Connect with us

පුවත්

ඩෑන්ගේ සහෝදරයාගේ ඝාතනයට හේතුව අයිස් කේස් එකක්!

Published

on

ඔරුගොඩවත්ත ගුවන්පාලම යටදී කපා කොටා මරාදැමුණු අපේ ජනබල පක්ෂයේ මාධ්‍ය ප්‍රකාශක හා නව සිංහලේ සංවිධානයේ සභාපති ඩෑන් ප්‍රියසාද්ගේ සහෝදරයකු වන පතිරණගේ ප්‍රකාශ් තිළිණ කුමාර ගේ ඝාතනයට සම්බන්ධ ප්‍රධාන සැකකරු ඇතුළු සිව් දෙනකු කොළඹ අපරාධ කොට්ඨාසය මඟින් පෙරේදා (04) අත්අඩංගුවට ගෙන තිබේ.

අත්අඩංගුවට ගත් සැකකරුවන් සිව්දෙනාගෙන් තිදෙනකුම වැල්ලම්පිටිය පන්සල්හේන පාරේ පදිංචිකරුවන් බව කොළඹ අපරාධ කොට්ඨාසය සඳහන් කළේය. 

අනෙක් අය වෑබඩ පදිංචිකරුවෙකි.

මේ ඝාතනය සිදුවූයේ පසුගිය වසරේ ජූලි 25 වැනිදා රාත්‍රී කාලයේ විදුලිය විසන්ධිව පැවති අවස්ථාවේදීය.
වෑබඩ සැකකරු බන්දුල පියල් නොහොත් බන්දු නමැති අවුරුදු 50ක් වයසැති අයෙකි. 

සෙසු සැකකරුවන් වයස අවුරුදු 25ත් – 21ත් අතර පසුවන්නන් බව කොළඹ අපරාධ කොට්ඨාසය සඳහන් කළේය. 

මොවුන්ගෙන් දෙදෙනකු පිය – පුතුන් බවත් ඔවුන් ඝාතනයට ලක්වූ පුද්ගලයාට ඈතින් ඥාති සම්බන්ධයක් පවතින බවත් පැවසේ.

මේ ඝාතනයට යොදාගත් කඩු දෙක වෑබඩ පදිංචි සැකකරුගේත් වැල්ලම්පිටියේ පදිංචි දුලාන් මධුෂංක නොහොත් දුලා නමැති සැකකරුගේ නිවෙසේත් සඟවා තිබියදී සොයාගෙන ඇත.

ඊට අමතරව මේ ඝාතනයට සැකකරුවන් පැමිණි මෝටර් රථයද පොලිසිය සොයාගෙන තිබේ.

අයිස් නමැති මත්ද්‍රව්‍ය ජාවාරමක් සම්බන්ධයෙන් ඇතිවුණු ආරවුලක් මත සහ බලය පිළිබඳ ගැටලුවක් මුල්කරගෙන මේ ඝාතනය සිදු කර ඇති බව කොළඹ අපරාධ කොට්ඨාසය සඳහන් කළේය.

ඝාතනයට ලක්වූ මේ පුද්ගලයාට එරෙහිව පහරදීම් සහ බියවැද්දවීම් සම්බන්ධයෙන් චෝදනාද තිබී ඇතැයි පොලිසිය සඳහන් කළේය. 

එසේම පුද්ගලයකුව කපා කොටා තුවාල කිරීමක් සම්බන්ධයෙන් ඔහුට එරෙහිව අධිකරණයේ නඩුවක් විභාග වෙමින් තිබී ඇතැයිද පැවසේ. 

ඒ සම්බන්ධයෙන් ඔහු ඇප ලබා සිට ඇති බවත් පොලිසිය සඳහන් කරයි. 

ඇප කොන්දේසියකට අනුව සෑම මසකම අවසන් ඉරිදා ඔහු වැල්ලම්පිටිය පොලිසිය හමුවේ පෙනී සිටද ඇත.

අත්අඩංගුවට ගත් සැකකරුවන් සිව්දෙනා කොළඹ කොටුව ප්‍රධාන මහේස්ත්‍රාත් අධිකරණය හමුවට ඉදිරිපත් කිරීමෙන් පසු ලබන 08 වැනිදා දක්වා රක්ෂිත බන්ධනාගාරගත කර තිබේ.

මියගිය 34 හැවිරිදි පතිරණගේ ප්‍රකාශ් තිළිණ කුමාර ‘අමානෝ‘ වැහි පීලි නිපැයුම් කර්මාන්ත ශාලාවක යන්ත්‍ර ක්‍රියාකරුවකු (මැෂින් ඔපරේටර්) ලෙස සේවයෙහි නිරත වූ අයෙකි.

ඔහුගේ සේවා ස්ථානයද පිහිටියේ ඔරුගොඩවත්ත ගුවන් පාලමට ආසන්නයේමය.

