Connect with us

පුවත්

ඩොලර් මිලියන ගණනක මැණික් ජලාශ වලින් ගොඩගන්න වාර්තාවක් ඉල්ලයි!

Published

on

ඩොලර් මිලියන ගණනක් වටිනා බවට ඇස්තමේන්තුගත කර ඇති, මෙරට ජලාශ කිහිපයක ඇති මැණික් ඉල්ලම් ගොඩ ගැනීමට ඇති හැකියාව පිළිබඳව සතියක් ඇතුළත කඩිනම් වාර්තාවක් කැඳවා තිබේ.

මේ බව සාකච්ඡාවට ලක්ව ඇත්තේ ආර්ථික අර්බුද සමනය කිරීමේ ආංශික අධීක්ෂණ කාරක සභාවේදීය.

මෙම වාර්තා ලබාදෙන ලෙස මහවැලි අධිකාරිය, විදුලි බල මණ්ඩලය, මැණික් හා ස්වර්ණාභරණ අධිකාරිය, වාරිමාර්ග දෙපාර්තුමේනතුව සහ මැණික් පර්යේෂණ ආයතනයට එම ආංශික අධීක්ෂණ කාරක සභාව මගින් දැනුම් දී ඇත.

මෙම වාර්තාව මගින් සමනල වැව ජලාශය, හැටන් නෝර්ටන්බ්‍රිජ් ජලාශය සහ ඉහළ කොත්මලේ ජලාශයේ මැණික් ඉල්ලම් ගොඩ දැමීමේ හැකියාව පිළිබඳව සොයා බැලෙනු ඇත.

පවතින වියළි කාලගුණික තත්ත්වය නිසා සමනලවැව ජලාශයේ ජලය සිඳී ගොස් සමනල වැවට සහ නෝර්ටන්බ්‍රිජ්, ඉහළ කොත්මලේ ජලාශවලට යටවූ ඉඩම් අක්කර දහස් ගණනක් මතු වී ඇති බවත්, රට ආර්ථික අර්බුදයක පවතින මෙවැනි අවස්ථාවක ජලාශ වලට යටවූ ඉඩම්වල මැණික් සම්පත ගොඩ ගැනීම ගැන රාජ්‍ය යාන්ත්‍රණයක් සකස් කිරීමට ආර්ථික අර්බුදයේ බලපෑම සමනය කිරීම පිළිබඳ ආංශික අධීක්ෂණ කාරක සභාවේ දී සාකච්ඡා වූ බව එහි සභාපති වන ගාමිණී වලේබොඩ මන්ත්‍රීවරයා බලන්ගොඩ පැවැති මාධ්‍ය හමුවක දී පවසා ඇත.

වලේබොඩ මහතා වැඩිදුරටත් පවසා ඇත්තේ මේ අතුරින් සමනල වැව ජලාශයේ පමණක් ඩොලර් බිලියන 2ක් හෝ ආසන්න වශයෙන් ඩොලර් මිලියන 1,500ක මැණික් සම්පතක් ඇතැයි මැණික් හා ස්වර්ණාභරණ අධිකාරිය සහ මැණික් පර්යේෂණ ආයතනය විසින් ඇස්තමේන්තු කර ඇති බවයි.

සමනලවැව ජලාශයේ සොරොව්ව, වැව් බැම්ම සහ ජලාශයේ විදුලි නිෂ්පාදනය සහ ජලය මුදා හැරීමේ ස්ථාන යන්ත්‍රවලට හෝ කිසිදු පාරිසරික අගතියක් සිදු නොවෙන ලෙස මෙම මැණික් ඉල්ලම් ගොඩ දැමීම ගැන රාජ්‍ය යාන්ත්‍රණයක් සකස් කිරීමට එම කාරක සභාව උපදෙස් ලබාදී ඇත.

(මූලාශ්‍රය – දිවයින)

පුවත්

ගෝඨාට උසාවියේ පෙනී සිටින්නැයි නියෝගයක්

Published

on

By

යුධ හමුදා සැරයන් සුනිල් රත්නායක නමැත්තාට ජනාධිපති සමාව දී නිදහස් කිරීම සම්බන්ධයෙන් අධිකරණයට කරුණු දක්වන ලෙස නියම කරමින් ශ්‍රේෂ්ඨාධිකරණය හිටපු ජනාධිපති ගෝඨාභය රාජපක්ෂ මහතාට ඊයේ (17) නොතීසි නිකුත් කළේය.

සුනිල් රත්නායක නැමැත්තාට යාපනය, මිරිසුවිල් ප්‍රදේශයේ දී අවුරුදු පහක කුඩා දරුවකු ඇතුළු අවතැන්ව සිටි සිවිල් වැසියන් අටදෙනෙකු කපා කොටා මරා දැමීමේ සිද්ධිය සම්බන්ධයෙන් කොළඹ මහාධිකරණය විසින් මරණීය දණ්ඩනය නියම කර තිබියදී මෙසේ ජනපති සමාව ලබාදී තිබිණි.

2000 වසරේ සිදුවු මහත් ආන්දෝලනයකට තුඩු දුන් මෙම අපරාධයට අදාළව සිරදඬුවම් විඳිමින් සිටි යුධ හමුදා සැරයන් සුනිල් රත්නායක නමැත්තාට ජනාධිපති සමාව දී නිදහස් කිරීම අභියෝගයට ලක් කරමින් විකල්ප ප්‍රතිපත්ති කේන්ද්‍රයේ විධායක අධ්‍යක්ෂ ආචාර්ය පාක්‍යසෝති සරවනමුත්තු විසින් ගොනු කර තිබූ මූලික අයිතිවාසිකම් පෙත්සමක් අද කැඳ වූ අවස්ථාවේදී එලෙස නියම කළේය.

