Connect with us

පුවත්

දේශීය ආදායම් දෙපාර්තමේන්තුට කෝටි අනූදාහක් ‌පොලු තියලා!

Published

on

දේශීය ආදායම් දෙපාර්තමේන්තුවේ ක්‍රියාකාරිත්වය සම්බන්ධයෙන් වාර්තාවක් ලබාදෙන ලෙස ජනාධිපති රනිල් වික්‍රමසිංහ රාජ්‍ය ගිණුම්කාරක සභාවට (කෝපා කමිටුව) දැනුම් දී තිබේ.

එම වාර්තාව ලබාගැනීමෙන් පසු ඒ සම්බන්ධයෙන් පෞද්ගලිකව මැදිහත් වී දෙපාර්තමේන්තුවේ කටයුතු විධිමත් තත්ත්වයකට පත්කිරීමට ජනාධිපතිවරයා සූදානම් වන බවත් එම ආරංචි මාර්ග පැවැසීය.

මේ අතර රුපියල් කෝටි එක්දහස් හයසියයක් වැය කර සිංගප්පූරු සමාගමක් විසින් දෙපාර්තමේන්තුවේ ස්ථාපිත කරනු ලැබ ඇති රැමිස් පරිගණක පද්ධතිය මේ දක්වා නිසි පරිදි ක්‍රියාත්මක නොවීම පිළිබඳවත් එම පරිගණක පද්ධතියට අදාළව එම සමාගම සහ දෙපාර්තමේන්තුව අතර ඇති කරගෙන තිබෙන රහස්‍ය ගිවිසුම පිළිබඳවත් විමර්ශනයක් කිරීමට කෝපා කමිටුව තීරණය කර තිබේ.

මීට ප්‍රධාන වශයෙන් හේතු වී තිබෙන්නේ දෙපාර්ශ්වය අතර ඇති කරගෙන තිබෙන එම ගිවිසුම මේ දක්වා විගණකාධිපතිවරයාට හෝ ලබාදීම දෙපාර්තමේන්තුව ප්‍රතික්ෂේප කර තිබීමය. එම ගිවිසුම ඉදිරිපත් නොකරන්නේ තෙවැනි පාර්ශ්වයකට අනාවරණ නොකිරීමට ඇති එකඟතාවක් බව කියැවේ.

මීට අමතරව බදු ගෙවීම වෙනුවෙන් අගරු චෙක්පත් ඉදිරිපත් කළ පුද්ගලයන්ට එරෙහිව දෙපාර්තමේන්තුව නීතිමය පියවර නොගැනීම සම්බන්ධයෙන්ද විමර්ශනයක් ආරම්භ කිරීමට කෝපා කමිටුව තීරණය කර ඇත.

මෙම තීරණය ගැනීමට හේතු වී ඇත්තේ අගරු චෙක්පත් ඉදිරිපත් කරන්නන්ට එරෙහිව නීතිමය ක්‍රියාමාර්ග ගැනීමට අදාළව කෝපා කමිටුව නොමග යවන සුළු ආකාරයේ තොරතුරු දෙපාර්තමේන්තුව ඉදිරිපත් කිරීම බව එම කමිටු ආරංචි මාර්ග සඳහන් කරයි.

ඉකුත් දා පාර්ලිමේන්තුවේ පැවැති කෝපා කමිටු සාකච්ඡාවේදී දෙපාර්තමේන්තු නිලධාරීන් පවසා ඇ්තතේ අගරු චෙක්පත් ඉදිරිපත් කරන පුද්ගලයන්ට එරෙහිව නීතිය ක්‍රියාත්මක කිරීමට දේශීය ආදායම් පනත අනුව නොහැකි බවය.

නීතිපති දෙපාර්තමේන්තුවෙන් කර තිබෙන දැනුම් දීම මත එවැනි පුද්ගලයන් සම්බන්ධයෙන් ණය අය කර ගැනීමේ පනත යටතේ කටයුතු කළ බවත් ඒ අනුව මුලින්ම කළ යුතු වන්නේ පොලිසියට පැමිණිල්ලක් ඉදිරිපත් කිරීම බවත් සඳහන් කර ඇති නිලධාරීන් එලෙස පැමිණිල්ලක් ඉදිරිපත් කිරීමට බදු ගෙවන්නා සහ දෙපාර්තමේන්තුව අතර ගිවිසුමක් අවශ්‍ය වන නමුත් එවැනි ගිවිසුමක් දෙපාර්ශ්වය අතර නොමැති බවත් පවසා ඇත.

තවදුරටත් ඔවුන් කමිටුව හමුවේ පවසා ඇත්තේ එලෙස පැමිණිල්ලක් ඉදිරිපත් කළ හැකි නමුත් පොලිසිය ක්‍රියාත්මක වන්නේ අදාළ පුද්ගලයාගේ නීතිවිරෝධි ක්‍රියාවට එරෙහිව මිස මුදල අයකර ගැනීමේ ක්‍රියාමාර්ගයකට නොවන බවත්ය.

