Connect with us

පුවත්

තේ ප්‍රවර්ධනයට බිලියන 9ක ශේෂය වියදම් කරන හැටි කියන්න කියයි

Published

on

පාර්ලිමේන්තු මන්ත්‍රී මහාචාර්ය රංජිත් බණ්ඩාර මහතාගේ සභාපතීත්වයෙන් 2023.09.19  දින රැස්වූ පොදු ව්‍යාපාර පිළිබද කාරක සභාවට (කෝප් කමිටුව) ශ්‍රී ලංකා තේ මණ්ඩලය කැඳවා තිබිණි.

මෙහිදී 2020 සහ 2021 වර්ෂය සදහා විගණකාධිපති වාර්තාව හා වර්තමාන කාර්යසාධනය පිළිබද පරීක්ෂා කිරීම සිදුවූ වැවිලි කර්මාන්ත අමාත්‍යාංශයේ ලේකම් ජානක ධර්මකීර්ති, ශ්‍රී ලංකා තේ මණ්ඩලයේ සභාපති නිරාජ් ඩී.මෙල් යන මහත්වරුන් නිලධාරීන් පිරිසක් මෙම අවස්ථාවට කැඳවා තිබිණි. එසේම 2018 සැප්තැම්බර් 21 දින ශ්‍රී ලංකා තේ මණ්ඩලය කෝප් කමිටුවට කැඳවූ අවස්ථාවේදී ලබාදී තිබූ නිර්දේශ ක්‍රියාත්මක කිරීමේ ප්‍රගතිය පිළිබඳවද මෙහිදී විමසා බැලීම සිදු විය.

මෙහිදී පහත සදහන් කරුණු පිළිබඳ අවධානය යොමුවිය.

තේ කර්මාන්ත ක්ෂේත්‍රය ආවරණය වන පරිදි කෝප් අනු කමිටුවක්
තේ කර්මාන්ත ක්ෂේත්‍රයම ආවරණය වන පරිදි කෝප් අනු කමිටුවක් පත් කිරීමට මෙහිදී කෝප් කමිටුවේ සභාපතිවරයා නිර්දේශ කිරීම සිදු විය. මේ අනුව ඉදිරියේදී මෙම අනු කමිටුව සඳහා සභාපතිවරයෙකු පත් කිරීම සිදු කරන බව කෝප් කමිටු සභාපතිවරයා පැවසීය. විශේෂයෙන්ම ශ්‍රී ලංකා තේ මණ්ඩලය වෙත යොමු කළ ප්‍රශ්න සඳහා ලැබෙන පිළිතුරු ප්‍රමාණවත් නොවන බවත් මේ නිසා මෙම විගණකාධිපති වාර්තාවේ සඳහන් වන කරුණු පිළිබඳව අනු කමිටුව පත් කිරීමෙන් පසු දීර්ඝව විමසා බැලීම සිදු කරීමට බලාපොරොත්තු වන බවත් කමිටුව සඳහන් කළේය.

තේ කොමසාරිස්, වැඩබලන අධ්‍යක්ෂ ජනරාල් ලෙසත් කටයුතු කිරීම ගැන කෝප් කමිටුවේ අවධානය
තේ කොමසාරිස් තනතුරේ කටයුතු කරන පුද්ගලයාම වැඩබලන අධ්‍යක්ෂ ජනරාල් ලෙස කටයුතු කිරීම පිළිබඳ කෝප් කමිටුවේ අප්‍රසාදය පළ කළේය. මේ මගින් ලැදියාවන් අතර ගැටුමක් පෙනී යන බවද කමිටු සභාපතිවරයා සඳහන් කළේය. මෙහිදී පැමිණි නිලධාරීන් සඳහන් කළේ අධ්‍යක්ෂ ජනරාල්වරයා විශ්‍රාම යෑම නිසා වැඩබලන තනතුර සඳහා මෙම නිලධාරියා පත් කළ බවයි. එසේම මේ සම්බන්ධයෙන් වන සම්මුඛ පරීක්ෂණය සති දෙකකින් පවත්වන බවද නිලධාරීහු සඳහන් කළේය. මේ අනුව ඉකිමනින් මෙම පුරප්පාඩුව පිරවීමට කමිටුව උපදෙස් ලබා දෙන ලදි.

