Connect with us

පුවත්

නව තානාපතිලා හා කොමසාරිස්ලා 14ක් නම්කරයි !

Published

on

රටවල් 14ක් සඳහා නව විදේශ තානාපතිවරු හා මහ කොමසාරිස්වරු පත් කෙරෙති. 

එම නාමලේඛනය පාර්ලිමේන්තුවේ උසස් නිලතල පිළිබඳ කාරක සභාවේ නිර්දේශයෙන් පසුව මූලික අනුමැතිය සඳහා අදාළ රටවලට ඉදිරිපත් කෙරෙන බව විදේශ අමාත්‍යංශය පවසයි.

අලුතින් පත්කෙරෙන තානාපතිවරුන් මෙසේය. අද්මිරාල් මහාචාර්ය ජයනාත් කොළඹගේ මහතා ඉන්දුනීසියාවට, චිත්‍රාංගනී වාගීෂ්වර මහත්මිය ඔස්ට්‍රේලියාවට, එම්.එච්.එම්. නිමල් බණ්ඩාර මහතා ඊශ්‍රාලයට, ආචාර්ය චානක තල්පහේවා මහතා පිලිපීනයට, ආචාර්ය ඒ.එස්.යූ. මෙන්ඩිස් මහතා වියට්නාමයට, බී. කන්දීපන් මහතා කුවේටයට, එච්.එම්.ජී.ආර්. මෙන්ඩිස් මහතා බහරේනයට, වරුණි මුතුකුමාරණ මහත්මිය ජර්මනියට, කපිල ජයවීර මහතා ලෙබනනයට, කේ.කේ.ටී. කුමාරසිරි මහතා ඉතියෝපියාවට, හිමාලි අරුණතිලක මහත්මිය ජිනීවා නගරයට, ප්‍රියංගිකා විජේගුණසේකර මහත්මිය ජෝර්දානයට, උදය ඉන්ද්‍රරත්න මහතා එක්සත් අරාබි එමීර් රාජ්‍යයට, මනීෂා ගුණසේකර මහත්මිය ප්‍රංශයට ලෙස මෙම පත්වීම් පිරිනමා ඇත.

ක්‍රීඩා

යුපුන් ජර්මනියේදීත් එක වෙයි

Published

on

By

ජර්මනියේ පැවති Internationales Leichtathletik Meeting මලල ක්‍රීඩා ශුරතා තරගාවලියේදී පිරිමි මීටර 100 ධාවන ඉසව්වේ ප්‍රථම ස්ථානය දිනා ගැනීමට යුපුන් අබේකෝන් ඊයේ (24) සමත් විය.

ඔහු මෙම ඉසව්ව අවසන් කළේ තත්පර 10.16කිනි. 

යුපුන් මූලික වටයේදී තත්පර 10.15 දක්ෂතාවක් වාර්තා කරමින් ප්‍රථම ස්ථානය දිනා අවසන් තරගයට සුදුසුකම් ලැබූ අතර එම කාලය වාර්තා වුණේ යුපුන් මෙම කාලසීමාවේදී දැක් වූ හොඳම දක්ෂතාවය ලෙසය.

Continue Reading

පුවත්

තරුණයින් 2කගේ සිරුරු මල්වානේ කුඹුරක

Published

on

By

දොම්පේ  මල්වාන මායිවල ප්‍රදේශයේ කුඹුරක පාවෙමින් තිබූ මලසිරුරු දෙකක් හමුවූ බව දොම්පේ පොලිසිය පවසයි.

පොලිසි හදිසි ඇමතුම් අංකයට ලද තොරතුරක් මත පොලිස්  නිලධාරින් කණ්ඩායම් ගොස් සිදු කළ නිරීක්ෂණයේදී මෙම මල සිරුරු දෙක සොයා ගැනීමට හැකි වී ඇතග

මෙලෙස මියගොස් ඇත්තේ රම්බොඩ නාවලතැන්න ප්‍රදේශයේ පදිංචිකරුවන් වන අවුරුදු 19 සහ 29 වයස්වල තරුණයන් දෙදෙනෙකි.

සිද්ධි සම්බන්ධයෙන් දොම්පේ පොලිසිය වැඩිදුරටත් පරීක්ෂණ පවත්වයි.

Continue Reading

පුවත්

තරුණයෙක් ගුවන් පාලමකින් අධිවේගී මාර්ගයට පැනලා

Published

on

By

දක්ෂිණ අධිවේගී මාර්ගයේ අතුරුගිරිය සහ කොට්ටාව අතුරු මාර්ගයක පාලමේ සිට දක්ෂිණ අධිවේගී මාර්ගයට පැනීම නිසා ධාවනය වෙමින් තිබූ වාහනයක ගැටුණු තරුණයකු බරපතල තුවාල ලබා හෝමාගම මූලික රෝහලට ඇතුලත් කර ඇතැයි අතුරුගිරිය පොලිසිය පවසයි.

මෙම තරුණයා සිය දිවි නසා ගැනීමට මෙලෙස අධිවේගී මාර්ගයට පැන්නාද නැතහොත් වෙනත් පාර්ශවයක් විසින් පාලම මත සිට එම තරුණයා අධිවේගී මාර්ගයට තල්ලු කාළා ද යන්න පිළිබඳව පරීක්ෂණයක් ආරම්භ කළ බවද පොලිසිය පවසයි.

මෙලෙස අනතුරට ලක්ව ඇත්තේ අතුරුගිරිය වල්ගම සුව මාවත සිසිලස උද්‍යානයේ පදිංචිකරුවකු වන 24 හැවිරිදි තරුණයෙකි.

සිද්ධිය සම්බන්ධයෙන් අතුරුගිරිය පොලිසිය වැඩි දුරටත් පරීක්ෂණ පවත්වයි.

Continue Reading
Advertisement

Trending

Copyright © 2023 Sri Lanka Mirror. All Rights Reserved