ශ්‍රේෂ්ඨාධිකරණ විනිසුරුවරුන් වන යසන්ත කෝදාගොඩ සහ අචල වෙන්ගප්පූලි යන මහත්වරුන්ගෙන් සැදුම්ලත් විනිසුරු මඩුල්ල හමුවේ මෙම පෙත්සම කැඳවීය.

විකල්ප ප්‍රතිපත්ති කේන්ද්‍රයේ විධායක අධ්‍යක්ෂ ආචාර්ය පාක්‍යසෝති සරවනමුත්තු විසින් ගොනු කර තිබූ මූලික අයිතිවාසිකම් පෙත්සමේ වගඋත්තරකරුවන් වශයෙන් හිටපු ජනාධිපති ගෝඨාභය රාජපක්ෂ, ජනාධිපති සමාව ලබා නිදහස් වූ යුද හමුදා සැරයන් සුනිල් රත්නායක සහ නීතීපතිවරයා ඇතුලු පිරිසක් නම් කර ඇත.

Continue Reading

පුවත්

නාවිකයන් 3,146 ට උසස්වීම්

Published

on

By

15 වන රණවිරු සැමරුම් දිනයට සමගාමීව නාවිකයන් 3,146 දෙනෙක් ඊළඟ තරාතිරමට උසස් කර තිබේ.

නිවේදනයක් නිකුත් කරමින් නාවික හමුදාව මේ බව දැනුම් දී ඇත.

15 වන රණවිරු සැමරුම් දිනයට සමඟාමීව සන්නද්ධ හමුදා සේනාධිනායක හා ශ්‍රී ලංකා ජනාධිපතිවරයාගේ අනුමැතිය ඇතුව නාවික හමුදාධිපති වයිස් අද්මිරාල් ප්‍රියන්ත පෙරේරා විසින් නාවික හමුදාවේ ජ්‍යේෂ්ඨ හා කණිෂ්ඨ නාවිකයන් 3,146 දෙනෙකුට මෙම උසස්වීම් සිදුකර ඇත.

වසර 30 කට ආසන්න කාලයක් මෙරට වෙලා ගනිමින් පැවති ත්‍රස්තවාදය මානුෂීය මෙහෙයුමකින් විජයග්‍රහණය කර මවිබිමේ ස්වෛරීභාවය සහ භෞමික අඛණ්ඩතාවය ස්ථාපිත කිරීම උදෙසා ත්‍රිවිධ හමුදාවේ, පොලීසියේ සහ සිවිල් ආරක්‍ෂක දෙපාර්තමේන්තුවේ වීරෝධාර රණවිරුවන් ජීවිත පරිත්‍යාගයෙන් සිදුකළ අනභිබවනීය දායකත්වය එම විජයග්‍රහණය සඳහා තීරණාත්මක සාධකයක් විය.

(අරුණ)

Continue Reading

පුවත්

කෝටි 5ක ජංගම දුරකතන එක්ක දෙදෙනෙක් ගුවන්තොටේදී කොටුවෙයි

Published

on

By

නීතිවිරෝධී ලෙස ශ්‍රී ලංකාවට ආනයනය කර, තීරු බදු නොගෙවා ගුවන් තොටුපොළෙන් පිට කර ගෙන යමින් සිටි රුපියල් කෝටි පහක් පමණ වටිනා නවීන ජංගම දුරකථන තොගයක් සහ පෙන් ඩ්‍රයිව් තොගයක් සමග ඒවා ගුවන් තොටුපොළ වෙත රැගෙන ආ ව්‍යාපාරිකයන් දෙදෙනෙකු ද කටුනායක ගුවන් තොටුපොළ පැමිණීමේ පර්යන්තයේ දී ගුවන් තොටුපොළ අපරාධ පරීක්ෂණ දෙපාර්තමේන්තුවේ නිලධාරීන් පිරිසක් විසින් අද (17) අලුයම අත් අඩංගුවට ගෙන තිබේ.

මොවුන් දෙදෙනාගෙන් එක් අයෙකු කොළඹ – 12 ප්‍රදේශයේ පදිංචි අයෙකු වන අතර ඔහු 59 හැවිරිදිය. අනෙක් ව්‍යාපාරිකයා කොළඹ – 14 පදිංචි 24 හැවිරිදි පුද්ගලයෙකි .

ඔවුන් දෙදෙනා ඩුබායි සිට ශ්‍රී ලන්කන් ගුවන් සේවයේ යූ.එල්.- 226 දරන ගුවන් යානයෙන් කටුනායක ගුවන් තොටුපොළ වෙත  අද අලුයම 04.55ට පැමිණ තිබුණි .

මෙම ජංගම දුරකථන සහ පෙන් ඩ්‍රයිව් තොගය වැඩිදුර විමර්ශන කටයුතු සදහා කටුනායක ගුවන් තොටුපොළ රේගු නිලධාරීන් වෙත භාර දීමට පියවර ගෙන තිබේ .

(ලංකාදීප)

Continue Reading
Advertisement

Trending

Copyright © 2023 Sri Lanka Mirror. All Rights Reserved