Connect with us

පුවත්

ද‌ොස්තරලා 2ක් ගුටි ඇණගෙන දෙදෙනාම රෝහල් ගත වෙලා

Published

on

රාජකාරි සම්බන්ධ ප්‍රශ්නයක් හේතුවෙන් අනුරාධපුර රෝහලේ දී වෛද්‍යවරු දෙදෙනෙක් නියෝජ්‍ය අධ්‍යක්ෂ කාර්යාලය තුළදී ඊයේ (19) දහවල් ගුටිබැට හුවමාරුවක නිරතව ඇත.

ගුටිබැට හුවමාරුව සිදුව ඇත්තේ සැලසුම් අධ්‍යක්ෂ වෛද්‍යවරයා සහ ප්‍රසව හා නාරි විශේෂඥ වෛද්‍යවරයා අතරය.

විශේෂඥ වෛද්‍යවරයා අනුරාධපුර නියෝජ්‍ය පොලිස්පති කාර්යාලයට පැමිණ සැලසුම් අධ්‍යක්ෂ වෛද්‍යවරයා විසින් තමාට පහරදුන් බවට පැමිණිල්ලක්කර ඇත. 

සැලසුම් අධ්‍යක්ෂවරයා අනුරාධපුර පොලිසියට ගොස් තමාට ප්‍රසව හා නාරි විශේෂඥ වෛද්‍යවරයා විසින් පහරදුන් බවට පැමිණිල්ලක් කර තිබේ.

මෙම පැමිණිලි දෙක සිදු කිරීමෙන් පසු වෛද්‍යවරු දෙදෙනාම ප්‍රතිකාර ගැනීමට අනුරාධපුර රෝහලට ඇතුළත්ව ඇත.

දෙදෙනා අතර ගුටිබැට හුවමාරුව සිදුවන විට රෝහලේ රෝගීන් විශාල පිරිසක් සිට ඇතැයි ද මේ අතර වාර්තා වේ.

ගුටිබැට හුවමාරුව සිදුව ඇත්තේ දෙදෙනා අතර දැඩි වචන හුවමාරුවකින් අනතුරුවය.

 මේ හැම දෙයක්ම රෝගීන් මෙන්ම කාර්ය මණ්ඩලයේ සාමාජිකයන්ටද ඇසී ඇති බව පොලිස් තොරතුරු සඳහන් කළේය.

මෙම ගුටිබැට හුවමාරුවට මුල් වී ඇත්තේ ප්‍රසව හා නාරි විශේෂඥ වෛද්‍යවරයා නොමැතිව සිදු කළායැයි කියනු ලබන සැලසුමක් බව පොලිසියට ඔවුන් දෙදෙනා කළ පැමිණිලිවලින් පෙනී යන බව උසස් පොලිස් නිලධාරියෙක් සඳහන් කළේය. 

පුවත්

වෙසක් වෙනුවෙන් බඩු මිල පහලට

Published

on

By

එළඹෙන වෙසක් උත්සවය අරමුණු කරගනිමින් ලංකා සතොස ආයතනය භාණ්ඩ කිහිපයක මිල අඩු කර තිබේ.

Continue Reading

පුවත්

“ග්‍රාම නිලධාරීන්ගේ ප්‍රශ්නය ගැන බලන්න”

Published

on

By

ග්‍රාම නිලධාරීන්ගේ ප්‍රශ්න විසඳුවේ නැතොත් ඔවුන්ගේ වෘත්තිය ක්‍රියාමාර්ග දැඩි කරන බව පවසා ඇතැයි ජාතික ජන බලවේගයේ මන්ත්‍රී අනුර දිසානායක මහතා පාර්ලිමේන්තුවේ දී පැවසීය.

ග්‍රාම නිලධාරී සේවය ස්ථාපිත නොවීම, අනන්‍ය වැටුප් නොලැබීම මෙන්ම රාජකාරී සදහා අයුතු බලපෑම් එල්ලවීම ආදී ගැටලු ග්‍රාම නිලධාරීන්ට මතුව තිබෙන්නේ යැයිද පසුගිය දිනවල ඔවුන් රාජකාරී නිවාඩු සහ අකුරට වැඩ කිරීමේ ක්‍රියාමාර්ග ගෙන තිබෙන්නේ යැයිද දිසානායක මහතා කීය.

ග්‍රාමීය මට්ටමේ රාජ්‍ය පරිපාලන නියෝජිතයා වන ග්‍රාම නිලධාරී සේවය පැය අටකට සීමා වන්නේ නැතැයි ද ඔවුන්ගේ වෘත්තීය ගැටලු දිගු කාලයක් තිස්සේ විසඳී නැතැයි ද දිසානායක මහතා පැවසීය.

Continue Reading

පුවත්

ධීවරයින්ට හදිසි දැනුම්දීමක්

Published

on

By

අද (22)  දින සිට ක්‍රියාත්මක වන පරිදි නැවත දැනුම්දෙනතුරු බහුදින ධීවර යාත්‍රා ඇතුළුව සියලුම ධීවර යාත්‍රා සඳහා රැකියාවට පිටත්වීම සඳහා අවසර ලබා නොදෙන බව ධීවර හා ජලජ සම්පත් දෙපාර්තමේන්තුව පවසයි.

අද මාධ්‍ය වෙත අදහස් දක්වමින් එම දෙපාර්තමේන්තුවේ අධ්‍යක්ෂ ජනරාල් සුසන්ත කහවත්ත මහතා මේ බව පැවසීය.

දිවයින වටා මුහුදු ප්‍රදේශවල ඉදිරි දින කිහිපයේදී දැඩි වර්ශාපතනයත් දැඩි සුළං තත්ත්වයක් ඇතිවිය හැකි බවට වාර්තාවීමත් සමග එම දෙපාර්තමේන්තුව මෙම තීරණය ගෙන ඇත.

එසේම මේ වනවිට රැකියාවේ නිරතව සිටින බහුදින ධීවර යාත්‍රා වෙත ද ආරක්‍ෂිත ප්‍රදේශ හරහා ගමන්කරන ලෙසට දැනුම්දී ඇති බව එහි අධ්‍යක්ෂවරයා වැඩිදුරටත් සඳහන් කළේය.

Continue Reading
Advertisement

Trending

Copyright © 2023 Sri Lanka Mirror. All Rights Reserved