Connect with us

පුවත්

ජලභීතිකා මරණ ඉහළට

Published

on

ජලභීතිකා රෝගයට ගොදුරු වී මියගිය පුද්ගලයන් සංඛ්‍යාව පසුගිය වසර කිහිපය තුළ ඉහළ ගොස් ඇති බව සෞඛ්‍ය අමාත්‍යාංශය නිවේදනය කර ඇත.

ජලභීතිකා රෝගය පිළිබඳ නොදැනුවත්කම මෙන්ම සුනඛයන් නොවන සතුන්ගේ සපා කෑම් මෙම මරණ ඉහළ යාමට හේතු වී ඇති බව එම අමාත්‍යාංශයේ ජලභීතිකා මර්දන අංශයේ වෛද්‍ය නිලධාරී වෛද්‍ය හේෂාන් ගුරුගේ මහතා පැවසීය.

සැප්තැම්බර් 28 ලෝක ජලභීතිකා දිනයට සමගාමීව සෞඛ්‍ය ප්‍රවර්ධන කාර්යාංශයේ ඊයේ (20) පැවති ප්‍රවාත්ති සාකච්ඡාවකට එක්වෙමින් වෛද්‍ය නිලධාරී හේෂාන් ගුරුගේ මහතා මෙම අදහස් පළ කළේය.

වෛද්‍ය නිලධාරී හේෂාන් ගුරුගේ මහතා එහිදී වැඩිදුරටත් අදහස් දැක්වූයේ මෙසේය.

”පසුගිය වසර කිහිපය තුළ සිදු වුණ මානව මරණ අධ්‍යයනය කරද්දි සුනඛයෝ නොවන සතුන් ගෙන් පවා පොඩි වැඩි වීමක් පේනවා ජලභීතිකාවට ගොදුරු වුණ පුද්ගලයන්ගේ. සමහර අවස්ථාවල එම සතා මොකෙක් ද කියලා වත් දැනගන්න බැරි අවස්ථා තියනවා. මත්පැන්වලට ඇබ්බැහි වෙච්ච පුද්ගලයන් කිහිප දෙනෙක් ම මහා මාර්ග අසල ගොඩනැඟිලි අසල නිදාගෙන ඉඳලා උදේට නැඟිටලා බලනකොට මොකෙක් හරි සතෙක් කාලා, හපලා ගිහිල්ලා තියෙනවා. ඒගොල්ලො ගණං ගන්නෙ නෑ. ඒ පුද්ගලයන්ට ටික දවසක් යනකොට ජලභීතිකාව රෝග ලක්ෂණ මතු වෙනවා. ඒ වගේ සිද්ධි කිහිපයක්ම පසුගිය වසර දෙක තුනකම අපට වාර්තා වුණා. ඕනෑම සතෙකුගේ සපා කෑමක්, හීරීමක දී නිසි ප්‍රථමාධාරයක් සිද්ධ කරන්න ඕනේ. සබන් යොදා ගලන ජලයෙන් තුවාලය සෝදන්න. ගෙදර තියනවා නම් ස්පිරිට් හරි, බෙටඩීන් වගේ අයඩීන් ද්‍රාවනයක් සර්ජිකල් ස්පිරිට්, හයිඩ්‍රජන් පෙරොක්සයිඩ් වගේ එවැනි විෂබීජ නාශක දියරයක් තියනවා නම් ඒක ගල්වන්න පුළුවන්. ඊට පස්සෙ රෝහලකට යන්න. මේ දේ කළොත් හැමදෙනාම ජලභීතිකාව ලංකාවෙන් තුරන් කරන්න පුළුවන්.”

අලුතින් හදන්න ගන්නා බල්ලන්, පූසන් දින 14ක් යනතුරු සමීපයට ගන්න එපා
එමෙන්ම ගතවූ වසරේ මේ දක්වා කාලය තුළ ජලභීතිකා රෝගය වැලඳී පුද්ගලයන් දොළොස් දෙනකු මියගොස් ඇති බව මෙහිදී අදහස් දක්වමින් වසංගත රෝග විද්‍යා අංශයේ ප්‍රජා විශේෂඥ වෛද්‍ය අතුල ලියනපතිරණ මහතා පැවසුවේය.

මින් රෝගින් අටදෙනකුම මියගොස් ඇත්තේ නිවෙස්වල සුරතලයට ඇතිකරනු ලබන සුනඛයන් සපා කෑමෙන් බව හෙතෙම සඳහන් කළේය.

තවද සියලු ක්ෂිරපායී සතුන් සපා කෑමෙන් ජලභීතිකා රෝගය වැලඳීමේ අවදානමක් ඇති බවද ප්‍රජා විශේෂඥ වෛද්‍යවරයා මෙහිදී ප්‍රකාශ කළේය.

එසේම වසරකට ජලභීතිකාව සෑදී පුද්ගලයන් විසිපහක් තිහක් අතර පිරිසක් මියයන බවද සෞඛ්‍ය අමාත්‍යංශයේ ජලභීතිකා මර්දන අංශය සඳහන් කර තිබේ.

පසුගිය කොවිඩ් සමයේ සුනඛයන්ගේ වන්ද්‍යකරණ කටයුතු සිදුකිරීම අඩාළ වුවද මේ වනවිට එම කටයුතු සිදුකරනු ලබන බවද සෞඛ්‍ය අමාත්‍යාංශය පවසයි.

එමෙන්ම නිවෙසට අලුතින් හදාවඩා ගැනීමට ගන්නා බල්ලන්,පූසන් වැනි සුරතල් සතුන් දින දාහතරක් යනතුරු තම සමීපයට නොගන්නා ලෙස සෞඛ්‍ය අමාත්‍යාංශයේ වසංගත රෝග විද්‍යා අංශය ජනතාවගෙන් ඉල්ලා සිටියි.

