Connect with us

පුවත්

දක්ෂිත හා රාජපක්ෂලාගේ කරවිල පිළිකා බෙහෙත්වල තිත්ත ඇත්ත

Published

on

එකම පරීක්ෂණය පෙන්වමින් ආයුර්වේද දෙපාර්තමේන්තුවේ පිළිකා වලට යැයි කියමින් ඖෂධයක් හා ආහාර අතිරේකයක් නිෂ්පාදනය සඳහා බලපත්‍ර ලබාගෙන ඇති ආයතන දෙකක් සම්බන්ධයෙන් ඉදිරියේදී විපක්ෂය පාර්ලිමේන්තුවේ ප්‍රශ්න කිරීමට යන බව ශ්‍රී ලංකා මිරර් වෙත වාර්තා වේ.

ඒ පිළිකා සඳහා විසඳුම යැයිද, කරවිල ඇටවලින් නිෂ්පාදිත යැයිද කියමින් සිලෝන් ග්‍රීන් ආයුර්වේදා සමාගම විසිනි නිෂ්පාදිත  “ALPHA ELOSTERA” නම් ඔසුව හා ප්‍රයිම් හෙල්ත් හර්බල් ප්‍රඩක්ට් (Prime Health Herbal Products) විසින්  LivingMo 600 ලෙස වෙළඳ ‌පොළට ඉදිරිපත් කර ඇති ආහාර අතිරේක නිෂ්පාදන සඳහාය.

කෙසේවුවද, මේ ඖෂධය මෙන්ම ආහාර අතිරේක කරල් සඳහා ගුරුකරගෙන ඇත්තේ පේරාදෙණිය විශ්වවිද්‍යාලයේ පශු වෛද්‍ය පීඨයේ මහාචාර්ය ජයන්ත රාජපක්ෂ මහතා හා මහාචාර්ය අනුර ජයසූරිය මහතා ඇතුළු කණ්ඩායමක් විසින් කරවිල ඇටවලට පිළිකා නැසීමේ ශක්තියක් ඇති බවට සොයා ගත්තේ යැයි කියන පරීක්ෂණයකි.

මෙහි තවත් විශේෂත්වයක් වන්නේනේදාළ පරීක්ෂණ කණ්ඩායමට ඇතුළත් පේරාදෙණිය විශ්වවිද්‍යාලයේ පශු වෛද්‍ය පීඨයේ මහාචාර්ය ජයන්ත රාජපක්ෂ මහතා එම කරල් ආහාර අතිරේකයක් ලෙස නිෂ්පාදනය කරද්දී එයට කිසිදු සම්බන්ධයක් නොමැති ව්‍යාපාරිකයකු වන දක්ෂිත තිලංග සුමතිපාල මහතා එය ඖෂධයක් ලෙස නිෂ්පාදනය කිරීමට ආයුර්වේද නිෂ්පාදන සමාගමින් බලපත්‍රයක් ලබාගෙන තිබීමය.

මේ කාරණා දෙක සඳහාම ආයුර්වේද සූත්‍ර කමිටුව විසින් අනුමැතිය ලබාදීම ද විහිළුවක් බව ආයුර්වේද ක්‌ෂේත්‍රයේ ප්‍රවීණයෝ කියති.

මේ අතර, සිලෝන් ග්‍රීන් ආයුර්වේදා සමාගම විසින් ආයුර්වේද ඔසුවක් නිෂ්පාදනය කිරීමට අවසර ලබාදීමේදී ආයුර්වේද දෙපාර්තමේන්තුව විසින් ලබාදෙන නියමයන් කිහිපයක්ම අමු අමුවේ උල්ලංඝනය කර තිබේ.

ඔවුන් අදාළ ඔසුව අලෙවි කිරීමට පිළිකා රෝහල ආසන්නයේම දමා ඇති Ceylon Green Cancer Wellness Center නැමැති ආයතනයේ නාම පුවරුවේ එය ආයුර්වේද බෙහෙත් සාප්පුවක් බවට කිසිදු සටහනක් කර නොමැත.

ඒ අනුව ඔවුන් හිතාමතාම රෝගීන් නොමඟ යවා තිබේ.

