Connect with us

පුවත්

තරුණියන් අන්තර්ජාලයේ නිරුවත් කළ ජායාරූප ශිල්පී ලහිරු ඩිල්ෂාන් රිමාන්ඩ්

Published

on

තරුණියන් පස්දෙනෙකුගේ ජායාරූපවලට නිරුවත් කාන්තා ඡායාරූප කොටස් බද්ධ කර අන්තර්ජාලයට මුදා හැර ඇති බවට සැකපිට අත්අඩංගුවට ගෙන සිටි  ඡායාරූප ශිල්පී සඳුන් ලහිරු දිල්ෂාන් සැප්තැම්බර් මස 06 වැනිදා දක්වා රිමාන්ඩ් භාරයේ රඳවා තැබීමට අත්තනගල්ල අංක 02 මහේස්ත්‍රාත් මංජුල කරුණාරත්න මහතා නියෝග කළේය.

තරුණියන් පස්දෙනෙකුගේ ඡායාරූපවලට නිරුවත් කාන්තා ඡායාරූප බද්ධ කර අන්තර්ජාලයට මුදා හැර ඇති බව කියන සිද්ධියක් සම්බන්ධව නිට්ටඹුව පොලිසියේ ළමා හා කාන්තා කාර්යාංශය මඟින් පරීක්ෂණ පවත්වා සැකකරු අත්අඩංගුවට ගෙන ඇත.

නිට්ටඹුව පොලිසියේ නඩු මෙහෙයුම් අංශයේ පොලිස් සැරයන් එච්.ආර්.ඇස්. කුමාර මහතා කරුණු දක්වමින් සැකකරු ඡායාරූප ශිල්පියෙකු වශයෙන් කටයුතු කරමින් සිටියදී තරුණියන් පස් දෙනෙකුගේ ඡායාරූපවලට නිරුවත් කාන්තා ඡායාරූප කොටස් බද්ධ කර අන්තර් ජාලයට මුදා හැර ඇති බවට ලද පැමිණිල්ලකට අනුව නිට්ටඹුව පොලිසියේ ළමා හා කාන්තා කාර්යාංශය මඟින් පරීක්ෂණ පවත්වා අත්අඩංගුවට ගත් බව පවසා සිටියේය.

මොහු එම බද්ධ කරන ලද ඡායාරූප මොහුගේ ජංගම දුරකතනයක් මඟින් අන්තර් ජාලයට මුදා හැර ඇති බවත් පොලිස් සැරයන්වරයා පවසා සිටියේය.

එසේ අත්අඩංගුවට ගෙන ඇති එම ජංගම දුරකතනය මහේස්ත්‍රාත්වරයා අතට පත් කිරීමෙන් අනතුරුව මහේස්ත්‍රාත්වරයා එය පරීක්ෂා කර බලා එසේ සැකකරු රිමාන්ඩ් භාරයේ රඳවා තැබීමට නියෝග කළේය.

සැකකරු රාගම රෝහලේ මානසික වෛද්‍යවරයකු වෙත ඉදිරිපත් කර වෛද්‍ය පරීක්ෂණයකට භාජනය කර ඊළඟ දිනයේ ඒ පිළිබඳ වෛද්‍ය වාර්තාව අධිකරණයට ඉදිරිපත් කරන ලෙසට ද බන්ධනාගාර නිලධාරීන් හට නියෝග කැරිණි.

මෙම නඩුව නැවත කැඳවීම සැප්තැම්බර් මස 06 වනදාට කල් තැබිණ.

පුවත්

“විදුලි බිල අඩු කල හැකියි”

Published

on

By

විදුලි බිල 10% ත් 20% ත් අතර ප්‍රතිශතයකින් අඩු කිරීමේ හැකියාව ඇති බවත් විදුලිබල මණ්ඩලය ප්‍රතිව්‍යුහගතකරණය කළහොත් ඉන් පසුව විදුලි බිල ඉහළ යෑම වැඩි හැකියාවක් ඇති බවත් ලංකා විදුලිබල මණ්ඩල ඉංජිනේරු සංගමයේ සභාපති ධනුෂ්ක පරාක්‍රමසිංහ මහතා අද (29) පැවසීය.