සුනඛයකු නිවසෙහි ඇති කිරීමට ගන්නේ නම් සති හතරක කාලයක් ගතවීමට පෙර ජලභීතිකා එන්නත ලබාදීමට කටයුතු කළ යුතුය.

සුනඛයකු සපා කෑවිට විනාඩි දහයක කාලයක් සබන් දා එම ස්ථානය සෝදා පිරිසුදු කළ යුතු අතර ඉන් පසු කඩිනමින් වෛද්‍ය ප්‍රතිකාර සඳහා යොමු වීම වැදගත් බව වෛද්‍යවරු අවධාරණය කර සිටිති.

එසේම පසුගිය වසර දහයක කාලය තුළදී ජලභීතිකාව සෑදී මිය ගිය සියලු පුද්ගලයන්ගෙන් 100% මියගොස් ඇත්තේ ඒ සඳහා නිසි ප්‍රතිකාර ලබා නොගැනීමෙන් බවද වෛද්‍යවරු මෙහිදී පෙන්වා දුනි.

පුවත්

තවත් පිරිසක් සජබය සමඟ එක්වේ

Published

on

By

ශ්‍රී ලංකා නිදහස් පක්ෂයේ සහ ජනතා විමුක්ති පෙරමුණේ ප්‍රාදේශීය සංවිධායකවරුන් කිහිප දෙනෙකු විපක්ෂ නායක සජිත් ප්‍රේමදාස මහතා හමු වී සමගි ජන බලවේගය සමග එක්වී තිබේ. 

ඒ සමගි ජන බලවේගය විසින් ක්‍රියාත්මක ජන පවුර වැඩසටහනේ පොළොන්නරුව දිස්ත්‍රික් රැස්වීම පැවැති අවස්ථාවේදී ය.

හිටපු පාර්ලිමේන්තු මන්ත්‍රීවරයකු සහ හිටපු අමත්‍යවරයකු වූ නන්දසේන හේරත් මහතා විපක්ෂ නායක සජිත් ප්‍රේමදාස මහතාට සහාය පළ කිරීමේ අරමුණින් සමගි ජන බලවේගය හා එක්විය.

එමෙන්ම ශ්‍රී ලංකා නිදහස් පක්ෂයේ හිටපු පාර්ලිමේන්තු මන්ත්‍රීවරයකු මෙන් ම මහවැලි සංවර්ධන අධිකාරියේ අධ්‍යයක්ෂවරයකු ලෙස කටයුතු කළ තිලක් මහලේකම්ගේ මහතා ද සමගි ජන බලවේගය හා එක්විය.

තවද ජනතා විමුක්ති පෙරමුණේ පොළොන්නරුව නගර සභාවේ අපේක්ෂකයෙකුව සිටි එච්. සමන්ත බණ්ඩාර මහතා ද විපක්ෂ නායක සජිත් ප්‍රේමදාස මහතාට සහාය පළ කිරීමේ අරමුණින් සමගි ජන බලවේගය හා එක්විය.

Continue Reading

පුවත්

ලෝක ප්‍රසිද්ධ සුරතලා මිය යයි

Published

on

By

ක්‍රිප්ටෝ මුදල් ඒකකයක් වන ඩොජ්කොයින්හි සංකේතය වන සුනඛ මුහුණට හිමිකම් කියන කබොසු සුනඛයා මිය ගොස් තිබේ.

ෂීබා ඉනූ සුනඛ වර්ගයට අයත් කබොසු ලියුකේමියාව හේතුවෙන් මියගොස් ඇත.

එම සුරතලාගේ හිමිකරු වන්නේ ජපානයේ ගුරුවරයෙකි.

Continue Reading

පුවත්

අපිරිසිදු දන්සල් 20කට නීතිමය ක්‍රියාමාර්ග

Published

on

By

දිවයින පුරා පවත්වනු ලැබූ දන්සල් 20,000ක් පරීක්ෂාවට ලක්කළ බව ශ්‍රී ලංකා මහජන සෞඛ්‍ය පරීක්ෂකවරුන්ගේ සංගමයේ විධායක සාමාජික සඳුන් හේමන්ත රත්නායක මහතා පවසයි.

එහිදී අපිරිසිදු තත්ත්වයේ පවත්වාගෙන ගිය දන්සැල් 20කට එරෙහිව නීතිමය ක්‍රියාමාර්ග ගත් බව සඳුන් හේමන්ත රත්නායක මහතා විසින් පවසන ලදී.

කොළඹ නගර සීමාවේ දන්සැල් 4000ක් පරීක්ෂාවට ලක් කර ඇති අතර , එයිනුත් අපිරිසිදු තත්ත්වයේ තිබූ දන්සැල් 5කට එරෙහිව නීතිමය ක්‍රියාමාර්ග ගත් බවයි සඳහන් වේ.

මෙහිදී බත්, ෆ්‍රයිඩ් රයිස්, කොත්තු, සීනි සම්බල් පාන්, කඩල, මඤ්ඤොක්කා, බීම දන්සල් පරීක්ෂාවට ලක්කර ඇත.

ඒ සඳහා මහජන සෞඛ්‍ය පරීක්ෂකවරුන් 1800ත් 2000ත් අතර පිරිසක් සහභාගී වූ බව සඳහන් වේ.

දන්සැල් පරීක්ෂාව ලබන 27 වැනිදා දක්වා ක්‍රියාත්මකයි.

Continue Reading

Trending

Copyright © 2023 Sri Lanka Mirror. All Rights Reserved