එසේම ආයුර්වේද බෙහෙත් ශාලවක ආයුර්වේද දෙපාර්තමේන්තුවේ ලියාපදිංචි පිරිස් සිටිය යුතු වන අතර බෙහෙත් නියම කළ හැක්කේ එවැනි බලයක් ඇති අයකුටය.

එම ආයතනයේ දුරකථන අංකය ඔස්සේ සම්බන්ධවන අයට එහි වෙළඳ සේවිකාවන් විසින් බෙහෙත් නියම කරන බවට  පහත හඬපටයෙන් සාක්ෂි ලබා ගත හැකිය.

දක්ෂිතගේ, සිලෝන් ග්‍රීන් ආයුර්වේදා සමාගම මේ බෙහෙත් සඳහා අනත්ර් ජාලය තුළ දැන්වීම් පළ කර ඇති අතර ඒවා පලකර ඇත්තේ සෞඛ්‍ය අමාත්‍යංශයේ අවසරයකින් තොරවය.

මේ අතර, ආයුර්වේද සූත්‍ර කමිටුව විසින් අදාළ කරල පිළිකා බෙහෙතක් ලෙස හෝ ආහාර අතිරේකයක් ලෙස නම් කර ඇත්තේ ඔවුන්ගේ පාර්ම්පරික හෙළ වෙද පොත්වල කරවිල වලින් පිළිකා නැසීමට හැකියාවක් ඇති බවට කිසිදු සඳහනක් නොතිබියදීය.

මේ අතර, පේරාදෙණිය විශ්වවිද්‍යාලයේ පශු වෛද්‍ය පීඨයේ මහාචාර්ය ජයන්ත රාජපක්ෂ මහතා විසින් මෙම සොයා ගැනීම වානිජ අරමුණු ඇති නිෂ්පාදනයක් සඳහා යොදා ගැනීමට නම් එහි පරීක්ෂණ සහය දුන් පේරාදෙනිය සරසවියෙන් අවසර ගැනීමක් කළ යුතුවේ.

එසේම එම සරසවියට ආර්ථික වාසියක්ද ලබාදිය යුතුවන අතර ඒම සරසවියෙන් එවැනි කිසිදු විමසීමක් හෝ මින් එම සරසවියට කිසිදු ආර්ථික වාසියක් නොලැබෙන බවද අප කළ විමසීම්වලදී හෙළි විය.

මේ අතර, රාජපක්ෂ මහාචාර්යවරයා කරවිල ඇටවලින් පිළිකා නසන බෙහෙතක් නිෂ්පාදනයෙන් පසුව එය සායනික පරීක්ෂණයකට ලක් කළ බවට පැවසුවද, අප සෞඛ්‍ය අමාත්‍යංශයෙන් හා ජාතික ඖෂධ නියාමන අධිකාරිය (NMRA) කළ විමසීමකදී ඔවුන් කියා සිටියේ එවැනි සායනික පරීක්ෂණයක් සම්බන්ධයෙන් කිසිදු සාක්ෂියක් ඔවුන් සතුව නොමැති බවයි.

සබැඳි පුවත්

පිළිකා වලට වඩා පිළිලයක් වූ පිළිකා ‌බෙහෙත් කඩ 

පුවත්

“අනුර එක්ක විවාදෙට මම එනවා”

Published

on

By

ජාතික ජනබලවේගයේ නායක අනුර කුමාර දිසානායක මහතා සහ විපක්ෂ නායක සජිත් ප්‍රේමදාස මහතා අතර ලබන 06 වැනිදා පැවැත්වීමට නියමිත විවාදයට විපක්ෂ නායකවරයා නොපැමිණෙන බැවින් ඒ සදහා තමා සහභාගී වීමට සුදානම් බව මව්බිම ජනතා පක්ෂයේ නායක දිලිත් ජයවීර මහතා පවසයි

ඔහු මේ බව ප්‍රකාශ කළේ ලයිට්හවුස් දේශන ශාලාවේ පසුගිය බදාදා (22) පැවති ජනරජ දින සැමරුම සදහා එක්වෙමිනි.

