Connect with us

පුවත්

තැපෑලේ නිවාඩු කැන්සල් ; නුවරඑළිය තැපැල් කන්තෝරුව ටාජ් සමුද්‍රා හෝටලයට?

Published

on

අද (07) මධ්‍යම රාත්‍රියේ සිට තැපැල් සේවකයින් වර්ජනයකට සූදානම් වීමත් සමග, වහාම ක්‍රියාත්මක වන පරිදි ඉදිරි දින තුන තුළ සියලුම තැපැල් සේවකයින්ගේ නිවාඩු අවලංගු කිරීමට පියවර ගෙන තිබේ.

තැපැල්පති රුවන් සත්කුමාර මහතා පවසන්නේ නොවැම්බර් 08, 09 හා 10 දින තුන තුළ සියලුම තැපැල් සේවකයින්ගේ නිවාඩු අවලංගු කර ඇති බවයි.

රජය විසින් නුවරඑළිය තැපැල් කාර්යාලය සංචාරක කටයුතු සඳහා යෙදවීමට ගත් තීරණය ඇතුළු කරුණු කිහිපයකට විරෝධය පළ කිරීමට මෙම වර්ජනය පැවැත්වීමට කටයුතු යොදා තිබුණි.

නුවරඑළිය තැපැල් කාර්යාලය දෙන්නෙ ටාජ් සමුද්‍රා හෝටලයට?

මේ අතර, අද (07) දින කැබිනට් මාධ්‍ය හමුව අමතමින් කැබිනට් ප්‍රකාශක – අමාත්‍ය බන්දුල ගුණවර්ධන මහතා පවසා සිටියේ විෂයභාර ඇමතිවරයා ලෙස නුවරඑළිය තැපැල් කාර්යාලය සංචාරක කටයුතු සඳහා යෙදවීමට ජනාධිපතිවරයා ගත් තීරණයට තමා සම්පූර්ණයෙන්ම එකඟ වන බවයි.

මේ වන විට නුවරඑළිය තැපැල් කාර්යාලය ගරා වැටෙමින්, නඩත්තු කරගත නොහැකිව පවතින බවත්, එම ‘අකර්මණ්‍ය වූ ඌණ උපයෝජිතව තිබෙන සම්පත ඵලදායිව’ ඉදිරිපත් කිරීමට යෝජනාවක් ජනාධිපතිවරයා වෙත ලැබී ඇතැයි ද ඔහු පැවසීය.

ටාජ් සමුද්‍රා හෝටලයේ නම සඳහන් කරමින් ඇමතිවරයා වැඩිදුරටත් පැවසුවේ මෙසේය :

“ටාජ් සමුද්‍රා හෝටලය…සංචාරක ව්‍යාපාරයේ, සංචාරකයින් වඩාත්ම ආකර්ෂණීය ගමනාන්තයත් නුවර එළිය. විශේෂයෙන් ඉන්දියන් සංචාරකයෝ සීතාඑළිය හරහා එන ප්‍රදේශයට… විශේෂ ආකර්ෂණයක් ලබා ගන්න පුළුවන්. ඒ නිසා ඔවුන්ගේ හෝටලයක් ඉදිකිරීම තුළින් ඒ පළාතේ ජනතාවයේ ජීවන තත්ත්වය දියුණු වෙන්නත්, රස්සා අවස්ථා ජනිත වෙන්නත් ආදායම් මාර්ග වැඩි වෙන්නත් හේතු වෙනවා. ඒ නිසා මං විෂය භාර ඇමතිවරයා වශයෙන් සම්පූර්ණයෙන්ම කැමතියි වෙනත් ස්ථානයකට තැපැල් කාර්යාලය ගෙනිහිල්ලා එම ස්ථානය ඒ ව්‍යාපෘතිය සඳහා ලබාදෙන්න.”

සබැඳි පුවත් :

තැපෑල හෙට වර්ජනයක් අරඹයි

පුවත්

තවත් පිරිසක් සජබය සමඟ එක්වේ

Published

on

By

ශ්‍රී ලංකා නිදහස් පක්ෂයේ සහ ජනතා විමුක්ති පෙරමුණේ ප්‍රාදේශීය සංවිධායකවරුන් කිහිප දෙනෙකු විපක්ෂ නායක සජිත් ප්‍රේමදාස මහතා හමු වී සමගි ජන බලවේගය සමග එක්වී තිබේ. 

