ගම්පොළ, දවුලගල ප්‍රදේශයේදී පාසල් දැරියක් පැහැර ගැනීමට ලක්ව තිබේ.

පැහැර ගැනීමට ලක්වූ දැරිය සොයාගැනීමට සහ සැකකරු අත්අඩංගුවට ගැනීමට විමර්ශන කණ්ඩායම් 3ක් ක්‍රියාත්මක බව පොලිසිය කියා සිටී.

සැකකරු පැහැර ගැනීමට ලක්වූ දැරියගේ පවුලේ ඥාති සහෝදරයෙක් බව සඳහන් ය.

දැරිය පැහැර ගැනීම සඳහා යොදාගත් බව කියන වෑන් රථය පොළොන්නරුව ප්‍රදේශයේ දමා ගොස් තිබියදී පොලීසිය සොයා ගෙන තිබේ.

පොලීසිය පැවසුවේ, වෑන් රථයේ රියැදුරා ගම්පොල ප්‍රදේශයේදී අත්අඩංගුවට ගැනීමට හැකි වූ බවයි.

මෙරට මාධ්‍යවේදීන් විවිධ වකවානුවල, විවිධ පාලන තන්ත්‍රයන්ගේ පළිගැනිමට හා තර්ජනයට හා හිංසනයට ලක් වූ කළු අතීතය වැනි තත්ත්වයක් නැවත මේ රට තුළ නිර්මාණය වීමට කිසිසේත් ඉඩ නොතබන බව සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මහතා පවසයි.

ඔහු මේ බව සඳහන් කරන්නේ විශේෂ නිවේදනයක් නිකුත් කරමිනි.

සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මහතා සිය නිවේදනයෙන් පෙන්වා දෙන්නේ පසුගිය කාලයේ පුරා පැවති ආණ්ඩු කිහිපයක් තුළ පීඩාවට පත් සියළු මාධ්‍යවේදීන් වෙනුවෙන් යුක්ති හා සාධාරණය ඉටු කිරීමටත එකී අකටයුතුකම් සිදු කළ චූදිතයින් නීතිය ඉදිරියට ගෙන ඒමට පසුබට නොවන බවයි.

ආණ්ඩුවේ මාධ්‍ය සම්බන්ධ ප්‍රතිපත්තිය පිළිබඳ ඇතැමුන් ඉදිරිපත් කරන විවේචනාත්මක කරුණු බලය ගිළිහුණු අයගේ උමතු ප්‍රකාශ බව රජයේ ස්ථාවරයයි..

රාජපක්ෂ රජයේ දූෂණය හා භීෂණය පිළිබඳව රටට සත්‍ය තොරතුරු හෙළි කළ මාධ්‍යවේදීන්ට අත්වූ ඉරණම සිහිපත් කරන අමාත්‍යවරයා, ධර්මරත්නම් සිවරාම් හෙවත් තාරකී,, ලසන්ත වික්‍රමතුංග ඇතුළු මාධ්‍යවේදීන් ඝාතනය, ප්‍රගීත් එක්නැලිගොඩ ඇතුළු තවත් පිරිසක් අතුරුදන් කිරීම වැනි සිදුවිම් සිය නිවේදනයෙන් සිහිපත් කරයි.

එමෙන්ම ඔහු පවසන්නේ කීත් නොයාර්,, උපාලී තෙන්නකෝන්, පෝද්දල ජයන්ත, සනත් බාලසූරිය ඇතුළු තවත් මාධ්‍යවේදීන් ගණනාවකට පහර කෑමට සිදු වූ අතර ජිවිතාරක්ෂාව පතා ඇතැමුන්ට රටින් පළා යැමට සිදු වූ බවයි.

මාධ්‍ය ආයතනවලට තර්ජනය කිරීම්, සීල් තැබීම්, මාධ්‍යවේදීන් අත්අඩංගුවට ගෙන ත්‍රස්ත විමර්ශන ඒකකයේ රඳවා තබා ගැනීම්, මාධ්‍ය ආයතනවලට ගිනි තැබීම් මෙන්ම බෝම්ම ගැසීම් රාජපක්ෂ අවිචාර පාලන සමයේ සුලබ සිදුවිම් බව පෙන්වා දෙන අමාත්‍යවරයා 2006 සිට 2015 ජනවාරි දක්වා මාධ්‍යවේදීන් 13 ක් ඝාතනය වූ බව පවසයි.