“දැන් අනුර කුමාර ආරාධනා කරලා තියෙනවා රාජකීය විද්‍යාලයේ අහිංසක ආදී ශිෂ්‍යයෙක් වෙච්ච සජිත් ප්‍රේමදාස මහතාට. එතුමා අහිංසකයෙක්. ඇයි එතුමාට කරදර කරන්නේ. එතුමාට ඉන්න දෙන්න. දැන් මමත් අනුර කුමාරත් සමකාලීනයෝ. ඔහු උපාධිය ගත්තේ ටිකක් පරක්කු වෙලා. හැබැයි අපි දෙන්නා එක වයසේ. මමත් සමාජයේ යම්කිසි දෙයක් ලබා ගත්ත පුද්ගලයෙක් හැටියට සලකන්න පුළුවන්.ඒ නිසා මාත් එක්ක ලබන 6 වැනිදා දාපු සජිත් නොඑන විවාදයට දිලිත් ජයවීර එන්න කැමති කියලා පොඩ්ඩක් දා ගන්න. මම එතුමාගෙන් අමාරු ප්‍රශ්න කිසිවක් අහන්නේ නැති බවත් එතුමාගේ ඇදුම් පැළදුම් ගැනවත්, එතුමාගේ ව්‍යාපාරික පන්තිය ඒ චාරිකා ගැනවත්, පුද්ගලික ජීවිතය ගැනවත් මම අහන්නේ නැහැ.”

“එම විවාදයේදී අනුර කුමාර දිසානායකට මගෙන් අහන්න පුළුවන් නයා ගැන, පැණිය ගැන, ඇන්ටිජන් ගැන. මට ඒවාට උත්තර දෙන්නත් පුළුවන්.” 

Continue Reading

පුවත්

රනිල් යද්දී චන්ද්‍රිකාත් බාලි ;  අමරවීර, දුමින්ද, ලසන්ත, අනුර හා ලන්සයිත් ඉඳලා

Published

on

By

පසුගිය සතියේ ජනාධිපති රනිල් වික්‍රමසිංහ මහතා බාලි දූපතේ සංචාරයක යෙදී සිටින අතර චන්ද්‍රිකා කුමාරතුංග මහත්මිය ද එහි ගොස් සිට ඇති බව වාර්තා වේ.

මෙම සංචාරයේදී රනිල් වික්‍රමසිංහ මහතා සමඟ මහින්ද අමරවීර, දුමින්ද දිසානායක, ලසන්ත අලගියවන්න සහ අනුර යාපා යන ශ්‍රී ලංකා නිදහස් පක්ෂයේ කණ්ඩායමක් ද රැගෙන ගොස් සිටි බව වාර්තා වේ. 

එම සිව්දෙනා බණ්ඩාරනායකවාදීන් ලෙස මෑතක් වනතුරු ම කැපී පෙනුණු අතර ඔවුන්ට අමතරව නිමල් ලන්සා මහතා ද රනිල් වික්‍රමසිංහ මහතා සමඟ සංචාරයට එක්වී ඇති බව මේ වනවිට හෙළිවී තිබේ.

රනිල් වික්‍රමසිංහ ඇතුළු පිරිස මෙන් ම, චන්ද්‍රිකා කුමාරතුංග අතර කිනම් මට්ටමක සාකච්ඡා පැවැත්වූයේ දැයි මේ දක්වා හෙළිවී නැත. 

කෙසේවුවද,, ජනාධිපති රනිල් වික්‍රමසිංහ මහතා ලෝක ජල දිනයට සහභාගී වන බව පවසා ඉන්දුනීසියාව බලා යාම පිළිබඳව මුල සිටම දේශපාලන නිරීක්ෂකයන්ගේ දැඩි අවධානය යොමු වී තිබුණ බව ලංකා ටෲත් වාර්තා කර ඇත.

මූලාශ්‍රය – ලංකා ටෲත් 

Continue Reading

පුවත්

ණය ‍ගෙවීම ගැන පැරිස් සමාජය සහ චීනයේ එක්සිම් බැංකුව හා අවබෝධතා ගිවිසුමක

Published

on

By

ජාත්‍යන්තර මූල්‍ය අරමුදලේ විධායක සභා රැස්වීම අවසන් වීමට පෙර රටේ ණය ප්‍රතිව්‍යුහගත කිරීම සඳහා පැරිස් සමාජය සහ චීනයේ ආනයන – අපනයන බැංකුව (එක්සිම් – EXIM) සමඟ අවබෝධතා ගිවිසුම් අත්සන් කිරීමට උත්සහ දරමින් සිටින බව මුදල් රාජ්‍ය ඇමැති ශෙහාන් සේමසිංහ මහතා කියයි.

