Connect with us

පුවත්

නියෝජ්‍ය කතා නායකගේ “විශේෂඥ්ඥ” කෑල්ල ගැන නලින්ගෙන් පැමිණිල්ලක්

Published

on

නියෝජ්‍ය කථානායක රිස්වි සාලි මහතා සම්බන්ධයෙන් වෛද්‍ය සභාවට ඊයේ (16) පැමිණිලි කළ බව සමගි ජන බලවේගයේ පාර්ලිමේන්තු මන්ත්‍රි නලීන් බණ්ඩාර මහතා කියා සිටී.

මෙම පැමිණිල්ල සිදුකර ඇත්තේ රිස්වි සාලි මහතා විශේෂඥ වෛද්‍යවරයකු ලෙස පෙනී සිටීම සම්බන්ධයෙනි.

පාර්ලිමේන්තු මන්ත්‍රි නලීන් බණ්ඩාර මහතා පෙන්වා දෙන්නේ නියෝජ්‍ය කථානායකවරයා විශේෂඥ වෛද්‍යවරයකු ලෙස පෙනී සිටියත් ඔහු වෛද්‍යවරයකු පමණක් බව මේවන විට ඔප්පු වී ඇති බවයි.

එය ජනතාව රැවටීමකට පත් කිරීමක් බවත් මේ සම්බන්ධයෙන් ඉදිරියේදී නීතීමය ක්‍රියාමාර්ග ගන්නා බවත් මන්ත්‍රීවරයා පවසයි.

මේ අතර නියෝජ්‍ය කථානායකවරයා ඉකුත්දා තම අධ්‍යාපන සුදුසුකම් සම්බන්ධයෙන් සිය මුහුණු පොතේ සටහනක් තබා තිබිණි.

ඔහු පවසන්නේ නායකත්වය කෙරෙහි විශ්වාසය හා වගවීම පවත්වා ගැනීම අත්‍යවශ්‍ය කරුණක් බවට තමන් තරයේ විශ්වාස කරන බැවින් වෘත්තිය සුදුසුකම් විවෘතව බෙදාගැනීමට අදාළ සටහන එක් කළ බවයි.

අදාළ සටහන මෙසේ ය.

‘‘මම 1986 දී සම්පූර්ණ කරන ලද පාකිස්ථානයේ මුල්තාන්හි නිෂ්තාර් වෛද්‍ය විද්‍යාලයෙන් MBBS උපාධියක් සහ කොළඹ විශ්වවිද්‍යාලයෙන් ලැරින්ගෝ ඔටෝරිනොලොජි (DLO) පිළිබඳ ඩිප්ලෝමාවක් ලබා ඇත්තෙමි. මම ශ්‍රී ලංකා වෛද්‍ය සභාවේ ලියාපදිංචි වෛද්‍ය වෘත්තිකයෙක් වන අතර, වසර 38ක් වෛද්‍ය විද්‍යාව හැදෑරුවෙමි.

මගේ වෘත්තිය ජීවිතය ආරම්භ වූයේ රජයේ සේවයෙන් වන අතර, එහිදී මම පළාත් පුරා සහ කොළඹ විවිධ රෝහල්වල සේවය කළෙමි. වසර 12ක රාජ්‍ය සේවයෙන් පසු, පුළුල් ධාරිතාවයකින් ප්‍රජාවට සේවය කිරීම සඳහා මම සාමාන්‍ය වෛද්‍ය සේවයට මාරු වුණෙමි. මගේ සුදුසුකම් බෙදා ගැනීමෙන්, මා කෙරෙහි විශ්වාසය තබා ඇති ජනතාවගේ විශ්වාසය නැවත තහවුරු කිරීමට මම අරමුණු කරමි.’’

