Connect with us

පුවත්

ජාතික උද්‍යාන වහන්න යයි

Published

on

මාස තුනකට වැඩි කාලයක් ප්‍රමාණවත් පරිදි වැසි නොලැබීම හේතුවෙන් සතුන්ට දැඩි ලෙස ආහාර සහ ජල අර්බුදයක් මතුවී තිබෙන යාල, උඩවලව සහ විල්පත්තුව ජාතික උද්‍යාන තාවකාලිකව වසා දැමීමට කටයුතු කළ යුතුව ඇතැයි වනජීවි නිලධාරීන් වනජීවි සංරක්ෂණ දෙපාර්තමේන්තුවට දැනුම්දී තිබේ.

ජාතික උද්‍යාන වසා දැමීම සම්බන්ධව වනජීවී හා වන සම්පත් සංරක්ෂණ අමාත්‍යාංශය සමග සාකච්ඡා කර අවසන් තීරණයක් ගැනීමට වනජීවි සංරක්ෂණ දෙපාර්තමේන්තුව අදහස් කරයි. ඉදිරි වැසි තත්ත්වය සම්බන්ධයෙන් කාලගුණ විද්‍යා දෙපාර්තමේන්තුවෙන් පුරෝකථනයක් ලබාගැනීමෙන් පසුව මෙම තීරණය සම්බන්ධයෙන් අවධානය යොමු කිරීමට නියමිත බව වනජීවි නිලධාරීහු පවසති.

වියළි කාලගුණික තත්ත්වය හේතුවෙන් වියළි කලාපයේ ජාතික උද්‍යානවල පමණක් නොව වන සංරක්ෂණ දෙපාර්තමේන්තුව යටතේ පාලනය වන වනෝද්‍යානවල සතුන්ද ආහාර සහ ජලය නොමැතිව සිටින බව අනාවරණය වේ.

මෙරට වනජීවි කලාප හෙක්ටයාර් ලක්ෂ 11 ක භූමි ප්‍රදේශයක් පුරා විහිදී තිබෙන අතර, ඉන් හෙක්ටයාර් ලක්ෂ දහයක පමණ භූමි ප්‍රදේශයක් විහිදී ඇත්තේ වියළි කලාපය ආශ්‍රිතවය.

විල්පත්තුව,යාල සහ උඩවලව යන ජාතික උද්‍යානවල කුඩා වැව්, පොකුණු, විශාල වැව් රැසක ජල මට්ටම පතුල් මට්ටම දක්වා අඩුවී තිබෙන අතර, සතුන්ට අවශ්‍ය ජලය බවුසර් මගින් ලබාදීමට වනජීවි සංරක්ෂණ දෙපාර්තමේන්තුව කටයුතු යොදා ඇත.

දැඩි පෑවිල්ල හේතුවෙන් යාල ජාතික උද්‍යානයේ විශාල ප්‍රමාණයේ වැව් 20 ක ජල ධාරිතාවය සියයට 30 ක් දක්වාද, කුඩා වැව්වල ජල ධාරිතාවය සියයට 10 ක් දක්වාද අඩුවී තිබේ. උද්‍යානයේ කොන්ක්‍රීට් පොකුණු, කුඩා වැව්වලට දිනකට ජලය ලීටර් ලක්ෂයක් සැපයීමට උද්‍යානයයේ වනජීවි නිලධාරීන් කටයුතු කරනු ලබයි.

කෙසේ නමුත්, වියළි කාලගුණික තත්ත්වය දිගටම පැවතියහොත් යාල ජාතික උද්‍යාන කලාපයේ ජීවත්වන කුළු හරකුන්ට ජලය නොමැතිව එම සතුන් මිය යෑමේ අවදානමක් පවතින බව පරිසරවේදීහු කියා සිටිති.

උඩවලව ජාතික උද්‍යානයේ පොකුණු,වැව් ආදිය සිඳීයාම හේතුවෙන්, එම පොකුණු පිරවීමට සෆාරි ජිප් රථ රියැදුරන් සහ පරිසරවේදීන් ස්වෙච්ඡාවෙන් පසුගියදා කටයුතු කරනු ලැබූ අතර, එම කටයුතු නතර කිරීමට වනජීවි සංරක්ෂණ දෙපාර්තමේන්තුව පියවර ගෙන තිබේ.

පොකුණුවලට ජලය යෙදීම පරිසර විද්‍යාත්මකව කිසිදු සක්‍යතාවයක් නොමැති කටයුත්තක් බවත්, මෙලෙස ජලය යෙදීම මගින් සිදු වන්නේ ජාතික උද්‍යානවලට දැඩි වියළි කාලගුණික තත්ත්වයක් සහිත කාලයේදී පැමිණෙන දෙස් විදෙස් සංචාරකයන්ට සතුන් දැක බලා ගැනීමට අවස්ථාව ලැබීම පමණක් බවත්, ජලය සැපයීම සංචාරක කටයුතුවලට කෙරෙන කළමනාකරණයක් පමණක් බව වනජීවි සංරක්ෂණ දෙපාර්තමේන්තුවේ ඉහළ නිලධාරියකු පැවසුවේය.

සතුන්ට ආහාර ලබාදීමද පරිසර විද්‍යාත්මකව වැරදි කටයුත්තක් බවත්, සතුන්ට ආහාර සහ ජලය සොයා යම්කිසි දුරක් ගමන් කිරීමේ හැකියාව පවතින බවත් ඔහු කීවේය.