ඒ මහතා දිනමිණ පුවත්පතට පවසා ඇත්තේ ණය ප්‍රතිව්‍යුහගතකරණය සම්බන්ධයෙන් එකඟතාවට පැමිණි පසුව මෙලෙස අවබෝධතා ගිවිසුමට අත්සන් කරන බවයි.

අධ්‍යක්ෂ මණ්ඩලය විසින් ශ්‍රී ලංකාවේ විස්තීරණ අරමුදල් පහසුකම් විධිවිධාන පිළිබඳ කඩිනමින් සමාලෝචනය කරනු ඇති අතර එම සමාලෝචනයට පෙර ශ්‍රී ලංකාව අවබෝධතා ගිවිසුම අත්සන් කිරීමට බලාපොරොත්තු වන බව ද ඒ මහතා පෙන්වා දී ඇත.

අන්තර්ජාතික මූල්‍ය අරමුදලේ අධ්‍යක්ෂ මණ්ඩලය විසින් අනුමත කරන මෙම සමාලෝචනය මඟින් ශ්‍රී ලංකාවට ඩොලර් මිලියන 330ක අරමුදල් නිකුත් කරනු ඇති බව සඳහන් කර ඇති ඇමැතිවරයා ඒ අනුව එම ණය වාරිකය ජාත්‍යන්තර මූල්‍ය අරමුදල මඟින් ශ්‍රී ලංකාවට ලබාදෙන විස්තීරණ ණය වැඩසටහනේ තෙවැනි වාරිකය බව ද කියා තිබේ.

ද්විපාර්ශ්වික ණයහිමියන් සමඟ ප්‍රතිව්‍යුහගත කිරීමේ ක්‍රියාවලිය ඉතා ඉක්මනින් අවසන් වනු ඇති බවට ද හෙතෙම විශ්වාසය පළ කර ඇත.

මේ අතර, 2022 සැප්තැම්බර් මාසයේ ශ්‍රී ලංකා මුදල් අමාත්‍යංශය කළ ගණනය කිරීම්වලට අනුව, ශ්‍රී ලංකාව, චීනය වෙත ගෙවිය යුතු ණය ප්‍රමාණය ඇමෙරිකානු ඩොලර් බිලියන 07 ඉක්මවා ඇති බවද පැවසේ.

එය ශ්‍රී ලංකාව මේ මොහොතේ ප්‍රතිව්‍යුහගතකරණය කරවාගත යුතු ණය ප්‍රමාණයෙන් 52%ක තරම් විශාල අගයකි.

චීනය මේ වන විට එකඟත්වය පළකර ඇත්තේ, සිය සමස්ත ණය ප්‍රමාණයෙන්, චීන එක්සිම් බැංකුව විසින් ලබාදී ඇති ඩොලර් බිලියන 02ක ණය සඳහා පමණක්, 2023 සහ 2024 යන වසර 02 වෙනුවෙන් ණය නොගෙවා සිටීමේ සහනයක් ලබාදීමට පමණක් බවද මුදල් අමාත්‍යංශ අභ්‍යන්තර ආරංචි මාර්ගවලින් වාර්තා වේ.

ඉන්දියාව හෝ ජපානය මේ වනතුරු සිය මූල්‍ය සහනයේ පරිමාව ප්‍රකාශයට පත්කර නැති නමුත්, පැරිස් සමාජය විසින් යෝජනා කර ඇති ‘වසර 10ක ණය නොගෙවා සිටීමේ සහනය සහ වසර 15ක ආපසු ගෙවීමේ සහන කාලය’ යන ක්‍රියාමාර්ගය ආසන්නයට ඒමට, එම ප්‍රධාන ණයහිමි පාර්ශව දෙකම කැමැත්තෙන් සිටින බවට ඉඟි පළවී ඇතැයි ද පැවසේ.

Continue Reading
Advertisement

Trending

Copyright © 2023 Sri Lanka Mirror. All Rights Reserved