එමෙන්ම ඔහු පෙන්වා දෙන්නේ පසුගිය මහ මැතිවරණ කාලසීමාවේදී ප්‍රචාරක පත්‍රිකාවල තමන් විශේෂඥ වෛද්‍යවරයකු ලෙස සඳහන් කර ඇත්තේ අදාළ ප්‍රචාරක පත්‍රිකා නිර්මාණය කරන පුද්ගලයන් විසින් බවයි. ඒවා දුටු මුල් අවස්ථාවේම එය නිවැරැදි කරන ලෙසත් බෙදා නොහරින ලෙසත් දැනුම් දුන් නමුත්, මැතිවරණ කාලසීමාවේදී මොනයම් හේතුවක් නිසා හෝ ඒවා බෙදා ඇති බවද නියෝජ්‍ය කථානායක රිස්වි සාලි මහතා වැඩිදුරටත් සඳහන් කරයි.

සබැඳි පුවත්

පුවත්

හිටපු අමාත්‍ය ගාමිණී ලොකුගේ අභාවප්‍රාප්ත වෙයි

Published

on

By

හිටපු අමාත්‍ය ගාමිණී ලොකුගේ මහතා අභාවප්‍රාප්ත වී තිබේ.

මියයන විට ඒ මහතා 82 හැවිරිදි වියේ පසුවිය.

Continue Reading

පුවත්

ට්‍රම්ප්ගේ තීරුබදු ගැන සාකච්ඡාකරන ආසියාවේ එකම රට ශ්‍රී ලංකාව – මහාචාර්ය අනිල්

Published

on

By

අමෙරිකානු ජනාධිපති ඩොනල්ඩ් ට්‍රම්ප්ගේ දැඩි තීරුබදු ප්‍රතිපත්තිය සම්බන්ධයෙන් එක්සත් ජනපදයේ නිලධාරීන් සමඟ සාකච්ඡා පවත්වන ආසියානු කලාපයේ එකම රට ශ්‍රී ලංකාව බව අමාත්‍ය මහාචාර්ය අනිල් ජයන්ත ප්‍රනාන්දු මහතා පවසයි.

අද (30) පාර්ලිමේන්තු විවාදයට එක්වෙමින් අමාත්‍යවරයා සඳහන් කළේ, එම සාකච්ඡාවන්වල වාසිදායක තත්ත්වයක් නිර්මාණය වෙමින් පවතින බවය.

අමෙරිකානු ජනාධිපති ඩොනල්ඩ් ට්‍රම්ප් විසින් ශ්‍රී ලංකාවෙන් ආනයනය කරන භාණ්ඩ සඳහා සියයට 44ක තීරු බද්දක් පැනවීමට පසුගිය අප්‍රේල් 02 වනදා සිට තීරණය කළේය.

එහිදී ඩොනල්ඩ් ට්‍රම්ප් විසින් ශ්‍රී ලංකා ඇතුළු රටවල් කිහිපයකට අනෝන්‍ය තීරුබදු පැනවීම සජීවීව ප්‍රකාශයට පත්කළේය.

එහිදි ලොව පුරා රටවල් 60කට වැඩි ප්‍රමාණයක් සඳහා නව තීරු බදු ලැයිස්තුවක් එළිදක්වනු ලැබීය.

අමෙරිකාවේ වෙළෙඳ අසමතුලිතතාවය පාලනය කිරීම සහ අමෙරිකානු කර්මාන්ත ධෛර්යමත් කිරීමේ අරමුණින් මෙම නව බදු පැනවීමේ අරමුණ බව අමෙරිකානු ජනාධිපතිවරයා එහිදී ප්‍රකාශ කර තිබුණි.

කෙසේ වෙතත් ඩොනල්ඩ් ට්‍රම්ප් විසින් පනවන ලද නව අන්‍යෝන්‍ය තීරු බදු හේතුවෙන් පැන නැඟිය හැකි ගැටලු පිළිබඳව ගැඹුරින් අධ්‍යයනය කර රජයට නිර්දේශ ඉදිරිපත් කිරීම සඳහා ජනාධිපති අනුර කුමාර දිසානායක මහතා විසින් අප්‍රේල් 03 වනදා කමිටුවක් පත්කළේය.

