Connect with us

පුවත්

ජුලි චන්ග්ට ටොක්ක අනින කොට ඌයියා වෙන්නෙ “ටින් ටින්” ට – විමල්

Published

on

වික්ටෝරියා නුලන්ඩ්ගේ සහ මෙරට ඇමරිකානු තානාපති ජුලි චන්ගේ එකඟතාවලට ජනාධිපති රනිල් වික්‍රමසිංහ එකඟතාවය පළකරන විට අරගලකාරයන් බෙහෙතකටවත් සොයාගන්න නැති බව උත්තර ලංකා සභාගයේ සභාපති, ජාතික නිදහස් පෙරමුණේ නායක පාර්ලිමේන්තු මන්ත්‍රි විමල් විරවංශ මහතා කියයි. 

ඊයේ (01 වැනිදා) කොළඹ හයිඩ් පිටියේ රට විකුණන පරගැති පාලනයට එරෙහි මැයි රැලිය මැයෙන් පැවති උත්තර ලංකා සභාගයේ මැයි දින රැලිය අමතමින් ඔහු මේ බව ප්‍රකාශ කළේය. 

විමල් වීරවංශ මැයි රැලිය අමතමින් මෙසේද කීය.

”විද්දෙ පඳුරට වැදුනෙ හාවට. ජුලි චන්ග්ට ටොක්ක අනිනකොට ඌයියා වෙන්නෙ ටින් ටින්ට. ජුලි චන්ග්ට ටොක්ක අනිනකොට ඌයියා නේනේ චම්පිකට. ඌයියා වෙන්නෙ සරත් ෆොන්සේකාට. අන්න ජුලි චන්ග්ගෙ ඇම්බැට්ටයෝ ටික හඳුනා ගන්න, ඒ තමයි එයාගෙ නියම ගෝලයෝ ටික ජුලි චන්ග්ගෙ පුත්තු ටික මොන පුත්තුද කියලා මම කියන්නෙ යන්නෙ නැහැ. ඒ තමයි රෙජිම් චේන්ජ් කරන අලුත් විදිහ. ප්ලෑන් “ඒ“ එක තිබ්බෙ කතානායකවරයාව එකඟ කරගෙන ව්‍යවස්ථාවේ කොහෙවත් නැති අන්තර්කාලීන පාලනයක් අටවන්න. ඒ, දේශීය විදේශීය නියෝජිතයන් සමග. ෆොන්සේකාට ඌයියා ගියේ එයත් ඒ මණ්ඩලයට ගන්න හිටපු එක්කෙනෙක් නිසයි. මේ තමයි අලුත් විදිහ අපිව අත්පත් කරගන්න. මේ ඉන්දු පැසිෆික් කලාපය පාලනය කරන්න නම් මෙතැන තමයි රැඳෙන්න ඕන තැන. මෙතන තමයි අත්පත් කරගන්න ඕන තැන.

උන්ගෙ රූකඩ පාලනයක්…..

මෙතන එක්කො ඉන්න ඕන උන්ගෙ රූකඩ පාලනයක් නැත්නම් රාජ්‍ය බිඳ වට්ටලා හයිටිය ලිබියාව ඉරාකය වගේ බිඳ වැටුනු මළ රාජ්‍යයක් බවට මේක පත්කරන්න ඕන. රනිල් වික්‍රමසිංහ දැන් ජුලි චන්ග්ව වැඩිය කලබල කරන්නෙ නැහැ. වැඩිය ට්විටර් දාන්නෙ නැහැ. ඇයි ඒ, වික්ටෝරියා නුලන්ඩ් ආවා රනිල් ජනාධිපති වුණාට පස්සේ. එයා ඇවිත් සති දෙකයි පෙබරවාරි 14 ආවා ස්පෙෂල් ඇමරිකන් මිෂන් එකක්. ඒ විසි දෙනෙකුගෙන් යුතු කණ්ඩායමක්. සීඅයිඒ ප්‍රධානියා ඇතුළු ඇමරිකානු රාජ්‍ය දෙපාර්තමේන්තුවේ මේ කලාපය භාර නිලධාරියෙක් වගේම විස්සක් ආවා කටුනායක ගුවන් තොටුපළට ඔවුන්ගේ ගුවන් යානා දෙකකින්.

