ජාත්යන්තර තරුණ දිනය අදට (12) යෙදී තිබේ.
ලෝකය පුරා වෙසෙන තරුණ තරුණියන් මුහුණ දෙන අභියෝග අවබෝධ කර ගනිමින් සමාජය සංවර්ධනයට ඔවුන් දක්වන දායකත්වය සනිටුහන් කිරීම සඳහා තමයි මෙය දිනයක් ලෙස සැමරීම සිදුවේ.
සෑම ජාතියකම තරුණයින් මුහුණ දෙන සමාජ-ආර්ථික හා සමාජ-දේශපාලන ගැටළු පිළිබඳව අවධානය යොමු කිරීම සඳහා විවිධ දැනුවත් කිරීම්, ප්රජාසහභාගීත්ව වැඩසටහන් අද දිනය පුරා සිදු කෙරේ.
අගෝස්තු 12 වාර්ෂික ජාත්යන්තර තරුණ දිනය ලෙසින් 1999 දී එක්සත් ජාතීන්ගේ සංවිධානය ප්රකාශයට පත් කල අතර එය 1999 දෙසැම්බර් 17 වැනි දින ලිස්බන් නුවර තරුණයන් සඳහා වගකිව යුතු අමාත්යවරුන්ගේ ලෝක සමුළුව විසින් එක්සත් ජාතීන්ගේ මහා මණ්ඩලයට කරන ලද යෝජනාවක් මත පදනම් විය.
ප්රථම වරට සමරනු ලැබුවේ 2000 අගෝස්තු 12 වන දින වන අතර, එතැන් සිට අද දක්වාම ජාත්යන්තර තරුණ දිනය සැමරේ.
2024 දී, තෝරාගත් තේමාව වන්නේ ‘ක්ලික් කිරීමේ සිට ප්රගතිය දක්වා – තිරසාර සංවර්ධනය සඳහා තරුණ ඩිජිටල් මාර්ග’ යන්නයි.
එක්සත් ජාතීන්ගේ සංවිධානයට අනුව, මෙම තේමාව මගින් “ඩිජිටල්කරණය සහ තිරසාර සංවර්ධන ඉලක්කවල ප්රගතිය වේගවත් කිරීම සඳකා තරුණ තරුණියන්ගේ තීරණාත්මක දායකත්වය” අවධාරණය කෙරේ.
දැනට අපගේ ලෝකයේ ජීවත්වන පුද්ගලයින්ගෙන් අඩක් වයස අවුරුදු 30 හෝ ඊට අඩු අය වන අතර මෙය 2030 අවසන් වන විට 57% දක්වා ළඟා වනු ඇති බව සඳහන්ය.ඉන් 67% ක් දෙනා යහපත් අනාගතයක් ගැන විශ්වාස කරන අතර එම පිරිසෙන් වැඩි කොටසක් අවුරුදු 15 සිට 17 දක්වා ළමුන්ය.
මේ අතර, ලෝක තරුණ දිනය පිළිබඳ අදහස් දක්වමින් එක්සත් ජාතීන්ගේ මහලේකම් ඇන්ටෝනියෝ ගුටරෙස් පවසන්නේ, තිරසාර සංවර්ධන ඉලක්ක සාක්ෂාත් කර ගැනීම සඳහා භූ කම්පන මාරුවක් අවශ්ය බවත් එය සිදු විය හැක්කේ තරුණයින් සවිබල ගැන්වීම සහ ඔවුන් සමඟ සමාන ලෙස වැඩ කළහොත් පමණක් බවය.
