Connect with us

පුවත්

දංගෙඩියට බෙල්ල තියන්න ආවේ රනිල් පොහොට්ටු අපේක්ෂකත්වය එයාට තමයි – ප්‍රසන්න

Published

on

“කවුරු කොහොම කිව්වත් අපිට සිද්ධවෙනව රනිල් වික්‍රමසිංහ ජනාධිපතිතුමාට උදවු කරන්න. මොකද එතුමා විතරයි දංගෙඩියට බෙල්ල තියන්න ඉස්සරහට ආවේ. තමුන්නාසේලා ඒ ඇත්ත ගමේ මිනිස්සුන්ට කියන්න” යැයි ඇමති ප්‍රසන්න රණතුංග මහතා කියයි.

ඔහු මේ බව කියා සිටියේ  පසුගිය බදාදා ශ්‍රී ලංකා පොදු ජන පෙරමුණේ (පොහොට්ටු) රත්නපුර දිස්ත්‍රික් සම්බන්ධීකරණ කමිටු රැස්වීමෙන් පසුව පාර්ලිමේන්තු මන්ත්‍රී අකිල එල්ලාවල මහතාගේ කාර්යාලයට ගොඩවැදී එහි සිටි හිටපු පළාත් පාලන මන්ත්‍රිවරුන් සමඟ පැවැති කතාබහකදීය.

තනියෙන් එන අපේක්ෂකයකුට ජයගත නොහැකි බවත්, මෑත කාලීනව ජනාධිපතිවරු බිහිවුණේ සන්ධාන ආණ්ඩුවලින් බවත්, මෙවරද දිනන්නේ සන්ධානයකින් එන නායකයෙක් බවත් අමාත්‍යවරයා එහිදී සඳහන් කර තිබේ.

එහිදී පක්ෂයේ මතය මොකක්දැයි ඇසූ අකිලට ඇමති ප්‍රසන්න පවසා ඇත්තේ “මගේ පුද්ගලික මතය මේ ජනාධිපතිතුමාට තවත් අවස්ථාවක් දෙන්න ඕන කියන එක. මොකද මේ වෙලාවෙ විශ්වාස කරන්න පුළුවන් මෙතුමා ගැන විතරයි. මේ වෙලාවේ අපේ පක්ෂයේ වෙනත් අයකුට ඉඩ නෑ ” යැයි පවසා ඇත.

මේ අතර, ජනපතිවරණයට පැමිණෙන බව නිල වශයෙන් ප්‍රකාශ කිරීමට ලබන මාර්තු 31 වැනිදා පහුවෙන තෙක් බොහෝ අපේක්ෂකයන් බලා සිටින බවද පැවසේ.

ඒ ජෝතිෂ්‍යට අනුව මාර්තු 31 පසුව රවි මාරුවක් සිදුවන නිසා බවද පැවසේ.

මූලාශ්‍රය – සිළුමිණ

පුවත්

බොරු මැණික් විකිණීමට ගිය 6ක්  අත්අඩංගුවට

Published

on

By

නිධානයකින් ලබාගත් ලද බවට පවසමින් ව්‍යාජ මැණික්ගල් පෙන්වා මුදල් වංචා කිරීමට තැත්කළ කාන්තාවක් ඇතුළු සැකකරුවන් 06 දෙනෙකු අත්අඩංගුවට ගෙන තිබේ.

ඊයේ (25) දහවල් කාලයේදී කටුගස්තොට පොලීසියට ලද තොරතුරක් මත කටුගස්තොට නගරයේදී එම සැකකරුවන් අත්අඩංගුවට ගෙන ඇත.

අත්අඩංගුවට ගත් සැකකරුවන් අවුරුදු 35 හා 51 අතර වයස්වල පසුවන හෙයියන්තුඩුව, ගාල්ල, හිනිදුම සහ ඇතුල්කෝට්ටේ ප්‍රදේශවල පදිංචිකරුවන් වන අතර සැකකාරිය හබරකඩ ප්‍රදේශයේ පදිංචි 35 හැවිරිදි කාන්තාවකි.

මෙම සැකකරුවන් ව්‍යාජ මැණික්ගල් තැරැවුකරුවන් මාර්ගයෙන් ගැණුම්කරුවෙකු සම්බන්ධකර විකිණීම සඳහා ගාල්ල, නෙළුව ප්‍රදේශයේ සිට කටුගස්තොට ප්‍රදේශයට පැමිණ ඇත.