VIP පර්යන්තයෙන් ආව අය අපේ දුරකථන කේබලය ටැප් කරන්න ඉල්ලනවා….

ජනාධිපති පාවිච්චි කරන වීඅයිපී පර්යන්තයෙන් තමයි රට ඇතුළට ගත්තෙ. යනකොට ගියෙත් එහෙම. පාස්පෝර්ට් බැලුවෙත් නැහැ. ගමන් මළු පරීක්ෂා කළේ නැහැ. අධිවේගි මාර්ගය වහලා ඒ ගොල්ලො කෙළින්ම එනවා කොළඹට. ඇවිත් ජනාධිපති එක්ක, ආරක්ෂක ලේකම් එක්ක, බුද්ධි අංශ ප්‍රධානි සලේ එක්ක සාකච්ඡා කරනවා. ඒ ගොල්ලො ඉල්ලනවා කාරණා හතරක්. තුනකටම රනිල් එකඟයි. ඒ නිසා තමයි ජුලි චන්ග් දැන් හරියටම සද්දෙ වහලා ඉන්නේ. ජුලි චන්ග්ගෙ පැටව් ටික විපක්ෂයේ ඉඳගෙන රනිල්ගෙ ගමන හරි කියලා කියනවා.

පළවෙනි එක තමයි මහ සාගරය මැදින් එන අපේ දුරකථන කේබලය ටැප් කරන්න ඉල්ලනවා. ඒකට එකඟයි. ඊළඟ එක තමයි ජාතික බුද්ධි අංශයට උඩින් සීඅයිඒ එක්කෙනෙක් තියන්න. ඒකටත් එකඟයි. ගුවන් තොටුපළ සොෆ්ට්වෙයාර් හයි කරලා යන එන සියලු දෙනාගේ ජීව දත්ත ඒ අයගේ අතට ගන්න ඉඩ දෙන්න. ඒකටත් එකඟයි. අන්තිම එක සෝෆා ගිවිසුමට සංශෝධනයක් දාලා ඇමරිකානු ආරක්ෂක නිලධාරින්ට ආයුධ සන්නද්ධව පරීක්ෂා කිරීමකින් තොරව නිදහසේ ලංකාව ඇතුළේ සැරිසරන්න ඉඩ දෙන්න. ජනාධිපති වික්‍රමසිංහ කියනවා ඒක විතරක් අපි තවදුරටත් සාකච්ජා කරලා බලමු කියලා.

අරගලේ හිටිය මරු බඩුටික….

මරු බඩු ටිකක් හිටියානේ අරගලේ. දැන් උන්ව බෙහෙතකටවත් හොයාගන්න නැහැ. දැන් ජුලි චන්ග් ඉන්නෙ සතුටින්. ලිබියාව තරමටම වට්ටාගත්තා නම් තමා එයා හොඳටම සතුටු වෙන්නෙ. හැබැයි මේකත් නරක නැහැ. ආර්ථිකය භාරදීලා තියෙන්නෙ ජාත්‍යන්තර මූල්‍ය අරමුදලට. අයිඑම්එෆ් එක ආර්ජන්ටිනාව, ග්‍රීසිය අද හතරගාතෙන් වට්ටලා ඉවරයි. පකිස්තානයත් මේ මාවතේම ඇදගෙන යනවා.”

පුවත්

“විදුලි බිල අඩු කල හැකියි”

Published

on

By

විදුලි බිල 10% ත් 20% ත් අතර ප්‍රතිශතයකින් අඩු කිරීමේ හැකියාව ඇති බවත් විදුලිබල මණ්ඩලය ප්‍රතිව්‍යුහගතකරණය කළහොත් ඉන් පසුව විදුලි බිල ඉහළ යෑම වැඩි හැකියාවක් ඇති බවත් ලංකා විදුලිබල මණ්ඩල ඉංජිනේරු සංගමයේ සභාපති ධනුෂ්ක පරාක්‍රමසිංහ මහතා අද (29) පැවසීය.

