Connect with us

පුවත්

නිලධාරීන්ගේ ප්‍රමාදයේ වගකීම මුදල් කාරක සභාව භාර ගන්නෑ – හර්ෂ

Published

on

වරද අමාත්‍යාංශ නිලධාරීන්ගේ වන විට අනුමැතිය ප්‍රමාද වීමේ වගකීම රජයේ මුදල් පිළිබඳ කාරක සභාව භාර නොගන්නා බව සභාපතිවරයා පවසයි.

2023 ජුනි 16 වැනි දින ප්‍රකාශයට පත් කරන ලද ගැසට් පත්‍රයක් අනුමැතිය සඳහා රජයේ මුදල් පිළිබඳ කාරක සභාවට ඉදිරිපත් කිරීමට අමාත්‍යාංශයට සති 15ක් ගත වූයේ මන්දැයි රජයේ මුදල් පිළිබඳ කාරක සභාව විසින් මුදල් අමාත්‍යාංශයේ නිලධාරීන්ගෙන් ප්‍රශ්න කරන ලදී. එහි ප්‍රතිඵලයක් ලෙස ඇතැම් ගැසට් පත්‍ර අනුමත කිරීම ප්‍රමාද කිරීම සම්බන්ධයෙන් කාරක සභාවට විවේචන එල්ල වන බව කාරක සභිකයෝ මෙහිදී පෙන්වා දුන්හ. 

අමාත්‍යාංශය විසින් ගැසට් පත්‍ර ප්‍රමාද වී ඉදිරිපත් කිරීම හේතුවෙන් කාරක සභාවට ඒවා පරිපූර්ණ විශ්ලේෂණයක් සහ සලකා බැලීමක් සඳහා ප්‍රමාණවත් කාලයක් නොලැබෙන බවද මෙහිදී අවධාරණය විය. මේ නිසා සලකා බැලීමට අදහස් කරන ගැසට් පත්‍ර අනවශ්‍ය ප්‍රමාදයකින් තොරව කාරක සභාව වෙත කඩිනමින් එවීමට වගබලා ගන්නා ලෙස කමිටුව නිලධාරීන්ට දැඩි ලෙස උපදෙස් දුන් අතර දැනට පවතින ප්‍රමාදයන් පිළිබඳව දැඩි අප්‍රසාදයද පළ කළේය.

උක්ත අදහස් පළ කෙරුණේ පාර්ලිමේන්තු මන්ත්‍රී ආචාර්ය හර්ෂ ද සිල්වා මහතාගේ ප්‍රධානත්වයෙන් පසුගියදා පාර්ලිමේන්තුවේදී පැවති රජයේ  මුදල් පිළිබඳ කාරක සභාවේදීය. රේගු ආඥාපනත යටතේ යෝජනාවක්, සුරාබදු ආඥාපනත යටතේ නියෝග දෙකක් සහ 1989 අංක 13 දරණ සුරාබදු (විශේෂ විධිවිධාන) පනත යටතේ නියෝග තුනක් සලකා බැලීම සඳහා කමිටුව රැස්විය.

කාරක සභාව සිය රැස්වීමේදී රේගු ආඥාපනත (අංක 2336/72 අංක 2336/72 අති විශේෂ ගැසට් පත්‍රය/72 ජූනි 16) යෝජනා යළි සලකා බැලූ අතර සබන් නිෂ්පාදනය සඳහා ‘සබන් නූඩ්ල්ස්’ ආනයනය කරන අතර, සමාගම් කිහිපයක් පාම් ඔයිල් මේද අම්ල ආනයනය කරන බව සඳහන් කළේය. ෆාම් ඔයිල් මේද අම්ල සඳහා 24%ක නව තීරු බද්දක් පැනවීම හේතුවෙන් ඇතැම් සමාගම් මේ වන විට සබන් නූඩ්ල්ස් නිෂ්පාදනය සඳහා අඩු බදු අනුපාත යටතේ පැල්මිටික් සහ ලෝරික් අම්ල ආනයනය කරන බවද මෙහිදී අනාවරණය විය.

