Connect with us

පුවත්

දෙහිවලට 88 යි

Published

on

ජාතික සත්වෝද්‍යාන දෙපාර්තමේන්තුවේ 88 වන සංවත්සරය අදට (ජුලි 03) යෙදී තිබේ.

සත්වෝද්‍යාන දෙපාර්තමේන්තුව ප්‍රකාශ කරන්නේ,  වයස අවුරුදු 12න් පහළ දරුවන්ට අද දිනයේදී සත්වෝද්‍යානය නොමිලේ නැරඹීමට අවස්ථාව සලසා දී ඇති බවයි.

ජර්මන් ජාතික ජෝන් හාර්ගෙන්බෙක් විසින් වර්ෂ 1905 දී පමණ වනගත අලි ඇතුන් අල්ලා ජර්මනියේ පිහිටි හැම්බර්ග් නගරයට අපනයනය කිරීමට පෙර, රඳවා තබා ගන්නා ස්ථානයක් ලෙස අක්කර 5ක භූමි ප්‍රමාණයක දෙහිවල සත්වෝද්‍යානය ආරම්භ කර ඇති බව සඳහන්ය.

පසුකාලීනව එය, එනම් 1926 දී “ලංකා සත්ත්ව උද්‍යාන සමාගම” ලෙස නම් කර තිබෙන අතර 1933 දී ඇති වූ දෙවන ලෝක මහා සංග්‍රාමයත් සමඟ එම සමාගම බ්‍රිතාන්‍ය රජය යටතට පත් වී ඇත.

නමුදු 1935 පමණ වනවිට සත්ත්ව උද්‍යාන සමාගමේ ජීවත් වූ වන සතුන් සීඝ්‍රයෙන් බෝවීමත්, ඔවුන්ට ප්‍රමාණවත් ඉඩකඩ හා ආහාරපාන නොමැති වීමත් මත ලංකා සත්වෝද්‍යාන සමාගම බංකොලොත්භාවයට පත් වී ඇති අතර 1936 ජුලි 03 වන දා ලංකා සත්ත්ව උද්‍යාන සමාගම රජයට පවරාගෙන ඇත.

ඒ, වන සත්ත්ව ලෝලියෙකු වූ ඕස්ට්‍රේලියානු ජාතික මේජර් ඕබරි එන්. වයිමන් විසින් බ්‍රිතාන්‍ය ආණ්ඩුව වෙත සිදුකළ දැඩි ඉල්ලිමක ප්‍රතිඵලයක් හැටියට බව සඳහන්ය.

එයාකාරයෙන් ස්වාධීන දෙපාර්තමේන්තුවක් ලෙස ඇරඹි ජාතික සත්වෝද්‍යානයේ පාලන කටයුතු 1982 අංක 41 දරණ ජාතික සත්ත්ව උද්‍යාන පනතේ විධිවිධාන අනුව සිදුකෙරෙනු ඇත.

එලෙස ඇරඹි දෙහිවල ජාතික සත්වෝද්‍යානය සිය 88 වන සංවත්සර සැමරුමට සමගාවීම අද දින සිට Online Ticketing නියමු ව්‍යාපෘතියක් ද ආරම්භ කර තිබේ.

පුවත්

යුනෙස්කෝ අධ්‍යක්ෂවරිය ලංකාවට පැමිණෙයි

Published

on

By

එක්සත් ජාතීන්ගේ, අධ්‍යාපනික, විද්‍යාත්මක සහ සංස්කෘතික සංවිධානයේ අධ්‍යක්ෂ ජනරාල් ඕද්රි අසූලේ මහත්මිය, ශ්‍රී ලංකාවේ සංචාරයක් සදහා අද (16)  අලුයම කටුනායක ගුවන් තොටුපොළෙන් පැමිණියාය.

අධ්‍යක්ෂකවරිය සමග ඇයගේ දූත පිරිස ලෙස තවත් තිදෙනකු ද පැමිණ පැමිණ තිබේ.

ඔවුන් අද (16) අලුයම 02.10 ට දෝහා සිට කටාර් ගුවන් සේවයේ කිව්.ආර්.- 662 දරන ගුවන් යානයෙන් කටුනායක ගුවන් තොටුපොළ විශේෂ අමුත්තන්ගේ මැදිරිය වෙත පැමිණ ඇත.

ඔවුන් පිළිගැනීම සදහා ශ්‍රී ලංකා විදේශ කටයුතු අමාත්‍යාංශයේ නිලධාරීන් පිරිසක් ද කටුනායක ගුවන් තොටුපොළ වෙත පැමිණ සිටි බව වාර්තා වේ.