කැබිනට් අනුමැතිය තිබියදී නියෝජ්‍ය අධ්‍යක්ෂ ජනරාල් (අලෙවිකරණ) තනතුරේ පුරප්පාඩුව පිරවීමට කටයුතු නොකිරීම ගැන කෝප් කමිටුවේ අවධානය
අමාත්‍ය මණ්ඩල අනුමතිය තිබියදී නියෝජ්‍ය අධ්‍යක්ෂ ජනරාල් (අලෙවිකරණ) තණතුරේ පුරප්පාඩුව පිරවීමට කටයුතු නොකිරීම පිළිබඳව මෙහිදී දීර්ඝ වශයෙන් සාකච්ඡා කිරීම සිදු විය.විශේෂයෙන්ම මෙහිදී මෙම තනතුරද ඇතුළුව විධායක ශ්‍රේණියේ තනතුරු 4ක් සහ තවත් තනතුරු 81 ක පුරප්පාඩු පිරවීමට කටයුතු නොකිරීම පිළිබඳ කමිටුව ප්‍රශ්න කරන ලදි.මෙහිදී පැමිණි නිලධාරීන් සඳහන් කළේ 2018 වර්ෂයේ  ශ්‍රී ලංකා තේ මණ්ඩලය කෝප් කමිටුවට කැදවූ අවස්ථාවේදී මෙම තනතුරු අවශ්‍ය නොවන බව සඳහන් කළ බවත් මේ නිසා බඳවා ගැනීමට කටයුතු නොකළ බවත්ය. මේ අනුව කෝප් කමිටු සභාපතිවරයා සඳහන් කළේ 2016 අමාත්‍ය මණ්ඩල අනුමැතිය හිමිවී ඇති මෙම තනතුරේ පුරප්පාඩුව පිරවීමට කටයුතු නොකිරීම අමාත්‍ය මණ්ඩලය පවා මගහැර කටයුතු කිරීමක් බවයි. මෙසේ අමාත්‍ය මණ්ඩල තීරණය මගහැර කටයුතු කිරීමට මෙම ආයතනයට නොහැකි බව පෙන්වා දුන්නේය. කෝප් කමිටුව දැනුවත් කිරීම මෙහිදී ප්‍රමාණවත් නොවන බවත් මෙම තනතුරු අවශ්‍ය නොවේනම් අවශ්‍ය නිවැරදි ක්‍රියාමාර්ග අනුගමණය කළ යුතු බව කෝප් කමිටු සභාපතිවරයා පෙන්වා දුන්නේය. එසේම නිලධාරීන් ලබාදෙන පිළිතුරු පිළිබඳවද මෙහිදී කෝප් කමිටු සභාපතිවරයා සිය අප්‍රසාධය පළ කළේය.

 එසේම මෙම තනතුරු පිරවීමට කටයුතු නොකර තේ ප්‍රවර්ධනය සඳහා විධිමත් බවකින් තොරව විශාල වශයෙන් මුදල් වියදම් කිරීම පිළිබඳවද මෙහිදී කමිටුවේ අප්‍රසාදය පළ විය. තවද පැමිණ සිටි මන්ත්‍රීවරුන් පෙන්වා දුන්නේ වෙළඳ දැන්වීම් සඳහා වෙළඳපොල වටිනාකම ඉක්මවමින් වෙළඳ දැන්වීම් සමාගම් සඳහා මුදල් ලබාදී ඇති බවයි. එසේම අත්තිකාරම් මුදල වෙනුවට අදාළ දැන්වීම් සකස්කිරීම සඳහා සමිපූර්ණ මුදල ලබාදීම පිළිබඳවද මෙහිදී කමිටුව ප්‍රශ්න කරන ලදි. මේ අනුව මේ පිළිබඳ සති දෙකක් ඇතුළත වාර්තාවක් ලබාදීමට කෝප් කමිටුව නිර්දේශ කරන ලදි.