ඒ සමගි ජන බලවේගය විසින් ක්‍රියාත්මක ජන පවුර වැඩසටහනේ පොළොන්නරුව දිස්ත්‍රික් රැස්වීම පැවැති අවස්ථාවේදී ය.

හිටපු පාර්ලිමේන්තු මන්ත්‍රීවරයකු සහ හිටපු අමත්‍යවරයකු වූ නන්දසේන හේරත් මහතා විපක්ෂ නායක සජිත් ප්‍රේමදාස මහතාට සහාය පළ කිරීමේ අරමුණින් සමගි ජන බලවේගය හා එක්විය.

එමෙන්ම ශ්‍රී ලංකා නිදහස් පක්ෂයේ හිටපු පාර්ලිමේන්තු මන්ත්‍රීවරයකු මෙන් ම මහවැලි සංවර්ධන අධිකාරියේ අධ්‍යයක්ෂවරයකු ලෙස කටයුතු කළ තිලක් මහලේකම්ගේ මහතා ද සමගි ජන බලවේගය හා එක්විය.

තවද ජනතා විමුක්ති පෙරමුණේ පොළොන්නරුව නගර සභාවේ අපේක්ෂකයෙකුව සිටි එච්. සමන්ත බණ්ඩාර මහතා ද විපක්ෂ නායක සජිත් ප්‍රේමදාස මහතාට සහාය පළ කිරීමේ අරමුණින් සමගි ජන බලවේගය හා එක්විය.

Continue Reading

පුවත්

ලෝක ප්‍රසිද්ධ සුරතලා මිය යයි

Published

on

By

ක්‍රිප්ටෝ මුදල් ඒකකයක් වන ඩොජ්කොයින්හි සංකේතය වන සුනඛ මුහුණට හිමිකම් කියන කබොසු සුනඛයා මිය ගොස් තිබේ.

ෂීබා ඉනූ සුනඛ වර්ගයට අයත් කබොසු ලියුකේමියාව හේතුවෙන් මියගොස් ඇත.

එම සුරතලාගේ හිමිකරු වන්නේ ජපානයේ ගුරුවරයෙකි.

Continue Reading

පුවත්

අපිරිසිදු දන්සල් 20කට නීතිමය ක්‍රියාමාර්ග

Published

on

By

දිවයින පුරා පවත්වනු ලැබූ දන්සල් 20,000ක් පරීක්ෂාවට ලක්කළ බව ශ්‍රී ලංකා මහජන සෞඛ්‍ය පරීක්ෂකවරුන්ගේ සංගමයේ විධායක සාමාජික සඳුන් හේමන්ත රත්නායක මහතා පවසයි.

එහිදී අපිරිසිදු තත්ත්වයේ පවත්වාගෙන ගිය දන්සැල් 20කට එරෙහිව නීතිමය ක්‍රියාමාර්ග ගත් බව සඳුන් හේමන්ත රත්නායක මහතා විසින් පවසන ලදී.

කොළඹ නගර සීමාවේ දන්සැල් 4000ක් පරීක්ෂාවට ලක් කර ඇති අතර , එයිනුත් අපිරිසිදු තත්ත්වයේ තිබූ දන්සැල් 5කට එරෙහිව නීතිමය ක්‍රියාමාර්ග ගත් බවයි සඳහන් වේ.

මෙහිදී බත්, ෆ්‍රයිඩ් රයිස්, කොත්තු, සීනි සම්බල් පාන්, කඩල, මඤ්ඤොක්කා, බීම දන්සල් පරීක්ෂාවට ලක්කර ඇත.

ඒ සඳහා මහජන සෞඛ්‍ය පරීක්ෂකවරුන් 1800ත් 2000ත් අතර පිරිසක් සහභාගී වූ බව සඳහන් වේ.

දන්සැල් පරීක්ෂාව ලබන 27 වැනිදා දක්වා ක්‍රියාත්මකයි.

Continue Reading

Trending

Copyright © 2023 Sri Lanka Mirror. All Rights Reserved