සංචාරක කර්මාන්තයට හානියක් නොවන පරිදි ජාතික උද්‍යාන වසා දැමීම සම්බන්ධවද වනජීවි සංරක්ෂණ දෙපාර්තමේන්තුව අවධානය යොමුකර ඇත.

වනජීවි සංරක්ෂණ දෙපාර්තමේන්තුවේ අධ්‍යක්ෂ ජනරාල් චන්දන සූරියබණ්ඩාර කියා සිටියේ ජාතික උද්‍යානවල සංචාරක කලාපවල ජීවත්වන සතුන්ට ජලය සැපයීමේ කටයුතු මේ වනවිට දෙපාර්තමේන්තුව විසින් සිදු කරන බවත්, ඊට අවශ්‍ය මුදල් දෙපාර්තමේන්තුවට පවතින බවත්, ලංකාවේම සිටින සතුන්ට ජලය සැපයීම පරිසර විද්‍යාත්මකව වැරදි ප්‍රතිපත්තියක් බවත්ය. මෙවැනි කටයුතුවලින් සතුන්ට සිදුවන්නේ අනර්ථයක් බවද ඔහු කීවේය.

(අරුණ)

පුවත්

තවත් පිරිසක් සජබය සමඟ එක්වේ

Published

on

By

ශ්‍රී ලංකා නිදහස් පක්ෂයේ සහ ජනතා විමුක්ති පෙරමුණේ ප්‍රාදේශීය සංවිධායකවරුන් කිහිප දෙනෙකු විපක්ෂ නායක සජිත් ප්‍රේමදාස මහතා හමු වී සමගි ජන බලවේගය සමග එක්වී තිබේ. 

ඒ සමගි ජන බලවේගය විසින් ක්‍රියාත්මක ජන පවුර වැඩසටහනේ පොළොන්නරුව දිස්ත්‍රික් රැස්වීම පැවැති අවස්ථාවේදී ය.

හිටපු පාර්ලිමේන්තු මන්ත්‍රීවරයකු සහ හිටපු අමත්‍යවරයකු වූ නන්දසේන හේරත් මහතා විපක්ෂ නායක සජිත් ප්‍රේමදාස මහතාට සහාය පළ කිරීමේ අරමුණින් සමගි ජන බලවේගය හා එක්විය.

එමෙන්ම ශ්‍රී ලංකා නිදහස් පක්ෂයේ හිටපු පාර්ලිමේන්තු මන්ත්‍රීවරයකු මෙන් ම මහවැලි සංවර්ධන අධිකාරියේ අධ්‍යයක්ෂවරයකු ලෙස කටයුතු කළ තිලක් මහලේකම්ගේ මහතා ද සමගි ජන බලවේගය හා එක්විය.

තවද ජනතා විමුක්ති පෙරමුණේ පොළොන්නරුව නගර සභාවේ අපේක්ෂකයෙකුව සිටි එච්. සමන්ත බණ්ඩාර මහතා ද විපක්ෂ නායක සජිත් ප්‍රේමදාස මහතාට සහාය පළ කිරීමේ අරමුණින් සමගි ජන බලවේගය හා එක්විය.

Continue Reading

පුවත්

ලෝක ප්‍රසිද්ධ සුරතලා මිය යයි

Published

on

By

ක්‍රිප්ටෝ මුදල් ඒකකයක් වන ඩොජ්කොයින්හි සංකේතය වන සුනඛ මුහුණට හිමිකම් කියන කබොසු සුනඛයා මිය ගොස් තිබේ.

ෂීබා ඉනූ සුනඛ වර්ගයට අයත් කබොසු ලියුකේමියාව හේතුවෙන් මියගොස් ඇත.

එම සුරතලාගේ හිමිකරු වන්නේ ජපානයේ ගුරුවරයෙකි.

Continue Reading

පුවත්

අපිරිසිදු දන්සල් 20කට නීතිමය ක්‍රියාමාර්ග

Published

on

By

දිවයින පුරා පවත්වනු ලැබූ දන්සල් 20,000ක් පරීක්ෂාවට ලක්කළ බව ශ්‍රී ලංකා මහජන සෞඛ්‍ය පරීක්ෂකවරුන්ගේ සංගමයේ විධායක සාමාජික සඳුන් හේමන්ත රත්නායක මහතා පවසයි.

එහිදී අපිරිසිදු තත්ත්වයේ පවත්වාගෙන ගිය දන්සැල් 20කට එරෙහිව නීතිමය ක්‍රියාමාර්ග ගත් බව සඳුන් හේමන්ත රත්නායක මහතා විසින් පවසන ලදී.

කොළඹ නගර සීමාවේ දන්සැල් 4000ක් පරීක්ෂාවට ලක් කර ඇති අතර , එයිනුත් අපිරිසිදු තත්ත්වයේ තිබූ දන්සැල් 5කට එරෙහිව නීතිමය ක්‍රියාමාර්ග ගත් බවයි සඳහන් වේ.

මෙහිදී බත්, ෆ්‍රයිඩ් රයිස්, කොත්තු, සීනි සම්බල් පාන්, කඩල, මඤ්ඤොක්කා, බීම දන්සල් පරීක්ෂාවට ලක්කර ඇත.

ඒ සඳහා මහජන සෞඛ්‍ය පරීක්ෂකවරුන් 1800ත් 2000ත් අතර පිරිසක් සහභාගී වූ බව සඳහන් වේ.

දන්සැල් පරීක්ෂාව ලබන 27 වැනිදා දක්වා ක්‍රියාත්මකයි.

Continue Reading

Trending

Copyright © 2023 Sri Lanka Mirror. All Rights Reserved