එම කමිටුව සඳහා මුදල් අමාත්‍යාංශයේ ලේකම්, මහබැංකු අධිපති, ශ්‍රී ලංකා ආයෝජන මණ්ඩලයේ සභාපති, ශ්‍රී ලංකා අපනයන සංවර්ධන මණ්ඩලයේ සභාපති, විදේශ අමාත්‍යාංශයේ ආර්ථික කටයුතු පිළිබඳ අධ්‍යක්ෂ ජනරාල් යන නිලධාරීන්ද, ජනාධිපති ජ්‍යෙෂ්ඨ ආර්ථික උපදේශක දුමින්ද හුලංගමුව, ශ්‍රී ලංකා වාණිජ මණ්ඩලයේ ප්‍රධාන ආර්ථික ප්‍රතිපත්ති උපදේශක ශිරාන් ප්‍රනාන්දු සහ අෂ්රොෆ් ඔමාර්, ෂෙරාඩ් අමලීන්, සයිෆ් ජැෆර්ජී යන මහත්වරුද මෙම පත් කරනු ලැබීය.

පසුව ට්‍රම්ප් විසින් මෙරටට පැනවූ නව බදු සම්බන්ධව එරට පරිපාලනය සමග සාකච්ඡා කිරීමට සූදානම් බව ශ්‍රී ලංකා රජය විසින් නිවේදනයක් නිකුත් කළේය. 

ඉන් අනතුරුව එක්සත් ජනපද වෙළෙඳ නියෝජිත කාර්යාලය (USTR) විසින් කරන ලද ආරාධනයකට අනුව, ශ්‍රී ලංකා දූත පිරිසක් පසුගිය මාසයේ වොෂින්ටන් හි දී තීරුබදු ආශ්‍රිත කරුණු කෙරෙහි අවධානය යොමු කරමින් සාකච්ඡා පැවැත්විය.

කෙසේවෙතත් අමෙරිකානු ජනාධිපති ඩොනල්ඩ් ට්‍රම්ප්ගේ දැඩි තීරුබදු පැනවීම අමෙරිකානු ෆෙඩරල් අධිකරණයක් විසින් අත්හිටුවමින් මැයි 28 වනදා නියෝගයක් නිකුත්කළේය.

Continue Reading

පුවත්

මහාචාර්ය මාලනී ඇඳගම අභාවප්‍රාප්ත වෙයි

Published

on

By

ඉතිහාස විෂය ජාතික මට්ටමින් ඉගැන්වීමට ඇපකැපවූ මහාචාර්ය මාලනී ඇඳගම මහත්මිය අද (30) අභාවප්‍රාප්ත වී තිබෙනවා.

80 දශකයේ ආරම්භයේ සරසවි දිවියට පිවිසි මහාචාර්ය මාලනී ඇඳගම මහත්මිය දශක හතරකට වැඩි කාලයක් ආචාර්ය, මහාචාර්ය තනතුරුවල නිරතවූවාය.

පසුව විශ්ව විද්‍යාලයේ සනාතන සභාව විසින් ප්‍රදානය කරන ලද සේවා සම්මානිත මහාචාර්ය පදවියෙන් පිදුම් ලැබූ මාලනී ඇඳගම වර්තමානයේ අපේ රටේ ඉතිහාසය අඛණ්ඩව ලියනු ලබන මහාවංශ සම්පාදක මණ්ඩයලයේ ලේකම් තනතුර දරනු ලැබුවාය.

ඉතිහාස විශය ජාතික මට්ටමින් ඉගැන්වීමට ඇපකැපවූ මෙම මහාචාර්යවරිය   ”ශ්‍රී ලංකාවේ ගම්සභා ක්‍රමයේ ඉතිහාසය ” , ”ශ්‍රී ලංකාවේ දේශපාලන ඉතිහාසය ” ආදී ග්‍රන්ථ රැසක් රටට දායාද කර තිබේ.

Continue Reading
Advertisement

Trending

Copyright © 2023 Sri Lanka Mirror. All Rights Reserved