IT පද්ධතියක් සකස් කිරීමට සැලසුම්කර තිබුණද තවමත් එය සකස් නොකිරීම ගැන කෝප් අප්‍රසාදය
පෞද්ගලික සමාගමක් සමග ඇතිකරගත් ගිවිසුමකට අනුව තේ අලෙවි මණ්ඩලය සඳහා තොරතුරු තාක්ෂණ පද්ධතියක් සකස් කිරීමට සැලසුම්කර තිබුණද තවමත් එය සකස් නොකිරීම පිළිබඳ කමිටුවේ අප්‍රසාදය පළ විය. මේ සඳහා මොරටුව විශ්ව විද්‍යාලයේ උපදේශන සේවා මත ප්‍රසම්පාදන කටයුතු සිදු කළ යුතු වුවත් රු. 53,964,995 කට පෞද්ගලික ආයතනයක් තෝරා ගැනීම පිළිබඳ මෙහිදී ප්‍රශ්න කරන ලදි. මේ අනුව මාස 18 ක කාලයක් ඇතුළත මෙම පද්ධතිය සකස් කළ යුතු වුවත් වසර 3කට ආසන්න කාලයක් ගතවුවද මෙම තොරතුරු තාක්ෂණ පද්ධතියක් සකස් නොකිරීම පිළිබඳ කමිටුව සිය අප්‍රසාද පළ කළේය. විශේෂයෙන්ම මෙම සම්පූර්ණ ක්‍රියාවලිය සඳහා දැනට වසර 07 ක් ගතවී ඇති වනත් කෝප් කමිටුව පෙන්වා දුන්නේය. මේ නිසා මාස තුනකින් මෙම ආයතනය නැවත කෝප් කමිටුවට කැඳවන බවත් එහිදී මේ පිළිබඳ නිවැරදි පිළිතුරක් අවශ්‍ය බවත් කමිටුව සඳහන් කරන ලදි.

තේ මණ්ඩලයේ අලෙවි ප්‍රවර්ධන අරමුදලේ ශේෂය වියදම් කිරීම ගැන වාර්තාවක් කැඳවයි
ශ්‍රී ලංකා තේ මණ්ඩලය තේ ප්‍රවර්ධනය සඳහා මුදල් වියදම් කිරීම සෑහීමකට පත්විය නොහැකි බැවින් තේ මණ්ඩලයේ අලෙවි ප්‍රවර්ධන අරමුදලේ ශේෂය ලෙස පවතින රුපියල් 9,869,442,652 ක මුදල වියදම් කිරීමට සැලසුම් කර ඇති ආකාරය පිළිබඳ කෝප් කමිටුවට සති දෙකක් ඇතුළත වාර්තාවක් ලබාදෙන ලෙස නිර්දේශ කළේය.

චක්‍රලේඛයකට පටහැනිව ක්‍රියාකාරී අධ්‍යක්ෂවරයෙක් පත් කිරීම
2020 ජනාධිපතිවරයා විසින් නිකුත් කරන ලද චක්‍රලේඛයට පටහැනිව ක්‍රියාකිරී අධ්‍යක්ෂවරයෙක් පත් කිරීම පිළිබඳවද කමිටුවේ අවධානය යොමු විය. මෙහිදී පනතට අනුව මේ සඳහා බලතල ඇති බව පැමිණ සිටි නිලධාරීන් සඳහන් කළේය. මේ අනුව මේ සම්බන්ධයෙන් මත දෙකක් පවතින බවත් මේ නිසා සති දෙකක් ඇතුළත වාර්තාවක් ලබාදෙන ලෙසත් කෝප් කමිටුව නිර්දේශ කළේය.

එසේම ලෝක වෙළඳපොළ තුළ සිලෝන් ටී ඉල්ලුම අවම වීම පිළිබඳවද මෙහිදී සාකච්ඡා විය.

රාජ්‍ය අමාත්‍යවරුන් වන ජගත් පුෂ්පකුමාර, ජානක වක්කුඹුර,ඉන්දික අනුරුද්ධ, පාර්ලිමේන්තු මන්ත්‍රීවරයන් වන රවුෆ් හකීම්,  අනුර ප්‍රියදර්ශන යාපා, දයාසිරි ජයසේකර, ඉරාන් වික්‍රමරත්න,  එස්.එම් මරික්කාර්, සංජීව එදිරිමාන්න, ජගත් කුමාර සුමිත්‍රාආරච්චි, උපුල් මහේන්ද්‍ර රාජපක්ෂ, එම්. රාමේෂ්වරන්, රාජිකා වික්‍රමසිංහ, මධුර විතානගේ සහ  මහාචාර්ය චරිත හේරත් යන මහත්වරු මෙම කාරක සභා රැස්වීමට සහභාගී වූහ.

පුවත්

කෑගල්ල උණුසුම් වූ බස් අනතුර

Published

on

By

කෑගල්ල අවිස්සාවේල්ල මාර්ගයේ කොට්ටපොල ප්‍රදේශයේදී පුද්ගලික බස් රථ දෙකක් මුහුණට මුහුණ ගැටී තිබේ.