වෙළඳපල මිල සමානාත්මතාවය පවත්වා ගැනීම සහ බදු ආදායම් අහිමි වීම වැළැක්වීම සඳහා, මෙම ආදේශක අම්ල නව HS කේතයක් යටතේ වර්ග කර 29% ක නව බද්දක් පැනවීමට යෝජිත බවද මෙහිදී සඳහන් විය.

අමුද්‍රව්‍ය ආනයනය කිරීමේ සාමාන්‍ය ප්‍රතිපත්තිය වන්නේ නිමි හෝ අර්ධ නිමි භාණ්ඩවලට වඩා අඩු බදු ක්‍රියාත්මක කිරීම බැවින් මෙම ගැසට් පත්‍රයට අදාළ ප්‍රතිපත්තිමය නොගැලපීම පිළිබඳව කමිටුව සිය අවධානය යොමු කළේය. කෙසේ වෙතත්, මෙම ව්‍යුත්පන්නක ද්‍රව්‍ය සඳහා නව HS කේත හඳුන්වාදීමේ සවිස්තරාත්මක ගැසට් පත්‍රය වැඩිදුර සමාලෝචනයෙන් පසු රජයේ මුදල් පිළිබඳ කාරක සභාව විසින් අනුමත කරන ලදී.

සුරාබදු ආඥාපනත යටතේ නිකුත් කර ඇති නියෝග සමාලෝචනය කිරීමේදී කාරක සභාව මත්පැන් බෝතල්වල ව්‍යාජ ස්ටිකර් යෙදීම සහ වෙළඳපොලේ ඇති මධ්‍යසාරවලින් 40%ක ව්‍යාජ ස්ටිකර් තිබීම හේතුවෙන් රටට සිදුවන විශාල බදු ආදායමක් අහිමිවීම සම්බන්ධයෙන් පුළුල් සාකච්ඡාවක නිරත විය. මේ කරුණ පිළිබඳ ක්‍රම සහ විධි පිළිබඳ කාරක සභාවේදී හෙළිදරව් වූ දා සිට වැටලීම් රැසක් සිදු කර ඇති අතර, එමඟින් සති දෙකක් ඇතුළත සුරාබදු දෙපාර්තමේන්තුවට රුපියල් බිලියන 2 ක හදිසි ආදායමක් ලැබී ඇති බවද කමිටුව අවධාරණය කළේය. එහි ප්‍රතිඵලයක් වශයෙන්, ක්‍රම සහ විධි පිළිබඳ කාරක සභාව සහ රජයේ ගිණුම් පිළිබඳ කාරක සභාව සමඟ පැවති ඒකාබද්ධ රැස්වීමකදී මෙම ගැටලුව තවදුරටත් විසඳීමට කාරක සභාව තීරණය කර තිබේ. තවද, මෙවැනි නීතිවිරෝධී ක්‍රියා සම්බන්ධයෙන් මේ වනතුරු අධිකරණයේ නඩු පවරා නැත්තේ මන්දැයි කමිටුව නිලධාරීන්ගෙන් ප්‍රශ්න කළේය. මීට අමතරව, ඩිජිටල් ස්ටිකරය සඳහා වන ප්‍රසම්පාදන කොන්ත්‍රාත්තුවේ මිල විෂමතාවයක් නිරීක්ෂණය වූ බැවින් සභාපතිවරයා ඒ පිළිබඳ සිය අවධානය යොමු කළේය. ඩිජිටල් ස්ටිකරයක මිල ශත 0.20 ක් පමණක් වන නමුත් , රජය කොන්ත්‍රාත්කරුට ස්ටිකරයකට රුපියල් 1.90 ක් ගෙවීම හේතුවෙන් එහි ප්‍රතිඵලයක් ලෙස වැඩිපුර ගෙවීමක් සිදුවන බවද මෙහිදී සාකච්ඡා විය. මෙහිදී නිලධාරීන් ප්‍රකාශ කළේ මීට පෙර තිබූ භෞතික ස්ටිකරය සඳහා මුලින් සකස් කර ඇති කොන්ත්‍රාත්තුව හේතුවෙන් ‍අදාල ගෙවීම් සිදුවන බව සහ ස්ටිකර් ඩිජිටල්කරණය කිරීමේදී කොන්ත්‍රාත්තුවේ කිසිදු සංශෝධනයක් සිදු නොකළ බවයි.