ධනුෂ්ක පරාක්‍රමසිංහ මහතා කොළඹදී විශේෂ මාධ්‍ය හමුවක් පවත්වමින් මේ බව ප්‍රකාශ කරන ලදී.

මෙම වසරේ දෙවැනි විදුලි ගාස්තු සංශෝධනය ලබන ජූලි මස 1 වැනිදා ක්‍රියාත්මක කිරීම සඳහා වන යෝජනාව මෙම සතියේ විදුලිබල මණ්ඩලය, මහජන උපයෝගිතා කොමිසමට ඉදිරිපත් කිරීමට නියමිත බවත් එහිදී ජනතාවට සැළකිය යුතු විදුලි ගාස්තු අඩු වීමට ලැබිය යුතු බවත් ඔහු සඳහන් කලේය.

පාර්ලිමේන්තුවේ සාකච්ඡා කිරීමට නියමිත විදුලිබල මණ්ඩලය ප්‍රතිව්‍යුහගතකරණය කිරීමේ පනතින් විදුලි බිල ඉහළ දැමීමට අවශ්‍ය ප්‍රතිපාදන ලැබී ඇති බව පැවසු පරාක්‍රමසිංහ මහතා විදුලිබල මණ්ඩලයේ වර්තමාන පරිපාලනය විදේශ සමාගම්වලට අවශ්‍ය ආකාරයට දැන්ම සිටම කටයුතු කරමින් සිටින බව ද පැවසීය.

Continue Reading

පුවත්

කථිකාචාර්ය පුන්සර අමරසිංහ  අත්අඩංගුවට

Published

on

By

කොතලාවල ආරක්ෂක විශ්වවිද්‍යාලයේ කථිකාචාර්යවරයෙකු වන ආචාර්ය පුන්සර අමරසිංහ මහතා අපරාධ පරීක්ෂණ දෙපාර්තුමේන්තුව විසින් අත්අඩංගුවට ගෙන තිබේ.

ISIS සංවිධානය සමඟ සබඳතා පැවැත්වූ බවට ඉන්දියාවේදී අත්අඩංගුවට ගත් ශ්‍රී ලාංකික සැකකරුවන් 4 දෙනා සම්බන්ධයෙන් අසත්‍ය ප්‍රකාශයක් සිදු කිරීම හේතුවෙන් ඔහු මෙලෙස අත් අඩංගුවට ගෙන ඇත.

පෞද්ගලික රූපවාහිනී නාලිකාවක සාකච්ඡාවකට එක් වෙමින් ඔහු සිදු කළ ප්‍රකාශයක් මෙම අත්අඩංගුවට ගැනීමට හේතු වී ඇති බවද සඳහන්ය.

Continue Reading

පුවත්

විහිළු කතා සපයන්නන්ට රවී උත්තර දෙයි

Published

on

By

වැදගත් වන්නේ විහිළු සැපයීම නොව ප්‍රජාතන්ත්‍රවාදිව ජනතා විශ්වාසය රැකගෙන කටයුතු කිරීම බව එක්සත් ජාතික පක්ෂයේ කොළඹ දිස්ත්‍රික් නායක හිටපු මුදල් අමාත්‍ය රවී කරුණානායක මහතා පවසයි.

ඒ අනුව අනිවාර්යයෙන්ම ජනාධිපතිවරණය පැවැත්වෙන අතර නිර්දේශපාලනික අපේක්ෂකයා ලෙස රනිල් වික්‍රමසිංහ මහතා ඉදිරිපත් වන බවයි රවී කරුණානායක මහතා සඳහන් කරන්නේ.

අනතුරුව මැතිවරණය ජයග්‍රහණය කර රට හරි මාර්ගයේ ගෙනයාම විය යුතු වන බවද ඔහු ප්‍රකාශ කරයි.

ජනතා විශ්වාසය රැකගෙන කටයුතු කිරීම මිස වෙනත් ක්‍රමවලට වැඩකර පලක් නැති බවයි කරුණානායක මහතා වැඩිදුරටත් අවධාරණය කරන්නේ.

Continue Reading
Advertisement

Trending

Copyright © 2023 Sri Lanka Mirror. All Rights Reserved