මේ වන විට දෙපාර්තමේන්තුවට ඉදිරිපත් කර තිබෙන අගරු චෙක්පත්වල වටිනාකම රුපියල් කෝටි දෙසිය ඉක්මවන අතර මෙතරම් විශාල මුදල් ප්‍රමාණයක් අය කර ගත හැකිව තිබියදීත් දෙපාර්තමේන්තුව නොසැලකිලිමත් ලෙස කටයුතු කර තිබෙන්නේය යන්න කමිටුවේ අදහස වී තිබේ.

මේ වන විට ගෙවීම් පැහැර හැර තිබෙන බදු හා දඩ මුදල්වල එකතුව රුපියල් කෝටි අනූදහස ඉක්මවන බව පසුගියදා කෝපා කමිටුවේදී අනාවරණය විය.

(අරුණ)

පුවත්

තවත් පිරිසක් සජබය සමඟ එක්වේ

Published

on

By

ශ්‍රී ලංකා නිදහස් පක්ෂයේ සහ ජනතා විමුක්ති පෙරමුණේ ප්‍රාදේශීය සංවිධායකවරුන් කිහිප දෙනෙකු විපක්ෂ නායක සජිත් ප්‍රේමදාස මහතා හමු වී සමගි ජන බලවේගය සමග එක්වී තිබේ. 

ඒ සමගි ජන බලවේගය විසින් ක්‍රියාත්මක ජන පවුර වැඩසටහනේ පොළොන්නරුව දිස්ත්‍රික් රැස්වීම පැවැති අවස්ථාවේදී ය.

හිටපු පාර්ලිමේන්තු මන්ත්‍රීවරයකු සහ හිටපු අමත්‍යවරයකු වූ නන්දසේන හේරත් මහතා විපක්ෂ නායක සජිත් ප්‍රේමදාස මහතාට සහාය පළ කිරීමේ අරමුණින් සමගි ජන බලවේගය හා එක්විය.

එමෙන්ම ශ්‍රී ලංකා නිදහස් පක්ෂයේ හිටපු පාර්ලිමේන්තු මන්ත්‍රීවරයකු මෙන් ම මහවැලි සංවර්ධන අධිකාරියේ අධ්‍යයක්ෂවරයකු ලෙස කටයුතු කළ තිලක් මහලේකම්ගේ මහතා ද සමගි ජන බලවේගය හා එක්විය.

තවද ජනතා විමුක්ති පෙරමුණේ පොළොන්නරුව නගර සභාවේ අපේක්ෂකයෙකුව සිටි එච්. සමන්ත බණ්ඩාර මහතා ද විපක්ෂ නායක සජිත් ප්‍රේමදාස මහතාට සහාය පළ කිරීමේ අරමුණින් සමගි ජන බලවේගය හා එක්විය.

Continue Reading

පුවත්

ලෝක ප්‍රසිද්ධ සුරතලා මිය යයි

Published

on

By

ක්‍රිප්ටෝ මුදල් ඒකකයක් වන ඩොජ්කොයින්හි සංකේතය වන සුනඛ මුහුණට හිමිකම් කියන කබොසු සුනඛයා මිය ගොස් තිබේ.

ෂීබා ඉනූ සුනඛ වර්ගයට අයත් කබොසු ලියුකේමියාව හේතුවෙන් මියගොස් ඇත.

එම සුරතලාගේ හිමිකරු වන්නේ ජපානයේ ගුරුවරයෙකි.

Continue Reading

පුවත්

අපිරිසිදු දන්සල් 20කට නීතිමය ක්‍රියාමාර්ග

Published

on

By

දිවයින පුරා පවත්වනු ලැබූ දන්සල් 20,000ක් පරීක්ෂාවට ලක්කළ බව ශ්‍රී ලංකා මහජන සෞඛ්‍ය පරීක්ෂකවරුන්ගේ සංගමයේ විධායක සාමාජික සඳුන් හේමන්ත රත්නායක මහතා පවසයි.

එහිදී අපිරිසිදු තත්ත්වයේ පවත්වාගෙන ගිය දන්සැල් 20කට එරෙහිව නීතිමය ක්‍රියාමාර්ග ගත් බව සඳුන් හේමන්ත රත්නායක මහතා විසින් පවසන ලදී.

කොළඹ නගර සීමාවේ දන්සැල් 4000ක් පරීක්ෂාවට ලක් කර ඇති අතර , එයිනුත් අපිරිසිදු තත්ත්වයේ තිබූ දන්සැල් 5කට එරෙහිව නීතිමය ක්‍රියාමාර්ග ගත් බවයි සඳහන් වේ.

මෙහිදී බත්, ෆ්‍රයිඩ් රයිස්, කොත්තු, සීනි සම්බල් පාන්, කඩල, මඤ්ඤොක්කා, බීම දන්සල් පරීක්ෂාවට ලක්කර ඇත.

ඒ සඳහා මහජන සෞඛ්‍ය පරීක්ෂකවරුන් 1800ත් 2000ත් අතර පිරිසක් සහභාගී වූ බව සඳහන් වේ.

දන්සැල් පරීක්ෂාව ලබන 27 වැනිදා දක්වා ක්‍රියාත්මකයි.

Continue Reading

Trending

Copyright © 2023 Sri Lanka Mirror. All Rights Reserved