ධනුෂ්ක පරාක්‍රමසිංහ මහතා කොළඹදී විශේෂ මාධ්‍ය හමුවක් පවත්වමින් මේ බව ප්‍රකාශ කරන ලදී.

මෙම වසරේ දෙවැනි විදුලි ගාස්තු සංශෝධනය ලබන ජූලි මස 1 වැනිදා ක්‍රියාත්මක කිරීම සඳහා වන යෝජනාව මෙම සතියේ විදුලිබල මණ්ඩලය, මහජන උපයෝගිතා කොමිසමට ඉදිරිපත් කිරීමට නියමිත බවත් එහිදී ජනතාවට සැළකිය යුතු විදුලි ගාස්තු අඩු වීමට ලැබිය යුතු බවත් ඔහු සඳහන් කලේය.

පාර්ලිමේන්තුවේ සාකච්ඡා කිරීමට නියමිත විදුලිබල මණ්ඩලය ප්‍රතිව්‍යුහගතකරණය කිරීමේ පනතින් විදුලි බිල ඉහළ දැමීමට අවශ්‍ය ප්‍රතිපාදන ලැබී ඇති බව පැවසු පරාක්‍රමසිංහ මහතා විදුලිබල මණ්ඩලයේ වර්තමාන පරිපාලනය විදේශ සමාගම්වලට අවශ්‍ය ආකාරයට දැන්ම සිටම කටයුතු කරමින් සිටින බව ද පැවසීය.

Continue Reading

පුවත්

කථිකාචාර්ය පුන්සර අමරසිංහ  අත්අඩංගුවට

Published

on

By

කොතලාවල ආරක්ෂක විශ්වවිද්‍යාලයේ කථිකාචාර්යවරයෙකු වන ආචාර්ය පුන්සර අමරසිංහ මහතා අපරාධ පරීක්ෂණ දෙපාර්තුමේන්තුව විසින් අත්අඩංගුවට ගෙන තිබේ.

ISIS සංවිධානය සමඟ සබඳතා පැවැත්වූ බවට ඉන්දියාවේදී අත්අඩංගුවට ගත් ශ්‍රී ලාංකික සැකකරුවන් 4 දෙනා සම්බන්ධයෙන් අසත්‍ය ප්‍රකාශයක් සිදු කිරීම හේතුවෙන් ඔහු මෙලෙස අත් අඩංගුවට ගෙන ඇත.

පෞද්ගලික රූපවාහිනී නාලිකාවක සාකච්ඡාවකට එක් වෙමින් ඔහු සිදු කළ ප්‍රකාශයක් මෙම අත්අඩංගුවට ගැනීමට හේතු වී ඇති බවද සඳහන්ය.

Continue Reading

පුවත්

විහිළු කතා සපයන්නන්ට රවී උත්තර දෙයි

Published

on

By

වැදගත් වන්නේ විහිළු සැපයීම නොව ප්‍රජාතන්ත්‍රවාදිව ජනතා විශ්වාසය රැකගෙන කටයුතු කිරීම බව එක්සත් ජාතික පක්ෂයේ කොළඹ දිස්ත්‍රික් නායක හිටපු මුදල් අමාත්‍ය රවී කරුණානායක මහතා පවසයි.

ඒ අනුව අනිවාර්යයෙන්ම ජනාධිපතිවරණය පැවැත්වෙන අතර නිර්දේශපාලනික අපේක්ෂකයා ලෙස රනිල් වික්‍රමසිංහ මහතා ඉදිරිපත් වන බවයි රවී කරුණානායක මහතා සඳහන් කරන්නේ.

අනතුරුව මැතිවරණය ජයග්‍රහණය කර රට හරි මාර්ගයේ ගෙනයාම විය යුතු වන බවද ඔහු ප්‍රකාශ කරයි.

ජනතා විශ්වාසය රැකගෙන කටයුතු කිරීම මිස වෙනත් ක්‍රමවලට වැඩකර පලක් නැති බවයි කරුණානායක මහතා වැඩිදුරටත් අවධාරණය කරන්නේ.

Continue Reading
Advertisement

Trending

Copyright © 2023 Sri Lanka Mirror. All Rights Reserved