Connect with us

පුවත්

ජර්මානු DW රූපවාහිනියට ජනපතිගෙන් දෝස් මුරයක්

Published

on

පාස්කු ප්‍රහාරය ඇතුළු කිසිදු කරුණක් සම්බන්ධයෙන් ශ්‍රී ලංකා රජය ජාත්‍යන්තර පරීක්ෂණයක් සිදු නොකරන බව ජනාධිපති රනිල් වික්‍රමසිංහ මහතා කියයි.

ඔහු මේ බව පැවසුවේ ජර්මනියේ ඩොයිෂ් වෙලේ (DW) පුවත් ඒජන්සිය සමග සම්මුඛ සාකච්ඡාවකට එක්වෙමිනි.

මෙහිදී මාධ්‍යවේදියා ඇසූ ප්‍රශ්න වලට ජනපති රනිල් වික්‍රමසිංහ මහතා තරමක කේන්තියෙන් පිළිතුරු දීමත් සමග එම සම්මුඛ සාකච්ඡාව තරමක උණුසුම් මුහුණුවරක් ගෙන තිබුණි.

මෙහිදී DW මාධ්‍යවේදියා විකාර කථා කරන බවට මෙන්ම ඇතැම් බටහිර රටවල් ශ්‍රී ලංකාව වැනි ආසියානු රටවල් දෙවැනි පංතියට දමමින් කටයුතු කරන බව ජනපතිවරයා චෝදනා කළේය.

පුද්ගලයන් කිහිපදෛනකු විසින් පාස්කු ප්‍රහාරය සම්බන්ධයෙන් ජාත්‍යන්තර පරීක්ෂණයක් ඉල්ලා තිබුණද පාර්ලිමේන්තුව එවැන්නක් ඉල්ලා නොතිබුණු බව ජනාධිපතිවරයා මෙහිදී පවසා ඇත.

මං ගණුදෙනු කරන්නෙ රදගුරු සංගමය එක්ක

තමන් කාදිනල් සමග කටයුතු නොකරන බවත් කතෝලික රදගුරු සංගමය සමග කටයුතු කරන බවත් ජනපතිවරයා වැඩිදුරටත් පැවැසීය.

තවද චැනල් 4 වීඩියෝව සම්බන්ධයෙන් ‌මේ වන විට කමිටුවක් පත්කර ඇති බව ජනපතිවරයා සම්මුඛ සාකච්ඡාවේදී පැවැසීය.

ලංකාවට ආවට පස්සෙ සිරිසේනව හම්බවෙනවා

පාස්කු ප්‍රහාරය සම්බන්ධයෙන් එක් කොමිසමක් හිටපු ජනාධිපති මෛත්‍රීපාල සිරිසේන මහතා විසින් පත් කර ඇති බැවින් තමා ශ්‍රී ලංකාවට පැමිණීමෙන් අනතුරුව ඔහුවද හමුවීමට නියමිත බව ජනපතිවරයා වැඩිදුරටත් පැවසීය.

නැහැයි කියලා කියන්නෙ නෑ

තවද, සේව් ද චිල්ඩ්‍රන් සංවිධානය මගින් කුසගින්න සම්බන්ධයෙන් එළිදැක්වූ වාර්තාව සම්බන්ධයෙන් ජනාධිපතිවරයා පවසා ඇත්තේ මෙම වාර්තාවේ ඇති ප්‍රතිශත සම්බන්ධයෙන් එකඟ නොවුනද එය ප්‍රතික්ෂේප නොකරන බවයි. පසුගිය වසරේ පැවති ආහාර අර්බුදය මේ වන විට අඩු කර ඇති බවද,ඔහු වැඩිදුරටත් පැවසීය.

පිට වැඩක් නෙමෙයි!

ජනපතිවරයා වැඩිදුරටත් පවසා ඇත්තේ මෙම ප්‍රහාරය ලංකාවෙන් පිටත සිදුවූවක් නොවන බව ඇමෙරිකාවේ බුද්ධි අංශ වාර්තාවක් ලබා දී ඇති බවත්, බ්‍රිතාන්‍යයේ, ඕස්ට්‍රේලියාවේ, චීනයේ, ඉන්දියාවේ හා පාකිස්තානයේ බුද්ධි අංශ ද වාර්තා ලබාදී ඇති බවත්ය.

පුවත්

ග්‍රාම නිලධාරීන් දේශපාලන රැස්වීම් වර්ජනයක

Published

on

By

දේශපාලනඥයන් සහභාගී වන කිසිදු උත්සවයකට සහභාගී නොවීමට ශ්‍රී ලංකා එක්සත් ග්‍රාම නිලධාරීන්ගේ සංගමය තීරණය කර තිබේ.