රාජ්‍ය අමාත්‍ය – ආචාර්ය සුරේන් රාඝවන් මෙන්ම පාර්ලිමේන්තු මන්ත්‍රීවරුන් වන චන්දිම වීරක්කොඩි, නිමල් ලාන්සා,  (ආචාර්ය) මේජර් ප්‍රදීප් උඳුගොඩ, ප්‍රේම්නාත් සී. දොලවත්ත, මධුර විතානගේ. U.K සුමිත් උඩුකුඹුර, රවුෆ් හකීම්, පාඨලී චම්පික රණවක, මහින්දානන්ද අලුත්ගමගේ, මයන්ත දිසානායක, හර්ෂණ රාජකරුණා යන මහත්වරු මෙම කාරක සභා රැස්වීමට සහභාගී වී ඇත.

පුවත්

මත් කුඩු කිලෝ 450ක් අද පුත්තලමේදී විනාශ කෙරේ

Published

on

By

පොලිසිය ඇතුළු ආරක්ෂක අංශ අත්අඩංගුවට ගත් මත්ද්‍රව්‍ය කිලෝ 450 කට අධික තොගයක් විනාශ කිරීම අද  පස්වරු 5.00 ට මහජන ආරක්ෂක අමාත්‍ය ටිරාන් අලස්, පොලිස්පති දේශබන්දු තෙන්නකොන් යන මහත්වරුන්ගේ ප්‍රධානත්වයෙන් පුත්තලම වනාතවිල්ලුව ප්‍රදේශයේදී සිදු කෙරේ.

පොලිස් විශේෂ කාර්ය බළකාය විසින් වනාතවිල්ලුව ලැක්ටෝස් වත්ත ප්‍රදේශයේ අලුතින් ඉදිකළ අධිබලැති නව දහන උදුනක් මගින් මෙම මත්ද්‍රව්‍ය තොගය විනාශ කරනු ලබයි.

පොලිසිය, පොලිස් මත්ද්‍රව්‍ය කාර්යාංශය, පොලිස් විශේෂ කාර්ය බළකාය, නාවික හමුදාව, යුද හමුදාව ඇතුළු ආරක්ෂ අංශ විසින් පසුගිය කාලවකවානුවේ විශාල මත්ද්‍රව්‍ය තොගයක් අත්අඩංගුවට ගනු ලැබීය.

ඒ අනුව දැනට නඩු කටයුතු අවසන් කර ඇති මත්ද්‍රව්‍ය තොගයක් මෙසේ විනාශ කෙරන බව පොලිස් මාධ්‍ය ප්‍රකාශක කාර්යාලය පැවසීය.

Continue Reading

පුවත්

කැත්‍රින් ගෙන් චීනයට විරෝධය  

Published

on

By

ශ්‍රී ලංකා ආර්ථික මුහුදු කලාපයෙන් චීන පර්යේෂණ නෞකා ඉවත්කර තැබීම සඳහා අමෙරිකාව මෙරට රජය සමඟ අඛණ්ඩව කටයුතු කරන බව ශ්‍රී ලංකාව සඳහා නම් කළ නව අමෙරිකානු තානාපතිනි එලිසබෙත් කැත්‍රින් හෝර්ස්ට් මහත්මිය එරට සෙනට් සභාව ඉදිරියේ ප්‍රකාශ කර තිබේ.

ශ්‍රී ලංකාව් නව අමෙරිකානු තානාපතිනිය ලෙස එලිසබෙත් කැත්‍රින් හෝර්ස්ට් මහත්මිය නම් කර තිබේ.

එරට ඇය අමෙරිකානු රාජ්‍ය දෙපාර්තමේන්තුවේ පාකිස්තානය භාර ප්‍රධාන නියෝජ්‍ය සහකාර ලේකම් ලෙස කටයුතු කළ ජ්‍යේෂ්ඨ රාජ්‍ය තාන්ත්‍රික නිලධාරිනියකි.

