දක්වා ධාවනය වූ උඩරට මැණිකේ දුම්රියෙන් පැමිණි තරුණයන් සයදෙනා එම දුම්රියෙන්ම ගමන් කරමින් සිටි කොළඹ විශ්ව විද්‍යාලයේ අධ්‍යාපනය ලබමින් සිටින හැටන් ප්‍රදේශයේ පදිංචි සිසුවියකට  අවස්තා කිහිපයකදි හිරිහැර කර ඇති බවත්, එම හිරිහැර ඉවසා ගැනිමට නොහැකිව සිසුවිය විසින් දෙමව්පියන්ට දුරකථනයෙන් ඒ පිලිබදව කල දැනුම් දිමක් මත ඇයගේ දෙමව්පියන් විසින් හැටන් පොලිසියට පැමිණිලි කර ඇත.

එම පැමිණිල්ල මත හැටන් පොලිසියේ නිලධාරින් විසින් සැකකාර තරුණයන් හයදෙනා හැටන් දුම්රිය ස්ථානයේදි අත්අඩංගුවට ගෙන තිබේ.

පොලිසිය ප්‍රකාශ කලේ,අත්අඩංගුවට ගත් තරුණයන් සයදෙනා කොළඹ අවට පදිංචිකරුවන් බවත්, සැකකරුවන් අවු 20-30 වයස් කාණ්ඩ වල පසුවන අය බවයි.

අත්අඩංගුවට ගත් සැකකරුවන් අද (18)  හැටන් මහෙස්ත්‍රාත් අධිකරණය වෙත ඉදිරිපත් කිරිමට නියමිතය.

Continue Reading

පුවත්

වෙල්ලමුල්ලිවයික්කල් සැමරුම අතරතුර පුද්ගලයෙක් අත්අඩංගුවට

Published

on

By

යුද්ධය අවසන් වී වසර 15ක් ගෙවීයාම නිමිත්තෙන් ඉන් මිය ගිය දමිළ ජනතාව සිහි කරන වෙල්ලමුල්ලිවයික්කල් සැමරුමක් අද උදෑසන (18) වැල්ලවත්ත වෙරළ තීරයේදී පැවැත්විණි.

එහිදී එම ස්ථානයට පැමිණි තවත් පිරිසක් මෙම සැමරුමට විරෝධය පළ කර ඇති බව වාර්තා වේ.

එම අවස්ථාවේ විරෝධය පළ කළ සිවිල් සංවිධාන ක්‍රියාකාරිකයෙකුව පොලීසිය විසින් අත්අඩංගුවට ගෙන ඇත.

Continue Reading
Advertisement

Trending

Copyright © 2023 Sri Lanka Mirror. All Rights Reserved