අද (18) පස්වරු 4.00ට පමණ මෙම අනතුර සිදුව ඇති අතර එම අනතුරින් පුද්ගලයින් 26 දෙදෙනකු තුවාල ලබා ඇති බවත් ඉන් දෙදෙනෙකුගේ තත්ත්වය බරපතළ බවත් වාර්තා වේ.

නුවර සිට අවිස්සාවේල්ල බලා ධාවන වූ පෞද්ගලික බස් රථයක් අධික වේගය සහ අපරික්ෂාකාරී ලෙස වෙනත් වාහනයකට ඉස්සර කිරීමට යාමත් සමග මෙම අනතුර සිදුව ඇතැයි පොලීසිය පවසයි.

තුවාලකරුවන් කෑගල්ල මහරෝහලයට සහ තොරනගහපිටිය ග්‍රාමීය රෝහලට ඇතුළත් කළ බවයි පිංදෙණිය පොලීසිය ප්‍රකාශ කර සිටී.

අනතුරට පත් එක් බස් රථයක රියදුරෙකු බරපතළ තත්ත්වයේ ප්‍රතිකාර ලබන අතර අනෙක් රෝගියා කාන්තාවක් බවයි වාර්තා වේ.

Continue Reading

පුවත්

“මුලින්ම තියන්නේ ජනාධිපතිවරණය නෙමෙයි”

Published

on

By

ස්ථීරයෙන්ම එන්නේ ජනාධිපතිවරණය නොව මහ මැතිවරණය බවත් ලබන 14 හෝ 15 පාර්ලිමේන්තුව අනිවාර්යයෙන්ම විසුරුවන බවත් රුසියාවේ හිටපු ශ්‍රී ලංකා තානාපති උදයංග වීරතුංග මහතා පවසයි.

පෞද්ගලික රූපවාහිනී නාලිකාවක් සමඟ පැවති සාකච්ඡාවකට එක් වෙමින් උදයංග වීරතුංග මහතා මේ බව සඳහන් කලේය.

මේ සම්බන්ධයෙන් ජනාධිපතිවරයා සමග එකඟත්වයට පැමිණ අවසන් බවද ජනාධිපතිවරණයට පෙර මහ මැතිවරණය පැවැත්වීමට ඇති කරගෙන ඇති එකඟතාව පිළිබඳව දන්නේ  ශ්‍රී ලංකා පොදු ජන පෙරමුණේ එක් අයකු පමණක් බවද ඔහු මෙහිදී පවසා ඇත.

“ අගමැති අපේක්ෂකයෙක් නම් කරන්න බලාපොරොත්තුවක් නැහැ. ධම්මික පෙරේරා ඉතා ප්‍රබල අපේක්ෂකයෙක් විදියට ඉදිරිපත් වෙනවා. ඒ තීරණය තියෙන්නේ පොහොට්ටුවේ එක ඔලුවක විතරයි. පාර්ලිමේන්තු මැතිවරණයක් එනවා. පාර්ලිමේන්තුවේ බහුතරය ඒකට විරුද්ධයි. අනුර කුමාරත් විරුද්ධයි. ජාතික ජන බලවේගයට රැල්ලක් ඇවිල්ලා තියෙන්නේ සමාජ මාධ්‍යයෙන් පමණයි. ශ්‍රී ලංකා පොදු ජන පෙරමුණේ අපේක්ශකයා රනිල් වික්‍රමසිංහ නෙමෙයි. ඒක දැන් තීරණය කරල ඉවරයි.”

Continue Reading

පුවත්

ඇල්ල – වැල්ලවාය මාර්ගය යළිත් වැසෙයි

Published

on

By

ඇල්ල – වැල්ලවාය ප්‍රධාන මාර්ගය අද (18) රාත්‍රී 8 සිට හෙට (19) උදෑසන 6 දක්වා ගමනාගමනය සඳහා වසා තැබීමට යළිත් තීරණය කර තිබේ.

අයහපත් කාලගුණික තත්ත්වය හේතුවෙන් එම තීරණය ගත් බව දිස්ත්‍රික් ලේකම්වරයා පවසයි.

Continue Reading

Trending

Copyright © 2023 Sri Lanka Mirror. All Rights Reserved