තරැවුකරුවන් විසින් මෙම මැණික්ගල් ව්‍යාජ මැණික්ගල් බවට අනාවරණය කරගෙන ඒ සම්බන්ධයෙන් කටුගස්තොට පොලීසිය දැනුම්වත් කිරීමෙන් පසු සැකකරුවන් අත්අඩංගුවට ගෙන තිබේ.

සැකකරුවන් හා සැකකාරිය ඊයේ (25) මහනුවර මහෙස්ත්‍රාත් අධිකරණය වෙත ඉදිරිපත් කිරීමෙන් පසු හෙට (27) දක්වා රක්ෂිත බන්ධනාගාර ගත කර ඇති අතර කටුගස්තොට පොලීසිය වැඩිදුර විමර්ශන සිදුකරයි.

Continue Reading

පුවත්

තද සුළං ගැන අනතුරු ඇඟවීමක්

Published

on

By

කාලගුණවිද්‍යා දෙපාර්තමේන්තුව විසින් තද සුළං පිළිබඳ අවවාදාත්මක නිවේදනයක් නිකුත් කර තිබේ.

අද (26) පෙ.ව 10.30ට නිකුත් කරන ලද එම නිවේදනය හෙට (27) පෙ.ව 10.30 තෙක් වලංගුවන බව කාලගුණ විද්‍යා දෙපාර්තමේන්තුව සඳහන් කරයි.

මධ්‍යම කඳුකරයේ බටහිර බෑවුම් ප්‍රදේශවල සහ උතුරු මැද, දකුණු, වයඹ පළාත් සහ ත්‍රිකුණාමලය දිස්ත්‍රික්කය සඳහා මෙම නිවේදනය වලංගුවන බව කාලගුණවිද්‍යා දෙපාර්තමේන්තුව පවසයි.

දිවයින හරහා නිරිතදිග මෝසම් සුළං ප්‍රවාහයේ වැඩිවීම හේතුවෙන්, මධ්‍යම කඳුකරයේ බටහිර බෑවුම් ප්‍රදේශවල සහ උතුරු, උතුරු මැද, බස්නාහිර, දකුණු සහ වයඹ පළාත්වලත් ත්‍රිකුණාමලය දිස්ත්‍රික්කයේත් විටින් විට හමන පැ.කි.මී. 50-60ක පමණ තද සුළං ඇතිවිය හැකිය.

දිවයිනේ සෙසු ප්‍රදේශවල විටින් විට හමන පැ.කි.මී 30-40 පමණ තරමක තද සුළං ඇතිවිය හැකි බව කාලගුණ විද්‍යා දෙපාර්මේන්තුව වැඩිදුරටත් නිවේදනය කරයි.

Continue Reading

පුවත්

“ලංකාවේ ලොකුම සන්ධානය අපි හදනවා”

Published

on

By

ඉදිරි මැතිවරණ ඉලක්ක කරමින් ශ්‍රී ලංකාවේ ලොකුම හා ශක්තිමත්ම සන්ධානය ශ්‍රී ලංකා නිදහස් පක්ෂය ප්‍රමුඛ කරගනිමින් ආරම්භ කරන බව කෘෂිකර්ම හා වැවිලි කර්මාන්ත අමාත්‍ය මහින්ද අමරවීර මහතා පවසයි.

පාර්ලිමේන්තුව නියෝජනය කරන පක්ෂ ගණනාවක් මෙන්ම පාර්ලිමේන්තුව නියෝජනය නොකරන පක්ෂ ගණනාවක් දැනටමත් තම සන්ධානයට සහයෝගය පළ කර ඇති බව අමාත්‍යවරයා සඳහන් කරන්නේය.

එමෙන්ම විවිධ පක්ෂ නියෝජනය කරන පාර්ලිමේන්තු මන්ත්‍රීවරු රැසක් අම්බලන්තොට රැලියට ජුනි 8 වැනිදා සහභාගී වීමට නියමිතව ඇතැයි අමාත්‍ය මහින්ද අමරවීර මහතා පැවසීය.

Continue Reading
Advertisement

Trending

Copyright © 2023 Sri Lanka Mirror. All Rights Reserved