පාකිස්තානයේ අග්‍රාමාත්‍යවරයා ලෙස කටයුතු කළ ඉම්රාන් ඛාන් පාලනය සමයේ එරට කටයුතු සඳහා අමෙරිකාවේ ප්‍රබලව මැදිහත්වීමක් සිදුවූ බවට ද චෝදනා එල්ලවන්නේ එවන් පසුබිමක් තුළය.

කෙසේවෙතත් හෝස්ට් මහත්මිය මෙරට තානාපතිනිය ලෙස පත්වන්නේ එරට සෙනෙට් සභාවේ සහ ශ්‍රී ලංකා රජයෙන් අනුමැතිය හිමිවීමෙන් පසුව වන අතර පසුගියදා ඇය අමෙරිකාවේ සෙනෙට් සභාවේ විදේශ සබඳතා කමිටුව හමුවට කැඳවනු ලැබීය.

කෙසේවෙතත් එලිසබෙත් කැත්‍රින් හෝස්ට් මහත්මිය ශ්‍රී ලංකාවේ අමෙරිකානු තානාපතිනිය ලෙස පිළිගැනීම ප්‍රතික්ෂේප කළ යුතු බව පිවිතුරු හෙළ උරුමයේ නායක පාර්ලිමේන්තු මන්ත්‍රී උදය ගම්මන්පිල මහතා ප්‍රවෘත්ති සාකච්ඡාවක් කැඳවමින් ප්‍රකාශ කළේය.

සබැඳි පුවත්:

“ලංකාවට පර්යේෂණ නැව් තහනම් කලේ ඇමරිකාව”  – උදය ගම්මන්පිල

Continue Reading

ක්‍රීඩා

ක්‍රිකට් ලොක්කෙක්ට එරෙහිව අධි චෝදනා

Published

on

By

පල්ලෙකැලේ ජාත්‍යන්තර ක්‍රිකට් ක්‍රීඩාංගණයේ පැවැති “ලෙජන්ට් ට්‍රොපි 2024” ක්‍රිකට් තරගාවලියේදී මුදලට තරග පාවා දීමට විදේශීය ක්‍රීඩකයින්ට බලපෑම් කළේ යැයි කියන ඉන්දීය ක්‍රිකට් කළමනාකාර පෙචලෝඩියා ආකාශ් සැකකරුට එරෙහිව මහනුවර මහාධිකරණය හමුවේ අධි චෝදනා ගොනු කරන බව ක්‍රීඩා වැරදි වැළැක්වීමේ විශේෂ ඒකකය විසින් කොළඹ ප්‍රධාන මහේස්ත්‍රාත් තිළිණ ගමගේ මහතා ඉදිරියේ කරුණු දක්වමින් ඊයේ (17) පවසන ලදී.

රෝයල් පංජාබ් කණ්ඩායමේ කළමණාකාරවරයා ලෙස කටයුතු කරමින් එංගලන්ත ක්‍රිකට් ක්‍රීඩක ෆිල්ම්ස්ටඩ්ට හා නවසීලන්ත ක්‍රීඩක නිල් බෲට මුදලට තරග පාවාදීම සඳහා බලපෑම් කළේ යැයි චෝදනා කරමින් මෙම නඩු පවරා තිබුණි.

එම ක්‍රිකට් තරගාවලියේදී මුදලට තරග පාවා දීමට උපුල් තරංග ක්‍රීඩකයාට බලපෑම් කිරීමට එරෙහිව කැන්ඩි සෑම් ආමි කණ්ඩායමේ ක්‍රිකට් කළමණාකාර යෝගි පටෙල්ට එරෙහිව මාතලේ මහාධිකරණය හමුවේ පැවරූ අධිචෝදනා නඩුවේ විභාගය ජූලි මස 08 දින ආරම්භ වීමට නියමිතය.

Continue Reading
Advertisement

Trending

Copyright © 2023 Sri Lanka Mirror. All Rights Reserved