Connect with us

පුවත්

ජාතික විදුලි පද්ධතියට තවත් මෙගාවොට් 650ක් අහිමිවීමේ අවදානමක

Published

on

ජාතික විදුලි පද්ධතියට තවත් මෙගාවොට් 650කට ආසන්න ප්‍රමාණයක් අහිමිවීමේ අවදානමක් මතුව ඇතැයි විදුලි බල කේෂත්‍ර ආරංචි මාර්ගවලින් ශ්‍රී ලංකා මිරර් වෙත වාර්තා වේ.

ඒ කුඩා විදුලි බලාගාර, සුළං, සුර්ය බල හා අපද්‍රව්‍ය ප්‍රතිචක්‍රීය කරණය හරහා විදුලිය උත්පාදනය කරණ සමාගම් විසින් ජාතික පද්ධතියට ලබාදුන් විදුලිය ඒකක සඳහා වසරකින් විදුලිබල මණ්ඩලය විසින් මුදල් ගෙවීම් සිදුකර නොමැති වීම නිසාය.

මේ වන විට එසේ ගෙවීමට ඇති මුදල රුපියල් බිලියන 35ක් බව වාර්තා වේ.

එම ආයතන සඳහා අවසන් වරට ගෙවා ඇත්තේ 2021 වසරේ දෙසැම්බර් මාසය සඳහාය.

කෙසේවුවද, ඔවුන් සමඟ විදුලිය මිලදී ගැනීමට අත්සන් කර ඇති ගිවිසුමට අනුව විදුලිය මිලදී ගන්නා සෑම මසකදීම ගෙවීම් පියවිය යුතු වන අතර එසේ ගෙවීම් පියවීම සිදු නොකළහොත් ඒ සඳහා පොලියක් ගෙවිය යුතු වේ.

එම පොලිය පවතින පොලී අනුපාත මත තීන්දු කිරීමට ද අදාල ගිවිසුමෙන් විදුලි බල මණ්ඩලය එකඟව සිටී.

මේ අතර, වහලය මත සවිකරණ රද සූර්ය බල පද්ධති වෙනුවෙන් අවසන් වරට ගෙවා ඇත්තේ පසුගිය වසරේ සැප්තැම්බර් මාසය දක්වා පමණක් බවද වාර්තා වේ.

අදාළ තත්ත්වයන් හේතුවෙන් බැංකු ණය මත ඉදිකර ඇති ඇතැම් ව්‍යාපෘති මේවන විට පවත්වාගෙන යාමට නොහැකිව බරපතල අර්බුදවලට මුහුණ දී සිටින බව ද ශ්‍රී ලංකා මිරර් වෙත වාර්තා වේ.

ඇතැම් සමාගම් එම ව්‍යාපෘති නඩත්තු කිරීමේ එදිනෙදා වියදම් දරණු ලබන්නේ 32% පොලී අනුපාතයට ණය ලබාගනිමින් බවද පැවසේ.

පුවත්

වෙසක් වෙනුවෙන් බඩු මිල පහලට

Published

on

By

එළඹෙන වෙසක් උත්සවය අරමුණු කරගනිමින් ලංකා සතොස ආයතනය භාණ්ඩ කිහිපයක මිල අඩු කර තිබේ.

Continue Reading

පුවත්

“ග්‍රාම නිලධාරීන්ගේ ප්‍රශ්නය ගැන බලන්න”

Published

on

By

ග්‍රාම නිලධාරීන්ගේ ප්‍රශ්න විසඳුවේ නැතොත් ඔවුන්ගේ වෘත්තිය ක්‍රියාමාර්ග දැඩි කරන බව පවසා ඇතැයි ජාතික ජන බලවේගයේ මන්ත්‍රී අනුර දිසානායක මහතා පාර්ලිමේන්තුවේ දී පැවසීය.

ග්‍රාම නිලධාරී සේවය ස්ථාපිත නොවීම, අනන්‍ය වැටුප් නොලැබීම මෙන්ම රාජකාරී සදහා අයුතු බලපෑම් එල්ලවීම ආදී ගැටලු ග්‍රාම නිලධාරීන්ට මතුව තිබෙන්නේ යැයිද පසුගිය දිනවල ඔවුන් රාජකාරී නිවාඩු සහ අකුරට වැඩ කිරීමේ ක්‍රියාමාර්ග ගෙන තිබෙන්නේ යැයිද දිසානායක මහතා කීය.

ග්‍රාමීය මට්ටමේ රාජ්‍ය පරිපාලන නියෝජිතයා වන ග්‍රාම නිලධාරී සේවය පැය අටකට සීමා වන්නේ නැතැයි ද ඔවුන්ගේ වෘත්තීය ගැටලු දිගු කාලයක් තිස්සේ විසඳී නැතැයි ද දිසානායක මහතා පැවසීය.

Continue Reading

පුවත්

ධීවරයින්ට හදිසි දැනුම්දීමක්

Published

on

By

අද (22)  දින සිට ක්‍රියාත්මක වන පරිදි නැවත දැනුම්දෙනතුරු බහුදින ධීවර යාත්‍රා ඇතුළුව සියලුම ධීවර යාත්‍රා සඳහා රැකියාවට පිටත්වීම සඳහා අවසර ලබා නොදෙන බව ධීවර හා ජලජ සම්පත් දෙපාර්තමේන්තුව පවසයි.

අද මාධ්‍ය වෙත අදහස් දක්වමින් එම දෙපාර්තමේන්තුවේ අධ්‍යක්ෂ ජනරාල් සුසන්ත කහවත්ත මහතා මේ බව පැවසීය.

දිවයින වටා මුහුදු ප්‍රදේශවල ඉදිරි දින කිහිපයේදී දැඩි වර්ශාපතනයත් දැඩි සුළං තත්ත්වයක් ඇතිවිය හැකි බවට වාර්තාවීමත් සමග එම දෙපාර්තමේන්තුව මෙම තීරණය ගෙන ඇත.

එසේම මේ වනවිට රැකියාවේ නිරතව සිටින බහුදින ධීවර යාත්‍රා වෙත ද ආරක්‍ෂිත ප්‍රදේශ හරහා ගමන්කරන ලෙසට දැනුම්දී ඇති බව එහි අධ්‍යක්ෂවරයා වැඩිදුරටත් සඳහන් කළේය.

Continue Reading
Advertisement

Trending

Copyright © 2023 Sri Lanka Mirror. All Rights Reserved