ඔරුගොඩවත්ත, මීතොටමුල්ලේ කුරුනියාවත්තේ පදිංචිව සිටි ප්‍රකාශ් තිලිණ කුඩා දියණියන් දෙදෙනෙකුගේ පියෙකි.

මූලාශ්‍රය – දිනමිණ

පුවත්

තවත් පිරිසක් සජබය සමඟ එක්වේ

Published

on

By

ශ්‍රී ලංකා නිදහස් පක්ෂයේ සහ ජනතා විමුක්ති පෙරමුණේ ප්‍රාදේශීය සංවිධායකවරුන් කිහිප දෙනෙකු විපක්ෂ නායක සජිත් ප්‍රේමදාස මහතා හමු වී සමගි ජන බලවේගය සමග එක්වී තිබේ. 

ඒ සමගි ජන බලවේගය විසින් ක්‍රියාත්මක ජන පවුර වැඩසටහනේ පොළොන්නරුව දිස්ත්‍රික් රැස්වීම පැවැති අවස්ථාවේදී ය.

හිටපු පාර්ලිමේන්තු මන්ත්‍රීවරයකු සහ හිටපු අමත්‍යවරයකු වූ නන්දසේන හේරත් මහතා විපක්ෂ නායක සජිත් ප්‍රේමදාස මහතාට සහාය පළ කිරීමේ අරමුණින් සමගි ජන බලවේගය හා එක්විය.

එමෙන්ම ශ්‍රී ලංකා නිදහස් පක්ෂයේ හිටපු පාර්ලිමේන්තු මන්ත්‍රීවරයකු මෙන් ම මහවැලි සංවර්ධන අධිකාරියේ අධ්‍යයක්ෂවරයකු ලෙස කටයුතු කළ තිලක් මහලේකම්ගේ මහතා ද සමගි ජන බලවේගය හා එක්විය.

තවද ජනතා විමුක්ති පෙරමුණේ පොළොන්නරුව නගර සභාවේ අපේක්ෂකයෙකුව සිටි එච්. සමන්ත බණ්ඩාර මහතා ද විපක්ෂ නායක සජිත් ප්‍රේමදාස මහතාට සහාය පළ කිරීමේ අරමුණින් සමගි ජන බලවේගය හා එක්විය.

Continue Reading

පුවත්

ලෝක ප්‍රසිද්ධ සුරතලා මිය යයි

Published

on

By

ක්‍රිප්ටෝ මුදල් ඒකකයක් වන ඩොජ්කොයින්හි සංකේතය වන සුනඛ මුහුණට හිමිකම් කියන කබොසු සුනඛයා මිය ගොස් තිබේ.

ෂීබා ඉනූ සුනඛ වර්ගයට අයත් කබොසු ලියුකේමියාව හේතුවෙන් මියගොස් ඇත.

එම සුරතලාගේ හිමිකරු වන්නේ ජපානයේ ගුරුවරයෙකි.

Continue Reading

පුවත්

අපිරිසිදු දන්සල් 20කට නීතිමය ක්‍රියාමාර්ග

Published

on

By

දිවයින පුරා පවත්වනු ලැබූ දන්සල් 20,000ක් පරීක්ෂාවට ලක්කළ බව ශ්‍රී ලංකා මහජන සෞඛ්‍ය පරීක්ෂකවරුන්ගේ සංගමයේ විධායක සාමාජික සඳුන් හේමන්ත රත්නායක මහතා පවසයි.

එහිදී අපිරිසිදු තත්ත්වයේ පවත්වාගෙන ගිය දන්සැල් 20කට එරෙහිව නීතිමය ක්‍රියාමාර්ග ගත් බව සඳුන් හේමන්ත රත්නායක මහතා විසින් පවසන ලදී.

කොළඹ නගර සීමාවේ දන්සැල් 4000ක් පරීක්ෂාවට ලක් කර ඇති අතර , එයිනුත් අපිරිසිදු තත්ත්වයේ තිබූ දන්සැල් 5කට එරෙහිව නීතිමය ක්‍රියාමාර්ග ගත් බවයි සඳහන් වේ.

මෙහිදී බත්, ෆ්‍රයිඩ් රයිස්, කොත්තු, සීනි සම්බල් පාන්, කඩල, මඤ්ඤොක්කා, බීම දන්සල් පරීක්ෂාවට ලක්කර ඇත.

ඒ සඳහා මහජන සෞඛ්‍ය පරීක්ෂකවරුන් 1800ත් 2000ත් අතර පිරිසක් සහභාගී වූ බව සඳහන් වේ.

දන්සැල් පරීක්ෂාව ලබන 27 වැනිදා දක්වා ක්‍රියාත්මකයි.

Continue Reading

Trending

Copyright © 2023 Sri Lanka Mirror. All Rights Reserved