පුවත්
ඩිජිටල් ආර්ථික අමාත්ය ලෙස ජනපති වැඩ භාරගනියි
ජනාධිපති අනුර කුමාර දිසානායක මහතා ඩිජිටල් ආර්ථික කටයුතු අමාත්යවරයා ලෙස එම අමාත්යාංශයේදී ඊයේ (05) පස්වරුවේ වැඩ භාර ගනු ලැබීය.
එම ධුරයේ වැඩ භාරගැනීමෙන් අනතුරුව අමාත්යාංශ නිලධාරීන් අමතමින් ඔහු පවසා සිටියේ, දේශපාලන අධිකාරියේ සහ ඩිජිටල් තාක්ෂණවේදීන්ගේ අපේක්ෂා සමපාත වී ඇති මේ අවස්ථාවේ රට ඩිජිටල්කරණය කිරීම සඳහා සියලුම වෘත්තීයවේදීන්ගේ සහයෝගය අපේක්ෂා කරන බවය.
එමෙන්ම ඒ වෙනුවෙන් තමන් ඕනෑම අවස්ථාවක පෙනී සිටින බවද ජනාධිපතිවරයා ප්රකාශ කලේය.
ඩිජිටල්කරණය තුළින් ආර්ථික කටයුතුවල කාර්යක්ෂමතාව වැඩි කර රටේ ආර්ථිකය ඉහළ මට්ටමකට ගෙන ඒමට හැකි බවද ජනාධිපතිවරයා මෙහිදී පවසා තිබේ.
දිළිඳුබව තුරන්කිරීම, සමාජීය ආකල්ප වෙනස් කිරීම සහ ඩිජිටල්කරණය රජයේ ප්රමුඛ අරමුණු වන බව ජනාධිපතිවරයා මෙහිදී පෙන්වා දුන්නේය.
ගොඩනැගිලි ඉදිකිරීමෙන් පමණක් රටක් සංවර්ධනය නොවන බව පෙන්වා දුන් ජනාධිපතිවරයා, මීට දශක දෙකකට පෙර ඉදිකිරීම් අමාත්යංශයක් පැවතුණු බවද සිහිපත් කලේය.
ඔහු අවධාරණය කළේ නමුත් මේ වන විට සෑම අමාත්යාංශයකින්ම සිදු කරන්නේද ඉදිකිරීම් පමණක් බවය.
පසුගිය වසරේ අධ්යාපන අමාත්යාංශයේ බලධාරීන් හා විශ්වවිද්යාල කුලපතිවරුන් සමග පැවති සාකච්ඡාවලදී අධ්යාපන ප්රතිසංස්කරණ පිළිබඳ සාකච්ඡා සිදු කර නොමැති බවත්, සිදුකර තිබෙන්නේ ගොඩනැගිලි ඉදිකිරීම් සඳහා සාකච්ඡා පමණක් බවත් ජනාධිපතිවරයා අනාවරණය කලේය.
කම්කරු අමාත්යාංශයට විශාල ගොඩනැගිලි දෙකක් තිබෙන නමුත් තවමත් ජනතාවගේ පෝලිම්වල අඩුවක් දක්නට නොලැබෙන බවත් ඒ සඳහා විසඳුම් ලබා දීමට නම් ඩිජිටල්කරණය අත්යවශ්ය බවත් ජනාධිපතිවරයා පෙන්වා දුන්නේය.
ඩිජිටල් ආර්ථිකය මගින් ඉදිරි වසර පහ ඇතුළත අමෙරිකානු ඩොලර් බිලියන 15ක ආදායමක් ඉපැයීමට ද අමාත්යාංශය සැලසුම් කර තිබේ.
ඩිජිටල් ශ්රම බලකාය ලක්ෂ 2දක්වා වැඩි කිරීම, සමස්ත රටම ඩිජිටල්කරණය ඉදිරි වසර පහ තුළ ඉටු කිරීමට අදාළ ක්රියාකාරී සැලැස්ම ක්රියාත්මක කිරීමට මෙහිදී අවධානය යොමු කෙරුණි.
ඉංජිනේරු එරංග වීරරත්න මහතාද මෙම අවස්ථාවේ ඩිජිටල් ආර්ථික නියෝජ්ය අමාත්ය ධුරයේ වැඩ භාර ගනු ලැබීය.
ජනාධිපති ලේකම් ආචාර්ය නන්දික සනත් කුමානායක, ඩිජිටල් ආර්ථික අමාත්යාංශයේ ලේකම් වරුණ ශ්රී ධනපාල, ඩිජිටල් කටයුතු පිළිබඳ ජනාධිපති ජ්යෙෂ්ඨ උපදේශක, ICTA ආයතනයේ සභාපති හාන්ස් විජේසූරිය යන මහත්වරු ඇතුළු නිලධාරින් පිරිසක් මෙම අවස්ථාවට එක් වී තිබුණි.
ශ්රී ලංකා නාවික හමුදාවේ නව මාණ්ඩලික ප්රධානී ලෙස රියර් අද්මිරාල් ඩේමියන් ප්රනාන්දු මහතා ද, නව නියෝජ්ය මාණ්ඩලික ප්රධානී ලෙස, රියර් අද්මිරාල් චින්තක කුමාරසිංහ මහතා ද පත්කර තිබේ.
ජනාධිපති අනුර කුමාර දිසානායක මහතා විසින් සිදුකර ඇති මෙම පත්වීම් 2024 දෙසැම්බර් 31 වැනිදා සිට බලාත්මකයි.
නාවික හමුදාධිපති වයිස් අද්මිරාල් කාංචන බානගොඩ මහතා විසින් අදාළ පත්වීම් ලිපි අද (15) දිනයේදී ප්රදානය කර තිබුණි.
ඉන්දීය මහකොමසාරිස් හා නාමල් අතර හමුවක්!
“රජයේ ප්රවෘත්ති දෙපාර්තමේන්තුවේ හැඳුනුම්පත ක්රියාකාරී මාධ්යවේදීන්ට පමණයි”
නාවික හමුදාවට නව මාණ්ඩලික ප්රධානියෙක් හා නියෝජ්ය මාණ්ඩලික ප්රධානියෙක්
-
පුවත්6 days agoචතුරිකා සිරිසේනගේ ආරක්ෂකයා අල්ලන්න සොයයි
-
පුවත්1 week agoඇතැමුන්ට නොතේරුණ මහාචාර්ය අබේගේ විහිළුව ගැන පැහැදිළි කිරීමක්
-
පුවත්4 days agoඅලුත් වාහන බද්ද
-
පුවත්6 days ago2025 වසරේ වැඩිම මුදල් වෙන්කිරීම මුදල් සහ ක්රමසම්පාදන සහ ආර්ථික සංවර්ධන අමාත්යාංශයට
-
පුවත්1 week agoසුවසැරිය අලුත් වෙයි