සිය වැටුප් ගැටලුවට විසඳුම් ලබා දෙන තෙක් මෙම තීරණයෙහි සිටින බව පවසන සංගමය ඊට අමතරව ඉඩම් ඔප්පු සැකසීම සහ ජාතික හැඳුනුම්පත් සඳහා කටයුතු කිරීම ආදී සියලුම රාජකාරිවලින් ඉවත්ව සිටින බවද පවසයි.

එම සංගමයේ උප සභාපති දයාන් අබේරත්න මහතා මේ බව පැවසිය  

Continue Reading

පුවත්

ධීවර යාත්‍රාවක් නැවක ගැටී අනතුරක්

Published

on

By

බහුදින ධීවර යාත්‍රාවක් අනතුරට පත්වීමෙන් එහි සිටි එක් ධීවරයෙකු මියගොස් තවත් ධීවරයෙකු අතුරුදන්ව තිබේ.

පසුගිය 12 වනදා වාලච්චේන ධීවර වරායෙන් ධීවරයින් පස්දෙනෙකු ධීවර කටයුතු සඳහා බහුදින ධීවර යාත්‍රාවකින් මුහුදු ගොස් සිටිය දී වරායේ සිට කිලෝ මීටර් 47ක් පමණ දුරින් මෙම අනතුර සිදුව ඇත.

මෙම බහුදින ධීවර යාත්‍රාව ධීවර කටයුතු සිදුකරමින් සිටි ප්‍රදේශයේ පැවති අධික වර්ෂාව හේතුවෙන් ඒ ආසන්යෙන් ගමන් කරමින් තිබූ නැවක ගැටී මෙම අනතුර සිදුව ඇති බවට දැනට සිදු කරන ලද විමර්ශන වලදී අනාවරණය වී ඇති බව පොලීසිය පවසයි.

අනතුරින් 47 හැවිරිදි නින්දවූර් ප්‍රදේශයේ පදිංචිකරුවෙකු දියේ ගිලී මියගොස් ඇති අතර 60 හැවිරිදි මුහුදු වෙරළ පාර, ඔලුවිල් හි පදිංචි ව සිටි තවත් පුද්ගලයෙකු අතුරුදන්ව ඇත.

එක් පුද්ගලයෙකු තුවාල ලබා ත්‍රිකුණාමලය රෝහලේ ප්‍රතිකාර ලබමින් සිටියි.

අනෙක් පුද්ගලයින් දෙදෙනා අනතුරින් තුවාල ලබා නොමැති බව සඳහන් වේ.

නාවික හමුදාව විසින් වෙනත් ධීවර බෝට්ටුවක සහාය ඇති ව මෙම පුද්ගලයින් බේරා ගැනීමට කටයුතු කර ඇත.

වාලච්චේන පොලීසිය වැඩිදුර විමර්ශන සිදුකරයි.

Continue Reading

පුවත්

මත් කුඩු කිලෝ 450ක් අද පුත්තලමේදී විනාශ කෙරේ

Published

on

By

පොලිසිය ඇතුළු ආරක්ෂක අංශ අත්අඩංගුවට ගත් මත්ද්‍රව්‍ය කිලෝ 450 කට අධික තොගයක් විනාශ කිරීම අද  පස්වරු 5.00 ට මහජන ආරක්ෂක අමාත්‍ය ටිරාන් අලස්, පොලිස්පති දේශබන්දු තෙන්නකොන් යන මහත්වරුන්ගේ ප්‍රධානත්වයෙන් පුත්තලම වනාතවිල්ලුව ප්‍රදේශයේදී සිදු කෙරේ.

පොලිස් විශේෂ කාර්ය බළකාය විසින් වනාතවිල්ලුව ලැක්ටෝස් වත්ත ප්‍රදේශයේ අලුතින් ඉදිකළ අධිබලැති නව දහන උදුනක් මගින් මෙම මත්ද්‍රව්‍ය තොගය විනාශ කරනු ලබයි.

පොලිසිය, පොලිස් මත්ද්‍රව්‍ය කාර්යාංශය, පොලිස් විශේෂ කාර්ය බළකාය, නාවික හමුදාව, යුද හමුදාව ඇතුළු ආරක්ෂ අංශ විසින් පසුගිය කාලවකවානුවේ විශාල මත්ද්‍රව්‍ය තොගයක් අත්අඩංගුවට ගනු ලැබීය.

ඒ අනුව දැනට නඩු කටයුතු අවසන් කර ඇති මත්ද්‍රව්‍ය තොගයක් මෙසේ විනාශ කෙරන බව පොලිස් මාධ්‍ය ප්‍රකාශක කාර්යාලය පැවසීය.

Continue Reading
Advertisement

Trending

Copyright © 2023 Sri Lanka Mirror. All Rights Reserved