සබැඳි පුවත්

යුනෙස්කෝ සංවිධානයේ අධ්‍යක්ෂ ජනරාල් ශ්‍රී ලංකාවේ සංචාරයක

Continue Reading

පුවත්

ට්‍රම්ප් රිපබ්ලිකන් පක්ෂයේ ජනාධිපති අපේක්ෂකයා ලෙස නම් කරයි

Published

on

By

 2024 අමෙරිකානු ජනාධිපතිවරණයේ රිපබ්ලිකන් පක්ෂ අපේක්ෂකයා ලෙස හිටපු ජනාධිපති ඩොනල්ඩ් ට්‍රම්ප් නිල වශයෙන් නම් කර තිබේ.

ඒ,  ඊයේ (15) විස්කොන්සි ප්‍රාන්තයේ මිල්වෞකි නගරයේ ආරම්භ වූ රිපබ්ලිකන් පක්ෂ සම්මේලනයේදීය.

පෙන්සිල්වේනියා ප්‍රාන්තයේ පැවති මැතිවරණ රැළියකදී වෙඩි ප්‍රහාරයකට ලක්ව සුළු තුවාල ලැබු හිටපු ජනාධිපතිවරයා සමුළුවට සහාභාගි වීම ජාත්‍යන්තරයේ දැඩි අවධානයට ලක් විය.

දින 04 ක් පුරා මෙම ජාතික සම්මේලනය පැවැත්වීමට නියමිතයි.

මෙහිදී ඩොනල්ඩ් ට්‍රම්ප් 2024 අමෙරිකානු ජනාධිපතිවරණයේ රිපබ්ලිකන් පක්ෂ අපේක්ෂකයා ලෙස නම් කරුණු අතර 39 හැවිරිදි ඔහායෝ සෙනෙට් සභික ජේ ඩී වාන්ස් රිපබ්ලිකන් පක්ෂ උපජනාධිපති ධුරය සඳහා නම් කෙරුණි.

අමෙරිකාව යළිත් විශිෂ්ට රාජ්‍යක් කිරීම වෙනුවෙන් ඔහු සිය උපරිම දායකත්වය ලබාදෙනු ඇතැයි අමෙරිකානු හිටපු ජනාධිපති ඩොනල්ඩ් ට්‍රම්ප් මෙම සම්මේලනයේදී ප්‍රකාශ කර ඇත.

Continue Reading

පුවත්

හොරු අල්ලන බව කී අනුරගේ ෆයිල් 400න් 360ක්ම හිස් බව රනිල් කියයි

Published

on

By

තමන් බලයට පත්වූ පසු රටේ හොරුන් අල්ලන බවට ප්‍රකාශ කරමින් ජාතික ජන බලවේගයේ නායක අනුර කුමාර දිසානායක මහතා විසින් ලිපි ගොනු පෙන්වා සිදුකර ඇත්තේ රංගනයක් බවත් එම ලිපි ගොනු බොහෝ ප්‍රමාණයක් හිස් ඒවා බවත් ජනාධිපති රනිල් වික්‍රමසිංහ මහතා කියයි.

නීතීඥවරු පිරිසක් සමග ජනාධිපති ලේකම් කාර්යාලයේ පැවැති හමුවකදියි ජනාධිපතිවරයා මේ බව කියා ඇතැයි වාර්තා වේ.

අනුර කුමාර ෆයිල් 400ක් පෙන්වා හොරු අල්ලන බව කී නමුත් එම ෆයිල් 400න් 40කට නඩු පැවරූ බවත් ඉතුරු ලිපි ගොනු 360ක් හිස් බවයි ජනාධිපතිවරයා එහිදී පවසා ඇත්තේ.

ජනාධිපතිවරයා එහිදි අදහස් දක්වමින් අනුර කුමාරට ලිපි ගොනු 400ක් පෙන්වීමට වඩා කළ යුතු වන්නේ ලිපිගොනු 40ක් පෙන්වීම බව පවසා තිබේ.

තමන් දූෂණ විරෝධි පනත ක්‍රියාත්මක කිරීමට සූදානම් බවත් පනත ක්‍රියාත්මක කිරීමට යාන්ත්‍රණයක් තමන් යෝජනා කරන බවත්, ජනාධිපතිවරයා වැඩිදුරටත් අදහස් දක්වමින් එහිදී කියා ඇත.

මූලාශ්‍රය – මොනරා

Continue Reading

Trending

Copyright © 2023 Sri Lanka Mirror. All Rights Reserved