මාධ්‍යවේදීන් කිහිප දෙනෙකු අතුරුදන්විමත් 87 දෙනෙකු පහරකෑමට ලක්වීමත් පුද්ගලික මාධ්‍ය ආයතන හතරකට අවස්ථා පහකදී පහර දීමත් ඒ පිළිබඳව සාක්ෂි විනාශ කිරීමත් සිය නිවේදනයෙන් පෙන්වා දෙන අමාත්‍යවරයා පීඩාවට පත් සියළු දෙනාට යුක්තිය හා සාධාරණය ඉටු කිරිමටත් එම අකටයුතුකම් කළ චූදතයින් නීතිය ඉදිරියට ගෙන ඒමට සියළු ක්‍රියාමාර්ග ගැනීමට පසුබට නොවන බවටත් අවධාරණය කරයි.

ශ්‍රී ලංකා ටෙස්ට් ක්‍රිකට් නායක ධනංජය ද සිල්වාගේ සහෝදරයා වන සාවිත්‍ර සිල්වා හෙවත් “සංගු” නැමැත්තා ගල්කිස්ස මහෙස්ත්‍රාත් අධිකරණය මගින් ජනවාරි 24 වනදා දක්වා රක්ෂිත බන්ධනාගාර ගත කර තිබේ.

ඒ පහරදීමේ සිද්ධියක් සම්බන්ධයෙන් ගල්කිස්ස පොලිසියෙන් අත්අඩංගුවට ගෙන අධිකරණයට ඉදිරිපත් කිරීමෙන් අනතුරුවයි.

ශ්‍රී ලංකා ටෙස්ට් ක්‍රිකට් නායක ධනංජය ද සිල්වාගේගේ සහෝදරයා වන “සංගු” නැමැත්තා ඊයේ (10) රාත්‍රි රත්මලානේ පිහිටි සිය නිවස අසළදී පුද්ගලයෙකුට පහරදී තිබේ.

පහරකෑමට ලක් වූ පුද්ගලයා ධනංජය ද සිල්වාගේ පියා ඝාතනය කිරීමට චෝදනා එල්ලවී ඇති කුඩු අංජු නැමැත්තාගේ සහා ඇල්ටෝ ධර්මේ නැමැත්තාගේ සමීපතමයෙක් බව වාර්තා වෙයි.

අනතුරුව පහරකෑමට පත් වූ පුද්ගලයා, ඉන්දික සුරංග සොයිසා නොහොත් රත්මලානේ සුද්දා නැමැත්තා හා තවත් පිරිසක් සමග පහරකෑ ස්ථානයට පැමිණ ධනංජය ද සිල්වාගේ සහෝදරයාට පහරදී තිබේ.

පොලීසිය සඳහන් කළේ, ගැටුම අතරතුරදී කිසියම් පුද්ගලයෙකු ධනංජයගේ සහෝදරයාට තියුණු ආයුධයකින් පහරදී ඇති බවය.

අනතුරුව ඔහු තුවාල සහිතව සිය නිවස තුළට දිවගොස් තියුණු ආයුධයක් රැගෙනවිත් තමන්ට පහරදුන් අයෙකුට පහරදී තිබේ.

පහරකෑමෙන් තුවාල ලැබූ පුද්ගලයන් දෙදෙනාම කළුබෝවිල රෝහලට ඇතුළත් කළේය.

ඉන් පසුව ඔවුන් දෙදෙනාවම අත්අඩංගුවට ගත් බව පොලීසිය පැවසීය.

ඔවුන් දෙදෙනා සම්බන්ධයෙන් අධිකරණයට කරුණු වාර්තා කිරීමෙන් අනතුරුව ඉදිරිපත් වූ කරුණු සලකා බැලූ මහෙස්ත්‍රාත්  ශ්‍රී ලංකා ටෙස්ට් ක්‍රිකට් නායක ධනංජය ද සිල්වාගේ සහෝදරයා වන සාවිත්‍ර සිල්වා රක්ෂිත බන්ධනාගාර ගත කිරීමට නියෝග කර ඇත.

කෙසේවෙතත් ශ්‍රී ලංකා ටෙස්ට් ක්‍රිකට් නායක ධනංජය ද සිල්වාගේ සහෝදරයා වන සාවිත්‍ර සිල්වා මේ වනවිටත් පොලිස් ආරක්ෂාව යටතේ දකුණු කොළඹ ශික්ෂණ රෝහලේ ප්‍රතිකාර ලබයි.